ଜହନ୍‌ 1:1 - New Testament in Pengo Parja Language

¹ ଇ ପୁର୍ତିନି ୱିଜୁ ଉବ୍‌ଜା ଆୱି ଆଗେ ର ମାନାୟ୍ ମାଚାନ୍। ହେ ମାନାୟ୍‌ତିଙ୍ଗ୍ ବେଣ୍ ଇଞ୍ଜି ୱେଚ୍‌ଚି ମାଚାର୍। ହେ ମାନାୟ୍ ଈଶ୍ୱର ଲାହାଙ୍ଗ୍ ମାଚାନ୍। ଆରେ ହେ ମାନାୟ୍ ଈଶ୍ୱର ମାଚାନ୍।

ସତ୍‌ ବଚନ୍‌ ପୁନି ନିୟମ୍‌

¹ ହିଗ୍‌ଦ ବଚନ୍‌ ମାଚାନ୍‌, ବଚନ୍‌ ଇସ୍ୱର୍‌ ଲାହାଙ୍ଗ୍‌ ମାଚାନ୍‌, ହେୱାନ୍‌ ଆରି ଇସ୍ୱର୍‌ ଏକ୍‌ ମାଚାନ୍‌ ।

ଜହନ୍‌ 1:1 Iomraidhean Croise

ମାତିଉ 1:23

“ହୁଡ଼ାଟ୍, ରଞ୍ଜେଲ୍ ୱାଟା ଜିପଲି ଗରବ୍‌ତ ଆସ୍ତି ବପାଙ୍ଗ୍ ଜନମ୍ କିନାତ୍, ଆରେ ହେୱାର୍ ହେୱାନିଙ୍ଗ୍ ଇମାନୁୟେଲ୍ ଇଞ୍ଜି ଇନାର୍,” ଇ ତରନି “ଅର୍ତ ମା ଲାହାଙ୍ଗ୍ ଈଶ୍ୱର ମାନାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:53

ହେୱାର୍ ୱିଜୁଦିନ୍ ମନ୍ଦିର୍‌ ପିଣ୍ଡାତାକେ ମାନ୍‌ଞ୍ଜି ଈଶ୍ୱରତିଙ୍ଗ୍ ଜୟ୍-ଜୟକିଜି ମାଚାର୍।

ଜହନ୍‌ 1:14

ହେ ବେଣ୍ ମାନାୟ୍ ରୁପ୍ ଆତାତ୍, ଆରେ ମା ହୁଦାଙ୍ଗ୍ ବାହାକିତାତ୍‌। ହେୱାନ୍ ଦୟା ଆରେ ସତ୍ ବିଷୟ ବାର୍ତି ମାଚାତ୍। ଆବା ଈଶ୍ୱର ର ମେହିତାକେ ଇନେସ୍ ଲେକେ ଗୌରବ ମାନାତ୍, ହେଲେକେ ଗୌରବ ଆପେଙ୍ଗ୍ ହୁଡ଼୍‌ତାପ୍।

ଜହନ୍‌ 1:18

ଈଶ୍ୱରତିଙ୍ଗ୍ ଇନାୱେଡ଼ାଙ୍ଗ୍ ଇନେର୍ ପା ହୁଡ଼୍‌ୱାତାର୍‌ନା। ମାତର୍ ଈଶ୍ୱର ଲାଗାୟ୍ ମାନି ରକାନ୍ ଇଞ୍ଜି ମେହି ଯୀଶୁ ନେ ତା ବିଷୟରେ ୱେଚ୍‌ଚାନ୍‌ନା।

ଜହନ୍‌ 1:2

ହେୱାନ୍ ପୁର୍ତି ଉବ୍‌ଜା ଆୱି ଆଗେ ଈଶ୍ୱର ହୁଦାଙ୍ଗ୍ ମାଚାନ୍।

ଜହନ୍‌ 16:28

ଆନେଙ୍ଗ୍ ଇ ପୁର୍ତିତିଙ୍ଗ୍ ଆବା ଈଶ୍ୱରତାଙ୍ଗ୍ ୱାତାଙ୍ଗ୍‌ନା। ନଙ୍ଗୟ୍ ଆନେଙ୍ଗ୍ ଇ ପୁର୍ତି ପିସ୍ତି ଆବା ଈଶ୍ୱରତାକେ ହାନାଙ୍ଗ୍।”

