ଜହନ୍‌ 20:1 - New Testament in Pengo Parja Language

¹ ରଇବାର୍ ଦିନ୍ ନାଣାଙ୍ଗେ ମଗ୍‌ଦଲିନି ସହର୍‌ନି ମରିୟମ ଯୀଶୁ ଦୁଗେର୍ ଲାଗାୟ୍ ୱାତାତ୍। ହେପାଦ୍ନା ମାଜ୍‌ଗା ମାଚାତ୍। ହେଦେଲ୍ ହୁଡ଼୍‍ତାତ୍ ଯେ, ହେ ଦୁଗେର୍ ମୁମ୍‌ଦି ଗାଜାକାଲ୍ ଦେହା ଗୁଚାଆତାତ୍‌ନା।

ସତ୍‌ ବଚନ୍‌ ପୁନି ନିୟମ୍‌

¹ ସାତ୍‌ ଦିନ୍‌ନି ପର୍ତୁମ୍‌ ରଇବାର୍‌ ନାଜିଂ ନାଣାଙ୍ଗେ ମାଜ୍‌ଗା ମାନୁ ମାନୁ ମଗ୍‌ଦଲିନି ମରିୟମ୍‌ ଦୁଗେର୍‌ ଲାଗେ ହାଲ୍‌ଜି ହେବେତାଂ କାଲ୍‌ ଗୁଚ୍‌ଆତାକା ହୁଡ଼୍‌ତିକ୍‌ ।

ଜହନ୍‌ 20:1 Iomraidhean Croise

ମାତିଉ 27:56

ହେୱେକ୍ ବିତ୍ରେତାଙ୍ଗ୍ ମଗ୍‌ଦଲିନି ସହରନି ମରିୟମ, ଯାକୁବ ଆରେ ଯୋଷେପ ତେହି ମରିୟମ ଜେବଦି ହିମ୍‌ଣାଙ୍ଗ୍ ତେହି ମାଚାତ୍।

ମାତିଉ 27:60

ତାପାଚେ ଯୋଷେପ ଯୀଶୁଙ୍ଗ୍ ତା ପୁନି ଦୁଗେର୍‌ତାକେ ଇଡ଼୍‌ତାନ୍। ହେ ଦୁଗେର୍‌ କାଲ୍‌କୁକାଙ୍ଗ୍ ପତ୍‌ତି ରହିୟାଆଜି ମାଚାତ୍। ହେବେ ତା ହାଃତି ଗାଗାଡ଼୍‌ତିଙ୍ଗ୍ ଇଡ଼୍‌ତାନ୍। ଆରେ ଦୁଗେର୍ ଦୁୱେର୍ ମୁମ୍‌ଦ ଗାଜାକାଲ୍ ଡାବାଇ କିଜି ହାଚାନ୍।।

ମାତିଉ 27:64

ଲାଗିଙ୍ଗ୍ ତିନ୍‌ଦିନ୍ ପାତେକ୍ ଦୁଗେର୍‌ତିଙ୍ଗ୍ କାସିମାଞ୍ଜେଙ୍ଗ୍ ଏନେଙ୍ଗ୍ ମାଙ୍ଗେଙ୍ଗ୍ ଆଦେସ୍ କିୟା। ନଇଲେ ତା ଚେଲାହିର୍ ହେବେ ୱାଜି ତା ହାଃତି ଗାଗାଡ଼୍‌ତିଙ୍ଗ୍ ଚର୍‌ଚି ଅନାର୍। ତାପାଚେ ହେୱାର୍ ମାନାୟାରିଙ୍ଗ୍ ୱେଚ୍‌ନାର୍ ଯେ, ହେୱାନ୍ ହାଃଜି ଜିତାନ୍‌ନା। ହେଦାଙ୍ଗ୍ କାଜିଙ୍ଗ୍ ଇ ପାଚେନି ମିଚ୍ ୱେଚ୍‌ନାକାନ୍ ଆଗେନି ମିଚ୍ ୱେଚ୍‌ନାକାନ୍ ତାଙ୍ଗ୍ ଆଦିକ୍ ବାନ୍ୟା ଆନାନ୍।

ମାତିଉ 27:66

ତାପାଚେ ହେୱାର୍ ଦୁଗେର୍ ଲାଗାୟ୍ ହାଚାର୍ ଆରେ ଦୁଗେର୍ ମୁମ୍‌ଦ ସିଲ୍ ଇଡ଼୍‌ତାର୍। ହେବେ ସେନାହିରିଙ୍ଗ୍ କାସିମାଞ୍ଜେଙ୍ଗ୍ ଆଦେସ୍ ହିଜି ଚର୍‌କୁତାଙ୍ଗ୍ ଯୀଶୁ ହାଃତି ଗାଗାଡ଼୍‌ତିଙ୍ଗ୍ ରକ୍ଷା କିଜି ଇଡ଼୍‍ଦେଙ୍ଗ୍ ଉପାୟ୍ କିତାର୍।

