ଜହନ୍‌ 1:4 - New Testament in Pengo Parja Language

⁴ ହେୱାନ୍ ୱିଜୁ ଜିବୁନ୍‌ନି ମୁକ୍ଯ। ହେୱାନ୍‌ନେ ରକାନ୍ ୱିଜାକାରିଙ୍ଗ୍ ଅଜଡ଼୍ ହିଦ୍‌ନାନ୍।

ସତ୍‌ ବଚନ୍‌ ପୁନି ନିୟମ୍‌

⁴ ହେୱାନ୍‌ ତାକେ ଜିବୁନ୍‌ ମାଚାତ୍‌ ଆରି ହେ ଜିବୁନ୍‌ ମାନାୟାର୍‌ତି ଅଜଡ଼୍‌ ।

ଜହନ୍‌ 1:4 Iomraidhean Croise

ମାତିଉ 4:16

ୱେନାଟ୍। ଇମ୍‌ଣାକାର୍ ମାଜ୍‌ଗାତାକେ ମାଚାର୍, ହେୱାରିଙ୍ଗ୍ ମାପୃ ଅଜଡ଼୍ ଚଚ୍‌ଚାନ୍। ଇମ୍‌ଣାକାର୍ ଦୁଗେର୍ ଲେକେ ମାଜ୍‌ଗା ଦେସ୍‌ତ ମାଚାର୍, ହେୱାର୍ ଜପି ଅଜଡ଼୍ ପଡ଼୍‌ତାତ୍‌।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:32

ହେୱାନ୍ ବିନ୍‌ଜାତିନି ମାନାୟାରିଙ୍ଗ୍ ହେୱାନ୍ ର ଅଜଡ଼୍‌ଲେକେ ଈଶ୍ୱରତିଙ୍ଗ୍ ପୁନିକିନାନ୍। ଆରେ ତା ଜାର୍ ଇସ୍ରାଏଲ ଜାତିନି ମାନାୟାରିଙ୍ଗ୍ ସନ୍‌ମାନ୍ କିୟିକିତାନ୍‌।”

ଜହନ୍‌ 11:25

ଯୀଶୁ ହେଦେଲିଙ୍ଗ୍ ୱେଚ୍‌ଚାନ୍, “ଇନେର୍ ଯଦି ନାବେ ପାର୍ତି କିନାକାର୍, ହେୱାନ୍ ହାଃତିସ୍ ପା ଆରେରଗ ଜିବୁନ୍ ଆନାନ୍, ଆରେ ଜିବୁନ୍ ମାନ୍‌ଗାନାର୍।

ଜହନ୍‌ 12:35

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ମି ଲାଗାୟ୍ ଆରେ ଅଲପ୍‌ଦିନ୍ ଅଜଡ଼୍ ମାନ୍‌ଗାନାତ୍। ଲାଗିଙ୍ଗ୍ ଅଜଡ଼୍ ମି ଲାଗାୟ୍ ମାନି ପାତେକ୍ ତାଙ୍ଗାଟ୍। ଲାଗିଙ୍ଗ୍ ମାଜ୍‌ଗା ମିଙ୍ଗେଙ୍ଗ୍ ଆସ୍ତେଦେଙ୍ଗ୍ ଆଡ଼୍‌ଦୁତ୍। ମାଜ୍‌ଗାତାକେ ତାଙ୍ଗ୍‌ନାକାନ୍ ଇମେନିପଣ୍ ହାନାନା ପୁଞ୍ଜେଙ୍ଗ୍ ଆଡୁନ୍।

ଜହନ୍‌ 12:46

ଆନେଙ୍ଗ୍ ଅଜଡ଼୍‌ଲେକେ ପୁର୍ତିତାକେ ୱାତାଙ୍ଗ୍‌ନା। ଇନେର୍ ନାଙ୍ଗେଙ୍ଗ୍ ପାର୍ତି କିଦ୍‌ନାର୍, ହେୱାନ୍ ଇନାୱେଡ଼ାଙ୍ଗ୍ ପା ମାଜ୍‌ଗାତାକେ ମାନୁନ୍।

ଜହନ୍‌ 14:6

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ହାଜି। ଆନେଙ୍ଗ୍ ସତ୍। ଆରେ ଆନେଙ୍ଗ୍ ଜିବୁନ୍। ଆବା ଈଶ୍ୱରତାକେ ହାଞ୍ଜେଙ୍ଗ୍ ଆନେଙ୍ଗ୍ ନେ ରୱାଙ୍ଗ୍ ହାଜି।

ଜହନ୍‌ 3:19

ମାନାୟାର୍ ଈଶ୍ୱର ମେହିଙ୍ଗ୍ ପାର୍ତିକିୱି କାଜିଙ୍ଗ୍ ବିଚାର୍ ଆନାତ୍। ହେ ଅଜଡ଼୍ ଜଗତ୍‌ତାକେ ୱାତାତ୍‌ନା, ମାତର୍ ମାନାୟାର୍ ହେ ଅଜଡ଼୍‌ତିଙ୍ଗ୍ ହୁଡ଼୍‌ୱାତାର୍, ହେୱାର୍ ମାଜ୍‌ଗାତିଙ୍ଗ୍ ଡେକ୍‌ତାର୍, ଇନେସ୍‌କି ହେୱାର୍ କରାପ୍ କାମାୟ୍‌ତାକେ ମାଚାର୍।

