ଜହନ୍‌ 1:3 - New Testament in Pengo Parja Language

³ ହେୱାନ୍ ପୁର୍ତିନି ୱିଜୁ ବିଷୟତିଙ୍ଗ୍ ଉବ୍‌ଜାଇ କିତାନ୍‌ନା। ହେୱାନିଙ୍ଗ୍ ପିସ୍ତି ପୁର୍ତିନି ୱିଜୁ ବିଷୟ ଉବ୍‌ଜାଣ୍‌ ଆୱାତାତ୍‌ନା।

ସତ୍‌ ବଚନ୍‌ ପୁନି ନିୟମ୍‌

³ ତା ଲାହାଙ୍ଗ୍‌ ଇସ୍ୱର୍‌ ୱିଜ଼ୁ ବିସ୍ରେ ଉବ୍‌ଜାଣ୍‌ କିତାନ୍‌; ଆରେ ଜେ ୱିଜ଼ୁ ଉବ୍‌ଜା ଆତାତ୍‌ନ୍ନା, ହେବେତାଂ ପା ରଞ୍ଜାଙ୍ଗ୍‌ ପା ହେୱାନିଂ ପିସ୍ତି ଉବ୍‌ଜା ଆୱାତାତ୍‌ନା ।

ଜହନ୍‌ 1:3 Iomraidhean Croise

ଜହନ୍‌ 1:10

ହେୱାନ୍ ପୁର୍ତିତାକେ ମାଚାନ୍। ଆରେ ପୁର୍ତିତିଙ୍ଗ୍ ହେୱାନ୍ ଉବ୍‌ଜାଇ କିତାନ୍, ମାତର୍ ପୁର୍ତିନି ମାନାୟାର୍ ହେୱାନିଙ୍ଗ୍ ଚିନ୍ କିଦେଙ୍ଗ୍ ଆଡ୍‌ୱାତାର୍।

ଜହନ୍‌ 1:2

ହେୱାନ୍ ପୁର୍ତି ଉବ୍‌ଜା ଆୱି ଆଗେ ଈଶ୍ୱର ହୁଦାଙ୍ଗ୍ ମାଚାନ୍।

୧ କରନ୍ତିୟ 8:6

ମାତର୍ ଆପେଙ୍ଗ୍ ପୁଚାପ୍‌ନା ରକାନ୍‌ ନେ ଈଶ୍ୱର ମାନାନ୍‌, ହେୱାନ୍ ଆନାନା ଆବା ଈଶ୍ୱର, ଇନେର୍ ୱିଜୁ ଜିନିଷ୍ ଉବ୍‌ଜାଇ କିତାନ୍‌ନା। ଆରେ ଆସେଙ୍ଗ୍ ତା କାଜିଙ୍ଗ୍ ଜିବୁନ୍ ଆତାସ୍‌ନା। ଆରେ ରକାନ୍‌ ନେ ମାପୃ ମାନାନ୍‌, ହେୱାନ୍ ଯୀଶୁ ଖ୍ରୀଷ୍ଟ ତା କାଜିଙ୍ଗ୍ ଈଶ୍ୱର ୱିଜୁ ଜିନିଷ୍ ରସ୍ତାନ୍‌ନା ଆରେ ତା କାଜିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ଜିବୁନ୍ ହିତ୍‌ତାନ୍‌ନା।

ଏପିସିୟ 3:9

ୱିଜୁ ବିଷୟତିଙ୍ଗ୍ ରସ୍ତାକାନ୍ ଈଶ୍ୱର ମାବେତାଙ୍ଗ୍ ଇନାକା ଡ଼ୁକ୍‌ଚି ଇଡ଼୍‌ଜି ମାଚାନ୍। ହେ ଡ଼ୁକ୍‌ତି ଜଜ୍‌ନାତିଙ୍ଗ୍ ଆନେଙ୍ଗ୍ ଇନେସ୍ ୱିଜାକାରିଙ୍ଗ୍ ବୁଜାଇକିଜି ୱେଚ୍‌ଚେଙ୍ଗ୍ ଆଡ୍‌ନାଙ୍ଗ୍, ଇଦାଙ୍ଗ୍ କାଜିଙ୍ଗ୍ ଈଶ୍ୱର ନାଙ୍ଗେଙ୍ଗ୍ ଦୟାକିଜି ଇ ସୁଯଗ୍ ହିତ୍‌ତାନ୍‌ନା।

