ଜାକ୍‌ବ 5:13 - New Testament in Pengo Parja Language

¹³ ଯଦି ମି ବିତ୍ରେତାଙ୍ଗ୍ ଇନେର୍ ଦୁକ୍‌ତାକେ ମାନାନ୍, ହେୱାନ୍ ଈଶ୍ୱରତାକେ ପାର୍ତାନା କିୟେନ୍। ଯଦି ଇନେର୍ ୱାରିତାଙ୍ଗ୍ ମାନାର୍, ହେୱାନ୍ କେର୍‌କଣ୍ କେର୍‌ଜି ଈଶ୍ୱରତିଙ୍ଗ୍ ଜୟ୍-ଜୟ୍ କିୟେନ୍।

ସତ୍‌ ବଚନ୍‌ ପୁନି ନିୟମ୍‌

¹³ ମି ବିତ୍ରେ ଇନାକା ଇନେର୍‌ କସ୍ଟ ବଗି କିନାନା ? ହେୱେନ୍ ପାର୍ତାନା କିଏନ୍‌ । ଇନେର୍‌ ଇନାକା ୱାରିନିକାନ୍ ଆନାନ୍‌ ? ହେୱେନ୍ ୱାରିନିକା କେର୍‌କଣ୍‌ କେରେନ୍ ।

ଜାକ୍‌ବ 5:13 Iomraidhean Croise

ମାତିଉ 26:30

ଆରେ ଯୀଶୁ ତା ଚେଲାହିର୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିଜି ନିସ୍ତାର୍ ପାର୍ବୁନି କେର୍‌କଣ୍ କେର୍‌ତାର। ଆରେ ଯିରୁଶାଲାମ ସହର୍ ନିପଣ୍ ହସି ଜିତ୍‌ମାର୍‌ ମାନି ମାଡ଼ିତାକେ ହାଚାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:44

ଯୀଶୁ ବେସି ଦୁଃକ୍‌ତାକେ ମାନ୍‌ଞ୍ଜି ପା ଆରେ ବେଗି-ବେଗି ପାର୍ତାନା କିଦେଙ୍ଗ୍ ଲାଗାତାନ୍। ତା ମୁମ୍‌ଦାଙ୍ଗ୍ ରୁମି, ନେତେର୍ ଟୁପା ଲେକେ ହସି ନେଲା ଆର୍‍ତାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:42

ତାପାଚେ ହେ ଚର୍ ଯୀଶୁଙ୍ଗ୍ ୱେଚ୍‌ଚାନ୍, “ଯୀଶୁ, ଏନେଙ୍ଗ୍ ଏଚେପାଦ୍ନା ରାଜା ଲେକେ ନି ସାସନ୍ କିନି ରାଜି ଆରମ୍ କିନାଇ, ହେପାଦ୍ନା ନାଙ୍ଗେଙ୍ଗ୍ ମାନ୍ତ ଏତୁ କିଦ୍‌ନାଇ।”

୧ କରନ୍ତିୟ 14:15

ହେଦାଙ୍ଗ୍ କାଜିଙ୍ଗ୍ ପବିତ୍ର ଆତ୍ମା ସାଇଜତାଙ୍ଗ୍ ଆନେଙ୍ଗ୍ ମି କାଜିଙ୍ଗ୍ ପାର୍ତାନା କିଦେଙ୍ଗ୍ ଇଚା କିନାଙ୍ଗା। ମାତର୍ ଆନେଙ୍ଗ୍ ଇଦାଙ୍ଗ୍ ପା ଇଚା କିନାଙ୍ଗା ଯେ ନା ୱିଜୁ କାତା ମାନାୟାର୍ ବୁଜା ଆଏର୍, ଆରେ ଆନେଙ୍ଗ୍ କେର୍‌କଣ୍ କେର୍‌ନିହିଙ୍ଗ୍ ପବିତ୍ର ଆତ୍ମା ହୁଦାଙ୍ଗ୍ କେର୍‌କଣ୍ କେର୍‌ଦେଙ୍ଗ୍ ଇଚା କିନାଙ୍ଗା। ମାତର୍ ଆନେଙ୍ଗ୍ କେର୍‌ତି କେର୍‌କଣ୍ ଅର୍ତତିଙ୍ଗ୍ ପା ମାନାୟାର୍ ବୁଜାଆନି ଦର୍‌କାର୍।

୧ କରନ୍ତିୟ 14:26

ଲାଗିଙ୍ଗ୍ ଏ ଟଣ୍ଡାର୍‌କାଦେର୍, ଏପେଙ୍ଗ୍ ମଣ୍ଡ୍‌ଲିତାକେ ରୁଣ୍ଡା ଆତିହିଙ୍ଗ୍ ଇଲେକେ କିୟାଟ୍। ରକାନ୍ କେର୍‌କଣ୍ କେରେନ୍, ରକାନ୍ ହିକ୍ଷା ହିୟେନ୍, ରକାନ୍ ଈଶ୍ୱର କାତାତିଙ୍ଗ୍ ୱେଚେନ୍, ରକାନ୍ ବୁଜାଆୱି ବାଷା ଇନାନ୍ ଆରେ ରକାନ୍ ହେ ବାଷାନି ଅର୍ତତିଙ୍ଗ୍ ବୁଜାୟ୍ କିଏନ୍‌। ମାତର୍ ଏପେଙ୍ଗ୍ ଇନାକା ୱିଜୁ କିନାଦେର୍ ହେଦାଙ୍ଗ୍ ମିଙ୍ଗେଙ୍ଗ୍ ଈଶ୍ୱରତିଙ୍ଗ୍ ଆଦିକ୍ ପାର୍ତିକିନି କାଜିଙ୍ଗ୍ ସାଇଜ କିଦ୍‌ନି ଦର୍‌କାର୍।

