ଜାକ୍‌ବ 2:1 - New Testament in Pengo Parja Language

¹ ଏ ନା ପାର୍ତିକିନି ଟଣ୍ଡାର୍‌କାଦେର୍, ଆସେଙ୍ଗ୍ ଗୌରବମାନି ମାପୃ ଯୀଶୁ ଖ୍ରୀଷ୍ଟଙ୍ଗ୍ ପାର୍ତି କିନାପା ଇଞ୍ଜି ଏପେଙ୍ଗ୍ ମାନାୟ୍ ହୁଡ଼୍‌ଜି ବ୍ଯବହାର୍ କିମାଟ୍।

ସତ୍‌ ବଚନ୍‌ ପୁନି ନିୟମ୍‌

¹ ଏ ନା ଟଣ୍ଡାର୍‌ ଆରି ତଣ୍‌ଦେକାଦେର୍‌, ଆସେଙ୍ଗ୍‌ ଜାଜ୍‌ମାଲ୍‌ନି ମାପ୍ରୁ ଜିସୁ କ୍ରିସ୍ଟତାକେ ପାର୍ତି କିଜ଼ି ମାଚିଲେ ମାନାୟ୍‌ତିଂ ମୁକ୍‌ମେଟ୍‌ କିମାଟ୍ ।

ଜାକ୍‌ବ 2:1 Iomraidhean Croise

ମାତିଉ 22:16

ତାପାଚେ ପାରୁସିଦଳ୍‍ ତା ଚେଲାହିରିଙ୍ଗ୍ ହେରୋଦ ନିପଣ୍ ଆନି ମାନାୟ୍ ହୁଦାଙ୍ଗ୍ ହିକାଇକିଜି ଯୀଶୁ ଲାଗାୟ୍ ପକ୍ତାର୍। ଆରେ ହେୱାର୍ ୱାଜି ଯୀଶୁଙ୍ଗ୍ ୱେନ୍‌ବାତାର୍, “ଏ ଗୁରୁ, ଆପେଙ୍ଗ୍ ପୁନାପ୍ ଏନେଙ୍ଗ୍ ସତ୍ ଆରେ ସତ୍ ଲେକେ ଈଶ୍ୱର ନିପଣ୍ ୱାନି ହାଜିନି ହିକ୍ଷା ହିନାୟା। ଆରେ ଇନେରିଙ୍ଗ୍ ପାଣ୍ଡ୍ରା ଆଉୟା, ଇନେସ୍‌କି ଏନେଙ୍ଗ୍ ମାନାୟାରିଙ୍ଗ୍ ହାମାନ୍ କିଜି ହୁଡ଼୍‌ନାୟା।

ପକ୍ୟାତାକା 10:34

ପିତର ହେୱାନିଙ୍ଗ୍ ୱେଚ୍‌ଚାନ୍, “ନଙ୍ଗୟ୍ ଆନେଙ୍ଗ୍ ବୁଜାଆତାଙ୍ଗ୍ ଈଶ୍ୱର ୱିଜାକାରିଙ୍ଗ୍ ହାମାନ୍ ହୁଡ଼୍‌ଦାନାନ୍।

ପକ୍ୟାତାକା 20:21

ପାପ୍ କାମାୟ୍ ପିସ୍ତି ଈଶ୍ୱରତାକେ ୱାଦେଙ୍ଗ୍ ଆରେ ମା ମାପୃ ଯୀଶୁତାକେ ପାର୍ତିକିନି କାଜିଙ୍ଗ୍, ଯିହୁଦି ଆରେ ବିନ୍‌ଜାତିନି ମାନାୟାରିଙ୍ଗ୍ ଶୁଣାୟ୍ କିତ୍‌ତାଙ୍ଗ୍‌ନା।

ପକ୍ୟାତାକା 24:24

କେତ୍‌ଦିନ୍ ପାଚେ ରାଜା ଫେଲିକ୍‌ସ ଡକ୍ରୁହି ଦ୍ରୁସିଲା ହୁଦାଙ୍ଗ୍ ମେହାଆଜି ପାଉଲତିଙ୍ଗ୍ କୁକିକିତାର୍। ରାଜା ଡକ୍ରୁହି ରଞ୍ଜେଲ୍ ଯିହୁଦି ଜାତିନି କଗ୍‌ଲେ ମାଚାତ୍। ପାଉଲ ହେୱାରିଙ୍ଗ୍ ଖ୍ରୀଷ୍ଟ ଯୀଶୁତାକେ ପାର୍ତିକିନି ବିଷୟରେ ୱେଚ୍‌ଚାନ୍।

