ଜାକ୍‌ବ 1:26 - New Testament in Pengo Parja Language

²⁶ ଇମ୍‌ଣାକାନ୍ ଦରମ୍ ମାନାୟ୍ ଇଞ୍ଜି ଚଚିୟା ଆନାନ୍, ମାତର୍ ହେୱାନ୍ ୱେଚ୍‌ନି କରାପ୍ କାତା ୱେଚ୍‌ନି ୱେନ୍ଦୁଲ୍‌ତିଙ୍ଗ୍ କଣ୍ଟ୍ରୁଲ୍ କିଉନ୍। ଲାଗିଙ୍ଗ୍ ହେୱାନ୍ ନିଜେ ଟକାଇ କିୟି ଆନାନା ଆରେ ହେୱାନ୍ ନିଜେ ଦରମ୍ ଜିବୁନ୍ କାଟି କିନାକା ବେକାରେ ଆନାତ୍।

ସତ୍‌ ବଚନ୍‌ ପୁନି ନିୟମ୍‌

²⁶ ଜଦି ଇନେର୍‌ ଜାର୍‌ତିଂ ଦାର୍ମି ଇଞ୍ଜି ବାବି କିନାନ୍‌, ଆରେ ଜାର୍ ୱେନ୍ଦୁଲ୍‌ତିଂ ମଦାୟ୍‌ କିୱିତିସ୍‌ ଜାର୍ ମାନ୍‌ତିଂ ନିନ୍ଦାକିତିସ୍, ହେୱାନ୍ତି ଦାରୁମ୍‍ତି କାମାୟ୍‌ ସବୁ ପଲ୍ୟା ।

ଜାକ୍‌ବ 1:26 Iomraidhean Croise

ମାତିଉ 15:9

ନାଙ୍ଗେଙ୍ଗ୍ ସନ୍‌ମାନ୍ ହିଦେଙ୍ଗ୍ ପୁଜା କିତାକା ହେଦାଙ୍ଗ୍ ପଲିଆ। ଇନେସ୍‌କି ହେୱାର୍ ମାନାୟ୍ ରସ୍ତି ବିଦିତିଙ୍ଗ୍ ମାପୃବିଦି ଇଞ୍ଜି ମାନାୟାରିଙ୍ଗ୍ ହିକାଇ କିନାରା।”

ମାର୍କ 7:7

ନାଙ୍ଗେଙ୍ଗ୍ ସନ୍‌ମାନ୍ ହିଦେଙ୍ଗ୍ ପୁଜା କିତାକା ହେଦାଙ୍ଗ୍ ପଲିଆ। ଇନେସ୍‌କି ହେୱାର୍ ମାନାୟ୍ ରସ୍ତି ବିଦିତିଙ୍ଗ୍ ମାପୃବିଦି ଇଞ୍ଜି ମାନାୟାରିଙ୍ଗ୍ ହିକାଇ କିନାରା।’

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:18

ଲାଗିଙ୍ଗ୍ ଏପେଙ୍ଗ୍ ଇମ୍‌ଣି କାତା ୱେନାଦେର୍, ହେ ବିଷୟତାଙ୍ଗ୍ ପୁନ୍‌ଞ୍ଜି ମାନାଟ୍। ଇନେସ୍‌କି ଇମ୍‌ଣାକାର୍ ନା ହିକ୍ଷାତିଙ୍ଗ୍ ବୁଜା ଆଦେଙ୍ଗ୍ ଇଚାକିନାର୍, ଈଶ୍ୱର ହେୱାନିଙ୍ଗ୍ ଆଦିକ୍ ବୁଜା ଆଦେଙ୍ଗ୍ ଶାକ୍ତି ହିନାନ୍। ମାତର୍ ଇମ୍‌ଣାକାର୍ ନା ହିକ୍ଷାତିଙ୍ଗ୍ ପୁଞ୍ଜେଙ୍ଗ୍ ମାନ୍‍କିଉର୍, ଈଶ୍ୱର ହେ ମାନାୟ୍‌ତି ପୁଚାକା ପା ଅନାନ୍।”

୧ କରନ୍ତିୟ 15:15

ଯଦି ହାଃତି ମାନାୟାର୍ ଆରେରଗ ଜିବୁନ୍ ଆଉର୍, ଈଶ୍ୱର ଖ୍ରୀଷ୍ଟଙ୍ଗ୍ ଆରେରଗ ଜିବୁନ୍ କିନି ବିଷୟରେ ଆପେଙ୍ଗ୍ ମିଚ୍ ୱେଚ୍‌ଚାନାପା।

୧ କରନ୍ତିୟ 15:2

ଇମ୍‌ଣି ହାର୍ଦିକାବୁର୍ ଆନେଙ୍ଗ୍ ମିଙ୍ଗେଙ୍ଗ୍ ଶୁଣାୟ୍ କିଜି ମାନ୍‌ଞ୍ଚାଙ୍ଗ୍, ହେ ହାର୍ଦିକାବୁର୍ କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ରକ୍ଷା କିଦ୍‌ନାନ୍। ଯଦି ଏପେଙ୍ଗ୍ ହାର୍ଦିକାବୁର୍‌ତିଙ୍ଗ୍ ପାର୍ତି କିନାକା ବନ୍ଦ୍ କିନାଦେର୍ ଲାଗିଙ୍ଗ୍ ମି ପାର୍ତି ବେକାର୍ ଆନାତ୍‌।

