ଜହନ୍‌ 10:12 - New Testament in Pengo Parja Language

¹² ମେଣ୍ଢାକାଙ୍ଗ୍ ହାରାଇ କିଦେଙ୍ଗ୍ ଇମ୍‌ଣି ହଲିଆଙ୍ଗ୍ ମାଲିକ୍ ଇଡ଼୍‌ଜି ମାନ୍‌ଗାନାନ୍, ହେୱାନ୍ ହୁଣ୍ଡେର୍ ୱାନାକା ହୁଡ଼୍‌ଜି ମେଣ୍ଢାକାଙ୍ଗ୍ ପିସ୍ତି ହନ୍‍ଚି ହାନାନ୍। ଇନେସ୍‌କି ମେଣ୍ଢାଙ୍ଗ୍ ଚିନ୍‌ବିନ୍ ଆନିକ୍।

ସତ୍‌ ବଚନ୍‌ ପୁନି ନିୟମ୍‌

¹² ଇନେନ୍‌ ମେଣ୍ଡା ଗଡ଼ିୟା ଆକାୟ୍‌, ମତର୍‌ କାମ୍‌ଲିୟା, ମେଣ୍ଡାଂ ଇମ୍‌ଣିକିଙ୍ଗ୍‌ ନିଜାର୍‌ତି ଆକାୟ୍‌, ହେୱାନ୍‌ ହୁଣ୍ଡେର୍‌ବୁର୍କା ୱାନାକା ହୁଡ଼୍‌ଜି ମେଣ୍ଡାକାଂ ପିସ୍ତି ହନ୍‌ନାନ୍‌, ଆରେ ହୁଣ୍ଡାର୍‌ ବୁର୍କା ହେୱାକାଂ ଆସ୍ତି ଚିର୍‌ବିର୍‌ କିନିକ୍‌ ।

ଜହନ୍‌ 10:12 Iomraidhean Croise

ମାତିଉ 10:16

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ହୁଡ଼ାଟ୍, ବୁର୍‌କାଙ୍ଗ୍ ବିତ୍ରେ ମେଣ୍ଢାକାଙ୍ଗ୍ ହେଲାଇ କିତିଲେକେ ଆନେଙ୍ଗ୍ ମିଙ୍ଗେଙ୍ଗ୍ ବାର୍ତ ପକ୍ତାନାଙ୍ଗା। ଲାଗିଙ୍ଗ୍ ଏପେଙ୍ଗ୍ ରାଚ୍ ଲେକେ ବୁଦି ଆରେ ପାର୍‌ୱା ଲେକେ ସାଦୁ ଆଡ।

ମାତିଉ 7:15

ମିଚ୍‌ୱା ଭବିଷ୍ଯତବକ୍ତାତାଙ୍ଗ୍ ସାବ୍‌ଦାନ୍ ଆଜି ମାନାଟ୍, ଇନେର୍‌କି ଦରମ୍ ମେଣ୍ଢାଲେକେ ଦରମ୍‌ଆଜି ୱାନାର୍। ମାତର୍ ହେୱାର୍ ହାତ୍‌ପା ହୁଣ୍ଡେର୍ ଲେକେ ନଷ୍ଟ କିଦ୍‌ନାର୍।

ଜହନ୍‌ 10:13

ହେୱାନ୍ ହଲିଆ କାଜିଙ୍ଗ୍ ମେଣ୍ଢାକାଙ୍ଗ୍ ପିସ୍ତି ହାନାନ୍, ଆରେ ହେୱାନ୍ ମେଣ୍ଢାକାଙ୍ଗ୍ ଇନସ୍ତା କିଉନ୍।

ଜହନ୍‌ 10:2

ମାତର୍ ଇମ୍‌ଣାକାନ୍ ମେଣ୍ଢାକାଙ୍ଗ୍ ଜାତୁନ୍ ଅନାନ୍, ହେୱାନ୍ ଦୁୱେର୍ ନିପଣ୍ ଆଜି ହାନାନ୍। ହେୱାନ୍‌ନେ ମେଣ୍ଢାଗଡ଼ିଆ।

