ଜହନ୍‌ 2:12 - New Testament in Pengo Parja Language

¹² ତାପାଚେ ଯୀଶୁ ତା ତେହି, ଟଣ୍ଡାହିର୍ ଆରେ ଚେଲାହିର୍ କପୁର୍‌ନାହୁମ୍‌ ସହର୍‌ତାକେ ହାଚାର୍, ଆରେ ହେବେ ହେୱାର୍ ଅଲପ୍‌ଦିନ୍ ମାଚାର୍।

ସତ୍‌ ବଚନ୍‌ ପୁନି ନିୟମ୍‌

¹² ଇଦାଂ ପାଚେ ହେୱାନ୍‌ ଜାର୍‌ ଆୟାଂ, ଟଣ୍ଡାର୍‌ବାଇ ଆରି ଚେଲାର୍‌ ଲାହାଙ୍ଗ୍‌ କପର୍ନାହୁମ୍‌ ତାକେ ହାଚାର୍‌; ପାଚେ, ହେୱାର୍‌ ହେବେ ବେସି ଦିନ୍‌ ମାନ୍‌ୱାତାର୍‌ ।

ଜହନ୍‌ 2:12 Iomraidhean Croise

ମାତିଉ 11:23

ଏ କପୁର୍‌ନାହୁମ୍‌ ସହର୍‌ତାକେ ମାନି ମାନାୟ୍ କାଦେର୍! ଈଶ୍ୱର ମାଙ୍ଗେଙ୍ଗ୍ ସନ୍‌ମାନ୍ କିଦ୍‌ନାନ୍ ଇଞ୍ଜି ଏପେଙ୍ଗ୍ ବାବିକିମାଟ୍। ହେୱାନ୍ ମିଙ୍ଗେଙ୍ଗ୍ ନାଣିନି ନରକ୍‌ତାକେ ତୁସିହିଦ୍‌ନାନ୍‌। ଇନେସ୍‌କି ମି ବିତ୍ରେ ଇମ୍‌ଣି ଚାନିଆଆନି କାମାୟ୍ କିତାଙ୍ଗ୍‌ନା, ହେ କାମାୟ୍ ଯଦି ସଦୋମ ସହର୍‌ତାକେ କିୟାଆତାତ୍‌ମା, ଲାଗିଙ୍ଗ୍ ହେ ସହର୍ ନଷ୍ଟ ଆୱାତାତ୍‌ମା।”

ମାତିଉ 12:46

ଏଚେପାଦ୍ନା ଯୀଶୁ ମାନାୟ୍ ଗଉଲି ବିତ୍ରେ ବେଣ୍ ୱେଚ୍‌ନିହିଙ୍ଗ୍, ଯୀଶୁ ତେହି ଆରେ ଟଣ୍ଡାହିର୍ ବାର୍ତ ନିଲ୍‌ଚି ତା ଲାହାଙ୍ଗ୍ ବେଣ୍‌କିଦେଙ୍ଗ୍ ମାନ୍ କିଜି ମାଚାର୍।

ମାତିଉ 4:13

ଆରେ ଯୀଶୁ ନାଜରିତ ସହର୍‌ତାକେ ୱାତି ପାଚେ ଗାଲିଲୀ ଜିଲ୍ଲାନି ହାମ୍‌ଦୁର୍ କାଣ୍ଡିନି କପୁର୍‌ନାହୁମ୍‌ ସହର୍‌ତାକେ ସବୁଲୁନ୍ ଆରେ ନପ୍ତାଲି ମାନାୟାର୍ ମାନି ସହର୍‌ତାକେ ବାହା କିତାନ୍।

ମାର୍କ 6:3

ହେୱାନିଙ୍ଗ୍ ଅପ୍‌ମାନ୍ ହିଜି ୱେଚ୍‌ଚାର୍, “ଇୱାନ୍‌ତ ର ବାଡାଇ, ମରିୟମ ମେହି, ଆରେ ଯାକୁବ, ଯୋଷେପ୍‌, ଯିହୁଦା ଆରେ ଶିମୋନ ଟଣ୍ତାହି, ଆରେ ତା ତଣ୍‍ଦେହିକ୍ ପା ମା ଲାହାଙ୍ଗ୍ ଇବେ ମାନିକା।” ଏନେଙ୍ଗ୍ ୱେଚ୍‌ଚି ଯୀଶୁଙ୍ଗ୍ ପାର୍ତି କିୱାତାର୍।

ଜହନ୍‌ 4:46

ଯୀଶୁ ଗାଲିଲୀ ଜିଲ୍ଲାନି କାନ୍ନା ସହର୍‌ତାକେ ଆରେରଗ ହାଚାନ୍। କାନ୍ନା ସହର୍‌ତାକେ ହେୱାନ୍ ଏଜୁକାଙ୍ଗ୍ ଅଙ୍ଗୁର୍ ରାସ୍ କିଜି ମାଚାନ୍। ହେବେ ରାଜା ଇଞ୍ଜ କାମାୟ୍ କିନାକାନ୍ ମାଚାନ୍, ତା ମେହି କପୁର୍‌ନାହୁମ୍‌ ସହର୍‌ତାକେ ନଚ୍‌ଚି ମାଚାନ୍।

ଜହନ୍‌ 6:17

ୱେଡ଼ା ହାଲ୍‌ଜି ମାଜ୍‌ଗା ଆଜି ମାଚାତ୍, ହେପାଦ୍ନା ପାତେକ୍ ପା ଯୀଶୁ ହେୱାର୍ ଲାଗାୟ୍ ୱାୱାଦାଙ୍ଗ୍ ମାଚାନ୍। ଲାଗିଙ୍ଗ୍ ହେୱାର୍ ଡଙ୍ଗାତ କୁଚ୍‌ଚି ହାମ୍‌ଦୁର୍ ଆଣ୍ଟିପାଡ଼୍‌କା ମାନି କପୁର୍‌ନାହୁମ୍‌ ସହର୍ ନିପଣ୍ ହାଚାର୍।

୧ କରନ୍ତିୟ 9:5

ଆପେଙ୍ଗ୍ ଖ୍ରୀଷ୍ଟାନ୍ କଗ୍‍ଲେକାଙ୍ଗ୍ ବିବାଆଜି ମାପୃ ଯୀଶୁ ବିଷୟରେ ଶୁଣାୟ୍ କିଜି ବୁଲା ଆନାକା ମା ଅଦିକାର୍ ମାନାତ୍। ଇନେସ୍‌ଲେକେ ମାପୃ ଯୀଶୁ ଟଣ୍ଡାହିର୍, କେପା ଆରେ ଜେକନି ବାଚିକିତି ଚେଲାର୍ ବିବାଆଜି ତା ଡକୃହିକ୍ ହୁଦାଙ୍ଗ୍ ମାପୃ ଯୀଶୁ ବିଷୟରେ ଶୁଣାୟ୍ କିଜି ବୁଲା ଆନାରା।

ଗାଲାତିୟ 1:19

ମାତର୍ ହେବେ ମାପୃ ଟଣ୍ଡାହି ଯାକୁବଙ୍ଗ୍ ପିସ୍ତି ଆରେ ଜେକନି ବାଚିକିତି ଚେଲାରିଙ୍ଗ୍ ଇନେରିଙ୍ଗ୍ ପା ହୁଡ଼୍‌ୱାତାଙ୍ଗ୍।