ଜହନ୍‌ 17:5

ଆବା ଈଶ୍ୱର, ପୁର୍ତି ରହ୍‌ୱିତି ଆଗେ ନି ହୁଦାଙ୍ଗ୍, ନା ଇମ୍‌ଣି ଜୟ୍-ଜୟ୍ ମାଚାତ୍, ହେଦାଙ୍ଗ୍ କାଜିଙ୍ଗ୍ ଏନେଙ୍ଗ୍ ନାଙ୍ଗେଙ୍ଗ୍ ପା ନି ହୁଦାଙ୍ଗ୍ ଜୟ୍-ଜୟ୍ କିଦା।

ଜହନ୍‌ 20:28

ଥୋମା ଯୀଶୁଙ୍ଗ୍ ୱେଚ୍‌ଚାନ୍, “ନା ମାପୃ, ନା ଈଶ୍ୱର।”

ଜହନ୍‌ 8:58

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଅବ୍ରାହାମ୍‌ ଜନମ୍ ଆୱିତି ଆଗେ ଆନେଙ୍ଗ୍ ମାନାଙ୍ଗ୍।”

ରୋମିୟ 9:5

ହେୱାର୍ ଆକଦାଦିର୍ ଈଶ୍ୱରତିଙ୍ଗ୍ ଗାଜାକାର୍ ମାଚାର୍, ଆରେ ଖ୍ରୀଷ୍ଟ ନିଜେ ର ଯିହୁଦି ମାଚାନ୍, ଏଚେଦିନ୍ ପାତେକ୍ ହେୱାନ୍ ମାନାୟ୍ ରୁପ୍ ଆଜି ପୁର୍ତିତାକେ ମାଚାନ୍। ଆରେ ହେୱାନ୍ ଈଶ୍ୱର ମାଚାନ୍, ଇନେର୍ ୱିଜୁ ଜିନିଷ୍ ଜପି ସାସନ୍ କିନାନା, ଆରେ ହେୱାନ୍ ୱିଜୁଦିନ୍ ଜୟ୍-ଜୟ୍ ପାୟାଆନି ଦର୍‌କାର୍। ଆମେନ୍।

ଏପିସିୟ 3:9

ୱିଜୁ ବିଷୟତିଙ୍ଗ୍ ରସ୍ତାକାନ୍ ଈଶ୍ୱର ମାବେତାଙ୍ଗ୍ ଇନାକା ଡ଼ୁକ୍‌ଚି ଇଡ଼୍‌ଜି ମାଚାନ୍। ହେ ଡ଼ୁକ୍‌ତି ଜଜ୍‌ନାତିଙ୍ଗ୍ ଆନେଙ୍ଗ୍ ଇନେସ୍ ୱିଜାକାରିଙ୍ଗ୍ ବୁଜାଇକିଜି ୱେଚ୍‌ଚେଙ୍ଗ୍ ଆଡ୍‌ନାଙ୍ଗ୍, ଇଦାଙ୍ଗ୍ କାଜିଙ୍ଗ୍ ଈଶ୍ୱର ନାଙ୍ଗେଙ୍ଗ୍ ଦୟାକିଜି ଇ ସୁଯଗ୍ ହିତ୍‌ତାନ୍‌ନା।

ପିଲିପିୟ 2:6

ହେୱାନ୍ ଈଶ୍ୱର ମାଚାନ୍, ମାତର୍ ହେୱାନ୍ ପା ଈଶ୍ୱର ହୁଦାଙ୍ଗ୍ ହାମାନ୍ ଆନି କାଜିଙ୍ଗ୍ ଇଚା କିୱାତାନ୍।