ମାତିଉ 28:1

ଜମ୍‌ନିଦିନ୍‌ ଆର୍‌କାତ୍ ନାଞ୍ଜିଙ୍ଗ୍ ରଇବାର୍ ନାଞ୍ଜ୍ ନାଣାଙ୍ଗେ ମଗ୍‌ଦଲିନି ସହର୍‌ନି ମରିୟମ ଆରେ ମରିୟମ ତର୍‌ଦି ଜେକନି କଗ୍‌ଲେ ରଞ୍ଜେଲ୍ ଦୁଗେର୍ ହୁଡ଼୍‌ଦେଙ୍ଗ୍ ୱାତିକ୍।

ମାତିଉ 28:2

ହେପାଦ୍ନା ର ଗାଜା ବୁମିକମ୍ପ୍ ଆତାତ୍। ମାପୃତି ର ଦୁତ୍ ସରଗ୍‌ତାଙ୍ଗ୍ ଜୁଜି ୱାତାନ୍। ହେ ଦୁତ୍ ଦୁଗେର୍ ଲାଗାୟ୍ ହାଚାନ୍ ଆରେ ଦୁଗେର୍ ମୁମ୍‌ଦି ଗାଜାକାଲ୍ ଗୁଚାଇ କିଜି ହେ କାଲ୍‌ଜପି କୁଚ୍‌ଚାନ୍।

ମାର୍କ 15:46

ଯଷେପ ତା ହାଃତି ଗାଗାଡ଼୍‌ତିଙ୍ଗ୍ କୃଶକାଟ୍‌ତାଙ୍ଗ୍ ଜୁତ୍‌ତି ପାଚେ ହେ ଗାଗାଡ଼୍‌ତିଙ୍ଗ୍ ର ହାର୍ଦି ପାତାଡ଼୍‌ ହେନ୍ଦ୍ରାତାଙ୍ଗ୍ ହୁର୍‍ପାତାନ୍।, ଆରେ ହେ ଦୁଗେର୍‌ତିଙ୍ଗ୍ କାଲ୍‌କୁକାଙ୍ଗ୍ ପତ୍‌ତି ରହିୟାଆଜି ମାଚାତ୍। ହେ ଦୁଗେର୍‌ତାକେ ହେୱାନିଙ୍ଗ୍ ଇଡ଼୍‌ତାର୍। ତାପାଚେ ହେ ଦୁଗେର୍ ଦୁୱେର୍ ମୁମ୍‌ଦ ର ଗାଜାକାଲ୍ ଡାବାଇ କିତାନ୍।

ମାର୍କ 16:9

ରଇବାର୍ ନାଞ୍ଜ୍ ନାଣାଙ୍ଗେ ଯୀଶୁ ହାଃଜି ନିଙ୍ଗ୍‌ତି ପାଚେ ମଗ୍‌ଦଲିନି ସହରନି ମରିୟମତିଙ୍ଗ୍ ପାର୍ତୁମ୍ ଚଞ୍ଜିଆତାନ୍, ଇନେରିଙ୍ଗ୍ ଆଗେ ସାତ୍‌ଗଟା ବୁତ୍ଆତ୍ମାକାଙ୍ଗ୍ ପିହିକିଜି ମାଚାନ୍।

ଜହନ୍‌ 11:38

ଲାଗିଙ୍ଗ୍ ଯୀଶୁ ଆରେରଗ ଗରବ୍‌ତାକେ ଦୁକ୍‌ଆଜି ଲାଜାର ଦୁଗେର୍ ଲାଗାୟ୍ ୱାତାନ୍। ହେ ଦୁଗେର୍ ରଞ୍ଜାଙ୍ଗ୍ ପାରା ଲେକେ ମାଚାତ୍, ଆରେ ହେ ପାରା ମୁମ୍‌ଦ ର ଗାଜାକାଲ୍ ଡାବାଇ କିଜି ମାଚାର୍।

