ଜହନ୍‌ 10:6 - New Testament in Pengo Parja Language

⁶ ଯୀଶୁ ମାନାୟାରିଙ୍ଗ୍ ଇ କାତା ୱେଚ୍‌ଚାନ୍। ମାତର୍ ମାନାୟାର୍ ତା କାତାନି ଅର୍ତ ବୁଜା ଆଦେଙ୍ଗ୍ ଆଡ୍‌ୱାତାର୍।

ସତ୍‌ ବଚନ୍‌ ପୁନି ନିୟମ୍‌

⁶ ଜିସୁ ହେୱାରିଂ ଇ ଉତର୍‌ମୁଡ଼୍‌ ଇଚାନ୍‌, ମାତର୍‌ ହେୱାନ୍‌ ହେୱାରିଂ ଇନା ଇନାକା ଇଞ୍ଜି ମାଚାର୍‌, ହେ ସବୁ ଇନାକା ଇଞ୍ଜି ହେୱାର୍‌ ବୁଜା ଆୱାତାର୍‌ ।

ଜହନ୍‌ 10:6 Iomraidhean Croise

ମାତିଉ 13:34

ଯୀଶୁ କାତା ୱେଚ୍‌ନିଲେକେ କିଜି ନେ ମାନାୟାରିଙ୍ଗ୍ ହିକ୍ଷାହିଜି ମାଚାନ୍। ଆରେ ହେୱାନ୍ ୱିଜୁଦିନ୍ କାତା ୱେଚ୍‌ନିଲେକେ କିଜି ନେ ୱେଚ୍‌ଚି ମାଚାନ୍। ଇନେସ୍‌କି ହେୱାର୍ ୱିଜୁ କାତା ବୁଜା ଆନାର୍।

ମାତିଉ 13:51

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ଇନାକା ଇ ୱିଜୁବେଣ୍ ବୁଜାଆତାଦେର୍‌କି? ହେୱାର୍ ହେୱାନିଙ୍ଗ୍ ୱେଚ୍‌ଚାର୍, ଆଁ।

ମାର୍କ 4:34

ଯୀଶୁ ଈଶ୍ୱର ବିଷୟତିଙ୍ଗ୍ କାତା ୱେଚ୍‌ନିଲେକେ କିଜି ହେୱାରିଙ୍ଗ୍ ହିକ୍ଷା ହିତାନ୍। ମାତର୍ ଇନେର୍ ହିଲିହିଙ୍ଗ୍ ତା ଚେଲାହିରିଙ୍ଗ୍ ୱିଜୁ କାତା ବୁଜାଇକିଜି ୱେଚ୍‌ଚି ମାଚାନ୍।

ଜହନ୍‌ 16:25

ଆରେରଗ ଯୀଶୁ ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ କାତା ଲେକେକିଜି ଇୱିଜୁ ବିଷୟ ୱେଚ୍‌ଚାନାଙ୍ଗା। ମାତର୍ ସମୟ୍ ୱାନାତା, ହେପାଦ୍ନା ଆନେଙ୍ଗ୍ ମିଙ୍ଗେଙ୍ଗ୍ ଇୱିଜୁ କାତା ୱେଚ୍‌ନିଲେକେ କିଜି ୱେଚ୍‍ଚୁଙ୍ଗ୍। ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ଆବା ଈଶ୍ୱର ବିଷୟରେ ପୁରା ୱେଚ୍‌ଚାନାଙ୍ଗ୍।

ଜହନ୍‌ 16:29

ଯୀଶୁ ଚେଲାହିର୍ ୱେଚ୍‌ଚାର୍, “ଏନେଙ୍ଗ୍ ୱିଜାକାରିଙ୍ଗ୍ ହାର୍‌ଦାଙ୍ଗ୍ ୱେଚ୍‌ନାୟା। ବୁଜା ଆୱିତିଲେକେ କଷ୍ଟ ବେଣ୍ ଏନେଙ୍ଗ୍ ୱେଚ୍‌ଚୁୟା।

ଜହନ୍‌ 6:52

ତାପାଚେ ଯିହୁଦି ନେତାର୍ ତା-ତା ବିତ୍ରେ ଯୁକ୍ତିକିବାଆତାର୍। ଆରେ ହେୱାର୍ ୱେଚ୍‌ଚାର୍, “ଇୱାନ୍ ଇନେସ୍‌କିଜି ମାଙ୍ଗେଙ୍ଗ୍ ତା ଗାଗାଡ଼୍‌ନି ଜେଇ ଚିଞ୍ଜେଙ୍ଗ୍ ହିଦ୍‌ଦେଙ୍ଗ୍ ଆଡ଼୍‌ଦାନାନ୍?”

ଜହନ୍‌ 6:60

ଯୀଶୁ ଚେଲାହିର୍ ଇ ୱିଜୁବେଣ୍ ୱେନ୍‌ଞ୍ଜି କେତେକ୍ ହେନି ୱେଚ୍‌ଚାର୍, “ଇ ହିକ୍ଷା ବୁଜା ଆଦେଙ୍ଗ୍ ବେସି କଷ୍ଟ, ଇ ହିକ୍ଷା ଇନେର୍ ୱେନାର୍?”

