ଏବ୍ରି 9:12 - New Testament in Pengo Parja Language

¹² ହେୱାନ୍ ମେଣ୍ଢା କି ଅଡା ନେତେର୍ ଆସ୍ତି ସରଗ୍‌ତାକେ ମାନି କୁଡ଼ିଆନି ବେସି ପବିତ୍ର ବାହାତାକେ ହାଲ୍‌ୱାତାନ୍‌ନା, ମାତର୍ ହେୱାନ୍ ତା ଜାର୍ ନେତେର୍ ଆସ୍ତି ୱିଜୁଦିନ୍ କାଜିଙ୍ଗ୍ ରଗ ହାଚାନ୍‌ନା। ଇଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ୱିଜ୍‌ୱି ମୁକ୍ତି ପାୟାଆତାସ୍‌ନା।

ସତ୍‌ ବଚନ୍‌ ପୁନି ନିୟମ୍‌

¹² ମତର୍‌ ଅଡା ଜାର୍‌ତିଂ ଅହ୍‌ରି ନେତେର୍‌ ଅଜ଼ି ରଞ୍ଜେମାଡ୍‌ ମୁଡ଼୍‌ନିପୁଇପୁୟା ବାହାତ ହଣ୍‌ଜି ୱିଜ଼୍‌ୱି ମୁକ୍‌ଡ଼ାୟ୍‌ କିତ୍‌ତାନ୍‌ନା ।”

ଏବ୍ରି 9:12 Iomraidhean Croise

ମାର୍କ 3:29

ମାତର୍ ଇନେର୍ ପା ପବିତ୍ର ଆତ୍ମାତିଙ୍ଗ୍ ନିନ୍ଦା କିନାର୍, ଈଶ୍ୱର ହେୱାନିଙ୍ଗ୍ ଇନାୱେଡ଼ାଙ୍ଗ୍ ପା ପାପ୍ କେମା ହିଉନ୍, ଆରେ ଈଶ୍ୱରତାକେ ହେୱାନ୍ ୱିଜୁଦିନ୍ ପାପି ଇଞ୍ଜି ଗାଣାକିୟା ଆନାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:68

“ଇସ୍ରାଏଲନି ଈଶ୍ୱରତିଙ୍ଗ୍ ଜୟ୍-ଜୟ୍ ଆୟେତ୍, ଇନେସ୍‌କି ହେୱାନ୍ ତା ମାନାୟାରିଙ୍ଗ୍ ହୁଡ଼୍‌ଦେଙ୍ଗ୍ ଆରେ ରକ୍ଷା କିଦେଙ୍ଗ୍ ୱାତାନ୍‌ନା।

ପକ୍ୟାତାକା 20:28

ଏପେଙ୍ଗ୍ ଆରେ ପାର୍ତି କିନାକାଦେର୍ ଜାଗ୍ରତ୍ ଆଜି ମାନାଟ୍। ଇନେସ୍‌କି ପବିତ୍ର ଆତ୍ମା ଇ ମାନାୟାର୍ ବିତ୍ରେ ବିଶପ୍‌ କିଜି ଦାଇତ୍‌ପ ହିତ୍‌ତାନ୍‌ନା। ଆରେ ଈଶ୍ୱର ତା ମେହି ଯୀଶୁ ନେତେର୍‌ତାଙ୍ଗ୍ ଇମ୍‌ଣି ମଣ୍ଡ୍‌ଲିତିଙ୍ଗ୍ କଡ଼୍‌ତାନ୍‌ନା, ହେ ମଣ୍ଡ୍‌ଲିନି ଗଡ଼ିୟା ଆଜି ମାନାଟ୍।

ଏପିସିୟ 1:7

ଈଶ୍ୱର ବେସି ଦୟାତାଙ୍ଗ୍ ଆସେଙ୍ଗ୍ ହେ ଯୀଶୁ ଖ୍ରୀଷ୍ଟନି ନେତେର୍ କାଜିଙ୍ଗ୍ ମୁକ୍ତି ପାୟାଆତାସ୍, ଇଦାଙ୍ଗ୍‌ନି ଅର୍‌ତ ଈଶ୍ୱର ମା ପାପ୍ ୱିଜୁତିଙ୍ଗ୍ କେମା କିତ୍‌ତାନ୍‌ନା।

କଲସିୟ 1:14

ତା ମେହି ହାଃତି କାଜିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ମୁକ୍ତି ଆରେ ମା ପାପ୍‌ତିଙ୍ଗ୍ କେମା କିତ୍‌ତାନ୍‌ନା।

