ଜହନ୍‌ 16:5 - New Testament in Pengo Parja Language

⁵ ନଙ୍ଗୟ୍ ଆନେଙ୍ଗ୍ ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱର ଲାଗାୟ୍ ହାନାଙ୍ଗା। ଲାଗିଙ୍ଗ୍ ଏପେଙ୍ଗ୍ ୱେନ୍‌ବାଆଦୁଦେରା ଏନେଙ୍ଗ୍ ଇମେ ହାନାୟା।

ସତ୍‌ ବଚନ୍‌ ପୁନି ନିୟମ୍‌

⁵ ମାତର୍‌ ନଙ୍ଗ୍‌ ଆନ୍‌ ନା ପକ୍ତିତି ହାଉକାର୍‍ତାକେ ହାନାଙ୍ଗା, ଆରେ ଏପେଙ୍ଗ୍‌ “ଇମ୍‌ଣି ବାହାତ ହାନାୟା” ଇଞ୍ଜି ମି ବିତ୍ରେ ଇନେର୍‌ ନାଙ୍ଗ୍‌ ୱେନ୍‌ବା ଆଦୁଦେରା ।

ଜହନ୍‌ 16:5 Iomraidhean Croise

ଜହନ୍‌ 13:3

ଆବା ଈଶ୍ୱର ଯୀଶୁଙ୍ଗ୍ ୱିଜୁ ବଷୟରେ ଆଦିକାର୍ ହିଜିମାଚାନ୍। ହେୱାନ୍ ଈଶ୍ୱରତାଙ୍ଗ୍ ୱାତାନ୍‌ନା ଆରେ ଈଶ୍ୱରତାକେ ହାନାଙ୍ଗ୍ ଇଞ୍ଜି ଯୀଶୁ ଇଦାଙ୍ଗ୍ ପୁନ୍‌ଞ୍ଜି ମାଚାନ୍।

ଜହନ୍‌ 13:36

ଶିମୋନ ପିତର ଯୀଶୁଙ୍ଗ୍ ୱେନ୍‌ବାତାନ୍, “ମାପୃ, ଏନେଙ୍ଗ୍ ଇମେନିପଣ୍ ହାନାୟା?” ଯୀଶୁ ୱେଚ୍‌ଚାନ୍, “ଆନେଙ୍ଗ୍ ଇମେନିପଣ୍ ହାନାଙ୍ଗା, ଏପେଙ୍ଗ୍ ନା ପାଚେ-ପାଚେ ନଙ୍ଗୟ୍ ହେବେ ୱାଦେଙ୍ଗ୍ ଆଡୁଦେର୍। ମାତର୍ ପାଚେ ଏପେଙ୍ଗ୍ ନା ପାଚେ-ପାଚେ ୱାନାଦେର୍।”

ଜହନ୍‌ 14:28

ଏପେଙ୍ଗ୍ ନା କାତା ୱେଚାଦେର୍‌ନା, ‘ଆନେଙ୍ଗ୍ ହାନାଙ୍ଗା, ମାତର୍ ଆରେ ମି ଲାଗାୟ୍ ୱାନାଙ୍ଗ୍।’ ଏପେଙ୍ଗ୍ ଯଦି ନାଙ୍ଗେଙ୍ଗ୍ ହାତ୍‌ପା ଲାଡ୍‌କିଜି ମାନ୍‌ଗାନାଦେର୍, ଲାଗିଙ୍ଗ୍ ଏପେଙ୍ଗ୍ ୱାରି ଆନାଦେର୍, ଆନେଙ୍ଗ୍ ଆବା ଈଶ୍ୱରତାକେ ହାନାଙ୍ଗା ଇଞ୍ଜି। ଇନେସ୍‌କି ନା ଆବା ଈଶ୍ୱର ନାବେତାଙ୍ଗ୍ ଗାଜାକାନ୍‌।

