ଜହନ୍‌ 2:11 - New Testament in Pengo Parja Language

¹¹ ଯୀଶୁ ଇଲେକେ ଗାଲିଲୀ ଜିଲ୍ଲାନି କାନ୍ନା ସହର୍‌ତାକେ ଚାନିଆଆନି କାମାୟ୍ ଆରମ୍ କିଜି ଜାର୍ ଗୌରବ ଚଚ୍‌ଚାନ୍। ଆରେ ତା ଚେଲାହିର୍ ତାବେ ପାର୍ତି କିତାର୍।

ସତ୍‌ ବଚନ୍‌ ପୁନି ନିୟମ୍‌

¹¹ ଜିସୁ ଇ ଲାକେ ଗାଲିଲିନି କାନାତ ପର୍ତୁମ୍‌ କାବାକିନି କାମାୟ୍‌ ହାଂଜି ଜାର୍‌ ପାଣ୍‌ ଚଚ୍‌ଚାନ୍‌, ଆରେ ତା ଚେଲାର୍‌ ତା ତାକେ ପାର୍ତି କିତାର୍‌ ।

ଜହନ୍‌ 2:11 Iomraidhean Croise

ଜହନ୍‌ 1:14

ହେ ବେଣ୍ ମାନାୟ୍ ରୁପ୍ ଆତାତ୍, ଆରେ ମା ହୁଦାଙ୍ଗ୍ ବାହାକିତାତ୍‌। ହେୱାନ୍ ଦୟା ଆରେ ସତ୍ ବିଷୟ ବାର୍ତି ମାଚାତ୍। ଆବା ଈଶ୍ୱର ର ମେହିତାକେ ଇନେସ୍ ଲେକେ ଗୌରବ ମାନାତ୍, ହେଲେକେ ଗୌରବ ଆପେଙ୍ଗ୍ ହୁଡ଼୍‌ତାପ୍।

ଜହନ୍‌ 1:17

ଈଶ୍ୱର ମାଙ୍ଗେଙ୍ଗ୍ ମୋଶା ଲେକିକିତି ନିୟମ୍‌ନି ସାସ୍ତର୍‌ତାଙ୍ଗ୍ ହିତ୍‌ତାନ୍‌ନା। ମାତର୍ ଯୀଶୁ ଖ୍ରୀଷ୍ଟତାଙ୍ଗ୍ ଦୟା ଆରେ ସତ୍ ବିଷୟ ହିତ୍‌ତାନ୍‌ନା।

ଜହନ୍‌ 1:43

ତା ଆର୍‌କାତ୍ ନାଞ୍ଜିଙ୍ଗ୍ ଯୀଶୁ ଗାଲିଲୀ ଜିଲ୍ଲାତ ହାଞ୍ଜେଙ୍ଗ୍ ଉପାୟ୍ କିତାନ୍। ହେୱାନ୍ ପିଲିପ ତର୍‌ଦି ର ମାନାୟ୍‌ତିଙ୍ଗ୍ ଗିଟାଆତାନ୍, ଆରେ ହେୱାନିଙ୍ଗ୍ ୱେଚ୍‌ଚାନ୍ “ନା ପାଚେ ୱା।”

ଜହନ୍‌ 1:50

ଯୀଶୁ ନିତନିୟେଲତିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ନିଙ୍ଗେଙ୍ଗ୍ ୱେଚ୍‌ଚାତାଙ୍ଗ୍ ଯେ ନିଙ୍ଗେଙ୍ଗ୍ ତଗାମାର୍‌ ତାରେନ୍ ହୁଡ଼୍‌ଜି ମାନ୍‌ଞ୍ଚାଙ୍ଗ୍। ହେଦାଙ୍ଗ୍ କାଜିଙ୍ଗ୍ ନାଙ୍ଗେଙ୍ଗ୍ ଏନେଙ୍ଗ୍ ପାର୍ତି କିଦ୍‌ନାୟା। ମାତର୍ ଏନେଙ୍ଗ୍ ହେଦାଙ୍ଗ୍‌ତିଙ୍ଗ୍ ପିସ୍ତି ଆରେ ଗାଜା ବିଷୟ ହୁଡ଼୍‌ନାୟ୍।”

