ଜାକ୍‌ବ 4:4 - New Testament in Pengo Parja Language

⁴ ଏପେଙ୍ଗ୍ ଈଶ୍ୱରତାକେ ବିସ୍‌ବାସ୍ ହିଲ୍‌ୱିତି ମାନାୟ୍ କାଦେର୍, ଇନେସ୍‌କି ପୁର୍ତିନି ବିଷୟତିଙ୍ଗ୍ ସାଙ୍ଗ ଆତିସ୍ ଈଶ୍ୱରତିଙ୍ଗ୍ ଶତ୍ରୁ ଆନାଦେର୍, ଇଦାଙ୍ଗ୍ ମିଙ୍ଗେଙ୍ଗ୍ ଇନାକା ଜାଣା ଆକାୟ୍ କି? ଲାଗିଙ୍ଗ୍ ଇମ୍‌ଣାକାନ୍ ପୁର୍ତିନି ବିଷୟତିଙ୍ଗ୍ ସାଙ୍ଗ ଆଦେଙ୍ଗ୍ ଇଚାକିନାନ୍, ହେୱାନ୍ ନିଜେ ଈଶ୍ୱରତିଙ୍ଗ୍ ଶତ୍ରୁ ଆନାନ୍।

ସତ୍‌ ବଚନ୍‌ ପୁନି ନିୟମ୍‌

⁴ ଏ ଦାରୁଲାର୍‌, ଜଗତ୍‌ନି ବନ୍ଦୁ ଇସ୍ୱର୍‌ତି ସାତ୍ରୁ ଇଦାଂ ଇନାକା ପୁନୁଦେରା ? ଲାଗିଂ, ଜେ ଇନେର୍‌ ଜଗତ୍‌ତ ବନ୍ଦୁ ଆଦେଂ ମାନ୍‌ କିନାନ୍‌, ହେୱାନ୍‌ ଜାର୍‌ତିଂ ଇସ୍ୱର୍‌ତିଂ ସାତ୍ରୁ ଇଞ୍ଜି ହନାତ୍‌ ।

ଜାକ୍‌ବ 4:4 Iomraidhean Croise

ମାତିଉ 12:39

ଲାଗିଙ୍ଗ୍ ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ନଙ୍ଗୟ୍‌ନି ଯୁଗ୍‌ଦି ବାନ୍ୟା ମାନାୟାର୍ ଆରେ ଦାରୁଲାନି ଲାତ୍ରା ନିକାର୍ ନେ ଚାନିଆଆନି ଚିନା ଡେକ୍‌ନାର୍। ମାତର୍ ଇଲେଗ୍‌ଦି ମାନାୟାର୍ କାଜିଙ୍ଗ୍ ଭବିଷ୍ଯତବକ୍ତା ଯୁନସ୍‌ ଜିବୁନ୍‌ତ ଇନେସ୍ ଲେଗ୍‌ଦି ଚାନିଆଆନି କାମାୟ୍ ଆଜିମାଚାତ୍, ହେଲେଗ୍‌ଦି ଚିନା ମିଙ୍ଗେଙ୍ଗ୍ ହିୟିଆନାତ୍।

ମାତିଉ 16:4

ବାନ୍ୟା ମାନାୟ୍ ଆରେ ଦାରୁଲାନି ଲାତ୍ରା ଚାନିଆଆନି ଚିନା ଡେକ୍‌ନାର୍। ମାତର୍ ଭବିଷ୍ଯତବକ୍ତା ଯୁନସ୍‌ ଜିବୁନ୍‌ତ ଇନେସ୍ ଲେଗ୍‌ଦି ଚାନିଆଆନି କାମାୟ୍ କିଜି ମାଚାର୍ ହେଲେଗ୍‌ଦି ଚିନା ମିଙ୍ଗେଙ୍ଗ୍ ହିୟିଆନାତ୍।” ଆରେ ଯୀଶୁ ହେୱାରିଙ୍ଗ୍ ପିସ୍ତି ହାଚାନ୍।

ମାତିଉ 6:24

ରକାନ୍ ହଲିଆ ରଞ୍ଜେମାଡ୍ ରିକାର୍ ମାଲିକ୍‌ତିଙ୍ଗ୍ ହେବା କିଦେଙ୍ଗ୍ ଆଡୁନ୍। ଲାଗିଙ୍ଗ୍ ହେୱାନ୍ ରକାନିଙ୍ଗ୍ ଆକାର୍ ଆନାନ୍ ଆରେ ଜେକନିକାରିଙ୍ଗ୍ ଲାଡ୍ କିନାନ୍, ରକାନିଙ୍ଗ୍ ଇଚା ଆନାତ୍ ଆରେ ଜେକନିକାରିଙ୍ଗ୍ ଗିଣ୍ କିନାନ୍। ଏପେଙ୍ଗ୍ ଈଶ୍ୱର ଆରେ ଦନ୍ ଇ ରିଣ୍ଡେକାଙ୍ଗ୍ ହେବା କିଦେଙ୍ଗ୍ ଆଡୁଦେର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 19:27

