ଜହନ୍‌ 3:19 - New Testament in Pengo Parja Language

¹⁹ ମାନାୟାର୍ ଈଶ୍ୱର ମେହିଙ୍ଗ୍ ପାର୍ତିକିୱି କାଜିଙ୍ଗ୍ ବିଚାର୍ ଆନାତ୍। ହେ ଅଜଡ଼୍ ଜଗତ୍‌ତାକେ ୱାତାତ୍‌ନା, ମାତର୍ ମାନାୟାର୍ ହେ ଅଜଡ଼୍‌ତିଙ୍ଗ୍ ହୁଡ଼୍‌ୱାତାର୍, ହେୱାର୍ ମାଜ୍‌ଗାତିଙ୍ଗ୍ ଡେକ୍‌ତାର୍, ଇନେସ୍‌କି ହେୱାର୍ କରାପ୍ କାମାୟ୍‌ତାକେ ମାଚାର୍।

ସତ୍‌ ବଚନ୍‌ ପୁନି ନିୟମ୍‌

¹⁹ ଆରେ, ହେ ବିଚାର୍‌ ଇ, ପୁର୍ତିତ ଅଜଡ଼୍‌ ୱାତାତ୍‌, ମାତର୍‌ ମାନାୟାର୍‌ ଅଜଡ଼୍‌ ପିସ୍ତି ମାଜ୍‌ଗାତିଂ ଜିଉନତାର୍‌, ଇନାକିଦେଂକି ହେୱାର୍‌ତି କାମାୟ୍‌ ସବୁ ବାନ୍ୟା ।

ଜହନ୍‌ 3:19 Iomraidhean Croise

ଜହନ୍‌ 8:12

ପାଚେ ଯୀଶୁ ଆରେରଗ ହିକ୍ଷାହିଜି ୱେଚ୍‌ଚାନ୍, “ଆନେଙ୍ଗ୍ ପୁର୍ତିନି ଅଜଡ଼୍, ନା ପାଚେ ଇମ୍‌ଣାକାନ୍ ୱାନାନ୍, ହେୱାନ୍ ଇନାୱେଡ଼ାଙ୍ଗ୍ ପା ମାଜ୍‌ଗାତ ତାଙ୍ଗୁନ୍। ମାତର୍ ହେୱାନ୍ ଜିବୁନ୍‌ହିନି ଅଜଡ଼୍ ପାୟା ଆନାନ୍।”

୨ ଥେସଲନୀକିୟ 2:12

ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍, ଇମ୍‌ଣି ମାନାୟ୍ ସତ୍‌ତିଙ୍ଗ୍ ପାର୍ତି କିଉନ୍ ଆରେ ପାପ୍ କିଦେଙ୍ଗ୍ ୱାରିୟା ଆନାର୍।

ରୋମିୟ 2:8

ମାତର୍ ଇମ୍‌ଣାକାର୍ ଜାର୍ ପାଇଦା କାଜିଙ୍ଗ୍ ନେ କାମାୟ୍ କିନାର୍, ଆରେ ସତ୍ କାମାୟ୍ କିଉର୍, ମାତର୍ ଅଦରମ୍‌ କାମାୟ୍ କିଦେଙ୍ଗ୍ ଇଚା କିନାର୍। ଈଶ୍ୱର ହେୱାରିଙ୍ଗ୍ ରିସା ଆନାନ୍ ଆରେ ଦଣ୍ଡ୍ ହିନାନ୍।

ଜହନ୍‌ 12:43

ହେ ମାନାୟାର୍ ଈଶ୍ୱରତାଙ୍ଗ୍ ଜୟ୍-ଜୟ୍ ପାୟାଆନି ବାଦୁଲ୍ ମାନାୟାର୍ ଜୟ୍-ଜୟ୍ ପାୟା ଆଦେଙ୍ଗ୍ ମାନ୍ କିଜି ମାଚାର୍।

