ଜହନ୍‌ 17:2 - New Testament in Pengo Parja Language

² ଏନେଙ୍ଗ୍ ହେୱାନିଙ୍ଗ୍ ୱିଜୁ ମାନାୟ୍ ଜାତିତିଙ୍ଗ୍ ଆଦିକାର୍ ହିତାଇନା। ଇନେସ୍‌କି ଏନେଙ୍ଗ୍ ହେୱାନିଙ୍ଗ୍ ଇମ୍‌ଣାକାରିଙ୍ଗ୍ ହିତାଇନା, ହେୱାରିଙ୍ଗ୍ ହେ ହିମ୍‌ଣା ୱିଜ୍‌ୱି ଜିବୁନ୍ ହିନାନ୍।

ସତ୍‌ ବଚନ୍‌ ପୁନି ନିୟମ୍‌

² ଏପେଙ୍ଗ୍‌ ତାଙ୍ଗେଙ୍ଗ୍‌ ୱିଜ଼ାର୍‌ ମାନାୟାରିଂ ଆଦିକାର୍‌ ହିତାୟ୍‌ନା, ହେୱେରିଂ ୱିଜ଼୍‌ୱି ଜିବୁନ୍‌ ହିଦେଂ ଇଞ୍ଜି ତାଙ୍ଗେଙ୍ଗ୍‌ କେଇଦ ୱିଜ଼ୁ ବଜ୍‌ ଜପି ଆଦିକାର୍‌ ହିତାଦେର୍‌ ।

ଜହନ୍‌ 17:2 Iomraidhean Croise

ମାତିଉ 11:27

ନା ଆବା ସରଗ୍ ଆରେ ପୁର୍ତିନି ଆଦିକାର୍ ୱିଜୁ ବିଷୟ ନାଙ୍ଗେଙ୍ଗ୍ ହିତ୍‌ତାନ୍‌ନା। ହେଦାଙ୍ଗ୍ କାଜିଙ୍ଗ୍ ହିମ୍‌ଣା ବିଷୟରେ ଆବାଙ୍ଗ୍ ପିସ୍ତି ଇନେର୍ ପା ପୁନୁର୍। ଆରେ ଆବା ବିଷୟରେ ହିମ୍‌ଣାଙ୍ଗ୍ ପିସ୍ତି ଇନେର୍ ପୁଞ୍ଜେଙ୍ଗ୍ ଆଡୁର୍। ଆରେ ହିମ୍‌ଣା ଇନେରିଙ୍ଗ୍ ବାଚିକିଜି ୱେଚ୍‌ଚାଙ୍ଗ୍‌ନା ହେୱାର୍ ନେ ଆବାଙ୍ଗ୍ ପୁନାନ୍।

ମାତିଉ 25:46

ତାପାଚେ ଇ ମାନାୟାର୍ ହସି ହାନାର୍। ଅଦରମ୍‌ ମାନାୟାରିଙ୍ଗ୍ ୱିଜ୍‌ୱି ଦଣ୍ଡ୍ ପାୟା ଆଦେଙ୍ଗ୍ ଆନାତ୍। ମାତର୍ ହାର୍ଦି ମାନାୟାର୍ ୱିଜ୍‌ୱି ଜିବୁନ୍ ପାୟାଆନାର୍‌।”

ମାତିଉ 28:18

ଲାଗିଙ୍ଗ୍ ଯୀଶୁ ହେୱାର୍ ଲାଗାୟ୍ ୱାଜି ହେୱାରିଙ୍ଗ୍ ୱେଚ୍‌ଚାନ୍, “ସରଗ୍ ଆରେ ପୁର୍ତିନି ୱିଜୁ ଆଦିକାର୍ ଈଶ୍ୱର ନାଙ୍ଗେଙ୍ଗ୍ ହିତ୍‌ତାନ୍‌ନା।

ଜହନ୍‌ 17:24

ଏ ଆବା ଈଶ୍ୱର, ଏନେଙ୍ଗ୍ ନାଙ୍ଗେଙ୍ଗ୍ ଇମ୍‌ଣି ମାନାୟାରିଙ୍ଗ୍ ହିତ୍‌ତାଇନା, ଆନେଙ୍ଗ୍ ଇଚା କିନାଙ୍ଗ୍, ଆନେଙ୍ଗ୍ ମାନି ୱିଜୁ ବାହାତାକେ ହେୱାର୍ ନା ହୁଦାଙ୍ଗ୍ ମାନେର୍। ଆନେଙ୍ଗ୍ ଇଚା କିନାଙ୍ଗ୍, ହେୱାର୍ ନା ଅଜଡ଼୍ ହୁଡ଼େର୍। ଇ ଅଜଡ଼୍ ଏନେଙ୍ଗ୍ ନାଙ୍ଗେଙ୍ଗ୍ ହିତ୍‌ତାଇନା, ଇନେସ୍‌କି ଏନେଙ୍ଗ୍ ପୁର୍ତି ରହ୍‌ୱିତି ଆଗେ ନାଙ୍ଗେଙ୍ଗ୍ ଲାଡ୍ କିତ୍‌ତାୟ୍।