ଜହନ୍‌ 11:41

ଲାଗିଙ୍ଗ୍ ହେୱେକ୍ ହେ ମୁମ୍‌ଦ ଡାବାଇ କିତି କାଲ୍‌ତିଙ୍ଗ୍ ଗୁଚାଇ କିତିକ୍। ତାପାଚେ ଯୀଶୁ ବାଦାଡ଼୍‌ଜପି ମୁମ୍‌‌କିଜି ୱେଚ୍‌ଚାନ୍, “ଏ ନା ଆବା ଈଶ୍ୱର, ନିଙ୍ଗେଙ୍ଗ୍ ଦନ୍ଯବାଦ୍ ହିଦ୍‌ନାଙ୍ଗା, ଇନେସ୍‌କି ଏନେଙ୍ଗ୍ ନା କାତା ୱେଚାଇ।

ଜହନ୍‌ 19:25

ଯୀଶୁ ତେହି ତା କୃଶକାଟ୍ ଲାଗାୟ୍ ନିଲ୍‌ଚି ମାଚାତ୍, ହେବେ ତାଞ୍ଜିୟା ତଣ୍‌ଦେହି, କ୍ଲପା ଡକ୍ରୁହି ମରିୟମ, ଆରେ ମଗ୍‌ଦଲିନି ସହରନି ମରିୟମ ପା ନିଲ୍‌ଚି ମାଚିକ୍।

ଜହନ୍‌ 20:26

ଆଡ଼୍‌ଦିନ୍ ପାଚେ ତା ଚେଲାହିର୍ ଆରେରଗ ଇଲ୍ ବିତ୍ରେ ମାଚାର୍। ଥୋମା ହେୱାର୍ ହୁଦାଙ୍ଗ୍ ମାଚାନ୍। କାପାଟ୍‌ତାକେ କୁଚି ଆହିଆଜି ମାଚାତ୍। ମାତର୍ ଯୀଶୁ ୱାଜି ହେୱାର୍‌ତାକେ ନିଲ୍‌ତାନ୍। ହେୱାନ୍ ୱେଚ୍‌ଚାନ୍, “ଈଶ୍ୱର ମିଙ୍ଗେଙ୍ଗ୍ ଶାନ୍ତି ହିଦେନ୍।”

ପକ୍ୟାତାକା 20:7

ସାତ୍‌ଦିନ୍‌ନି ପାର୍ତୁମ୍ ନାଞ୍ଜିଙ୍ଗ୍ ଆପେଙ୍ଗ୍ ପ୍ରବୁବଜ୍ ଚିଞ୍ଜେଙ୍ଗ୍ ରବେ ରୁଣ୍ଡାଆଜି ମାଚାପ୍। ହେପାଦ୍ନା ପାଉଲ ମାନାୟାରିଙ୍ଗ୍ ଶୁଣାୟ୍ କିତାନ୍। ହେୱାନ୍ ୱିଗାଲିଙ୍ଗ୍ ହାନାକା ମାଚିଲେ ମାଦିମାଦାନାଣା ପାତେକ୍ ଶୁଣାୟ୍ କିଦେଙ୍ଗ୍ ଲାଗାତାନ୍।

୧ କରନ୍ତିୟ 16:2

ଏପେଙ୍ଗ୍ ଆନେଙ୍ଗ୍ ୱାତିସ୍‌ନେ ରମାଟ୍ ଡାବୁଙ୍ଗ୍ ରୁଣ୍ଡାୟ୍ କିଦେଙ୍ଗ୍ କାସି ମାନ୍‌ମାଟ୍, ମାତର୍ ଏପେଙ୍ଗ୍ ଇଲେକେ କିୟାଟ୍ ଯେ ୱିଜୁ ରଇବାର୍ ଚଅଦିନ୍ ଆର୍ଜା ଆତି ୱିଜୁଡାବୁଙ୍ଗ୍ କର୍ଚ କିୱାଦାଙ୍ଗ୍ କେତେକ୍ ଡାବୁଙ୍ଗ୍ ଇଟାଟ୍।

ହତ୍‌ତି 1:10

ରଇବାର୍ ନାଞ୍ଜିଙ୍ଗ୍ ଆନେଙ୍ଗ୍ ଈଶ୍ୱରତିଙ୍ଗ୍ ଆରାଦାନା କିନିହିଙ୍ଗ୍ ପବିତ୍ର ଆତ୍ମା ନା ଜପି ୱାଜି ନାଙ୍ଗେଙ୍ଗ୍ କଣ୍ଟ୍ରୁଲ୍ ହିତ୍‌ତାତ୍‌। ଏଚେପାଦ୍ନା ପବିତ୍ର ଆତ୍ମା ନା ଜପି ୱାତାତ୍ ଆନେଙ୍ଗ୍ ନା ପାଚ୍‌ବାଗାୟ୍ ମରି ତୁପ୍‌ତିଲେକେ ଗାଜା କାଟ୍‌ତିଙ୍ଗ୍ ୱେଚାଙ୍ଗ୍।