କଲସିୟ 1:15

ଆପେଙ୍ଗ୍ ଇନାୱେଡ଼ାଙ୍ଗ୍ ଈଶ୍ୱରତିଙ୍ଗ୍ ହୁଡ଼୍‌ୱାତାପ୍‌ନା, ମାତର୍ ଏଚେପାଦ୍ନା ତା ମେହି ଯୀଶୁ ଖ୍ରୀଷ୍ଟ ମାନାୟ୍ ରୁପ୍ ଆଜି ୱାତାନ୍, ହେୱାନ୍ ଈଶ୍ୱର ଇନେସ୍ ଚଞ୍ଜ୍‌ନାନା ହେଦାଙ୍ଗ୍ ବୁଜା ଆଦେଙ୍ଗ୍ ମାଙ୍ଗେଙ୍ଗ୍ ସାଇଜ କିତ୍‌ତାନ୍। ଇନେସ୍‌କି ହେୱାନ୍ ଈଶ୍ୱରଲେକେ ମାଚାନ୍। ଈଶ୍ୱର ଉବ୍‌ଜାଇ କିତି ଆଗେ ହେୱାନ୍ ମାଚାନ୍ ଆରେ ୱିଜୁ ଉବ୍‌ଜାଇ କିଜି ଜିନିଷ୍ ଜପି ଗାଜା ଆଦିକାରି ମାଚାନ୍।

କଲସିୟ 1:17

ପୁର୍ତିନି ୱିଜୁ ଜିନିଷ୍ ଉବ୍‌ଜାଆୱି ଆଗେ ଖ୍ରୀଷ୍ଟ ମାଚାନ୍, ଆରେ ତା କାଜିଙ୍ଗ୍ ଟିକ୍‌ଟାକ୍ ଆଜି ୱିଜୁ ବିଷୟ ମାନାତ୍।

୧ ତିମତି 3:16

ଈଶ୍ୱର ମାଙ୍ଗେଙ୍ଗ୍ ଇନାକା ୱେଚ୍‌ଚାତାନ୍‌ନା ହେଦାଙ୍ଗ୍ ପୁରାପୁରି ସତ୍, ଇଦାଙ୍ଗ୍ ଇନେର୍ ପା ବୁଲ୍ ଇଞ୍ଜି ୱେଚ୍‌ଚେଙ୍ଗ୍ ଆଡୁର୍। ଖ୍ରୀଷ୍ଟ ମାନାୟ୍ ରୁପ୍ ଆଜି ୱାତାନ୍, ହେୱାନ୍ ଈଶ୍ୱର ମେହି ଇଞ୍ଜି ଈଶ୍ୱର ଆତ୍ମା ପୁନି କିତାତ୍। ଦୁତ୍‌କୁ ହେୱାନିଙ୍ଗ୍ ହୁଡ଼୍‌ତିକ୍, ଈଶ୍ୱର ହେୱାନିଙ୍ଗ୍ ସରଗ୍‌ଜପି ଅତାନ୍, ଚେଲାହିର୍ ତା ବିଷୟରେ ୱିଜୁଜାତି ନିପଣ୍ ଶୁଣାୟ୍ କିତାର୍। ଆରେ ପୁର୍ତିନି ମାନାୟାର୍ ପାର୍ତି କିତାର୍।

ତୀତସ 2:13

ଆରେ ଇମ୍‌ଣି ଆହା ମାଙ୍ଗେଙ୍ଗ୍ ୱାରି କିଦ୍‌ନାତ୍, ଆରେ ମା ଗାଜା ଈଶ୍ୱର ଆରେ ଉଦାର୍ କିଦ୍‌ନି ଯୀଶୁ ଖ୍ରୀଷ୍ଟ ଗୌରବତାଙ୍ଗ୍ ୱାନାକାଦିଙ୍ଗ୍ କାସିମାଞ୍ଜେଙ୍ଗ୍ ଈଶ୍ୱର ମାଙ୍ଗେଙ୍ଗ୍ ଦୟା ହିକାୟ୍ କିତ୍‌ତାନ୍‌ନା।