ଏବ୍ରି 11:3

ପାର୍ତିତାଙ୍ଗ୍ ଆସେଙ୍ଗ୍ ପୁନାସ୍ ଯେ, ଈଶ୍ୱର କାତାତାଙ୍ଗ୍ ପୁରା ପୁର୍ତି ରହିଆତାତ୍‌ନା। ନଙ୍ଗୟ୍ ଇନାକା ଆସେଙ୍ଗ୍ ହୁଡ଼୍‌ନାସା ହେଦାଙ୍ଗ୍ ଇନେର୍ ଇନାୱେଡ଼ାଙ୍ଗ୍ ହୁଡ଼୍‌ୱିତି ବିଷୟତାଙ୍ଗ୍ ଈଶ୍ୱର ରସ୍ତାନ୍‌ନା।

୧ ଯୋହନ 5:1

ଇମ୍‌ଣି ମାନାୟ୍ ଯୀଶୁଙ୍ଗ୍ ଖ୍ରୀଷ୍ଟ ଇଞ୍ଜି ପାର୍ତିକିନାନ୍। ହେୱାନ୍ ଈଶ୍ୱର ମେହି। ଆରେ ଇମ୍‌ଣି ମାନାୟ୍ ତା ଆବାଙ୍ଗ୍ ଲାଡ୍ କିନାନ୍। ଲାଗିଙ୍ଗ୍ ତା ମେହିରିଙ୍ଗ୍ ପା ଆସେଙ୍ଗ୍ ଲାଡ୍ କିନାସ୍‌।

ହତ୍‌ତି 3:14

ହେୱାନ୍ ପା ନାଙ୍ଗେଙ୍ଗ୍ ୱେଚ୍‌ଚାତାନ୍, “ଲାଅଦିକୀଆ ସହର୍‌ତ ମାନି ମଣ୍ଡ୍‌ଲିନି ଦୁତ୍‌ତିଙ୍ଗ୍ ଇ କାବୁର୍ ଲେକିକିୟାଟ୍। ହେ କାବୁର୍ ଇଲେକେ, ଆନେଙ୍ଗ୍ ନେ ହେ ମାନାୟ୍‌ତଙ୍ଗ୍‌ ଇନେରିଙ୍ଗ୍ ଆମେନ୍ ଇନାର୍, ଇନେସ୍‌କି ଆନେଙ୍ଗ୍ ଦରମ୍ ଲକ୍ ଆରେ ଆନେଙ୍ଗ୍ ଈଶ୍ୱର ବିଷୟରେ ୱେଚ୍‌ନାକା ୱିଜୁ ସତ୍। ଆରେ ପା ଈଶ୍ୱର ନା କାଜିଙ୍ଗ୍ ପୁର୍ତିନି ୱିଜୁ ଜିନିଷ୍ ଉବ୍‌ଜାଇ କିତାନ୍‌ନା।

ହତ୍‌ତି 4:11

“ମା ମାପୃ, ଈଶ୍ୱର, ଏନେଙ୍ଗ୍ ଜୟ୍-ଜୟ୍ ପାୟାଆନି ଦର୍‌କାର୍। ଏନେଙ୍ଗ୍ ସନ୍‌ମାନ୍ ପାୟାଆନି ଦର୍‌କାର୍ ଆରେ ନିଙ୍ଗେଙ୍ଗ୍ ଶାକ୍ତି ମାଚି କାଜିଙ୍ଗ୍ ୱିଜୁ ଜିନିଷ୍ ଉବ୍‌ଜାଇ କିତାୟ୍‍ନା। ଏନେଙ୍ଗ୍ ଇଚାକିତି କାଜିଙ୍ଗ୍ ହେ ୱିଜୁ ଜିନିଷ୍‌ତିଙ୍ଗ୍ ଉବ୍‌ଜା ଆତାତ୍‌ନା ଆରେ ମାନାତା।”