ଜାକ୍‌ବ 1:2 - New Testament in Pengo Parja Language

² ଏ ପାର୍ତିକିନି ଟଣ୍ଡାର୍‌କାଦେର୍, ଏପେଙ୍ଗ୍ ଏଚେପାଦ୍ନା ୱିଜୁ ପର୍‌କାର୍ ଦୁକ୍‌କଷ୍ଟ ପାୟାଆତିହିଙ୍ଗ୍ ବେସି ୱାରି ଆଡ,

ସତ୍‌ ବଚନ୍‌ ପୁନି ନିୟମ୍‌

² ଏ ନା ଟଣ୍ଡାର୍‌ ଆରି ତଣ୍‌ଦେକ୍‌, ଏପେଙ୍ଗ୍‌ ଏଚେକାଡ଼୍‌ଦ ବାର୍‍ବିନ୍ ଦୁକ୍‌ କସ୍ଟ ୱାତିସ୍‌, ହେଦାଂ ହାର୍‌ କାମାୟ୍‌ ବିସ୍ରେ ଇଞ୍ଜି ବାବି କିୟାଟ୍‌;

ଜାକ୍‌ବ 1:2 Iomraidhean Croise

ପକ୍ୟାତାକା 5:41

ବାଚିକିତି ଚେଲାହିର୍ ହେ ବିଚାର୍‌କିନି ମିଟିଙ୍ଗ୍ ଇଞ୍ଜାଙ୍ଗ୍ ୱାରିଆଜି ହାଚାର୍। ଇନେସ୍‌କି ଯୀଶୁ ତର୍‌ କାଜିଙ୍ଗ୍ ଦୁକ୍‌କଷ୍ଟ ପାୟାଆନି ଜଗ୍ଯ ଇଞ୍ଜି ହେୱାର୍ ପୁନ୍‌ଞ୍ଜି ମାଚାର୍।

ରୋମିୟ 5:3

ୱାରା ଏଚେକ୍ ଆକାୟ୍, ମାତର୍ ଆପେଙ୍ଗ୍ ଦୁଃକ୍ କଷ୍ଟ ୱାତିସ୍ ପା ୱାରି କିନାପା। ଇନେସ୍‌କି ଆପେଙ୍ଗ୍ ଦୁଃକ୍ କଷ୍ଟ ପାୟାଆଜି ପୁଚାପ୍‌ନା ଯେ, ଦୁଃକ୍ କଷ୍ଟ ପାୟାଆତିସ୍‌ନେ ସାସ୍ ଆୟା ଆନାତ୍‌।

ପିଲିପିୟ 1:29

ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ଖ୍ରୀଷ୍ଟତାକେ ନେ ପାର୍ତି କିଦେଙ୍ଗ୍ ଦୟା ହିଦ୍‌ୱାତାନ୍‌ନା, ମାତର୍ ହେୱାନ୍ କାଜିଙ୍ଗ୍ ଦୁକ୍‌କଷ୍ଟ ସାମ୍ୱାଲି କିନି କାଜିଙ୍ଗ୍ ପା ମିଙ୍ଗେଙ୍ଗ୍ ଦୟା ହିତ୍‌ତାନ୍‌ନା।

ପିଲିପିୟ 2:17

ଆନେଙ୍ଗ୍ ଏଚେପାଦ୍ନା ମିଙ୍ଗେଙ୍ଗ୍ ହାର୍ଦିକାବୁର୍ ଶୁଣାୟ୍ କିଦ୍‌ନାଙ୍ଗ୍ ହେପାଦ୍ନା ଏପେଙ୍ଗ୍ ମାପୃ ଯୀଶୁଙ୍ଗ୍ ପାର୍ତି କିତାଦେର୍, ଆରେ ତା ପୁଜା କିଦେଙ୍ଗ୍ ଏପେଙ୍ଗ୍ ଜାର୍‌ତିଙ୍ଗ୍ ହିୟାଆତାଦେର୍। ଲାଗିଙ୍ଗ୍ ନାଙ୍ଗେଙ୍ଗ୍ ଯଦି ହାର୍ଦିକାବୁର୍ ଶୁଣାୟ୍ କିଦ୍‌ନାନା ଇଞ୍ଜି ମାର୍ନେ ଅସ୍ତାନାର୍, ଆନେଙ୍ଗ୍ ୱାରି ଆନାଙ୍ଗ୍ ଆରେ ମିହୁଦାଙ୍ଗ୍ ୱାରି କିନାଙ୍ଗ୍।

