ଜହନ୍‌ 10:4 - New Testament in Pengo Parja Language

⁴ ହେୱାନ୍ ୱିଜୁ ମେଣ୍ଢାକାଙ୍ଗ୍ ବାର୍ତ ହପ୍‌ନାନ୍, ମେଣ୍ଢାଙ୍ଗ୍ ଆଗେ-ଆଗେ ତାଙ୍ଗ୍‌ନାନ୍ ଆରେ ୱିଜୁ ମେଣ୍ଢାଙ୍ଗ୍ ହେୱାନିଙ୍ଗ୍ ପୁନ୍‌ଞ୍ଜି ତାପାଚେ-ପାଚେ ହାନିକ୍।

ସତ୍‌ ବଚନ୍‌ ପୁନି ନିୟମ୍‌

⁴ ହେୱାନ୍‌ ତା ମେଣ୍ଡାଂ ୱିଜ଼ୁ ହପ୍‌ଚି ହେୱାକାଂ ଆଗେ ଆଗେ ମେଣ୍ଡା ଗଡ଼ିୟା ତାଙ୍ଗ୍‌ନାନ୍‌ ଆରି ମେଣ୍ଡାଂ ତା ପାଚେ ପାଚେ ତାଙ୍ଗ୍‌ନିକ୍‌, ଇନାକିଦେଂକି ହେୱାଙ୍ଗ୍‌ ତା କାଟ୍‌ ପୁନିକ୍‌;

ଜହନ୍‌ 10:4 Iomraidhean Croise

ମାତିଉ 16:24

ହେପାଦ୍ନା ଯୀଶୁ ତା ଚେଲାହିରିଙ୍ଗ୍ ୱେଚ୍‌ଚାନ୍, “ଇନେର୍ ପା ନା ପାଚେ ୱାଜି ଚେଲା ଆନାନ୍, ଲାଗିଙ୍ଗ୍ ହେୱାନ୍ ଜାର୍ ସୁକ୍ ପିସ୍ତି ଆରେ ଜାର୍ କୃଶ ଆସ୍ତି ନା ପାଚେ ୱାଡ।

ଜହନ୍‌ 10:16

ନା ଜେକନି ମେଣ୍ଢାଙ୍ଗ୍ ପା ମାନିକ୍, ହେୱେକ୍ ଇ ମାନ୍ଦାତାକେ ହିଲୁକ୍। ମାତର୍ ଆନେଙ୍ଗ୍ ହେୱେକିୟାଙ୍ଗ୍ ପା ତାନାଙ୍ଗ୍। ହେୱେକ୍ ନା ବେଣ୍ ୱେନିକ୍, ଆରେ ୱିଜୁଦିନ୍‌ତିଙ୍ଗ୍ ର ମାନ୍ଦାଆଜି ମାନ୍‌ଗିନିକ୍, ଆରେ ହେ ମାନ୍ଦାତିଙ୍ଗ୍ ଆନେଙ୍ଗ୍ ରକାଙ୍ଗ୍ ଗଡ଼ିୟା ଆନାଙ୍ଗ୍।

ଜହନ୍‌ 10:27

ନା ମେଣ୍ଢାଙ୍ଗ୍ ନା ବେଣ୍ ୱେନିକ୍। ଆନେଙ୍ଗ୍ ହେୱେକିୟାକାଙ୍ଗ୍ ପୁନାଙ୍ଗ୍ ଆରେ ହେୱେକ୍ ନା ପାଚେ ୱାନିକ୍।

ଜହନ୍‌ 10:3

ଦୁୱେର୍ ଜାଗୁୱାଡ଼ି ମେଣ୍ଢାଗଡ଼ିଆ କାଜିଙ୍ଗ୍ ଦୁୱେର୍ ଜେସି ହିନାନ୍। ମେଣ୍ଢାଙ୍ଗ୍ ଗଡ଼ିୟା କାତା ୱେନିକ୍। ଗଡ଼ିୟା ତା ମେଣ୍ଢାକାଙ୍ଗ୍ ତର୍‌ ଆସ୍ତି କୁକ୍‌ନାନ୍ ଆରେ ବାର୍ତ ହାରାଇ କିନାନ୍।

ଜହନ୍‌ 10:5

ମାତର୍ ମେଣ୍ଢାଙ୍ଗ୍ ପୁନ୍‌ୱିତି ଲଗାଙ୍ଗ୍ ପାଚେ-ପାଚେ ହାଲୁକ୍। ହେୱେକ୍ ତା ଲାଗାୟ୍‌ତାଙ୍ଗ୍ ହନ୍‍ଚି ହାନିକ୍, ଇନେସ୍‌କି ତା ବେଣ୍‌ତିଙ୍ଗ୍ ହେୱେକ୍ ପୁନ୍‌ୱାଦାଙ୍ଗ୍ ମାନ୍‌ଗିନିକ୍।”