ଜହନ୍‌ 10:3

ଦୁୱେର୍ ଜାଗୁୱାଡ଼ି ମେଣ୍ଢାଗଡ଼ିଆ କାଜିଙ୍ଗ୍ ଦୁୱେର୍ ଜେସି ହିନାନ୍। ମେଣ୍ଢାଙ୍ଗ୍ ଗଡ଼ିୟା କାତା ୱେନିକ୍। ଗଡ଼ିୟା ତା ମେଣ୍ଢାକାଙ୍ଗ୍ ତର୍‌ ଆସ୍ତି କୁକ୍‌ନାନ୍ ଆରେ ବାର୍ତ ହାରାଇ କିନାନ୍।

ପକ୍ୟାତାକା 20:29

ଇନେସ୍‌କି ଆନେଙ୍ଗ୍ ପୁଚାଙ୍ଗ୍‌ନା, ଆନେଙ୍ଗ୍ ହାଚି ପାଚେ, ମିଚ୍‌ୱା ମାଷ୍ଟେର୍ ୱାଜି ପାର୍ତି କିନାକାରିଙ୍ଗ୍ ବେସି ହଇରାଣ୍ କିନାର୍। ହୁଣ୍ଡେର୍ ଇନେସ୍ ମେଣ୍ଢାକାଙ୍ଗ୍ ପାଗ୍‌ନାତ୍ ହେଲେକେ ଇ ମାଷ୍ଟେରାର୍ କିନାର୍।

୧ ତିମତି 3:3

ହେୱାନ୍ କାଲିଙ୍ଗ୍ କି କୁର୍‌ଲି କିୱାକାନ୍ ଆନାକା ମାନାତ୍, ହେୱାନ୍ ସାନ୍ତସିଷ୍ଟ ମାନାୟ୍ ଆନାକା ମାନାତ୍, ଇନେରିଙ୍ଗ୍ ଜୁକ୍ତି କିୱାକାନ୍ ଆରେ ଦନ୍ ଲବ୍ରା ଆୱାକା ମାନାତ୍।

୧ ତିମତି 3:8

ବିଶପ୍‌ନି ଜଗ୍ଯ ଇଲେକେ ମଣ୍ଡ୍‌ଲିତାକେ ହେବାକିନାକାନ୍ ପା ମାନାୟାର୍‌ତାଙ୍ଗ୍ ସନ୍‌ମାନ୍ ପାୟାଆନାକାନ୍‌ ଆନାକା ମାନାତ୍। ଦରମ୍ ମାନାୟ୍ ଆନାକା ମାନାତ୍ ର କାତା ୱେଚ୍‌ଚି ଜେକନି କାମାୟ୍ କିୱାକାନ୍ ଆନାକା ମାନାତ୍, ମଦୁୱା ଆୱାକା ମାନାତ୍ ଆରେ ଦନ୍ ପାୟା ଆଦେଙ୍ଗ୍ ଇନା କାମାୟ୍ ପା କିୱାକାନ୍ ଆନାକା ମାନାତ୍।

୨ ତିମଥି 4:10

ଇନେସ୍‌କି ଦୀମା ଇ ପୁର୍ତିତିଙ୍ଗ୍ ଲାଡ୍‌କିଜି ନାଙ୍ଗେଙ୍ଗ୍ ପିସ୍ତି ହାନ୍‌ଞ୍ଚାନ୍ ଆରେ ଥେସଲନିକି ସହର୍‌ତାକେ ହାଚାନ୍‌ନା। କ୍ରେସ୍‌କେନସ୍ ଗାଲାତିୟ ଜିଲ୍ଲାତ ହାଚାନ୍‌ନା, ଆରେ ତିତସ ଦଲ୍ମତିଆ ସହର୍‌ତିଙ୍ଗ୍ ହାଚାନ୍‌ନା।