ପିଲିପିୟ 2:18

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ପା ୱାରି ଆଡ ଆରେ ନା ହୁଦାଙ୍ଗ୍ ମେହାଆଜି ୱାରି କିୟାଟ୍।

କଲସିୟ 1:24

ଆନେଙ୍ଗ୍ ମି କାଜିଙ୍ଗ୍ କଷ୍ଟ ପାୟାଆତିଲେ ୱାରି ଆନାଙ୍ଗା। ଇନେସ୍‌କି ଖ୍ରୀଷ୍ଟ ଗାଗାଡ଼୍ ଲେକେ ମଣ୍ଡ୍‌ଲିତାକେ ଇନାକା ବାକି ମାଚାତ୍, ହେଦାଙ୍ଗ୍ ପୁରା କିଦେଙ୍ଗ୍ ଖ୍ରୀଷ୍ଟ ଇନେସ୍ କଷ୍ଟ ପାୟାଆଜି ମାଚାନ୍, ହେଲେକେ ଆନେଙ୍ଗ୍ ପା ନା ଗାଗାଡ଼୍‌ତ କଷ୍ଟ ପାୟାଆନାଙ୍ଗା।

ଏବ୍ରି 10:34

ଜଇଲ୍ ଇଞ୍ଜ ମାନି ମାନାୟାର୍ କଷ୍ଟ ହୁଦାଙ୍ଗ୍ ଏପେଙ୍ଗ୍ ମାହାଆଜି କଷ୍ଟ ପାୟାଆତାଦେର୍। ମି ଦନ୍‌ସମ୍ଫତି ମାନାୟାର୍ ଚର୍‌କିଜି ଅନିହିଙ୍ଗ୍, ଏପେଙ୍ଗ୍ ଇଦାଙ୍ଗ୍‌ତିଙ୍ଗ୍ ୱାରିତାଙ୍ଗ୍ ଆସ୍ତାଦେର୍। ଇନେସ୍‌କି ଈଶ୍ୱର ପାର୍ମାଣ୍‌କିତି ସମ୍ଫତି ବେସି ହାର୍ ଆରେ ୱିଜୁଦିନ୍ ମାନ୍‌ଗାନାତ୍ ଇଞ୍ଜି ଏପେଙ୍ଗ୍ ପୁଚାଦେର୍‌ନା।

ଜାକ୍‌ବ 1:12

ଇମ୍‌ଣି ମାନାୟ୍ ପରିକ୍ଷା ଆତିହିଙ୍ଗ୍ ପା ଈଶ୍ୱରତାକେ ପାର୍ତି କିଜି ମାନାନ୍, ହେୱାନ୍ ଆଶ୍ରିବାଦ୍‌ନି ମାନାୟ୍। ଇନେସ୍‌କି ଈଶ୍ୱରତିଙ୍ଗ୍ ଲାଡ୍‌କିନି ମାନାୟ୍‌ରିଙ୍ଗ୍ ଇମ୍‌ଣି ୱିଜ୍‌ୱି ଜିବୁନ୍‌ନି ମୁକୁଟ୍ ହିଦେଙ୍ଗ୍ ଈଶ୍ୱର ପାର୍ମାଣ୍ କିତାନ୍‌ନା। ପରିକ୍ଷାତାଙ୍ଗ୍ ଜିତାଆତି ପାଚେ ହେ ମାନାୟାରିଙ୍ଗ୍ ହେ ମୁକୁଟ୍ ଈଶ୍ୱର ହିନାନ୍।

ଜାକ୍‌ବ 1:16

ଏ ନା ପାର୍ତିକିନି ଟଣ୍ଡାର୍‌କାଦେର୍ ଏପେଙ୍ଗ୍ ଜାର୍‌ତିଙ୍ଗ୍ ଟକାଇ କିୟାଆମାଟ୍।

ଜାକ୍‌ବ 1:19

ଏ ନା ପାର୍ତିକିନି ଟଣ୍ଡାର୍‌କାଦେର୍, ଇଦାଙ୍ଗ୍ ଏପେଙ୍ଗ୍ ପୁନ୍‌ଞ୍ଜି ମାନାଟ୍ ଯେ, ୱିଜାକାଦେର୍ ୱେନି କାଜିଙ୍ଗ୍ ବେସି ଇଚା କିୟାଟ୍, ମାତର୍ ୱେଚ୍‌ଚେଙ୍ଗ୍ ଆରେ ରିସା ଆଦେଙ୍ଗ୍ ଦିରେ ଆଡ।