ଜହନ୍‌ 10:8

ନା ଆଗେ ଇମ୍‌ଣାକାର୍ ୱାଜିମାଚାର୍, ହେୱାର୍ ଚର୍ ଆରେ ଡାକୁର୍। ମେଣ୍ଢାଙ୍ଗ୍ ହେୱାର୍ କାତାତିଙ୍ଗ୍ ୱେନ୍‌ୱିତିକ୍।

ଜହନ୍‌ 12:26

ଇନେର୍ ନାଙ୍ଗେଙ୍ଗ୍ ହେବା କିଦ୍‌ନାର୍ ଲାଗିଙ୍ଗ୍ ହେୱାନ୍ ନା ପାଚେ ୱାଏନ୍‌। ଆରେ ଆନେଙ୍ଗ୍ ଇମେତାକେ ମାନ୍‌ଗାନାଙ୍ଗ୍, ହେବେ ନାଙ୍ଗେଙ୍ଗ୍ ହେବା କିଦ୍‌ନାକାର୍ ପା ନା ହୁଦାଙ୍ଗ୍ ମାନ୍‌ଗାନାର୍। ଇମ୍‌ଣାକାର୍ ନାଙ୍ଗେଙ୍ଗ୍ ହେବା କିଦ୍‌ନାର୍, ଲାଗିଙ୍ଗ୍ ନା ଆବା ଈଶ୍ୱର ହେୱାରିଙ୍ଗ୍ ସନ୍‌ମାନ୍ ହିନାନ୍।

ଜହନ୍‌ 13:15

ଆନେଙ୍ଗ୍ ଇଦାଙ୍ଗ୍ ମି କାଜିଙ୍ଗ୍ ର ମାନି କିତିଲେକେ କିତାଙ୍ଗ୍। ଲାଗିଙ୍ଗ୍ ଏପେଙ୍ଗ୍ ଜାର୍-ଜାର୍‌ବିତ୍ରେ ହେଲେକେ କିନାଦେର୍।

ଜହନ୍‌ 18:37

ପିଲାତ ୱେଚ୍‌ଚାନ୍, “ଲାଗିଙ୍ଗ୍ ଏନେଙ୍ଗ୍ ରକାଇ ରାଜା।” ଯୀଶୁ ୱେଚ୍‌ଚାନ୍, “ଏନେଙ୍ଗ୍ ନାଙ୍ଗେଙ୍ଗ୍ ରାଜା ଇଞ୍ଜି ୱେଚ୍‌ଚାନାୟା। ଇଦାଙ୍ଗ୍ ସତ୍। ଆନେଙ୍ଗ୍ ଇଦାଙ୍ଗ୍ କାଜିଙ୍ଗ୍ ଜନମ୍ ଆତାଙ୍ଗ୍‌ନା। ମାନାୟାରିଙ୍ଗ୍ ସତ୍ ବିଷୟରେ ପୁନିକିଦେଙ୍ଗ୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଜଗତ୍‌ତାକେ ୱାତାଙ୍ଗ୍‌ନା। ସତ୍‌ତିଙ୍ଗ୍ ଲାଡ୍ କିନାକାର୍ ୱିଜୁ ମାନାୟ୍ ନା କାତା ୱେନାର୍।”

ଜହନ୍‌ 3:29

ଇନେର୍ ଯଦି ଡକ୍ରିଙ୍ଗ୍ ଆହ୍‌ନାନ୍ ହେୱାନ୍ ବର। ମାତର୍ ବର ପାର୍ଟି ନିକାର୍ ନିଲ୍‌ଚି ତା କାତା ୱେନାର୍। ଆରେ ହେୱାର୍ ବର ବେଣ୍ ୱେନ୍‌ଞ୍ଜି ବେସି ୱାରିଆ ଆନାର୍। ହେଲେକେ ଆନେଙ୍ଗ୍ ପା ୱାରି ଆନାଙ୍ଗ୍।

୧ କରନ୍ତିୟ 11:1

ଆନେଙ୍ଗ୍ ଇନେସ୍ ଖ୍ରୀଷ୍ଟଙ୍ଗ୍ ହୁଡ଼୍‌ଜି ହିକାଆତାଙ୍ଗ୍‌ନା ହେଲେକେ ଏପେଙ୍ଗ୍ ନାଙ୍ଗେଙ୍ଗ୍ ହୁଡ଼୍‌ଜି ହିକାଆଡ।

ଏପିସିୟ 5:1

ଏପେଙ୍ଗ୍ ଈଶ୍ୱର ହିମ୍‌ଣା କାଦେର୍ ଆରେ ହେୱାନ୍ ମିଙ୍ଗେଙ୍ଗ୍ ଲାଡ୍ କିଦ୍‌ନାନ୍। ଲାଗିଙ୍ଗ୍ ଏପେଙ୍ଗ୍ ହେୱାନ୍ ଲେକେ ଆଦେଙ୍ଗ୍ ଉପାୟ୍ କିୟାଟ୍।

