ଜହନ୍‌ 17:1 - New Testament in Pengo Parja Language

¹ ଯୀଶୁ ଇୱିଜୁ କାତା ୱେଚ୍‌ଚି ପାଚେ ସରଗ୍ ନିପଣ୍ ହୁଡ଼୍‌ତାନ୍। ଆରେ ହେୱାନ୍ ପାର୍ତାନା କିତାନ୍, “ଏ ଆବା ଈଶ୍ୱର, ନଙ୍ଗୟ୍ ସମୟ୍ ୱାତାତ୍‌ନା। ଏନେଙ୍ଗ୍ ଜାର୍ ହିମ୍‌ଣାତିଙ୍ଗ୍ ଜୟ୍-ଜୟ୍ କିୟା, ଇନେସ୍‌କି ହିମ୍‌ଣା ନିଙ୍ଗେଙ୍ଗ୍ ଜୟ୍-ଜୟ୍ କିଦେଙ୍ଗ୍ ଆଡ଼୍‌ଦାନାନ୍।

ସତ୍‌ ବଚନ୍‌ ପୁନି ନିୟମ୍‌

¹ ଜିସୁ ଇ ୱିଜ଼ୁ ବେରଣ୍‌ ଇଞ୍ଜି ସାର୍ଗେନିପ ଜପି ହୁଡ଼୍‌ଜି ଇଚାନ୍‌, “ଆବା, ସମୁ ଏକା ୱାତାତେ; ନି ମାଜ଼ିଙ୍ଗ୍‌ ଜାଜ୍‌ମାଲ୍‌ କିୟା, ଇନେସ୍‌ ମାଜ଼ି ନିଙ୍ଗେଙ୍ଗ୍‌ ପାଣ୍‌ କିଦ୍‌ନାନା,

ଜହନ୍‌ 17:1 Iomraidhean Croise

ମାର୍କ 14:41

ଯୀଶୁ ତିନ୍‌ହଟ୍ ୱାଜି ଚେଲାରିଙ୍ଗ୍ ୱେଚ୍‌ଚାନ୍, “ନଙ୍ଗୟ୍ ପାତେକ୍ ହୁନ୍ଞ୍ଚାଦେର୍‍ନା? ଏଚେକ୍ ଆତାତେ! ୱେନାଟ୍! ନା ସମୟ୍ ୱାତାତେ, ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତଙ୍ଗ୍‌ ପାପିର୍ କେଇଦ ଆହିୟା ଆନାଙ୍ଗ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:13

ସିସ୍ତୁ ଏନ୍‌ନାକାନ୍ ପା ଜେକ ରକାନ୍ ନିଲ୍‌ଚି ମାଚାନ୍। ମାତର୍ ପାର୍ତାନା କିନିହିଙ୍ଗ୍ ହେୱାନ୍ ସରଗ୍ ନିପଣ୍ ହୁଡ଼୍‌ଦେଙ୍ଗ୍ ଶାସ୍ କିୱାତାନ୍। ସିସ୍ତୁ ଏନ୍‌ନାକାନ୍ ଈଶ୍ୱର ଲାଗାୟ୍ ଦୁକ୍‌ଆଜି ନେଞ୍ଜାଡାକିତାକେ ଇଡ଼ିଆ ଆଜି ପାର୍ତାନା କିତାନ୍, ‘ଏ ଈଶ୍ୱର, ନାଙ୍ଗେଙ୍ଗ୍ ଦୟାକିଦା। ଆନେଙ୍ଗ୍ ରକାଙ୍ଗ୍ ପାପି ମାନାୟ୍।’

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:53

ଆନେଙ୍ଗ୍ ୱିଜୁଦିନ୍ ମିହୁଦାଙ୍ଗ୍ ମାନ୍‌ଞ୍ଜି ଈଶ୍ୱର ମାନି ମନ୍ଦିର୍‌ ପିଣ୍ଡାତ ହିକ୍ଷାହିଜି ମାନ୍‍ଚାଙ୍ଗ୍, ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ଆସ୍ତି ଗାଚ୍‍ଚେଦେଙ୍ଗ୍ ୱାତାଦେର୍, ମାତର୍ ଇଦାଙ୍ଗ୍ ମି ସମୟ୍ ଆରେ ମି ଜିବୁନ୍ ମାଜ୍‌ଗା ଆତ୍‌ତାତ୍‌।”