ରୋମିୟ 1:32

ଇମ୍‌ଣି ମାନାୟ୍ ହେଲେକେ ଯିବୁନ୍ କାଟିକିନାରା। ହେୱାର୍ ପୁଚାର୍‌ନା ଯେ, ଇଲେକେ କାମାୟ୍ କିତିସ୍ ଈଶ୍ୱର ମାଙ୍ଗେଙ୍ଗ୍ ହାଃନି ଦଣ୍ଡ୍ ହିଦ୍‌ନାନ୍, ଆରେ ହେୱାର୍ ପୁଚିସ୍ ପା ହେଲେକେ କାମାୟ୍ କିନାକାରିଙ୍ଗ୍ ଆଦିକ୍ କିଦେଙ୍ଗ୍ ୱାରିୟା ଆନାର୍ ଆରେ ଜେକନିକାରିଙ୍ଗ୍ କିନି କାଜିଙ୍ଗ୍ ଟିଉଲାୟ୍ କିନାର୍‌।

ଜହନ୍‌ 5:44

ଏପେଙ୍ଗ୍ ଜାର୍ ଜାର୍‌ତିଙ୍ଗ୍ ଜୟ୍-ଜୟ୍ ପାୟା ଆଦେଙ୍ଗ୍ ଇଚା କିନାଦେର୍, ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ନାବେ ପାର୍ତି କିଉଦେରା। ଏପେଙ୍ଗ୍ ଈଶ୍ୱରତାଙ୍ଗ୍ ଜୟ୍-ଜୟ୍ ପାୟା ଆଦେଙ୍ଗ୍ ଇଚା କିଉଦେରା।

୨ ପିତର 3:3

ପାର୍ତୁମ୍ ଇଦାଙ୍ଗ୍ ଏପେଙ୍ଗ୍ ବୁଜାଆଡ ଯେ, ସେସ୍ କାଡ଼୍‌ଦ ଜାର୍ କରାପ୍ ଇଚା ବ୍ୟବହାର୍ କିନି ମାନାୟାର୍ ଚଞ୍ଜ୍‌ନାର୍। ଖ୍ରୀଷ୍ଟ ଆରେରଗ ୱାନି କାତାତିଙ୍ଗ୍ ହେୱାର୍ ଇନସ୍ତା କିନାର୍।

ଜହନ୍‌ 1:4

ହେୱାନ୍ ୱିଜୁ ଜିବୁନ୍‌ନି ମୁକ୍ଯ। ହେୱାନ୍‌ନେ ରକାନ୍ ୱିଜାକାରିଙ୍ଗ୍ ଅଜଡ଼୍ ହିଦ୍‌ନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:47

ଇମ୍‌ଣି ହଲିଆ ଜାର୍ ମାଲିକ୍ ଇଚାତାଙ୍ଗ୍ ଜାଗ୍ରତ୍ ଆଜି କାସି ମାନ୍‌ଗୁନ୍। ଆରେ ତା ଇଚାକିଜି କାମାୟ୍ କିଉନ୍, ଲାଗିଙ୍ଗ୍ ହେ ହଲିଆ ବେସି ମାଡ୍ ତିନାନ୍।

୧ ପିତର 2:8

ଆରେ ପା ଦରମ୍ ସାସ୍ତର୍‌ତାକେ ଇଲେକେ ଲେକାଆତାତ୍‌ନା, “ଇ କାଲ୍ କାଜିଙ୍ଗ୍ ମାନାୟାର୍ ଉଜ୍‌ଦି ମେଦ୍‌ନିତ ଗୁର୍‌ନାର୍‌। ଇଦାଙ୍ଗ୍ ନେ ହେ କାଲ୍ ଇମ୍‌ଣାକା ମାନାୟାରିଙ୍ଗ୍ ତାରେନ୍ ଗୁତ୍‌ନାତା।” ଇନେସ୍‌କି ହେୱାର୍ ଈଶ୍ୱର କାତାତିଙ୍ଗ୍ ପାର୍ତି କିୱାତାର୍ ହେଦାଙ୍ଗ୍ କାଜିଙ୍ଗ୍ ହେୱାର୍ ହେ କାଲ୍‌ଦ ଉଜ୍‌ଦି ଗୁର୍‌ତାର୍, ଆରେ ଇଲେକେ ଆଦେଙ୍ଗ୍ ଈଶ୍ୱର ନେ ଉପାୟ୍ କିଜି ମାଚାନ୍।