ପକ୍ୟାତାକା 7:2

ସ୍ତିପାନ ୱେଚ୍‌ଚାନ୍, “ଏ ଟଣ୍ଡାର୍‌କାଦେର୍ ଆରେ ଆଜ୍ଞା କାଦେର୍, ଆନେଙ୍ଗ୍ ୱେଚ୍‌ଚି କାତା ୱେନାଟ୍, ମା ଆକଦାଦି ଅବ୍ରାହାମ ହାରଣ ସହର୍‌ତାକେ ବାହା କିୱି ଆଗେ, ହେୱାନ୍ ମେସପଟାମିଆ ଦେସ୍‌ତାକେ ମାଚାନ୍। ହେପାଦ୍ନା ବେସି ଗୌରବମାନି ଈଶ୍ୱର ହେୱାନିଙ୍ଗ୍ ଚଞ୍ଜି ଆଜି ୱେଚ୍‌ଚାନ୍,

ରୋମିୟ 1:11

ଇନେସ୍‌କି ଆନେଙ୍ଗ୍ ମିଙ୍ଗେଙ୍ଗ୍ ହୁଡ଼୍‌ଦେଦେଙ୍ଗ୍ ବେସି ଦିନ୍‌ତାଙ୍ଗ୍ ମାନ୍ କିନାଙ୍ଗା, ଆରେ ଆନେଙ୍ଗ୍ ମିଙ୍ଗେଙ୍ଗ୍ ସାସ୍ ହିଦ୍‌ନି ଆଶ୍ରିବାଦ୍ ହିଦ୍‌ଦେଙ୍ଗ୍ ଆଡ୍‌ନାଙ୍ଗ୍, ଲାଗିଙ୍ଗ୍ ଏପେଙ୍ଗ୍ ଆରେ ଆଦିକ୍ ଯୀଶୁଙ୍ଗ୍ ପାର୍ତି କିନାଦେର୍।

୧ କରନ୍ତିୟ 2:8

ମାତର୍ ଇ ପୁର୍ତିତିଙ୍ଗ୍ ସାସନ୍ କିନି ମାନାୟାର୍ ହେ ବୁଦିନି ଉପାୟ୍‌ତିଙ୍ଗ୍ ପୁଞ୍ଜେଙ୍ଗ୍ ଆଡ୍‌ୱାତାର୍, ଯଦି ହେୱାର୍ ପୁଚାର୍‌ମା ଲାଗିଙ୍ଗ୍ ମା ଗୌରବନି ମାପୃଙ୍ଗ୍ କୃଶକାଟ୍‌ତାକେ ଅହ୍‌ୱାତାର୍‌ମା।

କଲସିୟ 1:4

ଆପେଙ୍ଗ୍ ୱେଚାପ୍ ଯେ, ଏପେଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ଆହା କିନାଦେରା ଆରେ ଈଶ୍ୱର ମାନାୟାରିଙ୍ଗ୍ ଲାଡ୍ କିନାଦେରା।

୧ ତିମତି 1:19

ଏନେଙ୍ଗ୍ ଖ୍ରୀଷ୍ଟତାକେ ପାର୍ତି କିଜି ମାନା, ଆରେ ଇନାକା ଟିକ୍ ହେଦାଙ୍ଗ୍ କିୟା। ଇନେସ୍‌କି କେତେକ୍ ମାନାୟାର୍ ଟିକ୍ କାମାୟ୍ ପୁନ୍‌ଞ୍ଜି କିୱି କାଜିଙ୍ଗ୍ ଜାଜ୍ ଇନେସ୍ ଡିଙ୍ଗ୍‌ତାତ୍‌ନା ହେଲେକେ ହେୱାର୍ ମାନ୍ ପା ଖ୍ରୀଷ୍ଟତାକେ ପାର୍ତି କିନାକା ବାଙ୍ଗା ଆତାତ୍‌ନା।