ଜହନ୍‌ 11:4

ଯୀଶୁ ଇ କାତା ୱେନ୍‌ଞ୍ଜି ୱେଚ୍‌ଚାନ୍, “ଇ ବେମାର୍‌ତାଙ୍ଗ୍ ଲାଜାର ହାଃଉନ୍। ମାତର୍ ଇ ବେମାର୍ ଈଶ୍ୱର କାଜିଙ୍ଗ୍ ଜୟ୍-ଜୟ୍, ଆରେ ଈଶ୍ୱର ମେହି ଇଦାଙ୍ଗ୍ ଜୟ୍-ଜୟ୍ ପାୟା ଆନାନ୍।”

ଜହନ୍‌ 11:41

ଲାଗିଙ୍ଗ୍ ହେୱେକ୍ ହେ ମୁମ୍‌ଦ ଡାବାଇ କିତି କାଲ୍‌ତିଙ୍ଗ୍ ଗୁଚାଇ କିତିକ୍। ତାପାଚେ ଯୀଶୁ ବାଦାଡ଼୍‌ଜପି ମୁମ୍‌‌କିଜି ୱେଚ୍‌ଚାନ୍, “ଏ ନା ଆବା ଈଶ୍ୱର, ନିଙ୍ଗେଙ୍ଗ୍ ଦନ୍ଯବାଦ୍ ହିଦ୍‌ନାଙ୍ଗା, ଇନେସ୍‌କି ଏନେଙ୍ଗ୍ ନା କାତା ୱେଚାଇ।

ଜହନ୍‌ 12:23

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ନଙ୍ଗୟ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଦୁକ୍‌କଷ୍ଟ ପାୟାଆନିଦିନ୍ ଲାଗେ ୱାତାତେ।

ଜହନ୍‌ 13:1

ହେପାଦ୍ନା ଯିହୁଦିର୍ ନିସ୍ତାର୍ ପାର୍ବୁ ରଦିନ୍ ଆଗେ ଯୀଶୁ ପୁଚାନ୍, ହେୱାନିଙ୍ଗ୍ ପୁର୍ତିତିଙ୍ଗ୍ ପିସ୍ତି ହାନି ସମୟ୍ ଆତାତେ। ନଙ୍ଗୟ୍ ହେୱାନ୍ ଆବା ଈଶ୍ୱରତାକେ ହାନାନ୍। ହେୱାନ୍ ୱିଜୁଦିନ୍ ଇ ପୁର୍ତିତାକେ ମାନି ତା ଜାର୍ ଆଜିମାଚି ଲକ୍‌ବାକ୍‌ତିଙ୍ଗ୍ ଲାଡ୍‌କିଜି ମାଚାନ୍। ହେୱାନ୍ ହେୱାର୍ କାଜିଙ୍ଗ୍ ବେସି ଲାଡ଼୍ କିଜି ମାଚାନ୍।

ଜହନ୍‌ 16:32

ୱେନାଟ୍! ସମୟ୍ ୱାନାତା, ଏଚେପାଦ୍ନା ଏପେଙ୍ଗ୍ ଚିନ୍-ବିନ୍ ଆନାଦେର୍। ମି ବିତ୍ରେତାଙ୍ଗ୍ ୱିଜାକାର୍ ଜାର୍-ଜାର୍ ଇଲ୍ ବିତ୍ରେ ଚିନ୍-ବିନ୍ ଆଜି ହନ୍‌ନାଦେର୍। ହେ ସମୟ୍ ୱାଜି ଏକାୱାତାତେ। ଏପେଙ୍ଗ୍ ରକାଙ୍ଗ୍ ନାଙ୍ଗେଙ୍ଗ୍ ପିସ୍ତାନାଦେର୍। ଆନେଙ୍ଗ୍ ରକାଙ୍ଗ୍ ମାନ୍‌ଗାନାଙ୍ଗ୍। ମାତର୍ ଆନେଙ୍ଗ୍ ରକାଙ୍ଗ୍ ଆକାୟ୍, ଇନେସ୍‌କି ଆବା ଈଶ୍ୱର ନା ହୁଦାଙ୍ଗ୍ ମାନାନ୍।