ଜହନ୍‌ 17:6

ଏଲେଙ୍ଗ୍ ପୁର୍ତିନି କେତ୍‌ଜାଣ୍ ମାନାୟାର୍ ନିଙ୍ଗେଙ୍ଗ୍ ପୁନ୍‌ଞ୍ଚାର୍‌ନା, ହେୱାର୍ ନି ଲକ୍ ମାଚାର୍, ଆରେ ଏନେଙ୍ଗ୍ ହେୱାରିଙ୍ଗ୍ ନାଙ୍ଗେଙ୍ଗ୍ ହିତ୍‌ତାଇନା। ହେୱାର୍ ନି ହିକ୍ଷାତିଙ୍ଗ୍ ମାନିକିତାର୍‌ନା।

ଜହନ୍‌ 17:9

ଆନେଙ୍ଗ୍ ହେୱାର୍ କାଜିଙ୍ଗ୍ ନଙ୍ଗୟ୍ ପାର୍ତାନା କିନାଙ୍ଗା। ଆନେଙ୍ଗ୍ ପୁର୍ତିନି ମାନାୟାର୍ କାଜିଙ୍ଗ୍ ପାର୍ତାନା କିଉଙ୍ଗା। ଆନେଙ୍ଗ୍ ହେୱାରିଙ୍ଗ୍ ପାର୍ତାନା କିନାଙ୍ଗା, ଇମ୍‌ଣାକାରିଙ୍ଗ୍ ଏନେଙ୍ଗ୍ ହିଜିମାନ୍‌ଞ୍ଚାଇ। ଇନେସ୍‌କି ହେୱାର୍ ମିୱାର୍।

ଜହନ୍‌ 3:35

ଆବା ଈଶ୍ୱର ତା ମେହିଙ୍ଗ୍ ଲାଡ୍ କିନାନ୍। ହେୱାନିଙ୍ଗ୍ ୱିଜୁ ବିଷୟତିଙ୍ଗ୍ ଆଦିକାର୍ ହିତାନ୍‌ନା।

ଜହନ୍‌ 4:14

ମାତର୍ ଆନେଙ୍ଗ୍ ଇମ୍‌ଣି ଏଜୁଙ୍ଗ୍ ଉଣ୍ଡେଙ୍ଗ୍ ହିଦ୍‌ନାଙ୍ଗ୍, ହେଦାଙ୍ଗ୍ ଇମ୍‌ଣାକାନ୍ ଉଣାନ୍, ହେୱାନ୍ ଇନାୱେଡ଼ାଙ୍ଗ୍ ପା ଏସ୍‌କି ଆଉନ୍। ଆନେଙ୍ଗ୍ ହିଦ୍‌ନି ଏଜୁଙ୍ଗ୍ ୱିଜ୍‌ୱି ଜିବୁନ୍ ପାତେକ୍ ଜାରିଆ ଲେକେ ୱିଜୁଦିନ୍ ହତ୍‌ନାତ୍।”

ଜହନ୍‌ 6:27

ନଷ୍ଟ ଆନି କାଦିତିଙ୍ଗ୍ ଏପେଙ୍ଗ୍ କଷ୍ଟ କିମାଟ୍। ମାତର୍ ଇମ୍‌ଣି କାଦି ନଷ୍ଟ ଆୱାଦାଙ୍ଗ୍ ୱିଜ୍‌ୱି ଜିବୁନ୍ କାଜିଙ୍ଗ୍ ମାନ୍‌ଗାନାତ୍, ହେ କାଦି କାଜିଙ୍ଗ୍ କଷ୍ଟ କିୟାଟ୍। ହେ କାଦି ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ହିଦ୍‌ନାନ୍। ଇନେସ୍‌କି ଆବା ଈଶ୍ୱର ନାଙ୍ଗେଙ୍ଗ୍ ହେ ଆଦିକାର୍ ହିତ୍‌ତାନ୍‌ନା।”

