ଜାକ୍‌ବ 1:17 - New Testament in Pengo Parja Language

¹⁷ ଇନେସ୍‌କି ମା ଆବା ଈଶ୍ୱର ୱିଜୁ ପର୍‌କାର୍ ହାର୍ଦି ବର୍‌ଦାନ୍, ଆରେ ଟିକ୍‌ଟାକ୍ ବର୍‌ଦାନ୍ ହିଦ୍‌ନାନ୍। ହେୱାନ୍ ବାଦାଡ଼୍‌ନି ହୁକାଙ୍ଗ୍, ୱେଡ଼ା ଆରେ ଲେଞ୍ଜ୍‌ତିଙ୍ଗ୍ ରସ୍ତାନ୍‌ନା। ହେୱାନ୍ ଇନାୱେଡ଼ାଙ୍ଗ୍ ପା ଡ଼ିଗା ଲେକେ ବାଦ୍‌ଲା ଆଉନ୍, ୱିଜୁଦିନ୍ ହାମାନ୍ ମାନ୍‌ଗାନାନ୍।

ସତ୍‌ ବଚନ୍‌ ପୁନି ନିୟମ୍‌

¹⁷ ୱିଜ଼ୁ ହାର୍‌ଦି ଦାନ୍‌ ଆରି ୱିଜ଼ୁ ହାର୍ଦାକା ହିଦ୍‌ନାକା ଜପିତାଂ ଇଚିସ୍‌ ହୁକାଂତି ବୱାତାଂ ୱାନାତ୍, ଇୱାର୍‌ତାଂ ଇମ୍‌ଣି ବାଦ୍‍ଲାନାକା କି ଅଲପ୍‍ ପା ବାନ୍ୟା ଆକାୟ୍‌ ।

ଜାକ୍‌ବ 1:17 Iomraidhean Croise

ମାତିଉ 7:11

ଏପେଙ୍ଗ୍ ବାନ୍ଯା ମାନାୟ୍ ଆଜି ମାଚିସ୍ ପା ମି ହିମ୍‌ଣାକାଙ୍ଗ୍ ଇନେସ୍ ଲେଗ୍‌ଦି ହାର୍ଦି ଜିନିଷ୍ ହିଦେଙ୍ଗ୍ ପୁନାଦେର୍। ଲାଗିଙ୍ଗ୍ ସରଗ୍‌ତାକେ ମାନି ମି ଆବା ପୁନାନ୍ ଯେ ହେୱାନିଙ୍ଗ୍ ଏନ୍‌ନି ମାନାୟାରିଙ୍ଗ୍ ହେୱାନ୍ ହାର୍ଦି ଜିନିଷ୍ ହିନାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:13

ଏପେଙ୍ଗ୍ ବାନ୍ଯା ମାନାୟ୍ ଆଜି ମାଚିସ୍ ପା ଜାର୍-ଜାର୍ ହିମ୍‌ଣାକାଙ୍ଗ୍ ହାର୍-ହାର୍ ଜିନିଷ୍ ହିନାଦେରା। ଲାଗିଙ୍ଗ୍ ସରଗ୍‌ତାକେ ମାନି ମି ଆବା ଈଶ୍ୱରତିଙ୍ଗ୍ ଇନେର୍ ପା ଏନ୍‌ନାର୍, ହେୱାନିଙ୍ଗ୍ ଆଦିକ୍ ଜବର୍ କିଜି ପବିତ୍ର ଆତ୍ମା ହିନାନ୍।”

ଜହନ୍‌ 1:9

ହେ ସତ୍ ଅଜଡ଼୍ ପୁର୍ତିତାକେ ୱାଜି ମାଚାତ୍। ଆରେ ହେ ଅଜଡ଼୍ ମାନାୟ୍‌ତିଙ୍ଗ୍ ଅଜଡ଼୍ ହିଦ୍‌ନାନ୍।

ଜହନ୍‌ 3:27

ଡୁବନ୍‌ହିନି ଯୋହନ ହେୱାରିଙ୍ଗ୍ ୱେଚ୍‌ଚାନ୍, “ଈଶ୍ୱର ରକାନିଙ୍ଗ୍ ଇନାକା ହିନାନ୍, ହେୱାନ୍ ହେ ଏଚେକ୍ ପାୟା ଆନାନ୍।

ଜହନ୍‌ 3:3

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ନିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା। ଆରେରଗ ଜନମ୍ ଆୱିତିସ୍ ଇନେର୍ ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ଆଡୁନ୍।”

