ଜହନ୍‌ 2:16 - New Testament in Pengo Parja Language

¹⁶ ତାପାଚେ ଯୀଶୁ ପାର୍‌ୱା ପନାକାରିଙ୍ଗ୍ ହାଲ୍‌ଜି ୱେଚ୍‌ଚାନ୍, “ଇ ଜିନିଷ୍ ୱିଜୁ ଇବେତାଙ୍ଗ୍ ଅୱାଟ୍। ନା ଆବା ଈଶ୍ୱର ମାନି ମନ୍ଦିର୍‌ତିଙ୍ଗ୍ ବେପାର୍‌ବାଟ୍‌ କିନି ଇଲ୍ ରହ୍‌ମାଟ୍।”

ସତ୍‌ ବଚନ୍‌ ପୁନି ନିୟମ୍‌

¹⁶ ଆରେ, ହେୱାନ୍‌ ପାଣ୍ଡ୍‌କା ବେପ୍‌ରିୟାରିଂ ଇଚାନ୍‌, “ଇୱାକାଂ ଇବେଣ୍ଡାଂ ଅହାଟ୍‌, ମାଞ୍ଜି ଆବା ଇଲ୍‌ଦିଂ ବେପ୍‌ପାର୍‌ ଇଲ୍‌ କିମାଟ୍‌ ।”

ଜହନ୍‌ 2:16 Iomraidhean Croise

ମାତିଉ 21:12

ତାପାଚେ ଯୀଶୁ ଆରେ ତା ଚେଲାହିର୍ ଯିରୁଶାଲାମ ସହର୍‌ତାକେ ୱାତାର୍। ଆରେ ଯୀଶୁ ଈଶ୍ୱର ମାନି ମନ୍ଦିର୍‌ନି ହାକ୍‌ଡ଼ିତାକେ ହାଚାର୍। ହେ ବାହାତାକେ ପଶୁ ଆରେ ପାରୁଆଙ୍ଗ୍ କେତେକ୍ ଜିନିଷ୍ ବେପାର୍‌ବାଟ୍‌ କିନାକାରିଙ୍ଗ୍ ଯୀଶୁ ହପ୍ତେଙ୍ଗ୍ ଲାଗାତାନ୍। ଆରେ ହେୱାନ୍ ଡାବୁଙ୍ଗ୍ ବାଦ୍‌ଲା-ବାଦ୍‌ଲି କିନି ଟେବୁଲ୍‍ତିଙ୍ଗ୍ ଉଲ୍‌ଟାଇ କିତାନ୍। ଆରେ ପାର୍‌ୱାଙ୍ଗ୍ ପନି ଟେବୁଲ୍‍ତିଙ୍ଗ୍ ଉଲ୍‌ଟାଇ କିତାନ୍।

ମାତିଉ 21:13

ଆରେ ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଇଦାଙ୍ଗ୍ ସାସ୍ତର୍‌ତାକେ ଲେକା ମାନାତ୍, ‘ଈଶ୍ୱର ମାନି ମନ୍ଦିର୍‌ତିଙ୍ଗ୍ ୱିଜୁଜାତିର୍ ମାନାୟ୍ କାଜିଙ୍ଗ୍ ର ପାର୍ତାନା ଇଲ୍ ଇନାର୍। ମାତର୍ ଏପେଙ୍ଗ୍ ହେଦାଙ୍ଗ୍ ଡାକୁର୍ ମାନି ବାହାଲେକେ କିତାଦେର୍‌ନା।’

ମାତିଉ 22:5

ମାତର୍ ହେୱାର୍ ହେଦାଙ୍ଗ୍‌ତିଙ୍ଗ୍ ଏଡ଼ାଆଜି। ଆରେ ଜାର୍-ଜାର୍ କାମାୟ୍ କିଦେଙ୍ଗ୍ ହାଚାର୍ ରକାନ୍ ତା ଜମିତ ହାଚାନ୍। ଆରେ ରକାନ୍ ଦୁକାଣ୍‌ତ ହାଚାନ୍।

ମାର୍କ 11:17

ଆରେ ଯୀଶୁ ହେୱାରିଙ୍ଗ୍ ହିକ୍ଷାହିଜି ୱେଚ୍‌ଚାନ୍, “ଇଦାଙ୍ଗ୍ ସାସ୍ତର୍‌ତାକେ ଲେକା ମାନାତ୍, ‘ଈଶ୍ୱର ମାନି ମନ୍ଦିର୍‌ତିଙ୍ଗ୍ ୱିଜୁଜାତିର୍ ମାନାୟ୍ କାଜିଙ୍ଗ୍ ର ପାର୍ତାନା ଇଲ୍ ଇନାର୍।’ ମାତର୍ ଏପେଙ୍ଗ୍ ହେଦାଙ୍ଗ୍ ଡାକୁର୍ ମାନି ବାହାଲେକେ କିତାଦେର୍‌ନା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:49

ଇଦାଙ୍ଗ୍ ୱେନ୍‌ଞ୍ଜି ଯୀଶୁ ତା ତେହି ଲାତ୍ରାହିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ନାଙ୍ଗେଙ୍ଗ୍ ଇନା କିଦେଙ୍ଗ୍ ଡେକ୍‌ଚି ମାନ୍‌ଞ୍ଚାଦେର୍? ଇମେତାକେ ନା ଆବା ଈଶ୍ୱର ଇଲ୍ ବିତ୍ରେ ମାନି ଦର୍‌କାର୍ ମାନାତ୍, ଆନେଙ୍ଗ୍ ହେବେ ମାନାଙ୍ଗ୍ ଇଞ୍ଜି ଏପେଙ୍ଗ୍ ଇନାକା ପୁନ୍‌ୱାଦାଙ୍ଗ୍ ମାଚାଦେର୍?”