ଜାକ୍‌ବ 5:11

ଏପେଙ୍ଗ୍ ପୁଚାଦେର୍‌ନା ଯେ, ଇମ୍‌ଣାକାନ୍ ଦୁକ୍‌କଷ୍ଟ ଆତିହିଙ୍ଗ୍ ପା ଦରମ୍‌ଆଜି ମାନାନ୍, ହେୱାନିଙ୍ଗ୍ ଆପେଙ୍ଗ୍ ଆଶ୍ରିବାଦ୍‌ନି ମାନାୟ୍ ଇଞ୍ଜି ୱେଚ୍‌ଚି ମାନାସ୍। ଏପେଙ୍ଗ୍ ଆୟୁବନି ଦରମ୍ ବିଷୟରେ ୱେଚାଦେର୍‌ନା, ଆରେ ମାପୃ ହେୱାନିଙ୍ଗ୍ ଆଶ୍ରିବାଦ୍ କିତାକା ପା ହୁଡ଼୍‌ତାଦେର୍‌ନା। ଲାଗିଙ୍ଗ୍ ମାପୃ ବେସି ଲାଡ୍ ଆରେ ଦୟା କିଦ୍‌ନାନ୍।

୨ ପିତର 2:9

ମାପୃ ନିଜେ ରକ୍ଷା ଆରେ ଦଣ୍ଡ୍ ହିନି ବିଷୟ କିଜିମାଚି କାଜିଙ୍ଗ୍, ହେୱାନିଙ୍ଗ୍ ପାଣ୍ଡ୍ରାଆଜି ଇମ୍‌ଣି ମାନାୟାର୍ ଦୁକ୍‌କଷ୍ଟ ପାୟାଆନାର୍‌ ହେୱାରିଙ୍ଗ୍ ରକ୍ଷା କିଦେଙ୍ଗ୍ ପୁଚାନ୍‌ନା। ଆରେ ହେୱାନ୍ କରାପ୍ କାମାୟ୍ କିନି ମାନାୟାରିଙ୍ଗ୍ ବିଚାର୍‌କିନି ଦିନ୍‌ତ ଦଣ୍ଡ୍ ହିଦେଙ୍ଗ୍ ପା ପୁନାନା।

ହତ୍‌ତି 2:10

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଦୁଃକ୍ କଷ୍ଟ ପାୟାଆନାପା ଇଞ୍ଜି ପାଣ୍ଡ୍ରା ଆମାଟ୍। ମି ବିତ୍ରେତାଙ୍ଗ୍ କେତ୍‌ଜାଣ୍‌ତିଙ୍ଗ୍ ଶୟତାନ୍ ବନ୍ଦିକିଜି ଜଇଲ୍ ଇଞ୍ଜ ଇଡ଼୍‌ଦାନାତ୍ ଆରେ ମିଙ୍ଗେଙ୍ଗ୍ ପରିକ୍ଷା କିଦ୍‌ନାତ୍। ଏପେଙ୍ଗ୍ ଦଶ୍‌ଦିନ୍ ପାତେକ୍ ବେସି ଦୁଃକ୍ କଷ୍ଟ ପାୟାଆନାଦେର୍। ମାତର୍ ଯଦି ହେୱାନ୍ ମିଙ୍ଗେଙ୍ଗ୍ ମାର୍ନେ ଅସ୍ତିତିସ୍ ପା ନାଙ୍ଗେଙ୍ଗ୍ ପାର୍ତି କିଦ୍‌ନାକା ବନ୍ଦ୍ କିମାଟ୍, ଇନେସ୍‌କି ଏପେଙ୍ଗ୍ ଜିତାଆତି କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱିଜୁଦିନ୍ ମାନି ଜିବୁନ୍ ପୁରଷ୍କାର୍ ହିଦ୍‌ନାଙ୍ଗ୍।”