୧ ତିମତି 5:21

ଈଶ୍ୱର ଯୀଶୁ ଖ୍ରୀଷ୍ଟତି ଆରେ ବାଚିକିତି ଦୁତ୍‌କୁ ଆଗେ ଆନେଙ୍ଗ୍ ନିଙ୍ଗେଙ୍ଗ୍ ଆଦେସ୍ ହିଦ୍‌ନାଙ୍ଗା, ଏନେଙ୍ଗ୍ ଇନେରିଙ୍ଗ୍ ପା ତାନ୍ଦ୍ରା ଆଜି ବିଚାର୍ କିମା ଆରେ ମାନାୟ୍ ହୁଡ଼୍‌ଜି ବ୍ଯବହାର୍ କିମା।

ତୀତସ 1:1

ଆନେଙ୍ଗ୍ ପାଉଲ ଇ ଚିଟି ଲେକିକିନାଙ୍ଗା, ତିତସ ଏନେଙ୍ଗ୍ ନା କାଜିଙ୍ଗ୍ ରକାଇ ସତ୍ ହିମ୍‌ଣା ଲେକେ। ଇନେସ୍‌କି ମା ରିକାସ୍ ପାର୍ତି କିନାକା ରଞ୍ଜାଙ୍ଗ୍। ଆନେଙ୍ଗ୍ ରକାଙ୍ଗ୍ ଈଶ୍ୱର ଦାସ୍ ଆରେ ଯୀଶୁ ଖ୍ରୀଷ୍ଟନି ବାଚିକିତି ଚେଲା। ଈଶ୍ୱର ବାଚିକିଜି ମାଚି ମାନାୟାରିଙ୍ଗ୍ ପାର୍ତିତିଙ୍ଗ୍ ବାଡ଼୍‌କାସ୍ କିନି କାଜିଙ୍ଗ୍ ଆରେ ସତ୍ ହିକ୍ଷା ବିଷୟରେ ପୁଞ୍ଜେଙ୍ଗ୍ ସାଇଜ କିନି କାଜିଙ୍ଗ୍ ଆନେଙ୍ଗ୍ ଦାଇତ୍‌ପ ପାୟାଆତାଙ୍ଗ୍‌ନା। ଇନେସ୍ ହେୱାର୍ ଈଶ୍ୱରତିଙ୍ଗ୍ ସନ୍‌ମାନ୍ କିତିଲେକେ ଜିବୁନ୍ କାଟିକିନାର୍।

ତୀତସ 2:13

ଆରେ ଇମ୍‌ଣି ଆହା ମାଙ୍ଗେଙ୍ଗ୍ ୱାରି କିଦ୍‌ନାତ୍, ଆରେ ମା ଗାଜା ଈଶ୍ୱର ଆରେ ଉଦାର୍ କିଦ୍‌ନି ଯୀଶୁ ଖ୍ରୀଷ୍ଟ ଗୌରବତାଙ୍ଗ୍ ୱାନାକାଦିଙ୍ଗ୍ କାସିମାଞ୍ଜେଙ୍ଗ୍ ଈଶ୍ୱର ମାଙ୍ଗେଙ୍ଗ୍ ଦୟା ହିକାୟ୍ କିତ୍‌ତାନ୍‌ନା।

ଏବ୍ରି 1:3

ହେ ହିମ୍‌ଣା ଈଶ୍ୱର ଗୌରବତାଙ୍ଗ୍ ଚଚ୍‌ଚାନାନ୍ ଆରେ ହେୱାନ୍ ୱିଜୁ ବିଷୟରେ ଈଶ୍ୱରଲେକେ ଚଞ୍ଜ୍‌ନାନ୍‌। ହେୱାନ୍ ଜାର୍ ଶାକ୍ତିମାନି କାତାତାଙ୍ଗ୍ ପୁର୍ତିନି ୱିଜୁ ବିଷୟ ଆସ୍ତାନ୍‌ନା। ଆରେ ହେୱାନ୍ ମାନାୟାର୍ ପାପ୍‌ତିଙ୍ଗ୍ ନୁସ୍‌ତି ପାଚେ ସରଗ୍‌ତାକେ ଈଶ୍ୱରତି ଗୌରବ ପାୟାଆନି ତିନାବାଗାୟ୍‌ନି ବାହାତାକେ କୁଚ୍‌ଚାନ୍‌ନା।