ଆରେ ଇମ୍‌ଣାକାର୍ ନାଙ୍ଗେଙ୍ଗ୍ ରାଜା ଆଦେଙ୍ଗ୍ ମୁନା କିଜି ମାନ୍‌ଞ୍ଚି ଶାତ୍ରୁରିଙ୍ଗ୍ ନା ଲାଗାୟ୍ ତାସିୱାଡ। ଆରେ ନା ମୁମ୍‌ଦ ହେୱାରିଙ୍ଗ୍ ମାର୍ନେ ଅହାଟ୍।’ ”

ଜହନ୍‌ 15:19

ଏପେଙ୍ଗ୍ ଯଦି ପୁର୍ତି ନିକାଦେର୍ ଆତାଦେର୍‌ମା, ଲାଗିଙ୍ଗ୍ ଦୁନିଆ ମିଙ୍ଗେଙ୍ଗ୍ ଜାର୍ ଲକାଙ୍ଗ୍ ଲେକେ ଲାଡ୍ କିତ୍‌ତାତ୍‌ମା। ଇନେସ୍‌କି ଆନେଙ୍ଗ୍ ମିଙ୍ଗେଙ୍ଗ୍ ବାଚି କିତ୍‌ତାଙ୍ଗ୍‌ନା, ମାତର୍ ଏପେଙ୍ଗ୍ ଇ ପୁର୍ତିନି ମାନାୟ୍ ଆକାଇ। ହେଦାଙ୍ଗ୍ କାଜିଙ୍ଗ୍ ପୁର୍ତି ମିଙ୍ଗେଙ୍ଗ୍ ଗିଣ୍ କିଦ୍‌ନାତ୍।

ଜହନ୍‌ 17:14

ଆନେଙ୍ଗ୍ ହେୱାରିଙ୍ଗ୍ ନି ହିକ୍ଷା ହିତାଙ୍ଗ୍‌ନା। ଆରେ ଇ ପୁର୍ତିନି ମାନାୟାର୍ ହେୱାରିଙ୍ଗ୍ ଗିଣ୍ କିତାର୍‌ନା। ଇନେସ୍‌କି ହେୱାର୍ ଇ ପୁର୍ତି ନିକାର୍ ଆକାୟ୍, ହେଲେକେ ଆନେଙ୍ଗ୍ ପା ଇ ପୁର୍ତି ନିକାଙ୍ଗ୍ ଆକାଇ।

ଜହନ୍‌ 7:7

ପୁର୍ତିନି ମାନାୟାର୍ ମିଙ୍ଗେଙ୍ଗ୍ ଗିଣ୍ କିଦେଙ୍ଗ୍ ଆଡ଼୍‌ଦୁର୍। ମାତର୍ ନାଙ୍ଗେଙ୍ଗ୍ ପୁର୍ତିନି ମାନାୟାର୍ ଗିଣ୍ କିଦ୍‌ନାର୍, ଇନେସ୍‌କି ଆନେଙ୍ଗ୍ ପୁର୍ତିନି ମାନାୟାରିଙ୍ଗ୍ ପାପ୍ କାମାୟ୍ କିନାଦେରା ଇଞ୍ଜି ୱେଚ୍‌ନାଙ୍ଗା।

ରୋମିୟ 5:10

ଇନେସ୍‌କି ଆସେଙ୍ଗ୍ ଏଚେପାଦ୍ନା ଈଶ୍ୱରତିଙ୍ଗ୍ ବିରଦ୍ କିଜି ମାଚାସ୍, ହେପାଦ୍ନା ମା ଯୀଶୁ ଖ୍ରୀଷ୍ଟ ମା କାଜିଙ୍ଗ୍ ହାଃତିଲେ ଆସେଙ୍ଗ୍ ଈଶ୍ୱର ହୁଦାଙ୍ଗ୍ ହାର୍ ରୱାଣ୍‌ ଇଡ଼୍‌ଜି ମାହା ଆତାସ୍‌। ନଙ୍ଗୟ୍ ଆପେଙ୍ଗ୍ ହାର୍‌ଦାଙ୍ଗ୍ ପୁଚାପ୍‌ନା ଯେ, ଈଶ୍ୱର ହୁଦାଙ୍ଗ୍ ହାର୍ ରୱାଣ୍‌ ଇଡ଼୍‌ତାପ୍‌ନା, ଆରେ ଯୀଶୁ ମାଙ୍ଗେଙ୍ଗ୍ ରକ୍ଷା କିଦ୍‌ନାନା, ଇନେସ୍‌କି ହେୱାନ୍ ନଙ୍ଗୟ୍ ପାତେକ୍ ଯିବୁନ୍ ମାନାନ୍।