ଜହନ୍‌ 8:12

ପାଚେ ଯୀଶୁ ଆରେରଗ ହିକ୍ଷାହିଜି ୱେଚ୍‌ଚାନ୍, “ଆନେଙ୍ଗ୍ ପୁର୍ତିନି ଅଜଡ଼୍, ନା ପାଚେ ଇମ୍‌ଣାକାନ୍ ୱାନାନ୍, ହେୱାନ୍ ଇନାୱେଡ଼ାଙ୍ଗ୍ ପା ମାଜ୍‌ଗାତ ତାଙ୍ଗୁନ୍। ମାତର୍ ହେୱାନ୍ ଜିବୁନ୍‌ହିନି ଅଜଡ଼୍ ପାୟା ଆନାନ୍।”

ପକ୍ୟାତାକା 11:18

ଯିହୁଦି ଜାତିର୍ ପାର୍ତି କିନାକାର୍ ଇ ୱିଜୁବେଣ୍ ୱେଚାର୍ ହେୱାର୍ ଚିମ୍ରା ଆଜି ମାଚାର୍। ଆରେ ଈଶ୍ୱରତିଙ୍ଗ୍ ଜୟ୍-ଜୟ୍ କିଜି ୱେଚ୍‌ଚାର୍, “ଲାଗିଙ୍ଗ୍ ଈଶ୍ୱର ବିନ୍‌ଜାତିରିଙ୍ଗ୍ ପା ୱିଜ୍‌ୱି ଜିବୁନ୍ ପାୟାଆନି କାଜିଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାଦେଙ୍ଗ୍ ଦାନ୍ କିତାନ୍‌ନା।”

ପକ୍ୟାତାକା 5:31

ଈଶ୍ୱର ହେୱାନିଙ୍ଗ୍ ସରଗ୍‌ଜପି ଅଜି ଆଦିକାର୍ ହିତାନ୍‌ନା, ଆରେ ହେୱାନ୍ ଯୀଶୁଙ୍ଗ୍ ଉଦାର୍ କିଦ୍‌ନାକାନ୍ ଲେକେ ରସ୍ତାନ୍‌ନା। ଇନେସ୍‌କି ହେୱାନ୍ ଇସ୍ରାଏଲ ଜାତିନି ମାନାୟାରିଙ୍ଗ୍ ତା ପାପ୍ କାମାୟ୍ ପିସ୍ତି ଈଶ୍ୱରତାକେ ୱାଦେଙ୍ଗ୍ ସାଇଜ କିନାନ୍। ଆରେ ହେୱାର୍ ପାପ୍‌ତିଙ୍ଗ୍ କେମା କିନାନ୍।

ରୋମିୟ 6:23

ଇନେସ୍‌କି ପାପ୍ କାମାୟ୍ କାଜିଙ୍ଗ୍ ମାରାଣ୍ ୱାତାତ୍, ମାତର୍ ମା ମାପୃ ଯୀଶୁ ଖ୍ରୀଷ୍ଟ କାଜିଙ୍ଗ୍ ୱିଜ୍‌ୱି ଜିବୁନ୍ ଈଶ୍ୱର ଦୟାତାଙ୍ଗ୍ ଦାନ୍ ହିତାନ୍।

୧ କରନ୍ତିୟ 4:7

ଇନେର୍ ପା ମିଙ୍ଗେଙ୍ଗ୍ ଗାଜାକାର୍ କିଦ୍‌ୱାତାର୍‌ନା। ଈଶ୍ୱର ମିଙ୍ଗେଙ୍ଗ୍ ୱିଜୁ ଜିନିଷ୍ ହିତ୍‌ତାନ୍‌ନା। ଲାଗିଙ୍ଗ୍ ଏପେଙ୍ଗ୍ ବାଟ୍‌ପାଣ୍ ଆନି ଅଦିକାର୍ ହିଲେତ୍, ଇନେସ୍‌କି ଇନାକା ୱିଜୁ ପାୟା ଆତାଦେର୍‌ନା ହେ ୱିଜୁ ଈଶ୍ୱର ମିଙ୍ଗେଙ୍ଗ୍ ହିତ୍‌ତାନ୍‌ନା।

୨ କରନ୍ତିୟ 4:6

ଇନେସ୍‌କି ଈଶ୍ୱର ଆଗେ ୱେଚ୍‌ଚି ମାଚାନ୍, “ମାଜ୍‌ଗାତାକେ ଅଜଡ଼୍ ଆଏତ୍” ଆରେ ଇଲେକେ କିଜି ହେୱାନ୍ ତା ଗୌରବ ବୁଜାୟ୍ କିଜି ମାଚାତ୍ ଯେ, ହେ ଅଜଡ଼୍‌ଲେକେ ତା ଗୌରବ ଯୀଶୁ ଖ୍ରୀଷ୍ଟ ମୁମ୍‌ଦ ଚନ୍‌ଞ୍ଜି ମାଚାତ୍।