ଜହନ୍‌ 10:29

ନା ଆବା ଈଶ୍ୱର ନାଙ୍ଗେଙ୍ଗ୍ ମେଣ୍ଢାକାଙ୍ଗ୍ ହିତ୍‌ତାନ୍‌ନା, ହେୱାନ୍ ୱିଜାକାର୍‌ତାଙ୍ଗ୍ ଗାଜାକାନ୍‌। ଆରେ ଆବା ଈଶ୍ୱର କେଇଦାଙ୍ଗ୍ ଇନେର୍ ପା ମେଣ୍ଢାକାଙ୍ଗ୍ ଚର୍‌କିଜି ଅଦେଙ୍ଗ୍ ଆଡୁନ୍।

ଜହନ୍‌ 2:15

ହେ ମନ୍ଦିର୍‌ତାକେ ଡାବୁଙ୍ଗ୍ ବାଦ୍‌ଲାଇ କିନାକାର୍ ଡାବୁକାଙ୍ଗ୍ ଡ଼ିଉତାନ୍‌, ଆରେ ଟେବୁଲ୍‍ତିଙ୍ଗ୍ ଉଲ୍‌ଟାଇ କିତାନ୍।

ଜହନ୍‌ 20:17

ଯୀଶୁ ହେଦେଲିଙ୍ଗ୍ ୱେଚ୍‌ଚାନ୍, “ନାଙ୍ଗେଙ୍ଗ୍ ଆସ୍ତେଦେଙ୍ଗ୍ ଉପାୟ୍ କିଦ୍‌ମା। ଆନେଙ୍ଗ୍ ନଙ୍ଗୟ୍ ପାତେକ୍ ଆବା ଈଶ୍ୱରତାକେ ହାଲ୍‌ୱାତାଙ୍ଗ୍‌ନା। ମାତର୍ ଏନେଙ୍ଗ୍ ହାଲ୍‌ଜି ନା ଟଣ୍ଡାରିଙ୍ଗ୍ ୱେଚା, ଆନେଙ୍ଗ୍ ମି ଆରେ ନା ଆବାତାକେ ହାନାଙ୍ଗା। ଆରେ ମି ଆରେ ନା ଈଶ୍ୱରତାକେ ହାନାଙ୍ଗା।”

ଜହନ୍‌ 5:17

ମାତର୍ ଯୀଶୁ ଯିହୁଦି ନେତାରିଙ୍ଗ୍ ୱେଚ୍‌ଚାନ୍, “ନା ଆବା ନଙ୍ଗୟ୍ ପାତେକ୍ କାମାୟ୍ କିନାନା, ଆରେ ଆନେଙ୍ଗ୍ ପା କାମାୟ୍ କିନାଙ୍ଗା।”

ଜହନ୍‌ 8:49

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ନାଙ୍ଗେଙ୍ଗ୍ ବୁତ୍ଆତ୍ମା ଡାଞ୍ଜ୍‌ଜାତାତ୍‌ନା। ଆନେଙ୍ଗ୍ ନା ଆବା ଈଶ୍ୱରତିଙ୍ଗ୍ ସନ୍‌ମାନ୍ ହିନାଙ୍ଗ୍। ମାତର୍ ନାଙ୍ଗେଙ୍ଗ୍ ଏପେଙ୍ଗ୍ ସନ୍‌ମାନ୍ ହିଦୁଦେରା।

୧ ତିମତି 6:5

ହେୱାର୍ ମାନ୍ କରାପ୍ ଚିନ୍ତାତାକେ ବାର୍ତିଆଜି ମାନ୍‌ଗାନାତ୍, ଆରେ ହେୱାର୍ ଜେକନିକାର୍ ହୁଦାଙ୍ଗ୍ ଜୁକ୍ତି କିଜିମାନାର୍‌। ହେୱାର୍ ସତ୍ ବିଷୟରେ ଅଲପ୍‌ପା ପୁଞ୍ଜେଙ୍ଗ୍ ଆଡୁର୍। ହେୱାର୍ ଈଶ୍ୱରତିଙ୍ଗ୍ ହେବା କିନି କାଜିଙ୍ଗ୍ ହାଉକାର୍ ଆଦେଙ୍ଗ୍ ଲାବ୍ ଆଦ୍‌ନାତ୍ ଇଞ୍ଜି ମାନ୍ତ ବାବିକିନାର୍।

୨ ପିତର 2:3

ଇ ମାଷ୍ଟେରାର୍ ବେସି ଲବ୍ରାର୍। ହେୱାର୍ ମିବେତାଙ୍ଗ୍ ଡାବୁଙ୍ଗ୍ ଲାବ୍ ପାୟାଆନି କାଜିଙ୍ଗ୍, ହେୱାର୍ ମାନ୍‌ତାଙ୍ଗ୍ ରସ୍ତି କାତା ୱେଚ୍‌ଚି ମିଙ୍ଗେଙ୍ଗ୍ ଟକାୟ୍ କିଦ୍‌ନାର୍। ଲାଗିଙ୍ଗ୍ ଈଶ୍ୱର ବେସି ବାହ୍‌ରୁ ଆଗେ ହେୱାରିଙ୍ଗ୍ ଦଣ୍ଡ୍ ହିନାନ୍ ଇଞ୍ଜି ଇଚା କିତାନ୍‌ନା, ଆରେ ହେୱାନ୍ ଇଦାଙ୍ଗ୍ କିନି କାଜିଙ୍ଗ୍ ରେଡି ଆତାନ୍‌ନା। ହେୱାନ୍ ହେୱାରିଙ୍ଗ୍ ହାତ୍‌ପା ନଷ୍ଟ କିନାନ୍।