ତୀତସ 1:7

ଇନେସ୍‌କି ବିଶପ୍‌, ଈଶ୍ୱର କାମାୟ୍ ଦେକାଶୁଣା କିନି ମାନାୟ୍ ଆତି କାଜିଙ୍ଗ୍ ହେୱାନ୍ ଲାଗାୟ୍ ଇନା ଦସ୍ ପା ହିଲ୍‌ୱି ଦର୍‌କାର୍। ହେୱାନ୍ ଜାର୍ ଇଚା ଅନୁସାରେ କାମାୟ୍ କିୱାକାନ୍ ଆଜି ମାନି ଦରକାର୍, କି ଗାଡ଼ିତିଙ୍ଗ୍ ଗାଡ଼ି ରିସା ଆୱି ମାନାୟ୍ ଆନି ଦର୍‌କାର୍। ମଦୁୱା ଆୱାଦାଙ୍ଗ୍ ମାନ୍‌ଗାନାନ୍, କି ଗଣ୍ଡ୍‍ଗଲ୍ କିୱାକାନ୍ ଆୱାଦାଙ୍ଗ୍ ମାନ୍‌ଗାନାନ୍, କି ଦନ୍ ଆହାତାଙ୍ଗ୍ ଜେକନିକାନିଙ୍ଗ୍ ଟକାଇ କିୱାକାନ୍ ଆୱାଦାଙ୍ଗ୍ ମାନ୍‌ଗାନାନ୍, ମାତର୍ ହେୱାନ୍ ଗତାକାଙ୍ଗ୍ ହାର୍‌ଦାଙ୍ଗ୍ ମାନିକିନି ଦର୍‌କାର୍।

୧ ପିତର 5:2

ଇମ୍‌ଣାକାର୍ ଈଶ୍ୱର ଲକ୍ ଆତାର୍‌ନା ହେୱାରିଙ୍ଗ୍ ଜାତୁନ୍ କିୟାଟ୍, ଆରେ ଈଶ୍ୱର ଇନେରିଙ୍ଗ୍ ଜାତୁନ୍ କିଦେଙ୍ଗ୍ ମିଙ୍ଗେଙ୍ଗ୍ ହିତ୍‌ତାନ୍‌ନା। ଏପେଙ୍ଗ୍ ୱାରିୟା ଆଜି ହେୱାରିଙ୍ଗ୍ ଜାତୁନ୍ କିୟାଟ୍। ଆରେ ଈଶ୍ୱର ଇଲେକେ କିୟାଟ୍ ଇଞ୍ଜି ଇଚା କିନାନା। ଏପେଙ୍ଗ୍ ଡାବୁଙ୍ଗ୍ କାଜିଙ୍ଗ୍ ଆକାୟ୍, ମାତର୍ ହେୱାରିଙ୍ଗ୍ ସାଇଜ କିନି କାଜିଙ୍ଗ୍ ଜାତୁନ୍ କିୟାଟ୍।

୨ ପିତର 2:3

ଇ ମାଷ୍ଟେରାର୍ ବେସି ଲବ୍ରାର୍। ହେୱାର୍ ମିବେତାଙ୍ଗ୍ ଡାବୁଙ୍ଗ୍ ଲାବ୍ ପାୟାଆନି କାଜିଙ୍ଗ୍, ହେୱାର୍ ମାନ୍‌ତାଙ୍ଗ୍ ରସ୍ତି କାତା ୱେଚ୍‌ଚି ମିଙ୍ଗେଙ୍ଗ୍ ଟକାୟ୍ କିଦ୍‌ନାର୍। ଲାଗିଙ୍ଗ୍ ଈଶ୍ୱର ବେସି ବାହ୍‌ରୁ ଆଗେ ହେୱାରିଙ୍ଗ୍ ଦଣ୍ଡ୍ ହିନାନ୍ ଇଞ୍ଜି ଇଚା କିତାନ୍‌ନା, ଆରେ ହେୱାନ୍ ଇଦାଙ୍ଗ୍ କିନି କାଜିଙ୍ଗ୍ ରେଡି ଆତାନ୍‌ନା। ହେୱାନ୍ ହେୱାରିଙ୍ଗ୍ ହାତ୍‌ପା ନଷ୍ଟ କିନାନ୍।