ଏବ୍ରି 13:8

ଯୀଶୁ ଖ୍ରୀଷ୍ଟ ୱିଗା, ନେଞ୍ଜେଙ୍ଗ୍ ଆରେ ୱିଜ୍‌ୱିଦିନ୍ ପାତେକ୍ ହାମାନ୍ ମାନ୍‌ଗାନାନ୍।

୨ ପିତର 1:1

ଆନେଙ୍ଗ୍ ଶିମନ ପିତର ଯୀଶୁ ଖ୍ରୀଷ୍ଟନି ରକାଙ୍ଗ୍‌ ଦାସ୍ ଆରେ ବାଚିକିତି ଚେଲା ଇ ଚିଟି ଲେକିକିନାଙ୍ଗା। ଯୀଶୁ ଖ୍ରୀଷ୍ଟତି ମା ଈଶ୍ୱର ଆରେ ଉଦାର୍ କିଦ୍‌ନାକାନ୍, ହେୱାନ୍ ଈଶ୍ୱର ଲାଗାୟ୍ ମାଙ୍ଗେଙ୍ଗ୍ ଦରମ୍ ମାନାୟ୍ କିତ୍‌ତାନ୍‌ନା। ଆରେ ହେୱାନ୍ ମାଙ୍ଗେଙ୍ଗ୍ ବେସି ମୁଲ୍ୟକାଟି ପାର୍ତି ହିତ୍‌ତାନ୍‌ନା, ଆରେ ଇମ୍‌ଣାକାର୍ ମା ଲେକେ ହାମାନ୍ ପାର୍ତି ପାୟାଆତାର୍‌ନା, ହେୱାର୍ ଲାଗାୟ୍ ଆନେଙ୍ଗ୍ ଇ ଚିଟି ଲେକିକିନାଙ୍ଗା।

୧ ଯୋହନ 5:20

ଆସେଙ୍ଗ୍ ପୁଚାସ୍‌ନା ଯେ, ଈଶ୍ୱର ତା ମେହିଙ୍ଗ୍ ପୁର୍ତିତାକେ ପକ୍ତାତାନ୍‌ନା। ଆରେ ହେୱାନ୍ ମାଙ୍ଗେଙ୍ଗ୍ ସତ୍ ଈଶ୍ୱରତିଙ୍ଗ୍ ପୁଞ୍ଜେଙ୍ଗ୍ ସାଇଜ କିତ୍‌ତାନ୍‌ନା। ନଙ୍ଗୟ୍ ଆପେଙ୍ଗ୍ ଈଶ୍ୱର ଆରେ ତା ମେହି ଯୀଶୁ ଖ୍ରୀଷ୍ଟତାକେ ମାହାଆଜି ମାନାପ୍। ହେୱାନ୍‌ନେ ରକାନ୍ ସତ୍ ଈଶ୍ୱର, ଆରେ ହେୱାନ୍‌ନେ ୱିଜ୍‌ୱି ଜିବୁନ୍।

୧ ଯୋହନ 5:7

ଆରେ ଯୀଶୁ ପୁର୍ତିତାକେ ୱାତାକା ତିନ୍‌ଗଟା ଚିନ୍ ସାକି ହିନିକା, ପବିତ୍ର ଆତ୍ମା, ଏଜୁକାଙ୍ଗ୍ ଡୁବନ୍ ଅନାକା ଆରେ କୃଶକାଟ୍‌ତାକେ ତା ନେତେର୍ ବଡ଼ାଆଜି ହାଃତାକା, ଆରେ ଇ ତିନ୍‌ଗଟା ବିଷୟରେ ସାକି ହିନାକା ସତ୍।

ହତ୍‌ତି 1:11

ହେଦାଙ୍ଗ୍ ଇଲେକେ ସବଦ୍ ଆତାତ୍, “ଏପେଙ୍ଗ୍ ଇନାକା ହୁଡ଼୍‌ନାଦେରା ହେଦାଙ୍ଗ୍ ର ସାସ୍ତର୍‌ତାକେ ଲେକିକିଜି ଇଟାଟ୍ ଆରେ ଏପିସ, ସ୍ମର୍ଣ୍ଣା, ପର୍ଗମ, ଥୁୟତିରା, ସାର୍ଦ୍ଦୀ, ଫିଲାଦେଲ୍‌ଫିଆ ଆରେ ଲାଅଦିକିଆ ଇ ସାତ୍‌ଗଟା ମଣ୍ଡ୍‌ଲିତାକେ ପକାଟ୍।”