ଏବ୍ରି 12:2

ଯୀଶୁତାକେ ମା ଟାର୍ଗେଟ୍‌ ଇଡ଼୍‌ଜି ଇଦାଙ୍ଗ୍ କିନି ଦର୍‌କାର୍, ଇନେସ୍‌କି ହେୱାନ୍ ମା ପାର୍ତିନି ପୁରାପୁରି ଟିକ୍ ନେତା। କୃଶକାଟ୍ ଜପି ଲାଜା ପାୟାଆଜି ହାଃଦେଙ୍ଗ୍ ଯୀଶୁ ଇଚା କିତାନ୍, ଇନେସ୍‌କି ହେୱାନ୍ ପୁନ୍‌ଞ୍ଜି ମାଚାନ୍ ଯେ ଇଦାଙ୍ଗ୍ ପାଚେ ୱାରି ମାନାତ୍। ଲାଗିଙ୍ଗ୍ ନଙ୍ଗୟ୍ ହେୱାନ୍ ଈଶ୍ୱର ତିନାକେଇନି ବେସି ଗୌରବ ପାୟାଆନି ବାହାତାକେ କୁଚ୍‌ଚାନ୍‌ନା।

ଜାକ୍‌ବ 1:16

ଏ ନା ପାର୍ତିକିନି ଟଣ୍ଡାର୍‌କାଦେର୍ ଏପେଙ୍ଗ୍ ଜାର୍‌ତିଙ୍ଗ୍ ଟକାଇ କିୟାଆମାଟ୍।

ଜାକ୍‌ବ 1:19

ଏ ନା ପାର୍ତିକିନି ଟଣ୍ଡାର୍‌କାଦେର୍, ଇଦାଙ୍ଗ୍ ଏପେଙ୍ଗ୍ ପୁନ୍‌ଞ୍ଜି ମାନାଟ୍ ଯେ, ୱିଜାକାଦେର୍ ୱେନି କାଜିଙ୍ଗ୍ ବେସି ଇଚା କିୟାଟ୍, ମାତର୍ ୱେଚ୍‌ଚେଙ୍ଗ୍ ଆରେ ରିସା ଆଦେଙ୍ଗ୍ ଦିରେ ଆଡ।

ଜାକ୍‌ବ 2:3

ଆରେ ଏପେଙ୍ଗ୍ ଯଦି ଦାମ୍‌କିୟା ହେନ୍ଦ୍ରା ଉସ୍‌ପିତି ଲଗାଙ୍ଗ୍ ସନ୍‌ମାନ୍ ହିଜି ୱେଚ୍‌ନାଦେର୍ ୱା ଇ ହାର୍ଦି ବାହାତାକେ କୁଚା, ମାତର୍ ଗରିବ୍ ମାନାୟ୍‌ତିଙ୍ଗ୍ ୱେଚ୍‌ନାଦେର୍ ହେ ଲାଗାୟ୍ ନିଲା ନଇଲେ ନା କାଲ୍‌କୁ ଲାଗାୟ୍ କୁଚା।

ଜାକ୍‌ବ 2:9

ମାତର୍ ଏପେଙ୍ଗ୍ ଯଦି ମାନାୟ୍ ହୁଡ଼୍‌ଜି ବ୍ଯବହାର୍ କିନାଦେରା, ଲାଗିଙ୍ଗ୍ ଏପେଙ୍ଗ୍ ପାପ୍ କିନାଦେରା। ଆରେ ହେ ନିୟମ୍‌ତିଙ୍ଗ୍ ବାଙ୍ଗାୟ୍ କିନି କାଜିଙ୍ଗ୍ ଏପେଙ୍ଗ୍ ଦସି ଆନାଦେର୍।