ଏପିସିୟ 1:18

ଈଶ୍ୱର ମିଙ୍ଗେଙ୍ଗ୍ ଇମ୍‌ଣି ଆହା କାଜିଙ୍ଗ୍ କୁକ୍ତାତାନ୍‌ନା, ଆରେ ଈଶ୍ୱର ସାଦୁ ମାନାୟାର୍ କାଜିଙ୍ଗ୍ କେତେକ୍ ଗାଜା ଆରେ ଗୌରବନି ଆଶ୍ରିବାଦ୍ ପାର୍ମାଣ୍ କିତ୍‌ତାନ୍‌ନା। ଇବିଷୟ ଏପେଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍ ହେଦାଙ୍ଗ୍ କାଜିଙ୍ଗ୍ ଈଶ୍ୱର ମି ଗରବ୍‌ତିଙ୍ଗ୍ ଜେତେନ୍ ଇଞ୍ଜି ଆନେଙ୍ଗ୍ ପାର୍ତାନା କିନାଙ୍ଗ୍।

ଏପିସିୟ 2:8

ଲାଗିଙ୍ଗ୍ ପାର୍ତିକିନି କାଜିଙ୍ଗ୍ ଈଶ୍ୱର ତା ଦୟାତାଙ୍ଗ୍ ମିଙ୍ଗେଙ୍ଗ୍ ଉଦାର୍ କିତ୍‌ତାନ୍‌ନା। ଏପେଙ୍ଗ୍ ନିଜେ ଜାର୍‌ତିଙ୍ଗ୍ ରକ୍ଷା କିମାଟ୍, ମାତର୍ ଇଦାଙ୍ଗ୍ ଈଶ୍ୱର ଦାନ୍ କିତ୍‌ତାକା।

ପିଲିପିୟ 1:29

ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ଖ୍ରୀଷ୍ଟତାକେ ନେ ପାର୍ତି କିଦେଙ୍ଗ୍ ଦୟା ହିଦ୍‌ୱାତାନ୍‌ନା, ମାତର୍ ହେୱାନ୍ କାଜିଙ୍ଗ୍ ଦୁକ୍‌କଷ୍ଟ ସାମ୍ୱାଲି କିନି କାଜିଙ୍ଗ୍ ପା ମିଙ୍ଗେଙ୍ଗ୍ ଦୟା ହିତ୍‌ତାନ୍‌ନା।

୧ ତିମତି 6:16

ହେୱାନ୍ ରକାନ୍ ଇନାୱେଡ଼ାଙ୍ଗ୍ ପା ହାଃଉନ୍, ଆରେ ହେୱାନ୍ ବେସି ଅଜଡ଼୍‌ତାକେ ମାନାନ୍ ଆରେ ତା ଲାଗାୟ୍ ଇନେର୍ ପା ହାଞ୍ଜେଙ୍ଗ୍ ଆଡୁର୍। ହେୱାନିଙ୍ଗ୍ ଇନେର୍ ପା ହୁଡ଼୍‌ୱାତାର୍‌ନା କି ହୁଡ଼୍‌ଦେଙ୍ଗ୍ ଆଡୁର୍, ମାନାୟାର୍ ହେୱାନିଙ୍ଗ୍ ସନ୍‌ମାନ୍ ହିନାର୍, ଆରେ ହେୱାନ୍ ୱିଜୁଦିନ୍ ଶାକ୍ତି ମାନ୍‌ଗାନାନ୍।

ଏବ୍ରି 13:8

ଯୀଶୁ ଖ୍ରୀଷ୍ଟ ୱିଗା, ନେଞ୍ଜେଙ୍ଗ୍ ଆରେ ୱିଜ୍‌ୱିଦିନ୍ ପାତେକ୍ ହାମାନ୍ ମାନ୍‌ଗାନାନ୍।

ଜାକ୍‌ବ 1:5

ମାତର୍ ମି ବିତ୍ରେ ଇନେରିଙ୍ଗ୍ ବୁଦି ହିଲ୍‌ଗୁତ୍ ହେୱାନ୍ ଈଶ୍ୱରତାକେ ପାର୍ତାନା କିୟେନ୍, ଲାଗିଙ୍ଗ୍ ଈଶ୍ୱର ହେୱାନିଙ୍ଗ୍ ବୁଦି ହିନାନ୍, ଇନେସ୍‌କି ହେୱାନ୍ ଇନେର୍ ଦସ୍ ପା ଆହ୍‌ୱାଦାଙ୍ଗ୍ ହିନାନ୍।

ଜାକ୍‌ବ 3:15

ଈଶ୍ୱର ଇ ଲେକେ ଜ୍ଞାନ୍ ହିଦୁନ୍। ମାତର୍ ଇ ଲେକେ ଜ୍ଞାନ୍ ଇ ପୁର୍ତିନି ମାନାୟ୍, ଲବ୍ରା ମାନାୟ୍ ଆରେ ଶୟତାନ୍‌ତାଙ୍ଗ୍ ୱାନାତ୍।