ଜହନ୍‌ 10:41

ହେୱାନ୍ ଲାଗାୟ୍ ବେସିହେନି ମାନାୟ୍ ୱାତାର୍। ମାନାୟାର୍ ୱେଚ୍‌ଚାର୍, “ଯୋହନ ଚାନିଆଆନି କାମାୟ୍ କିୱାଦାଙ୍ଗ୍ ମାଚାନ୍, ମାତର୍ ଇ ମାନାୟ୍ ବିଷୟରେ ଇନାକା ୱେଚ୍‌ଚି ମାନ୍‌ଞ୍ଚାନ୍, ହେଦାଙ୍ଗ୍‌ୱିଜୁ ସତ୍।”

ଜହନ୍‌ 11:15

ଆନେଙ୍ଗ୍ ହେବେ ହିଲାତାଙ୍ଗ୍, ଆନେଙ୍ଗ୍ ମି କାଜିଙ୍ଗ୍ ୱାରି କିନାଙ୍ଗା, ଇନେସ୍‌କି ଏପେଙ୍ଗ୍ ନାଙ୍ଗେଙ୍ଗ୍ ପାର୍ତି କିଦ୍‌ନାଦେର୍। ଜାଡ, ନଙ୍ଗୟ୍ ଆସେଙ୍ଗ୍ ତା ଲାଗାୟ୍ ହାନାସ୍।”

ଜହନ୍‌ 11:47

ତାପାଚେ ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଆରେ ପାରୁସିଦଳ୍‍ ବିଚାର୍ କିଜି ମିଟିଙ୍ଗ୍ କିତାର୍। ଆରେ ହେୱାର୍ ୱେଚ୍‌ଚାର୍, “ଆସେଙ୍ଗ୍ ଇନାକା କିନି ଦର୍‌କାର୍? ଇୱାନ୍ ବେସି ଚାନିଆଆନି କାମାୟ୍ କିନାନା।

ଜହନ୍‌ 12:18

ଏଚେପାଦ୍ନା ହେୱାର୍ ୱେଚାର୍ ଯେ ଯୀଶୁ ଚାନିଆଆନି କାମାୟ୍ କିତାନ୍‌ନା, ଲାଗିଙ୍ଗ୍ ବେସିହେନି ମାନାୟ୍ ହେୱାନିଙ୍ଗ୍ ହୁଡ଼୍‌ଦେଙ୍ଗ୍ ହାଚାର୍।

ଜହନ୍‌ 12:37

ଯୀଶୁ ବେସି ଚାନିଆଆନି କାମାୟ୍ କିତାନ୍। ମାନାୟାର୍ ଇୱିଜୁ ହୁଡ଼୍‌ଜି ପା ପାର୍ତି କିୱାତାର୍।

ଜହନ୍‌ 12:41

ଯିଶାୟ ଇ କାତା ୱେଚ୍‌ଚି ମାଚାନ୍, ଇନେସ୍‌କି ହେୱାନ୍ ଈଶ୍ୱର ଗୌରବ ହୁଡ଼୍‌ଜି ମାଚାନ୍। ଲାଗିଙ୍ଗ୍ ହେୱାନ୍ ଯୀଶୁ ବିଷୟରେ ଏଲେଙ୍ଗ୍ ୱେଚ୍‌ଚାନ୍।

ଜହନ୍‌ 14:13

ଏପେଙ୍ଗ୍ ନା ତର୍‍ଦାଙ୍ଗ୍ ଇନାକା ଏନ୍‌ନାଦେର୍, ଆନେଙ୍ଗ୍ ହେଦାଙ୍ଗ୍ ମି କାଜିଙ୍ଗ୍ ହିଦ୍‌ନାଙ୍ଗ୍। ଇଦାଙ୍ଗ୍ କାଜିଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତାଙ୍ଗ୍ ଆବା ଈଶ୍ୱର ଜୟ୍-ଜୟ୍ ପାୟା ଆନାନ୍।