ରୋମିୟ 8:7

ଇନେସ୍‌କି ପାପ୍‍କିନି ଇଚା ୱିଜୁଦିନ୍ ଈଶ୍ୱରତିଙ୍ଗ୍ ବିରଦ୍ କିନାତ୍, ହେଦାଙ୍ଗ୍ ଈଶ୍ୱର ନିୟମ୍‌ତିଙ୍ଗ୍ ମାନି କିଦେଙ୍ଗ୍ ଇଚା କିଉତ୍ ଆରେ ଇନାୱେଡ଼ାଙ୍ଗ୍ ମାନିକିଉତ୍।

୧ କରନ୍ତିୟ 1:20

ଲାଗିଙ୍ଗ୍ ଆପେଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାପା ଯେ, ପୁର୍ତିନି ବୁଦିକାଟି ମାନାୟାର୍ ବୁଦି ଇନା ଲାବ୍ ଆକାୟ୍। ଇମ୍‌ଣି ପଣ୍ଡିତ୍‌ ପା ହେୱାନ୍ ବୁଜାଆନି ଶାକ୍ତି ପା ଇନା ଲାବ୍ ଆକାୟ୍, ଆରେ ଇମ୍‌ଣି ମାନାୟାର୍ ଚାଲାକି ଆଜି କାତା ୱେଚ୍‌ଚେଙ୍ଗ୍ ପୁନାର୍ ହେୱାର୍ କାତା ପା ଇନା ଲାବ୍, ଇନେସ୍‌କି ଈଶ୍ୱର ହେୱାରିଙ୍ଗ୍ ବକୁୱା ଆରେ ହେୱାର୍ ବୁଦିତିଙ୍ଗ୍ ବେକାର୍ ଇଞ୍ଜି ଚଚ୍‌ଚାନ୍‌ନା।

୧ କରନ୍ତିୟ 1:21

ହେଦାଙ୍ଗ୍ କାଜିଙ୍ଗ୍ ଈଶ୍ୱର ତା ଜ୍ଞାନ୍‌ତାଙ୍ଗ୍ ପୁଞ୍ଜେଙ୍ଗ୍ ଆଡ଼୍‌ତାନ୍ ଯେ, ପୁର୍ତିନି ମାନାୟାର୍ ଜାର୍ ବୁଦିତାଙ୍ଗ୍ ଈଶ୍ୱରତିଙ୍ଗ୍ ଦାସ୍ତେଙ୍ଗ୍ ଆଡୁର୍। ଏଚେଜାଣ୍ ମା ହାର୍ଦିକାବୁର୍‌ତିଙ୍ଗ୍ ୱେନ୍‌ଞ୍ଜି ପାର୍ତି କିତାର୍, ଲାଗିଙ୍ଗ୍ ହେୱାର୍ ମା ବକୁୱା ଇଞ୍ଜି ବାବିକିଜି ଶୁଣାୟ୍ କିନି କାତା ୱେନ୍‌ଞ୍ଜି ପାର୍ତିକିନି ମାନାୟାରିଙ୍ଗ୍ ଉଦାର୍ କିତାନ୍।

ଗାଲାତିୟ 1:10

ସତ୍‌ରେ ଆନେଙ୍ଗ୍ ମାନାୟାରିଙ୍ଗ୍ ୱାରି କିୟିକିଦେଙ୍ଗ୍ ଉପାୟ୍ କିଉଙ୍ଗା, ମାତର୍ ଈଶ୍ୱରତିଙ୍ଗ୍ ୱାରି କିୟିକିଦେଙ୍ଗ୍ ଇଚା କିନାଙ୍ଗା। ଯଦି ଆନେଙ୍ଗ୍ ନଙ୍ଗୟ୍ ପା ମାନାୟାରିଙ୍ଗ୍ ୱାରି କିୟିକିଦେଙ୍ଗ୍ ଇଚା କିନାଙ୍ଗା, ଲାଗିଙ୍ଗ୍ ଆନେଙ୍ଗ୍ ଖ୍ରୀଷ୍ଟ ଦାସ୍ ଆକାୟ୍।

ଜାକ୍‌ବ 1:27

ଟୁରା ହିମ୍‌ଣା ଆରେ ରାଣ୍ଡି କଗ୍‍ଲେକାଙ୍ଗ୍ ଜାତୁନ୍ କିଦେଙ୍ଗ୍ ଆରେ ପୁର୍ତିନି କରାପ୍ କାମାୟ୍‌ତାଙ୍ଗ୍ ମାନ୍‌ୱାଦାଙ୍ଗ୍ ଜାର୍‌ତିଙ୍ଗ୍ କରାପ୍ ଆଜି ମାନ୍‌ଗୁନ୍, ହେଦାଙ୍ଗ୍ ନେ ମା ଆବା ଈଶ୍ୱର ମୁମ୍‌ଦ ନିର୍ମଲ୍ ଆରେ ଟିକ୍‌ଟାକ୍ ଦରମ୍ ଜିବୁନ୍।