ଏବ୍ରି 12:2

ଯୀଶୁତାକେ ମା ଟାର୍ଗେଟ୍‌ ଇଡ଼୍‌ଜି ଇଦାଙ୍ଗ୍ କିନି ଦର୍‌କାର୍, ଇନେସ୍‌କି ହେୱାନ୍ ମା ପାର୍ତିନି ପୁରାପୁରି ଟିକ୍ ନେତା। କୃଶକାଟ୍ ଜପି ଲାଜା ପାୟାଆଜି ହାଃଦେଙ୍ଗ୍ ଯୀଶୁ ଇଚା କିତାନ୍, ଇନେସ୍‌କି ହେୱାନ୍ ପୁନ୍‌ଞ୍ଜି ମାଚାନ୍ ଯେ ଇଦାଙ୍ଗ୍ ପାଚେ ୱାରି ମାନାତ୍। ଲାଗିଙ୍ଗ୍ ନଙ୍ଗୟ୍ ହେୱାନ୍ ଈଶ୍ୱର ତିନାକେଇନି ବେସି ଗୌରବ ପାୟାଆନି ବାହାତାକେ କୁଚ୍‌ଚାନ୍‌ନା।

ଏବ୍ରି 6:20

ଯୀଶୁ ମା ଆଗେ ହାଚାନ୍‌ନା ଆରେ ମା କାଜିଙ୍ଗ୍ ହେୱାନ୍ ସରଗ୍‌ତାକେ ହାଚାନ୍‌ନା। ହେୱାନ୍ ମଲ୍‌କିଷେଦକ ଲେକେ ୱିଜ୍‌ୱିଦିନ୍‌ନି ପ୍ରଦାନ୍ ମୁଡ଼୍‌ଦି ପୁଜାରି ଆତାନ୍‌ନା।

୧ ପିତର 2:21

ଈଶ୍ୱର ମିଙ୍ଗେଙ୍ଗ୍ ଦୁଃକ୍ କଷ୍ଟ ପାୟାଆତିସ୍ ପା ହାର୍ କାମାୟ୍ କିଦେଙ୍ଗ୍ ତା କାଜିଙ୍ଗ୍ ବାଚି କିତ୍‌ତାନ୍‌ନା। ଇନେସ୍ ଖ୍ରୀଷ୍ଟ ମି କାଜିଙ୍ଗ୍ ଦୁଃକ୍ କଷ୍ଟ ପାୟାଆଜି ମାଚାନ୍, ଏପେଙ୍ଗ୍ ତାଙ୍ଗେଙ୍ଗ୍ ହୁଡ଼୍‌ଜି ହିକାଆଡ, ଲାଗିଙ୍ଗ୍ ଏପେଙ୍ଗ୍ ଖ୍ରୀଷ୍ଟ କିତିଲେକେ କିଦେଙ୍ଗ୍ ଆଡ୍‌ନାଦେର୍।

୧ ପିତର 4:1

ଲାଗିଙ୍ଗ୍ ଖ୍ରୀଷ୍ଟ ଏଚେପାଦ୍ନା ପୁର୍ତିତାକେ ମାଚାନ୍ ହେୱାନ୍ ତା ଗାଗାଡ଼୍‌ତାକେ ଦୁଃକ୍ କଷ୍ଟ ପାୟାଆଜି ମାଚାନ୍। ହେଲେକେ ଏପେଙ୍ଗ୍ ପା ମି ମାନ୍ ପା ଖ୍ରୀଷ୍ଟ ମାନ୍‌ଲେକେ କିନି ଦର୍‌କାର୍ ଆରେ ଦୁଃକ୍ କଷ୍ଟ ପାୟାଆନି କାଜିଙ୍ଗ୍ ରେଡି ଆଜି ମାନି ଦର୍‌କାର୍। ଇନେସ୍‌କି ଯଦି ଏପେଙ୍ଗ୍ ଖ୍ରୀଷ୍ଟ କାଜିଙ୍ଗ୍ ଦୁଃକ୍ କଷ୍ଟ ପାୟା ଆଦେଙ୍ଗ୍ ଇଚା କିନାଦେରା, ଲାଗିଙ୍ଗ୍ ଏପେଙ୍ଗ୍ ପାପ୍ କିୱେଦେଙ୍ଗ୍ ଇଚା କିତାଦେର୍‌ନା।

୧ ପିତର 5:3

ଈଶ୍ୱର ମିଙ୍ଗେଙ୍ଗ୍ ହିତ୍‌ତି ମାନାୟାରିଙ୍ଗ୍ ସାସନ୍ କିମାଟ୍, ମାତର୍ ହାର୍ କାମାୟ୍ କିୟାଟ୍ ହେୱାର୍ ମିଙ୍ଗେଙ୍ଗ୍ ହୁଡ଼୍‌ଜି ହିକାଆନାର୍।