ଜହନ୍‌ 7:7

ପୁର୍ତିନି ମାନାୟାର୍ ମିଙ୍ଗେଙ୍ଗ୍ ଗିଣ୍ କିଦେଙ୍ଗ୍ ଆଡ଼୍‌ଦୁର୍। ମାତର୍ ନାଙ୍ଗେଙ୍ଗ୍ ପୁର୍ତିନି ମାନାୟାର୍ ଗିଣ୍ କିଦ୍‌ନାର୍, ଇନେସ୍‌କି ଆନେଙ୍ଗ୍ ପୁର୍ତିନି ମାନାୟାରିଙ୍ଗ୍ ପାପ୍ କାମାୟ୍ କିନାଦେରା ଇଞ୍ଜି ୱେଚ୍‌ନାଙ୍ଗା।

ଜହନ୍‌ 7:17

ଇମ୍‌ଣାକାନ୍ ଆବା ଈଶ୍ୱର ଇଚାତାଙ୍ଗ୍ ପୁରା କିଦେଙ୍ଗ୍ ଇଚାକିନାନ୍। ହେୱାନ୍‌ନେ ପୁଞ୍ଜେଙ୍ଗ୍ ଆଡ୍‌ନାନ୍ ଇଦାଙ୍ଗ୍ ଈଶ୍ୱରନି ହିକ୍ଷା କି ନା ଜାର୍ ହିକ୍ଷା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:14

ପାରୁସିଦଳ୍‍ନି ମାନାୟାର୍ ଡାବୁକାଙ୍ଗ୍ ବେସି ଲାଡ୍‌କିଜି ମାଚାର୍। ହେଦାଙ୍ଗ୍ କାଜିଙ୍ଗ୍ ଇ ୱିଜୁବେଣ୍ ୱେନ୍‌ଞ୍ଜି ଯୀଶୁଙ୍ଗ୍ ଇନସ୍ତା କିତାର୍।

ଜହନ୍‌ 1:5

ହେ ଅଜଡ଼୍ ମାଜ୍‌ଗାତାକେ ଅଜଡ଼୍ ଆନାତ୍। ମାତର୍ ମାଜ୍‌ଗା ଅଜଡ଼୍‌ତିଙ୍ଗ୍ ଡାବାଇ କିଦେଙ୍ଗ୍ ଆଡ୍‌ୱାତାତ୍‌ନା।

ଜହନ୍‌ 9:5

ଆନେଙ୍ଗ୍ ପୁର୍ତିତାକେ ମାନି ପାତେକ୍ ପୁର୍ତି କାଜିଙ୍ଗ୍ ଅଜଡ଼୍ ଆରେ ୱିଜାକାରିଙ୍ଗ୍ ଅଜଡ଼୍ ହିଜି ମାନାଙ୍ଗ୍।”

ଜହନ୍‌ 12:31

ନଙ୍ଗୟ୍ ଇ ପୁର୍ତିତିଙ୍ଗ୍ ବିଚାର୍‌କିନି ଦିନ୍ ଏକିୱାତାତ୍, ଇ ପୁର୍ତିତିଙ୍ଗ୍ ସାସନ୍ କିନି ଶୟତାନ୍‌ତିଙ୍ଗ୍ ବାର୍ତ ତୁସିହିନି ଦିନ୍ ୱାତାତ୍।

ଜହନ୍‌ 12:46

ଆନେଙ୍ଗ୍ ଅଜଡ଼୍‌ଲେକେ ପୁର୍ତିତାକେ ୱାତାଙ୍ଗ୍‌ନା। ଇନେର୍ ନାଙ୍ଗେଙ୍ଗ୍ ପାର୍ତି କିଦ୍‌ନାର୍, ହେୱାନ୍ ଇନାୱେଡ଼ାଙ୍ଗ୍ ପା ମାଜ୍‌ଗାତାକେ ମାନୁନ୍।