ଏପିସିୟ 5:19

ଆରେ ଜାର୍-ଜାର୍‌ବିତ୍ରେ କେର୍‌କଣ୍ କେରାଟ୍, ଈଶ୍ୱର ଭଜନ୍ କିୟାଟ୍ ଆରେ ଆତ୍ମିକ୍ କେର୍‌କଣ୍ କେରାଟ୍। ଆରେ ଜାର୍-ଜାର୍ ଗାଗାଡ଼୍ ବିତ୍ରେ ଈଶ୍ୱର ତର୍‍ଦାଙ୍ଗ୍ ଭଜନ୍ ଆରେ ଗିତସଙ୍ଗିତାନି କେର୍‌କଣ୍ କେରାଟ୍।

ଏବ୍ରି 5:7

ଯୀଶୁ ଖ୍ରୀଷ୍ଟ ପୁର୍ତିତାକେ ମାନିହିଙ୍ଗ୍, ଇମ୍‌ଣି ଈଶ୍ୱର ହେୱାନିଙ୍ଗ୍ ହାଃତିତାଙ୍ଗ୍ ଉଦାର୍ କିଦେଙ୍ଗ୍ ଆଡ୍‌ନାନ୍, ତା ଲାଗାୟ୍ ହେୱାନ୍ ଗାଜା କାଟ୍‌ତାଙ୍ଗ୍ ଆଡ଼ାକୁକା ଆଜି ପାର୍ତାନା ଆରେ ଗୁୱାରି କିତାନ୍। ଈଶ୍ୱରତିଙ୍ଗ୍ ହେୱାନ୍ ବେସି ସନ୍‌ମାନ୍ ଆରେ ଜାର୍‌ତିଙ୍ଗ୍ ହିରୁ ଆନି କାଜିଙ୍ଗ୍, ଈଶ୍ୱର ହେୱାନ୍ କିତି ପାର୍ତାନାତିଙ୍ଗ୍ ୱେଚାନ୍।

ଜାକ୍‌ବ 5:10

ଏ ପାର୍ତିକିନି ଟଣ୍ଡାର୍‌କାଦେର୍, ମାପୃ ତର୍‍ଦାଙ୍ଗ୍ ବେଣ୍ ୱେଚ୍‌ଚି ମାନ୍‌ଞ୍ଚି ଭବିଷ୍ଯତବକ୍ତାର୍ ଦୁକ୍‌କଷ୍ଟ ପାୟାଆଜି ମାଚାର୍, ମାତର୍ ହେୱାର୍ ସାସ୍ ଆସ୍ତି ମାଚାର୍। ଲାଗିଙ୍ଗ୍ ଏପେଙ୍ଗ୍ ପା ହେୱାର୍ ଲେକେ ବାବିକିଜି ସାସ୍ ଆସ୍ତି ମାନାଟ୍।

ହତ୍‌ତି 14:3

ହେ ୧, ୪୪,୦୦୦ ମାନାୟାର୍, ଈଶ୍ୱର ସିଂହାସନ୍, ଚାରିଗଟା ଜିବୁନ୍ ମାନି ପଶୁ ଆରେ ୨୪ ଜାଣ୍ ପ୍ରାଚିନାର୍ ମୁମ୍‌ଦ ନିଲ୍‌ଚି ମାଚାର୍। ହେୱାର୍ ନେ ହେ ମାନାୟାର୍ ଇମ୍‌ଣାକାରିଙ୍ଗ୍ ଈଶ୍ୱର ପୁର୍ତିନି ମାନାୟାର୍‌ତାଙ୍ଗ୍ ଉଦାର୍ କିତାନ୍‌ନା। ହେୱାର୍ ରଞ୍ଜି ପୁନି କେର୍‌କଣ୍ କେର୍‌ଜି ମାଚାର୍ ହେ କେର୍‌କଣ୍‌ତିଙ୍ଗ୍ ଇନେର୍ ପା ହିକାଆଦେଙ୍ଗ୍ ଆଡୁର୍।

ହତ୍‌ତି 7:10

ଆରେ ହେୱାର୍ ଗାଜାକାଟ୍ କିଜି ୱେଚ୍‌ଚି ମାଚାର୍, “ୱାଡ ଆସେଙ୍ଗ୍ ସିଙ୍ଗାସନ୍‌ତାକେ କୁଚ୍‌ଚି ଈଶ୍ୱରତିଙ୍ଗ୍ ଆରେ ମେଣ୍ଢା ଇନେର୍‌କି ଯୀଶୁଙ୍ଗ୍‌ ପା ଜୟ୍-ଜୟ୍ କିନାସ୍, ଇନେସ୍‌କି ହେୱାର୍ ନେ ଆସେଙ୍ଗ୍ କିତି ପାପ୍ କାମାୟ୍‌ନି ଦଣ୍ଡ୍‌ତାଙ୍ଗ୍ ଉଦାର୍ କିତ୍‌ତାର୍‌ନା।”