ଜହନ୍‌ 7:36

ଏପେଙ୍ଗ୍ ନାଙ୍ଗେଙ୍ଗ୍ ଦାସ୍ତାନାଦେର୍, ମାତର୍ ଗାଟାଆଦୁଦେର୍। ଆରେ ଆନେଙ୍ଗ୍ ଇମେତାକେ ମାନ୍‌ଗାନାଙ୍ଗ୍ ଏପେଙ୍ଗ୍ ହେବେ ୱାଦେଙ୍ଗ୍ ଆଡୁଦେର୍। ଇ କାତାନି ଅର୍ତ ଇନାକା?”

ଜହନ୍‌ 8:27

ଯୀଶୁ ଇନେର୍ ବିଷୟରେ ୱେଚ୍‌ଚି ମାଚାନ୍, ଇ କାତା ମାନାୟାର୍ ବୁଜା ଆଦେଙ୍ଗ୍ ଆଡ୍‌ୱାଦାଙ୍ଗ୍ ମାଚାର୍। ଯୀଶୁ ଆବା ଈଶ୍ୱର ବିଷୟରେ ୱେଚ୍‌ଚି ମାଚାନ୍।

ଜହନ୍‌ 8:43

ଆନେଙ୍ଗ୍ ଇନାକାପା ୱେଚ୍‌ଚାନାଙ୍ଗା, ହେଦାଙ୍ଗ୍ ଏପେଙ୍ଗ୍ ବୁଜା ଆଦେଙ୍ଗ୍ ଆଡୁଦେରା। ଆରେ ଏପେଙ୍ଗ୍ ନା ହିକ୍ଷାତିଙ୍ଗ୍ ଆସ୍ତେଙ୍ଗ୍ ଆଡୁଦେରା।

୧ କରନ୍ତିୟ 2:14

ମାତର୍ ବିନ୍‌ଜାତିନି ମାନାୟାର୍ ଇ ସତ୍ ବିଷୟତିଙ୍ଗ୍ ଈଶ୍ୱର ଆତ୍ମାତାଙ୍ଗ୍‌ ବୁଜା ଆଦେଙ୍ଗ୍ ଆଡୁର୍। ହେଦାଙ୍ଗ୍ ହେୱାର୍ କାଜିଙ୍ଗ୍ ବେକାର୍ ଆନାତ୍, ଇନେସ୍‌କି ଇମ୍‌ଣି ମାନାୟ୍‌ତିଙ୍ଗ୍ ପବିତ୍ର ଆତ୍ମା ମାନାତ୍ ହେୱାନ୍‌ନେ ଈଶ୍ୱର ବିଷୟରେ ବୁଜା ଆଦେଙ୍ଗ୍ ପବିତ୍ର ଆତ୍ମା ସାଇଜ କିନାତ୍।

୨ ପିତର 2:22

ଇ ରିଣ୍ଡାଙ୍ଗ୍ ଜ୍ଞାନ୍‌ନି କାତାଲେକେ: “ର ନିକୁଡ଼୍ କାକ୍‌ନାତ୍, ଆରେ କାକ୍‌ତି ଜିନିଷ୍‌ତିଙ୍ଗ୍ ନେ ତିନାତ୍ ଆରେ ରକାନ୍ ର ପାଞ୍ଜିତିଙ୍ଗ୍ ଏଜୁଙ୍ଗ୍ ଇତ୍‌ପିତି ପାଚେ, ଆରେରଗ ହେ ପାଞ୍ଜି ହାଲ୍‌ଜି କାଦତାକେ ହୁଞ୍ଜ୍‌ନାତ୍।” ଇ ବୁଲ୍ ହିକ୍ଷାହିନି ମାଷ୍ଟେରାର୍ ଇଲେକେ।

୧ ଯୋହନ 5:20

ଆସେଙ୍ଗ୍ ପୁଚାସ୍‌ନା ଯେ, ଈଶ୍ୱର ତା ମେହିଙ୍ଗ୍ ପୁର୍ତିତାକେ ପକ୍ତାତାନ୍‌ନା। ଆରେ ହେୱାନ୍ ମାଙ୍ଗେଙ୍ଗ୍ ସତ୍ ଈଶ୍ୱରତିଙ୍ଗ୍ ପୁଞ୍ଜେଙ୍ଗ୍ ସାଇଜ କିତ୍‌ତାନ୍‌ନା। ନଙ୍ଗୟ୍ ଆପେଙ୍ଗ୍ ଈଶ୍ୱର ଆରେ ତା ମେହି ଯୀଶୁ ଖ୍ରୀଷ୍ଟତାକେ ମାହାଆଜି ମାନାପ୍। ହେୱାନ୍‌ନେ ରକାନ୍ ସତ୍ ଈଶ୍ୱର, ଆରେ ହେୱାନ୍‌ନେ ୱିଜ୍‌ୱି ଜିବୁନ୍।