ଜାକ୍‌ବ 3:17

ମାତର୍ ଈଶ୍ୱରତାଙ୍ଗ୍ ପାୟାଆତି ଜ୍ଞାନ୍ ପାର୍ତୁମ୍‌ ହେୱାନ୍ ପବିତ୍ର ଆଜି ମାନାନ୍। ରି ନମ୍ବର୍ ତାକେ ହେୱାନ୍ ଶାନ୍ତିଆଜି ମାଞ୍ଜେଙ୍ଗ୍ ଇଚାକିନାନ୍, ସାଦୁ ଆଜି ମାନାନ୍, କାତା ମାନିକିଜି ମାନାନ୍, ୱିଜୁଦିନ୍ ହାର୍ଦି କାମାୟ୍ କିଜି ଦୟା କିନାନ୍, ବାଟ୍‌ପାଣିଆ ଆୱାଦାଙ୍ଗ୍ ଆରେ ମାନାୟ୍ ହୁଡ଼୍‌ଜି ପା ବ୍ଯବହାର୍ କିଉନ୍।

୧ ଯୋହନ 1:5

ଆପେଙ୍ଗ୍ ଯୀଶୁ ଖ୍ରୀଷ୍ଟତାଙ୍ଗ୍ ଇମ୍‌ଣି କାତା ୱେଚାପ୍‌ନା। ହେଦାଙ୍ଗ୍ ଆପେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାପା। ଅଜଡ଼୍‌ଲେକେ ଆବା ଈଶ୍ୱର ହାର୍ ଆରେ କିଲେର୍। ଲାଗିଙ୍ଗ୍ ତାବେ ମାଜ୍‌ଗାଲେକେ ଇନା କରାପ୍ ଜିନିଷ୍ ହିଲେତ୍।

୧ ଯୋହନ 4:10

ଆସେଙ୍ଗ୍ ଈଶ୍ୱରତିଙ୍ଗ୍ ଲାଡ୍ କିନାସା, ହେଦାଙ୍ଗ୍ ଆକାୟ୍, ମାତର୍ ହେୱାନ୍ ମାଙ୍ଗେଙ୍ଗ୍ ଲାଡ୍ କିତ୍‌ତାନ୍। ଆରେ ତା ମେହିଙ୍ଗ୍ ମା ପାପ୍‌ନି ଦଣ୍ଡ୍‌ତିଙ୍ଗ୍ ପିଣ୍‌ଜି ଅନି କାଜିଙ୍ଗ୍ କୃଶକାଟ୍‌ତାକେ ହାଃଦେଙ୍ଗ୍ ପକ୍ତାତାନ୍, ଏଲେଙ୍ଗ୍ କିଜି ହେୱାନ୍ ତା ଲାଡ୍‌ତିଙ୍ଗ୍ ଚଚ୍‌ଚାତାନ୍।

ହତ୍‌ତି 21:23

ହେ ସହର୍‌ତିଙ୍ଗ୍ ଅଜଡ଼୍ କିଦେଙ୍ଗ୍ ବଇଟା କି ୱେଡ଼ା କି ଲେଞ୍ଜ୍ ଦର୍‌କାର୍ ଆକାୟ୍, ଇନେସ୍‌କି ଈଶ୍ୱର ଗୌରବ ନେ ହେ ସହର୍‌ତାକେ ଚମ୍‌କା ଆଜିମାଚାତ୍ ଆରେ ମେଣ୍ଢା ଇନେର୍‌କି ଯୀଶୁ ନେ ହେ ସହର୍‌ତିଙ୍ଗ୍ ଅଜଡ଼୍ କିଜି ମାଚାନ୍।

ହତ୍‌ତି 22:5

ହେ ସହର୍‌ତାକେ ଇନାୱେଡ଼ାଙ୍ଗ୍ ପା ମାଜ୍‌ଗା ହିଲାତାତ୍ ଆରେ ହେବେନି ମାନାୟାରିଙ୍ଗ୍ ବଇଟା କି ୱେଡ଼ା ଅଜଡ଼୍ କିଦେଙ୍ଗ୍ ଦର୍‌କାର୍ ଆୱାଦାଙ୍ଗ୍ ମାଚାତ୍, ଇନେସ୍‌କି ମାପୃ ଈଶ୍ୱରତି ନେ ହେୱାରିଙ୍ଗ୍ ଅଜଡ଼୍ କିଜି ମାଚାତ୍। ଆରେ ହେୱାର୍ ରାଜା ଲେକେ ସାସନ୍ କିଜି ମାଚାର୍।