୧ କରନ୍ତିୟ 3:18

ଏପେଙ୍ଗ୍ ନିଜେ ଟକାୟ୍ କିୟାଆମାଟ୍। ଯଦି ମି ବିତ୍ରେତାଙ୍ଗ୍ ରକାନ୍ ପୁର୍ତିନି ମାନାୟାର୍ ମୁମ୍‌ଦ ଜ୍ଞାନି ଇଞ୍ଜି ବାବିକିନାନା, ହେୱାନ୍ ଜାର୍‌ତିଙ୍ଗ୍ ପୁର୍ତିନି ମାନାୟାର୍ ମୁମ୍‌ଦ ବକୁୱା ଆୟେନ୍, ଲାଗିଙ୍ଗ୍ ଏପେଙ୍ଗ୍ ଈଶ୍ୱର ମୁମ୍‌ଦ ବୁଦି କାଟାକାଦେର୍ ଆନାଦେର୍।

ଗାଲାତିୟ 2:6

ଆନେଙ୍ଗ୍ ଶୁଣାୟ୍ କିନି ବିଷୟରେ ହେ ମଣ୍ଡ୍‌ଲିନି ଜଣାସୁଣା ଆତି ନେତାର୍ ଅଲପ୍‌ପା ମାହାଇ କିୱାତାର୍। ହେୱାର୍ ଇନେସ୍ ଲେଗ୍‌ଦି ମାନାୟ୍ ମାଚାର୍‌, ହେବେ ନା ଜାଏଆସେ ଆକାୟ୍। ଇନେସ୍‌କି ଈଶ୍ୱର ଇନାୱେଡ଼ାଙ୍ଗ୍ ପା ରକାନ୍ ମାନାୟ୍ ନିପଣ୍ ଆଜି ଇନୁନ୍।

ଗାଲାତିୟ 2:9

ଈଶ୍ୱର ନାଙ୍ଗେଙ୍ଗ୍ ହିଜି ମାନ୍‌ଞ୍ଚି ବର୍‌ଦାନ୍ ବିଷୟରେ ଏଚେପାଦ୍ନା ହେୱାର୍ ବୁଜାଆତାର୍। ଲାଗିଙ୍ଗ୍ ମଣ୍ଡ୍‌ଲିତାକେ ର କମ୍‌ମୁଣ୍ଡା ଲେକେ ମାନି ଯାକୁବ, ପିତର ଇନେରିଙ୍ଗ୍ କେପା ଇଞ୍ଜି ଇନାର୍ ଆରେ ଯୋହନ, ନାଙ୍ଗେଙ୍ଗ୍ ଆରେ ବର୍ଣ୍ଣବାଙ୍ଗ୍ କେଇ ମାହାଇ କିଜି ରାଜି ଆତାର୍। ଆରେ ହେୱାର୍ ମାଙ୍ଗେଙ୍ଗ୍ ବିନ୍‌ଜାତିନି ମାନାୟାର୍‌ତାକେ ଶୁଣାୟ୍ କିଦେଙ୍ଗ୍ ସାହାସ୍ କିତ୍‌ତାର୍, ଆରେ ହେୱାର୍ ଯିହୁଦି ଜାତିନି ମାନାୟାର୍ ଲାଗାୟ୍ ଶୁଣାୟ୍ କିଦେଙ୍ଗ୍ ଲାଗାତାର୍।

ଗାଲାତିୟ 3:4

ଏପେଙ୍ଗ୍ ଖ୍ରୀଷ୍ଟାନ୍ ଆତି ପାଚେ ବେସି ଦୁକ୍‌କଷ୍ଟ ପାୟାଆଜି ମାଚାଦେର୍। ହେଦାଙ୍ଗ୍ ଇନାକା ବେକାରେ ମାଚାତ୍ କି? ହାତ୍‌ପା ହେଲେକେ ହିଲାତାତ୍।

ଗାଲାତିୟ 6:3

ଇନେର୍ ଯଦି ରକାନିଙ୍ଗ୍ ସାଇଜ କିନିହିଙ୍ଗ୍ ଜାର୍‌ତିଙ୍ଗ୍ ଗାଜା ଇଞ୍ଜି ବାବିକିନାନ୍, ଲାଗିଙ୍ଗ୍ ହେୱାନ୍ ଜାର୍-ଜାର୍‌ତିଙ୍ଗ୍ ଟକାଇକିୟା ଆନାନା। ଏପେଙ୍ଗ୍ ହେଲେକେ ବାଡା ଆମାଟ୍।