ଜହନ୍‌ 5:21

ଆବା ଈଶ୍ୱର ହାଃତାକାରିଙ୍ଗ୍ ନିକ୍‌ଚି ହେୱାରିଙ୍ଗ୍ ଜିବୁନ୍ ହିନାନ୍। ଟିକ୍ ହେଲେକେନେ ମେହି ଇନେରିଙ୍ଗ୍ ଇଚାକିନାନ୍ ହେୱାରିଙ୍ଗ୍ ଜିବୁନ୍ କିନାନ୍।

ଜହନ୍‌ 5:26

ମାତର୍ ସରଗ୍‌ନି ଆବା ଆନାନା ଜିବୁନ୍‌ନି ଆଦିକାର୍ ମାନାତ୍। ହେୱାନ୍ ତା ମେହିଙ୍ଗ୍ ପା ଜିବୁନ୍‌ନି ଆଦିକାର୍ ହିତାନ୍‌ନା।

ଜହନ୍‌ 8:12

ପାଚେ ଯୀଶୁ ଆରେରଗ ହିକ୍ଷାହିଜି ୱେଚ୍‌ଚାନ୍, “ଆନେଙ୍ଗ୍ ପୁର୍ତିନି ଅଜଡ଼୍, ନା ପାଚେ ଇମ୍‌ଣାକାନ୍ ୱାନାନ୍, ହେୱାନ୍ ଇନାୱେଡ଼ାଙ୍ଗ୍ ପା ମାଜ୍‌ଗାତ ତାଙ୍ଗୁନ୍। ମାତର୍ ହେୱାନ୍ ଜିବୁନ୍‌ହିନି ଅଜଡ଼୍ ପାୟା ଆନାନ୍।”

ଜହନ୍‌ 9:5

ଆନେଙ୍ଗ୍ ପୁର୍ତିତାକେ ମାନି ପାତେକ୍ ପୁର୍ତି କାଜିଙ୍ଗ୍ ଅଜଡ଼୍ ଆରେ ୱିଜାକାରିଙ୍ଗ୍ ଅଜଡ଼୍ ହିଜି ମାନାଙ୍ଗ୍।”

ପକ୍ୟାତାକା 26:23

ଇବିଷୟ ୱେଚ୍‌ଚାର୍‌ନା ଯେ ଖ୍ରୀଷ୍ଟ ଦୁକ୍‌କଷ୍ଟ ପାୟା ଆନାନ୍, ଆରେ ହେୱାନ୍‌ନେ ପାର୍ତୁମ୍ ହାଃତାକାର୍‌ତାଙ୍ଗ୍ ଜିବୁନ୍‌ଆଜି ନିଙ୍ଗ୍‌ନାନ୍। ଇଦାଙ୍ଗ୍ କାଜିଙ୍ଗ୍ ଯିହୁଦିର୍ ଆରେ ବିନ୍‌ଜାତିନି ମାନାୟାର୍ ଲାଗାୟ୍ ହେୱାର୍ ପା ରକ୍ଷା ପାୟାଆନାର୍‌ ଇଞ୍ଜି ଶୁଣାୟ୍ କିନାନ୍।”

୧ କରନ୍ତିୟ 15:45

ସାସ୍ତର୍‌ତାକେ ଇଲେକେ ଲେକାଆତାତ୍‌ନା, “ପାର୍ତୁମ୍ ମାନାୟ୍ ଆଦମ ଜିବୁନ୍ ମାନାକାନ୍ ଆତାନ୍, ମାତର୍ ସେସ୍ ଆଦମ ଖ୍ରୀଷ୍ଟ ଜିବୁନ୍ ହିଦ୍‌ନି ଆତ୍ମା ଆତାନ୍‌ନା।”

ଏପିସିୟ 5:14

ଲାଗିଙ୍ଗ୍ ମାନାୟାର୍ ଇ ଲେକେ କିନାର୍, “ଏ ହୁଞ୍ଜ୍‌ନି ମାନାୟ୍ କାଦେର୍ ନିଙ୍ଗାଟ୍, ହାଃନି ମାନାୟାର୍ ବିତ୍ରେତାଙ୍ଗ୍ ନିଙ୍ଗାଟ୍, ଆରେ, ଖ୍ରୀଷ୍ଟ ମିଙ୍ଗେଙ୍ଗ୍ ଅଜଡ଼୍ ହିଦ୍‌ନାନ୍।”