ଜହନ୍‌ 6:37

ନା ଆବା ଈଶ୍ୱର ନାଙ୍ଗେଙ୍ଗ୍ ଇମ୍‌ଣାକା ହିତ୍‌ତାନ୍‌ନା, ହେୱାର୍ ନା ଲାଗାୟ୍ ୱାନାର୍। ଆରେ ଆନେଙ୍ଗ୍ ହେୱାରିଙ୍ଗ୍ ଇନାୱେଡ଼ାଙ୍ଗ୍ ପା ହପୁଙ୍ଗ୍‌।

ଜହନ୍‌ 6:39

ଈଶ୍ୱର ଇମ୍‌ଣାକାରିଙ୍ଗ୍ ନାଙ୍ଗେଙ୍ଗ୍ ହିତ୍‌ତାନ୍‌ନା, ଆନେଙ୍ଗ୍ ହେୱାର୍ ବିତ୍ରେତାଙ୍ଗ୍ ରକାନିଙ୍ଗ୍ ପା ଆରାଇ କିଉଙ୍ଗ୍। ଆନେଙ୍ଗ୍ ହେୱାରିଙ୍ଗ୍ ସେସ୍‌ଦିନ୍‌ତ ଆରେରଗ ଜିବୁନ୍ କିନାଙ୍ଗ୍। ଇଦାଙ୍ଗ୍ ନେ ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱରତି ଇଚା।

ରୋମିୟ 6:23

ଇନେସ୍‌କି ପାପ୍ କାମାୟ୍ କାଜିଙ୍ଗ୍ ମାରାଣ୍ ୱାତାତ୍, ମାତର୍ ମା ମାପୃ ଯୀଶୁ ଖ୍ରୀଷ୍ଟ କାଜିଙ୍ଗ୍ ୱିଜ୍‌ୱି ଜିବୁନ୍ ଈଶ୍ୱର ଦୟାତାଙ୍ଗ୍ ଦାନ୍ ହିତାନ୍।

୧ କରନ୍ତିୟ 15:25

ଇନେସ୍‌କି ଈଶ୍ୱର ଖ୍ରୀଷ୍ଟନି ଶତ୍ରୁରିଙ୍ଗ୍ ଆରାୟ୍ କିଜି ତା କାଲ୍‌ପାନା ତାରେନ୍ ତାୱି ପାତେକ୍ ହେୱାନ୍ ରାଜାଆଜି ପୁର୍ତିତାକେ ସାସନ୍ କିନି ଦର୍‌କାର୍।

ଏପିସିୟ 1:20

ଇଦାଙ୍ଗ୍ ନେ ହେ ଗାଜା ଶାକ୍ତିତାଙ୍ଗ୍ ଈଶ୍ୱର ଖ୍ରୀଷ୍ଟଙ୍ଗ୍ ହାଃତି ମାନାୟାର୍ ବିତ୍ରେତାଙ୍ଗ୍ ନିକ୍ତାନ୍‌ନା ଆରେ ସରଗ୍‌ଜପି ଈଶ୍ୱର ତିନାକେଇ ନିପ୍‌ଣି ସନ୍‌ମାନ୍ ପାୟାଆନି ବାହାତାକେ କୁଚିକିତାନ୍‌ନା।

ପିଲିପିୟ 2:10

ହେଦାଙ୍ଗ୍ କାଜିଙ୍ଗ୍ ୱିଜୁ ଜାତିନି ମାନାୟାର୍ ସରଗ୍‌ତାକେ, ପୁର୍ତିତାକେ ଆରେ ପାତାଡ଼୍‌ତାକେ ମାନାକାର୍ ଯୀଶୁଙ୍ଗ୍ ସନ୍‌ମାନ୍ ହିଦେଙ୍ଗ୍ ମେଣ୍ଡାକୁନ୍ଦିକିଜି ଜୱାର୍ କିନାର୍।

୧ ତିମତି 1:16

ଜେକନିକାର୍ ଇନେସ୍ ଯୀଶୁ ଖ୍ରୀଷ୍ଟତାକେ ପାର୍ତି କିଜି ୱିଜ୍‌ୱି ଜିବୁନ୍ ପାୟାଆନାର୍‌, ହେଦାଙ୍ଗ୍ ହେୱାର୍ ଲାଗାୟ୍ ଚଚ୍‌ନି କାଜିଙ୍ଗ୍ ଈଶ୍ୱର କାସି ମାନ୍‌ଞ୍ଜି ସାସ୍ ଆସ୍ତି ଦୟା କିତ୍‌ତାନ୍‌ନା।