ଜହନ୍‌ 16:10

ଦରମ୍ ବିଷୟ କାଜିଙ୍ଗ୍ ଆନେଙ୍ଗ୍ ଆବା ଈଶ୍ୱରତାକେ ହାନାଙ୍ଗା, ଏପେଙ୍ଗ୍ ନାଙ୍ଗେଙ୍ଗ୍ ହୁଡ଼୍‌ଦେଙ୍ଗ୍ ଆଡ଼୍‌ଦୁଦେର୍।

ଜହନ୍‌ 16:16

ଆରେରଗ ଯୀଶୁ ୱେଚ୍‌ଚାନ୍, “ଏପେଙ୍ଗ୍ ନାଙ୍ଗେଙ୍ଗ୍ ଅଲପ୍ ସମୟ୍ ହାଚି ପାଚେ ହୁଡ଼୍‌ଦୁଦେର୍। ତାପାଚେ ଆରେ ଅଲପ୍ ସମୟ୍ ହାଚି ପାଚେ ଏପେଙ୍ଗ୍ ନାଙ୍ଗେଙ୍ଗ୍ ଆରେ ହୁଡ଼୍‌ଦାନାଦେର୍।”

ଜହନ୍‌ 16:17

କେତ୍‌ଜାଣ୍ ଚେଲାହିର୍ ଜାର୍-ଜାର୍‌ବିତ୍ରେ ୱେଚ୍‌ପାଆତାର୍, “ଯୀଶୁ ଇଲେକେ ୱେଚ୍‌ନି ଅର୍ତ ଇନାକା? ଏପେଙ୍ଗ୍ ନାଙ୍ଗେଙ୍ଗ୍ ଅଲପ୍ ସମୟ୍ ହାଚି ପାଚେ ହୁଡ଼୍‌ଦୁଦେର୍। ତାପାଚେ ଆରେ ଅଲପ୍ ସମୟ୍ ହାଚି ପାଚେ ଏପେଙ୍ଗ୍ ନାଙ୍ଗେଙ୍ଗ୍ ଆରେ ହୁଡ଼୍‌ଦାନାଦେର୍। ଇନେସ୍‌କି ଆନେଙ୍ଗ୍ ନା ଆବା ଈଶ୍ୱର ଲାଗାୟ୍ ହାନାଙ୍ଗା।”

ଜହନ୍‌ 16:28

ଆନେଙ୍ଗ୍ ଇ ପୁର୍ତିତିଙ୍ଗ୍ ଆବା ଈଶ୍ୱରତାଙ୍ଗ୍ ୱାତାଙ୍ଗ୍‌ନା। ନଙ୍ଗୟ୍ ଆନେଙ୍ଗ୍ ଇ ପୁର୍ତି ପିସ୍ତି ଆବା ଈଶ୍ୱରତାକେ ହାନାଙ୍ଗ୍।”

ଜହନ୍‌ 17:13

ଆନେଙ୍ଗ୍ ନି ଲାଗାୟ୍ ନଙ୍ଗୟ୍ ୱାନାଙ୍ଗା। ମାତର୍ ଆନେଙ୍ଗ୍ ପୁର୍ତିତାକେ ମାନୁ-ମାନୁ ଇ ୱିଜୁ କାଜିଙ୍ଗ୍ ପାର୍ତାନା କିନାଙ୍ଗା। ଆନେଙ୍ଗ୍ ଇୱିଜୁ ୱେଚ୍‌ନାଙ୍ଗା, ଇନେସ୍‌କି ଇ ମାନାୟାର୍ ନାବେ ମାନି ୱାରି ପାୟାଆନାର୍‌। ଆନେଙ୍ଗ୍ ଇଚା କିନାଙ୍ଗା, ନା ୱାରି ହେୱାର୍ କାଜିଙ୍ଗ୍ ପୁରା ଆୟେତ୍।