ହତ୍‌ତି 1:17

ଏଚେପାଦ୍ନା ଆନେଙ୍ଗ୍ ହେୱାନିଙ୍ଗ୍ ହୁଡ଼୍‌ତାଙ୍ଗ୍ ହେଦାପ୍ରେ ଆନେଙ୍ଗ୍ ତା ପାନାତାକେ ଜୁୱାର୍ କିତାଙ୍ଗ୍, ହେପାଦ୍ନା ଆନେଙ୍ଗ୍ ହାଃତି ଲେକେ ଆତାଙ୍ଗ୍। ମାତର୍ ହେୱାନ୍ ତା ତିନିକେଇ ନା ଜପି ଇଡ଼୍‌ତାନ୍ ଆରେ ୱେଚ୍‌ଚାତାନ୍, “ପାଣ୍ଡ୍ରାଆମା ଆନେଙ୍ଗ୍ ନେ ପାର୍ତୁମ୍ ଆରେ ସେସ୍।

ହତ୍‌ତି 1:2

ଲାଗିଙ୍ଗ୍ ହେ ଯୋହନ ଈଶ୍ୱର ୱେଚ୍‌ଚି ୱିଜୁ କାତା ଆରେ ଯୀଶୁ ଖ୍ରୀଷ୍ଟ ୱେଚ୍‌ଚି ୱିଜୁ କାତା ଆରେ ହେୱାନ୍ ହୁଡ଼୍‌ତି ୱିଜୁ ବିଷୟତିଙ୍ଗ୍ ଇ ବହିତାକେ ଲେକିକିତାନ୍‌ନା।”

ହତ୍‌ତି 1:8

ମା ମାପୃ ଈଶ୍ୱର ଇଲେକେ ୱେଚ୍‌ନାନା, “ଆନେଙ୍ଗ୍ ଆଲ୍‌ପା ଆରେ ଅମେଗା,” ଇ ଅର୍ତ ଆନେଙ୍ଗ୍ ଇ ୱିଜୁ ବିଷୟତିଙ୍ଗ୍ ଆରମ୍ କିତାଙ୍ଗ୍ ଆରେ ଆନେଙ୍ଗ୍ ୱିଜୁ ବିଷୟତିଙ୍ଗ୍ ସେସ୍ କିଦେଙ୍ଗ୍ ଆଡ୍‌ନାଙ୍ଗ୍। “ଆନେଙ୍ଗ୍ ନେ ୱିଜୁ ଶାକ୍ତିମାନି ଈଶ୍ୱରତଙ୍ଗ୍ ଇନେର୍ ଆଗେ ମାଚାନ୍, ନଙ୍ଗୟ୍ ମାନାନ୍ ଆରେ ପାଚେ ମାନାନ୍।”

ହତ୍‌ତି 19:13

ତା ହେନ୍ଦ୍ରା ନେତେର୍‌ତାକେ ମୁଚ୍‌ଚି ହେନ୍ଦ୍ରା ଲେକେ ମାଚାତ୍, ଆରେ ତା ତର୍‌ ଈଶ୍ୱରତି କାତା ମାଚାତ୍।

ହତ୍‌ତି 2:8

ହେୱାନ୍ ପା ନାଙ୍ଗେଙ୍ଗ୍ ୱେଚ୍‌ଚାତାନ୍, “ସ୍ମର୍ଣ୍ଣା ସହର୍‌ତ ମାନି ମଣ୍ଡ୍‌ଲିନି ଦୁତ୍‌ତିଙ୍ଗ୍ ଇ କାବୁର୍ ଲେକିକିୟାଟ୍: ହେ କାବୁର୍ ଇଲେକେ, ଆନେଙ୍ଗ୍ ନେ ହେ ମାନାୟ୍‌ତଙ୍ଗ୍‌ ଇନେର୍ ୱିଜୁ ଜିନିଷ୍‌ତିଙ୍ଗ୍ ଆରମ୍ କିତାଙ୍ଗ୍‌ନା। ଆନେଙ୍ଗ୍ ନେ ହେ ମାନାୟ୍‌ତଙ୍ଗ୍‌ ଇନେର୍ ୱିଜୁ ଜିନିଷ୍‌ତିଙ୍ଗ୍ ସେସ୍ କିଦେଙ୍ଗ୍ ଆଡ୍‌ନାଙ୍ଗ୍। ଆନେଙ୍ଗ୍ ରଗ ହାଃଜି ମାଚାଙ୍ଗ୍, ମାତର୍ ନଙ୍ଗୟ୍ ଆନେଙ୍ଗ୍ ଜିବୁନ୍ ମାନାଙ୍ଗ୍ ଆରେ ଆନେଙ୍ଗ୍ ୱିଜୁଦିନ୍ କାଜିଙ୍ଗ୍ ଜିବୁନ୍ ମାନ୍‌ଗାନାଙ୍ଗ୍।”