ଜହନ୍‌ 16:27

ଆବା ଈଶ୍ୱର ମିଙ୍ଗେଙ୍ଗ୍ ଲାଡ୍ କିଦ୍‌ନାନ୍। ହେୱାନ୍ ମିଙ୍ଗେଙ୍ଗ୍ ଲାଡ୍ କିଦ୍‌ନାନ୍, ଇନେସ୍‌କି ଏପେଙ୍ଗ୍ ନାଙ୍ଗେଙ୍ଗ୍ ଲାଡ୍ କିତ୍‌ତାଦେର୍‌ନା। ହେୱାନ୍ ମିଙ୍ଗେଙ୍ଗ୍ ଲାଡ୍ କିଦ୍‌ନାନ୍, ଇନେସ୍‌କି ଆନେଙ୍ଗ୍ ଆବା ଈଶ୍ୱରତାଙ୍ଗ୍ ୱାତାଙ୍ଗ୍‌ନା ଇଞ୍ଜି ଏପେଙ୍ଗ୍ ପାର୍ତି କିତ୍‌ତାଦେର୍‌ନା।

ଜହନ୍‌ 16:30

ଆପେଙ୍ଗ୍ ନଙ୍ଗୟ୍ ବୁଜା ଆଦେଙ୍ଗ୍ ଆଡ୍‌ନାପା, ଆରେ ଏନେଙ୍ଗ୍ ମା ପ୍ରଶ୍ନ କାଜିଙ୍ଗ୍ ଇନେରିଙ୍ଗ୍ ୱେନ୍‌ବିନି ଦର୍‌କାର୍ ଆକାଇ, ଇନେସ୍‌କି ଆପେଙ୍ଗ୍ ପାର୍ତି କିନାପା, ଏନେଙ୍ଗ୍ ଆବା ଈଶ୍ୱରତାଙ୍ଗ୍ ୱାତାଇନା।”

ଜହନ୍‌ 2:1

ଗାଲିଲୀ ଜିଲ୍ଲାନି କାନ୍ନା ସହର୍‌ତାକେ ର ବିବାଆଜି ମାଚାତ୍। ଯୀଶୁ ଆରେ ଚେଲାହିରିଙ୍ଗ୍ ପା ହେ ବିବାଇଞ୍ଜ କାବୁର୍ ହିଜି ମାଚାର୍। ରିଦିନ୍ ପାଚେ ଯୀଶୁ ବିବାଇଞ୍ଜ ହାଚାନ୍। ହେବେ ତା ତେହି ମରିୟମ ମାଚାତ୍।

ଜହନ୍‌ 2:23

ଯୀଶୁ ନିସ୍ତାର୍ ପାର୍ବୁ ମାନି କିଦେଙ୍ଗ୍ ଯିରୁଶାଲାମ ସହର୍‌ତାକେ ମାନିହିଙ୍ଗ୍ କେତେକ୍ ହେନି ମାନାୟ୍ ଚାନିଆଆନି କାମାୟ୍ କିତାକା ହୁଡ଼୍‌ଜି ହେୱାନିଙ୍ଗ୍ ପାର୍ତି କିତାର୍।

ଜହନ୍‌ 3:2

ହେୱାନ୍ ଦିନେକ୍ ମିକାଲିଙ୍ଗ୍ ଯୀଶୁ ଲାଗାୟ୍ ୱାଜି ୱେଚ୍‌ଚାନ୍, “ଏ ଗୁରୁ, ଆପେଙ୍ଗ୍ ପୁଚାପ୍‌ନା ଯେ, ଏନେଙ୍ଗ୍ ରକାଇ ଈଶ୍ୱରତାଙ୍ଗ୍ ୱାତି ଗୁରୁ। ଏନେଙ୍ଗ୍ ଇମ୍‌ଣିୱିଜୁ ଚାନିଆଆନି କାମାୟ୍ କିନାୟା। ଈଶ୍ୱର ସାଇଜ କିୱିତିସ୍‌ ଇୱିଜୁ କାମାୟ୍ ଇନେର୍ ପା କିଦେଙ୍ଗ୍ ଆଡୁର୍।”

ଜହନ୍‌ 4:3

ଲାଗିଙ୍ଗ୍ ଯୀଶୁ ହେପାଦ୍ନା ଯିହୁଦା ଜିଲ୍ଲା ପିସ୍ତି ଆରେରଗ ଗାଲିଲୀ ଜିଲ୍ଲାତ ହାଚାନ୍।

ଜହନ୍‌ 4:46

ଯୀଶୁ ଗାଲିଲୀ ଜିଲ୍ଲାନି କାନ୍ନା ସହର୍‌ତାକେ ଆରେରଗ ହାଚାନ୍। କାନ୍ନା ସହର୍‌ତାକେ ହେୱାନ୍ ଏଜୁକାଙ୍ଗ୍ ଅଙ୍ଗୁର୍ ରାସ୍ କିଜି ମାଚାନ୍। ହେବେ ରାଜା ଇଞ୍ଜ କାମାୟ୍ କିନାକାନ୍ ମାଚାନ୍, ତା ମେହି କପୁର୍‌ନାହୁମ୍‌ ସହର୍‌ତାକେ ନଚ୍‌ଚି ମାଚାନ୍।