ଜହନ୍‌ 7:30

ଯୀଶୁ ଇବେଣ୍ ୱେଚ୍‌ନିହିଙ୍ଗ୍ ମାନାୟାର୍ ହେୱାନିଙ୍ଗ୍ ଆସ୍ତେଙ୍ଗ୍ ଉପାୟ୍ କିତାର୍। ମାତର୍ ଇନେର୍ ପା ହେୱାନିଙ୍ଗ୍ ଆସ୍‌ପେଦେଙ୍ଗ୍ ଆଡ୍‌ୱାତାର୍। ହେପାଦ୍ନା ପା ହେୱାନ୍ ହାଃନି ଟିକ୍ ସମୟ୍ ଆୱାଦାଙ୍ଗ୍ ମାଚାତ୍।

ଜହନ୍‌ 7:39

ଇମ୍‌ଣାକାର୍ ଯୀଶୁତାକେ ପାର୍ତି କିଜି ମାଚାର୍, ଆରେ ହେୱାର୍ ଈଶ୍ୱରଆତ୍ମା ପାୟାଆନାକା ମାଚାତ୍। ହେୱାରିଙ୍ଗ୍ ଚଚ୍‌ଚି ଯୀଶୁ ଇ କାତା ୱେଚ୍‌ଚାନ୍। ଇନେସ୍‌କି ଈଶ୍ୱର ଯୀଶୁଙ୍ଗ୍ ଅଜଡ଼୍ କିୱାଦାଙ୍ଗ୍ ମାଚିଲେ, ହେୱାର୍ ଈଶ୍ୱରଆତ୍ମା ପାୟାଆୱାଦାଙ୍ଗ୍ ମାଚାର୍।

ଜହନ୍‌ 8:20

ଯୀଶୁ ଈଶ୍ୱର ମାନି ମନ୍ଦିର୍‌ ପିଣ୍ଡା ଦଣ୍ଡ୍ ହିନି ବାହାତାକେ ନିଲ୍‌ଚି ହିକ୍ଷାହିଜି ଇ ୱିଜୁବେଣ୍ ୱେଚ୍‌ଚାନ୍। ମାତର୍ ଇମ୍‌ଣାକାର୍ ପା ହେୱାନିଙ୍ଗ୍ ବନ୍ଦି କିୱାତାର୍। ଇନେସ୍‌କି ତା ଦୁକ୍‌କଷ୍ଟ ପାୟାଆଜି ହାଃୱି ଦିନ୍ ୱାୱାଦାଙ୍ଗ୍ ମାଚାତ୍।

ପକ୍ୟାତାକା 3:13

ମା ଆକଦାଦି ଅବ୍ରାହାମ, ଇସାକ ଆରେ ଯାକୁବନି ଈଶ୍ୱର, ତା ଦାସ୍ ଯୀଶୁଙ୍ଗ୍ ବେସି ସନ୍‌ମାନ୍ କିତାନ୍‌ନା। ହେ ଯୀଶୁଙ୍ଗ୍ ଏପେଙ୍ଗ୍ ହାଃନି କାଜିଙ୍ଗ୍ ଶତ୍ରୁ କେଇଦ ଆହିକିତାଦେର୍। ହେପାଦ୍ନା ପିଲାତ ରାଜା ହେୱାନିଙ୍ଗ୍ ମୁକ୍ତି କିଦେଙ୍ଗ୍ ଇଚାକିଜି ମାଚାନ୍। ମାତର୍ ଏପେଙ୍ଗ୍ ପିଲାତ ରାଜା ମୁମ୍‌ଦ ହେୱାନିଙ୍ଗ୍ ମୁନା କିତାଦେର୍।

୧ ପିତର 1:21

ଖ୍ରୀଷ୍ଟ ମିଙ୍ଗେଙ୍ଗ୍ ଇନାକା କିତି କାଜିଙ୍ଗ୍ ଏପେଙ୍ଗ୍ ନଙ୍ଗୟ୍ ଈଶ୍ୱରତିଙ୍ଗ୍ ପାର୍ତିକିନାରା, ଆରେ ଈଶ୍ୱର ଖ୍ରୀଷ୍ଟଙ୍ଗ୍ ହାଃତିତାଙ୍ଗ୍ ଆରେରଗ ନିକ୍‌ତି କାଜିଙ୍ଗ୍ ଆପେଙ୍ଗ୍ ତାଙ୍ଗେଙ୍ଗ୍ ପାର୍ତି ଆରେ ଆହା କିଜି ତାଙ୍ଗେଙ୍ଗ୍ ଗୌରବ କିନାପା।