କଲସିୟ 3:4

ମିଙ୍ଗେଙ୍ଗ୍ ପୁନି ଜିବୁନ୍ ହିଦ୍‌ନି ଖ୍ରୀଷ୍ଟ ଏଚେପାଦ୍ନା ପୁର୍ତିତାକେ ୱାନାନ୍, ହେପାଦ୍ନା ଏପେଙ୍ଗ୍ ପା ତା ଗୌରବତାଙ୍ଗ୍ ଚଞ୍ଜି ଆନାଦେର୍।

୧ ଯୋହନ 1:1

ଆଗେତାଙ୍ଗ୍ ଇନେର୍ ମାଚାନ୍, ତା ବିଷୟରେ ଆପେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାପା। ହେୱାନିଙ୍ଗ୍ ଆପେଙ୍ଗ୍ ହୁଡ଼୍‌ତାପ୍‌ନା, ଆରେ ତା କାତା ୱେଚାପ୍‌ନା। ଆପେଙ୍ଗ୍ ତାଙ୍ଗେଙ୍ଗ୍ ଜାର୍ କାଣ୍‌କୁତାଙ୍ଗ୍ ହୁଡ଼୍‌ତାପ୍‌ନା ଆରେ ଜାର୍ କେଇଦାଙ୍ଗ୍ ଆସ୍‌ପାତାପ୍‌ନା, ହେୱାନ୍ ଯୀଶୁ ଖ୍ରୀଷ୍ଟ ଆରେ ଜିବୁନ୍ ହିଦ୍‌ନି କାତା।

୧ ଯୋହନ 1:2

ହେୱାନ୍ ଜିବୁନ୍ ହିଦ୍‌ନି ମାନାୟ୍ ପୁର୍ତିତାକେ ୱାତାନ୍। ଆପେଙ୍ଗ୍ ହେୱାନିଙ୍ଗ୍ ହୁଡ଼୍‌ତାପ୍‌ନା, ଆରେ ତା ବିଷୟରେ ଆପେଙ୍ଗ୍ ସାକି ହିଦ୍‌ନାପା। ଆପେଙ୍ଗ୍ ତା ବିଷୟରେ ୱେଚ୍‌ଚାନାପା ଯେ, ହେୱାନ୍‌ନେ ୱିଜ୍‌ୱି ଜିବୁନ୍। ହେୱାନ୍ ଆବା ଈଶ୍ୱର ହୁଦାଙ୍ଗ୍ ଆଗେତାଙ୍ଗ୍ ମାଚାନ୍, ଆରେ ହେୱାନ୍ ପୁର୍ତିତାକେ ୱାତାନ୍।

୧ ଯୋହନ 5:11

ଈଶ୍ୱର ଇ ଲେକେ ସାକି ହିତାନ୍‌ନା ଯେ, ଈଶ୍ୱର ମାଙ୍ଗେଙ୍ଗ୍ ୱିଜ୍‌ୱି ଜିବୁନ୍ ହିତ୍‌ତାନ୍‌ନା, ଆରେ ଇ ଜିବୁନ୍ ତା ମେହିତାକେ ମାନାତ୍।

ହତ୍‌ତି 22:1

ତାପାଚେ ହେ ଦୁତ୍ ନାଙ୍ଗେଙ୍ଗ୍ ର ନାଗୁଡ଼୍ ଚଚ୍‌ଚାତାତ୍‌, ହେ ନାଗୁଡ଼୍‌ନି ଏଜୁଙ୍ଗ୍ ଉଟିସ୍ ଜିବୁନ୍ ଗାଟାଆଦ୍‍ନାତ୍ ଆରେ ହେ ଏଜୁଙ୍ଗ୍ କାଚ୍ ଗିଲାସ୍‌ଲେକେ କିଲେର୍ ମାଚିକ୍। ହେ ନାଗୁଡ଼୍ ଈଶ୍ୱର ଆରେ ମେଣ୍ଢା ଇନେର୍‌କି ଯୀଶୁ ସିଙ୍ଗାସନତାଙ୍ଗ୍ ୱାଜି ମାଚାତ୍।

ହତ୍‌ତି 22:16

“ଆନେଙ୍ଗ୍ ଯୀଶୁ, ୱିଜୁ ମଣ୍ଡ୍‌ଲିକାଙ୍ଗ୍ ଇ କାବୁର୍ ଶୁଣାୟ୍ କିଦେଙ୍ଗ୍ ଆନେଙ୍ଗ୍ ନା ଦୁତ୍‌କୁକାଙ୍ଗ୍‌ ପକ୍ତାତାଙ୍ଗ୍‌ନା। ଆନେଙ୍ଗ୍ ଦାଉଦ ରାଜା ମୁଡ଼୍ ଚିରାନି କୁଟୁମ୍‌ତାଙ୍ଗ୍ ଜନମ୍ ଆତାଙ୍ଗ୍‌ନା, ଆରେ ତା ରାଜ୍ ଗାଦିତାକେ କୁଚ୍‌ଚେଙ୍ଗ୍ ନା ଅଦିକାର୍ ମାନାତ୍। ଆନେଙ୍ଗ୍ ନେ ଅଜଡ଼୍ ହୁକା।”