ଜହନ୍‌ 4:54

ଯିହୁଦା ଜିଲ୍ଲାତାଙ୍ଗ୍ ଗାଲିଲୀ ଜିଲ୍ଲାତାକେ ୱାତି ପାଚେ, ଯୀଶୁ ଇ ଚାନିଆଆନି କାମାୟ୍ ହୁଦାଙ୍ଗ୍ ରିହା ଚାନିଆଆନି କାମାୟ୍ କିଜି ମାଚାନ୍।

ଜହନ୍‌ 5:23

ଇମ୍‌ଣାକାନ୍ ମେହିଙ୍ଗ୍ ସନ୍‌ମାନ୍ କିଉନ୍, ତାଙ୍ଗେଙ୍ଗ୍ ପକ୍ତି ଆବାଙ୍ଗ୍ ପା ସନ୍‌ମାନ୍ କିଉଦେର୍।”

ଜହନ୍‌ 6:14

ମାନାୟାର୍ ଯୀଶୁ ଚାନିଆଆନି କାମାୟ୍ ହୁଡ଼୍‌ଜି ୱେଚ୍‌ଚାର୍, “ହେୱାନ୍ ହାତ୍‌ପା ଭବିଷ୍ଯତବକ୍ତା, ଇନେର୍‌କି ଇ ପୁର୍ତିତାକେ ୱାନାକା ମାଚାତ୍।”

ଜହନ୍‌ 6:2

ଆରେ ହେୱାନ୍ ରଗ୍‌ଦାକାରିଙ୍ଗ୍ ଚାନିଆଆନି କାମାୟ୍ ହୁଡ଼୍‌ଜି ମାନାୟାର୍ ତାପାଚେ-ପାଚେ ବେସିହେନି ମାନାୟ୍ ହାଚାର୍।

ଜହନ୍‌ 6:26

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ନାଙ୍ଗେଙ୍ଗ୍ ଇନା କିଦେଙ୍ଗ୍ ଦାସ୍ତାନାଦେରା? ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଆନେଙ୍ଗ୍ ଚାନିଆଆନି କାମାୟ୍ କିତାକା ହୁଡ଼୍‌ଜି ଏପେଙ୍ଗ୍ ନାଙ୍ଗେଙ୍ଗ୍ ଦାସ୍ତୁଦେରା। ମାତର୍ ରୁଟି ତିନ୍‌ଞ୍ଜି ପାନ୍‌ଞ୍ଚିଲେ ଏପେଙ୍ଗ୍ ନାଙ୍ଗେଙ୍ଗ୍ ଦାସ୍ତାନାଦେରା।

ଜହନ୍‌ 6:30

ଲାଗିଙ୍ଗ୍ ମାନାୟାର୍ ହେୱାନିଙ୍ଗ୍ ୱେନ୍‌ବାତାର୍, “ନିଙ୍ଗେଙ୍ଗ୍ ଈଶ୍ୱର ପକ୍ତାତାନ୍‌ନା, ହେଦାଙ୍ଗ୍ ପୁନି କାଜିଙ୍ଗ୍ ଏନେଙ୍ଗ୍ ଇନା ଚାନିଆଆନି କାମାୟ୍ କିନାଇ, ଇମ୍‌ଣାକା କି ହୁଡ଼୍‌ଜି ଆପେଙ୍ଗ୍ ନିଙ୍ଗେଙ୍ଗ୍ ପାର୍ତିକିଦ୍‍ନାପ୍।

ଜହନ୍‌ 7:31

ବେସିହେନି ମାନାୟ୍ ଯୀଶୁଙ୍ଗ୍ ପାର୍ତି କିଜି ମାନାୟାର୍ ୱେଚ୍‌ଚାର୍, “ଇୱାନ୍ ଏଚେକ୍ କାମାୟ୍ କିତାନ୍‌ନା, ଖ୍ରୀଷ୍ଟ ୱାତିସ୍ ଇୱାନ୍‌ତାଙ୍ଗ୍ ଆଦିକ୍ ଚାନିଆଆନି କାମାୟ୍ କିଦେଙ୍ଗ୍ ଆଡ୍‌ନାନ୍ କି?”