ଏପିସିୟ 4:29

ମି ୱେଇଦାଙ୍ଗ୍ ଇମ୍‌ଣି ପର୍‌କାର୍ କରାପ୍ କାତା ୱେଚ୍‌ମାଟ୍। ମାତର୍ ମି ବେଣ୍ ୱେନି ମାନାୟାର୍ ଇନେସ୍ ସାହାସ୍ ପାୟାଆନାର୍‌, ଇଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଇନାକା ପା ୱେଚାଟ୍ ହାର୍ ଆରେ ସାଇଜନି କାତା ୱେଚାଟ୍।

ଏପିସିୟ 5:4

ଆରେ ଏପେଙ୍ଗ୍ ଅପ୍‌ମାନ୍ ହିତିଲେକେ ବେଣ୍ ୱେଚ୍‌ମାଟ୍, ମୁର୍କିୟା କାତା ୱେଚ୍‌ମାଟ୍ ଆରେ କରାପ୍ ବେଣ୍ ଡେକ୍‌ମାଟ୍। ଇଦାଙ୍ଗ୍ ମି କାଜିଙ୍ଗ୍ ଟିକ୍ ଆକାୟ୍। ମାତର୍ ଏପେଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିୟାଟ୍।

କଲସିୟ 4:6

ହେୱାର୍ ହୁଦାଙ୍ଗ୍ ହାର୍‌ଦାଙ୍ଗ୍ କାତାବାର୍ତା କିୟାଟ୍, ଆରେ ହେୱାରିଙ୍ଗ୍ ମାନ୍ତ ହାଚି ଲେକେ କାତା ଆଡ। ଲାଗିଙ୍ଗ୍ ଏପେଙ୍ଗ୍ ଇନାକା ପାର୍ତି କିତାଦେର୍‌ନା ହେ ବିଷୟରେ ଏଚେପାଦ୍ନା ମିଙ୍ଗେଙ୍ଗ୍ ପ୍ରଶ୍ନ ୱେନ୍‌ବା ଆଦ୍‌ନାର୍, ଏପେଙ୍ଗ୍ ହାର୍‌ଦାଙ୍ଗ୍ ଉତର୍ ହିଦେଙ୍ଗ୍ ଆଡ୍‌ନାଦେର୍।

ଜାକ୍‌ବ 1:19

ଏ ନା ପାର୍ତିକିନି ଟଣ୍ଡାର୍‌କାଦେର୍, ଇଦାଙ୍ଗ୍ ଏପେଙ୍ଗ୍ ପୁନ୍‌ଞ୍ଜି ମାନାଟ୍ ଯେ, ୱିଜାକାଦେର୍ ୱେନି କାଜିଙ୍ଗ୍ ବେସି ଇଚା କିୟାଟ୍, ମାତର୍ ୱେଚ୍‌ଚେଙ୍ଗ୍ ଆରେ ରିସା ଆଦେଙ୍ଗ୍ ଦିରେ ଆଡ।

ଜାକ୍‌ବ 1:22

ଲାଗିଙ୍ଗ୍ ଏପେଙ୍ଗ୍ ଈଶ୍ୱର କାତାତିଙ୍ଗ୍ ନେ ୱେନ୍‌ଞ୍ଜି ମାନ୍‌ମାଟ୍, ମାତର୍ ଏପେଙ୍ଗ୍ ହେଦାଙ୍ଗ୍‌ତିଙ୍ଗ୍ ମାନି କିୟାଟ୍, ଆରେ ଏପେଙ୍ଗ୍ ଜାର୍‌ତିଙ୍ଗ୍ ଟକାଇ କିୟି ଆମାଟ୍।

ଜାକ୍‌ବ 2:20

ଏ ବୁଦିହିଲ୍‌ୱି ମାନାୟାର୍, ହାର୍ଦି କାମାୟ୍ କିୱାଦାଙ୍ଗ୍ ପାର୍ତି କିନାକା ଇନା ଲାବ୍ ଆକାୟ୍, ଇଦାଙ୍ଗ୍ ଇନାକା ପୁଞ୍ଜେଙ୍ଗ୍ ଇଚା କିନାଦେରା?

୧ ପିତର 3:10

ଇନେସ୍‌କି ସାସ୍ତର୍‌ତାକେ ଇଲେକେ ଲେକାଆତାତ୍‌ନା, “ଯଦି ଏପେଙ୍ଗ୍ ୱିଜୁନାଞ୍ଜିଙ୍ଗ୍‌ ୱାରି କିଦେଙ୍ଗ୍ ଇଚା କିନାଦେର୍ ଆରେ ୱିଜୁନାଞ୍ଜିଙ୍ଗ୍‌ ୱାରିନି ଦିନ୍ ହୁଡ଼୍‌ଦେଙ୍ଗ୍ ଇଚା କିନାଦେରା, ଲାଗିଙ୍ଗ୍ ଏପେଙ୍ଗ୍ କରାପ୍ ବେଣ୍ ଆରେ ମିଚ୍ କାତା ୱେଚ୍‌ମାଟ୍।