ଜାକ୍‌ବ 3:17

ମାତର୍ ଈଶ୍ୱରତାଙ୍ଗ୍ ପାୟାଆତି ଜ୍ଞାନ୍ ପାର୍ତୁମ୍‌ ହେୱାନ୍ ପବିତ୍ର ଆଜି ମାନାନ୍। ରି ନମ୍ବର୍ ତାକେ ହେୱାନ୍ ଶାନ୍ତିଆଜି ମାଞ୍ଜେଙ୍ଗ୍ ଇଚାକିନାନ୍, ସାଦୁ ଆଜି ମାନାନ୍, କାତା ମାନିକିଜି ମାନାନ୍, ୱିଜୁଦିନ୍ ହାର୍ଦି କାମାୟ୍ କିଜି ଦୟା କିନାନ୍, ବାଟ୍‌ପାଣିଆ ଆୱାଦାଙ୍ଗ୍ ଆରେ ମାନାୟ୍ ହୁଡ଼୍‌ଜି ପା ବ୍ଯବହାର୍ କିଉନ୍।

୨ ପିତର 1:1

ଆନେଙ୍ଗ୍ ଶିମନ ପିତର ଯୀଶୁ ଖ୍ରୀଷ୍ଟନି ରକାଙ୍ଗ୍‌ ଦାସ୍ ଆରେ ବାଚିକିତି ଚେଲା ଇ ଚିଟି ଲେକିକିନାଙ୍ଗା। ଯୀଶୁ ଖ୍ରୀଷ୍ଟତି ମା ଈଶ୍ୱର ଆରେ ଉଦାର୍ କିଦ୍‌ନାକାନ୍, ହେୱାନ୍ ଈଶ୍ୱର ଲାଗାୟ୍ ମାଙ୍ଗେଙ୍ଗ୍ ଦରମ୍ ମାନାୟ୍ କିତ୍‌ତାନ୍‌ନା। ଆରେ ହେୱାନ୍ ମାଙ୍ଗେଙ୍ଗ୍ ବେସି ମୁଲ୍ୟକାଟି ପାର୍ତି ହିତ୍‌ତାନ୍‌ନା, ଆରେ ଇମ୍‌ଣାକାର୍ ମା ଲେକେ ହାମାନ୍ ପାର୍ତି ପାୟାଆତାର୍‌ନା, ହେୱାର୍ ଲାଗାୟ୍ ଆନେଙ୍ଗ୍ ଇ ଚିଟି ଲେକିକିନାଙ୍ଗା।

ଜିହୁଦା 1:16

ଇ ଅସାଦୁ ମାନାୟାରିଙ୍ଗ୍ ଗିଟାଆନି ବିଷୟ କାଜିଙ୍ଗ୍ ଈଶ୍ୱରତିଙ୍ଗ୍ ବିରଦ୍ କିଜି ବେଣ୍ ଇନାର୍, ଆରେ ହେୱାର୍ ମାନ୍ ଇଚାରେ କରାପ୍ କାମାୟ୍ କିନାର୍। ହେୱାର୍ ଜାର୍ ବିଷୟରେ ଗାଜା-ଗାଜା ବେଣ୍ ୱେଚ୍‌ନାର୍, ଆରେ ଜେକନିକାର୍‌ତାଙ୍ଗ୍ ହେୱାର୍ ଇଚ୍‍କେ ଇନାକା ପାୟାଆନି କାଜିଙ୍ଗ୍ ହାର୍ଦି ବେଣ୍ ୱେଚ୍‌ନାର୍।

ହତ୍‌ତି 14:12

ହେଦାଙ୍ଗ୍ କାଜିଙ୍ଗ୍ ଈଶ୍ୱର ୱିଜୁ ମାନାୟାରିଙ୍ଗ୍ ଇଲେକେ ଦୁଃକ୍ କଷ୍ଟ ୱାତିସ୍ ପା ସାସ୍ ଆଜି ମାନି ଦର୍‌କାର୍। ଈଶ୍ୱର ହେୱାରିଙ୍ଗ୍ ଇମ୍‌ଣି ଆଦେସ୍ ହିତିସ୍ ପା ହେ ଆଦେସ୍‌ତିଙ୍ଗ୍ ମାନିକିନି ଦର୍‌କାର୍ ଆରେ ଯୀଶୁଙ୍ଗ୍ ପାର୍ତି କିନାକା ବନ୍ଦ୍ କିୱି ଦର୍‌କାର୍।”