ଜହନ୍‌ 9:16

କେତ୍‌ଜାଣ୍ ପାରୁସିଦଳ୍‍ ୱେଚ୍‌ଚାର୍, “ଇୱାନ୍ ଜମ୍‌ନିଦିନ୍‌ନି ନିୟମ୍‌ତିଙ୍ଗ୍ ମାନିକିଉନା। ଲାଗିଙ୍ଗ୍ ହେୱାନ୍ ଈଶ୍ୱରତାକେଣ୍ଡାଙ୍ଗ୍ ୱାୱାତାନ୍‌ନା।” ଜେକନିକାର୍ ୱେଚ୍‌ଚାର୍, “ରକାନ୍ ପାପି ମାନାୟ୍ ଇନାୱେଡ଼ାଙ୍ଗ୍ ଇ ଲେକେ ଚାନିଆଆନି କାମାୟ୍ କିଦେଙ୍ଗ୍ ଆଡୁନ୍।” ଇଦାଙ୍ଗ୍ କାଜିଙ୍ଗ୍ ପାରୁସିଦଳ୍‍ ବିତ୍ରେ ବାଗ୍-ବାଗ୍ ଆତାର୍।

୨ କରନ୍ତିୟ 3:18

ଆପେଙ୍ଗ୍ ୱିଜାକାପ୍ ଦାର୍‌ପାଣ୍ ଲେକେ ମାପୃ ମୁମ୍‌ଦ ପାର୍‌ଦା ହିଲ୍‌ୱି ଗୌରବ ଲେକେ ଚଞ୍ଜ୍‌ନାଦେର୍। ଈଶ୍ୱର ମାଙ୍ଗେଙ୍ଗ୍ ତା ଲେକେ ଆନି କାଜିଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ଗୌରବ ବାଡାୟ୍‌ କିନାନା, ହେଦାଙ୍ଗ୍ ମାପୃ ପବିତ୍ର ଆତ୍ମା କିନାନା।

୨ କରନ୍ତିୟ 4:17

ଇନେସ୍‌କି ଆସେଙ୍ଗ୍ ନଙ୍ଗୟ୍ ପାୟାଆନି ଦୁଃକ୍ କଷ୍ଟ ୱିଜୁ ହିରୁ ଆରେ ବେସିଦିନ୍ ମାନ୍‌ଗୁତ୍। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ୱିଜ୍‌ୱି ଜିବୁନ୍ ପାୟାଆନାସ୍, ଇମ୍‌ଣାକା କି ୱିଜୁ ଜିନିଷ୍‌ତାଙ୍ଗ୍ ଗାଜା ଆରେ ୱିଜୁଦିନ୍ ମାନ୍‌ଗାନାତ୍।

୨ କରନ୍ତିୟ 4:6

ଇନେସ୍‌କି ଈଶ୍ୱର ଆଗେ ୱେଚ୍‌ଚି ମାଚାନ୍, “ମାଜ୍‌ଗାତାକେ ଅଜଡ଼୍ ଆଏତ୍” ଆରେ ଇଲେକେ କିଜି ହେୱାନ୍ ତା ଗୌରବ ବୁଜାୟ୍ କିଜି ମାଚାତ୍ ଯେ, ହେ ଅଜଡ଼୍‌ଲେକେ ତା ଗୌରବ ଯୀଶୁ ଖ୍ରୀଷ୍ଟ ମୁମ୍‌ଦ ଚନ୍‌ଞ୍ଜି ମାଚାତ୍।

୧ ଯୋହନ 5:13

ଇମ୍‌ଣି ମାନାୟାର୍‌ ଈଶ୍ୱର ମେହିଙ୍ଗ୍ ପାର୍ତି କିନାରା, ହେୱାର୍ କାଜିଙ୍ଗ୍ ଇ ଚିଟି ଲେକିକିନାଙ୍ଗା, ଇନେସ୍‌କି ଏପେଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍, ଈଶ୍ୱର ମିଙ୍ଗେଙ୍ଗ୍ ୱିଜ୍‌ୱି ଜିବୁନ୍ ହିତ୍‌ତାନ୍‌ନା।