ଏବ୍ରି 1:2

ମାତର୍ ଇ ସେସ୍ କାଡ଼୍‌ଦ, ତା ମେହିତାଙ୍ଗ୍ ମାଙ୍ଗେଙ୍ଗ୍ ବେଣ୍ କିତ୍‌ତାନ୍‌ନା। ଈଶ୍ୱର ହେୱାନ୍‌ତାଙ୍ଗ୍ ପୁର୍ତିନି ୱିଜୁ ବିଷୟ ରସ୍ତାନ୍, ଆରେ ହେୱାନିଙ୍ଗ୍ ୱିଜୁ ବିଷୟନି ଅଦିକାର୍ କିଜି ବାଚିକିତାନ୍

୧ ପିତର 3:22

ଆରେ ହେୱାନ୍ ସରଗ୍‌ଜପି ହାଚାନ୍‌ନା। ହେୱାନ୍ ନଙ୍ଗୟ୍ ସନ୍‌ମାନ୍ ପାୟାଆନି ବାହାତାକେ ଈଶ୍ୱର ତିନାବାଗାୟ୍ କୁଚ୍‌ଚାନ୍‌ନା, ଆରେ ହେୱାନ୍ ୱିଜୁ ଦୁତ୍‌କୁକାଙ୍ଗ୍, ଅଦିକାର୍ କି ଶାକ୍ତିମାନି ଆତ୍ମାକାଙ୍ଗ୍ ସାସନ୍ କିନାନା।

୧ ଯୋହନ 1:2

ହେୱାନ୍ ଜିବୁନ୍ ହିଦ୍‌ନି ମାନାୟ୍ ପୁର୍ତିତାକେ ୱାତାନ୍। ଆପେଙ୍ଗ୍ ହେୱାନିଙ୍ଗ୍ ହୁଡ଼୍‌ତାପ୍‌ନା, ଆରେ ତା ବିଷୟରେ ଆପେଙ୍ଗ୍ ସାକି ହିଦ୍‌ନାପା। ଆପେଙ୍ଗ୍ ତା ବିଷୟରେ ୱେଚ୍‌ଚାନାପା ଯେ, ହେୱାନ୍‌ନେ ୱିଜ୍‌ୱି ଜିବୁନ୍। ହେୱାନ୍ ଆବା ଈଶ୍ୱର ହୁଦାଙ୍ଗ୍ ଆଗେତାଙ୍ଗ୍ ମାଚାନ୍, ଆରେ ହେୱାନ୍ ପୁର୍ତିତାକେ ୱାତାନ୍।

୧ ଯୋହନ 2:25

ଆରେ ଈଶ୍ୱର ମାଙ୍ଗେଙ୍ଗ୍ ହିତ୍‌ତି ପାର୍ମାଣ୍ ନେ ୱିଜ୍‌ୱି ଜିବୁନ୍।

୧ ଯୋହନ 5:20

ଆସେଙ୍ଗ୍ ପୁଚାସ୍‌ନା ଯେ, ଈଶ୍ୱର ତା ମେହିଙ୍ଗ୍ ପୁର୍ତିତାକେ ପକ୍ତାତାନ୍‌ନା। ଆରେ ହେୱାନ୍ ମାଙ୍ଗେଙ୍ଗ୍ ସତ୍ ଈଶ୍ୱରତିଙ୍ଗ୍ ପୁଞ୍ଜେଙ୍ଗ୍ ସାଇଜ କିତ୍‌ତାନ୍‌ନା। ନଙ୍ଗୟ୍ ଆପେଙ୍ଗ୍ ଈଶ୍ୱର ଆରେ ତା ମେହି ଯୀଶୁ ଖ୍ରୀଷ୍ଟତାକେ ମାହାଆଜି ମାନାପ୍। ହେୱାନ୍‌ନେ ରକାନ୍ ସତ୍ ଈଶ୍ୱର, ଆରେ ହେୱାନ୍‌ନେ ୱିଜ୍‌ୱି ଜିବୁନ୍।

ଜିହୁଦା 1:21

ମା ମାପୃ ଯୀଶୁ ଖ୍ରୀଷ୍ଟ ତା ଦୟାତାଙ୍ଗ୍ ୱିଜ୍‌ୱି ଜିବୁନ୍ ହିଦ୍‌ନାନ୍ ଇଞ୍ଜି ଏପେଙ୍ଗ୍ କାତାଦେର୍‌ନା, ହେଦାଙ୍ଗ୍ କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ଲାଡ୍ କିତ୍‌ତାନ୍‌ନା ଇଞ୍ଜି ପୁନ୍‌ଞ୍ଜି, ଏପେଙ୍ଗ୍ ହାର୍‌ଦାଙ୍ଗ୍ ଜିବୁନ୍ କାଟିକିୟାଟ୍।