ଜହନ୍‌ 17:4

ଏନେଙ୍ଗ୍ ନାଙ୍ଗେଙ୍ଗ୍ ଇମ୍‌ଣି କାମାୟ୍ ହିତ୍‌ତାଇନା, ହେଦାଙ୍ଗ୍ ଆନେଙ୍ଗ୍ ପୁରା କିତାଙ୍ଗ୍‌ନା। ଆରେ ଆନେଙ୍ଗ୍ ମିଙ୍ଗେଙ୍ଗ୍ ପୁର୍ତିତାକେ ଜୟ୍-ଜୟ୍ କିତ୍‌ତାଙ୍ଗ୍‌ନା।

ଜହନ୍‌ 6:62

ଲାଗିଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଇମେତାଙ୍ଗ୍ ୱାଜିମାଚାନ୍। ଆରେରଗ ହେ ବାହାତାକେ ହେୱାନ୍ ହାନାନ୍, ଇ ବିଷୟରେ ଏପେଙ୍ଗ୍ ଇନାକା ବାବିକିନାଦେରା?

ଜହନ୍‌ 7:33

ତାପାଚେ ଯୀଶୁ ୱେଚ୍‌ଚାନ୍, “ଆନେଙ୍ଗ୍ ମିହୁଦାଙ୍ଗ୍ ଅଲପ୍ ସମୟ୍ ମାନ୍‌ଗାନାଙ୍ଗ୍। ନାଙ୍ଗେଙ୍ଗ୍ ଇନେର୍ ପକ୍ତାତାର୍‌ନା ଆନେଙ୍ଗ୍ ହେୱାନ୍ ଲାଗାୟ୍ ହାନାଙ୍ଗ୍।

ଏବ୍ରି 1:3

ହେ ହିମ୍‌ଣା ଈଶ୍ୱର ଗୌରବତାଙ୍ଗ୍ ଚଚ୍‌ଚାନାନ୍ ଆରେ ହେୱାନ୍ ୱିଜୁ ବିଷୟରେ ଈଶ୍ୱରଲେକେ ଚଞ୍ଜ୍‌ନାନ୍‌। ହେୱାନ୍ ଜାର୍ ଶାକ୍ତିମାନି କାତାତାଙ୍ଗ୍ ପୁର୍ତିନି ୱିଜୁ ବିଷୟ ଆସ୍ତାନ୍‌ନା। ଆରେ ହେୱାନ୍ ମାନାୟାର୍ ପାପ୍‌ତିଙ୍ଗ୍ ନୁସ୍‌ତି ପାଚେ ସରଗ୍‌ତାକେ ଈଶ୍ୱରତି ଗୌରବ ପାୟାଆନି ତିନାବାଗାୟ୍‌ନି ବାହାତାକେ କୁଚ୍‌ଚାନ୍‌ନା।

ଏବ୍ରି 12:2

ଯୀଶୁତାକେ ମା ଟାର୍ଗେଟ୍‌ ଇଡ଼୍‌ଜି ଇଦାଙ୍ଗ୍ କିନି ଦର୍‌କାର୍, ଇନେସ୍‌କି ହେୱାନ୍ ମା ପାର୍ତିନି ପୁରାପୁରି ଟିକ୍ ନେତା। କୃଶକାଟ୍ ଜପି ଲାଜା ପାୟାଆଜି ହାଃଦେଙ୍ଗ୍ ଯୀଶୁ ଇଚା କିତାନ୍, ଇନେସ୍‌କି ହେୱାନ୍ ପୁନ୍‌ଞ୍ଜି ମାଚାନ୍ ଯେ ଇଦାଙ୍ଗ୍ ପାଚେ ୱାରି ମାନାତ୍। ଲାଗିଙ୍ଗ୍ ନଙ୍ଗୟ୍ ହେୱାନ୍ ଈଶ୍ୱର ତିନାକେଇନି ବେସି ଗୌରବ ପାୟାଆନି ବାହାତାକେ କୁଚ୍‌ଚାନ୍‌ନା।