ହତ୍‌ତି 21:6

ଆରେ ପା ହେୱାନ୍ ୱେଚ୍‌ଚାନ୍, “ଇଦାଙ୍ଗ୍ ସେସ୍ ଆତାତ୍! ଆନେଙ୍ଗ୍ ନେ ଆଲ୍‌ପା ଆରେ ଅମେଗାନି ଅର୍ତ, ଆରମ୍ ଆରେ ସେସ୍। ଇନେର୍ ୱିଜୁ ଜିନିଷ୍‌ତିଙ୍ଗ୍ ଉବ୍‌ଜାଇ କିତାନ୍‌ନା ଆରେ ୱିଜୁ ଜିନିଷ୍‌ତିଙ୍ଗ୍ ସେସ୍ କିଦେଙ୍ଗ୍ ଆଡ୍‌ନାନ୍। ଇମ୍‌ଣାକାରିଙ୍ଗ୍ ଏସ୍‌କି ଆନାରା ଆନେଙ୍ଗ୍ ହେୱାରିଙ୍ଗ୍ ଉପ୍‌କା ଉଣ୍ଡେଙ୍ଗ୍ ଜାରାଣ୍ ଏଜୁଙ୍ଗ୍ ହିନାଙ୍ଗ୍ ହେ ଏଜୁଙ୍ଗ୍ ହେୱାରିଙ୍ଗ୍ ୱିଜ୍‌ୱି ଜିବୁନ୍ ହିନାତ୍।

ହତ୍‌ତି 22:13

ମା ମାପୃ ଈଶ୍ୱର ଇଲେକେ ୱେଚ୍‌ନାନା, ଆନେଙ୍ଗ୍ ଆଲ୍‌ପା ଆରେ ଅମେଗା, “ଇ ଅର୍ତ ଆନେଙ୍ଗ୍ ଇ ୱିଜୁ ବିଷୟତିଙ୍ଗ୍ ଆରମ୍ କିତାଙ୍ଗ୍ ଆରେ ଆନେଙ୍ଗ୍ ୱିଜୁ ବିଷୟତିଙ୍ଗ୍ ସେସ୍ କିଦେଙ୍ଗ୍ ଆଡ୍‌ନାଙ୍ଗ୍।”

ହତ୍‌ତି 3:14

ହେୱାନ୍ ପା ନାଙ୍ଗେଙ୍ଗ୍ ୱେଚ୍‌ଚାତାନ୍, “ଲାଅଦିକୀଆ ସହର୍‌ତ ମାନି ମଣ୍ଡ୍‌ଲିନି ଦୁତ୍‌ତିଙ୍ଗ୍ ଇ କାବୁର୍ ଲେକିକିୟାଟ୍। ହେ କାବୁର୍ ଇଲେକେ, ଆନେଙ୍ଗ୍ ନେ ହେ ମାନାୟ୍‌ତଙ୍ଗ୍‌ ଇନେରିଙ୍ଗ୍ ଆମେନ୍ ଇନାର୍, ଇନେସ୍‌କି ଆନେଙ୍ଗ୍ ଦରମ୍ ଲକ୍ ଆରେ ଆନେଙ୍ଗ୍ ଈଶ୍ୱର ବିଷୟରେ ୱେଚ୍‌ନାକା ୱିଜୁ ସତ୍। ଆରେ ପା ଈଶ୍ୱର ନା କାଜିଙ୍ଗ୍ ପୁର୍ତିନି ୱିଜୁ ଜିନିଷ୍ ଉବ୍‌ଜାଇ କିତାନ୍‌ନା।