୧ ଥେସଲନୀକିୟ 1:10

ଆରେ ଈଶ୍ୱର ତା ମେହିଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ କିତାନ୍। ନଙ୍ଗୟ୍‌ୱାନି ଦଣ୍ଡ୍‌ତାଙ୍ଗ୍ ରକ୍ଷା ପାୟାଆନି କାଜିଙ୍ଗ୍ ଉଦାର୍ କିଦ୍‌ନି ଯୀଶୁ ସରଗ୍‌ତାଙ୍ଗ୍ ୱାନାନ୍ ଇଞ୍ଜି କାନାଦେରା। ହେଦାଙ୍ଗ୍ କାଜିଙ୍ଗ୍ ଜାର୍-ଜାର୍ ଜିବୁନ୍‌ତିଙ୍ଗ୍ ବାଦ୍‌ଲାୟ୍ କିଜି ଈଶ୍ୱରତିଙ୍ଗ୍ ପାର୍ତି କିତାଦେର୍।

ତୀତସ 2:14

ଆସେଙ୍ଗ୍ ଇନେସ୍ ତା ମାନାୟ୍ ଆଜି ୱିଜୁ ହାର୍ଦି କାମାୟ୍ କିନି କାଜିଙ୍ଗ୍ ଆରେ ଅଦରମ୍‌ ଜିବୁନ୍‌ତାଙ୍ଗ୍ ମୁକ୍ତି କିଦ୍‌ଦେଙ୍ଗ୍ ଆରେ ୱିଜୁ କରାପ୍ ବ୍ୟବହାର୍‌ତାଙ୍ଗ୍ ହପ୍ତେଦେଙ୍ଗ୍ ଯୀଶୁ ଖ୍ରୀଷ୍ଟ ଜାର୍ ଜିବୁନ୍‌ତିଙ୍ଗ୍ ହିତାନ୍‌ନା।

ଏବ୍ରି 1:3

ହେ ହିମ୍‌ଣା ଈଶ୍ୱର ଗୌରବତାଙ୍ଗ୍ ଚଚ୍‌ଚାନାନ୍ ଆରେ ହେୱାନ୍ ୱିଜୁ ବିଷୟରେ ଈଶ୍ୱରଲେକେ ଚଞ୍ଜ୍‌ନାନ୍‌। ହେୱାନ୍ ଜାର୍ ଶାକ୍ତିମାନି କାତାତାଙ୍ଗ୍ ପୁର୍ତିନି ୱିଜୁ ବିଷୟ ଆସ୍ତାନ୍‌ନା। ଆରେ ହେୱାନ୍ ମାନାୟାର୍ ପାପ୍‌ତିଙ୍ଗ୍ ନୁସ୍‌ତି ପାଚେ ସରଗ୍‌ତାକେ ଈଶ୍ୱରତି ଗୌରବ ପାୟାଆନି ତିନାବାଗାୟ୍‌ନି ବାହାତାକେ କୁଚ୍‌ଚାନ୍‌ନା।

ଏବ୍ରି 10:19

ଇଦାଙ୍ଗ୍ କାଜିଙ୍ଗ୍ ଏ ଟଣ୍ଡାର୍‌କାଦେର୍, ଆସେଙ୍ଗ୍ ସାହାସ୍ ହୁଦାଙ୍ଗ୍ ସରଗ୍‌ତାକେ ମାନି ବେସି ପବିତ୍ର ମନ୍ଦିର୍‌ତାକେ ହାଞ୍ଜେଙ୍ଗ୍ ଆଡ୍‌ନାସ୍, ଇନେସ୍‌କି ବଲିପୁଜା ଲେକେ ଯୀଶୁ ତା ନେତେର୍ ହିତାନ୍‌ନା।

ଏବ୍ରି 13:12

ଇଦାଙ୍ଗ୍ କାଜିଙ୍ଗ୍ ଯୀଶୁ ପା ଜାର୍ ନେତେର୍‌ତାଙ୍ଗ୍ ମାନାୟାରିଙ୍ଗ୍ ପବିତ୍ର କିନି କାଜିଙ୍ଗ୍ ଯିରୁଶାଲାମ ସହର୍ ବାର୍ତ କଷ୍ଟ ପାୟାଆଜି ହାଃତାନ୍।

ଏବ୍ରି 5:9

ଇଦାଙ୍ଗ୍ କାଜିଙ୍ଗ୍ ଈଶ୍ୱର ହେୱାନିଙ୍ଗ୍ ପୁରାପୁରି ଟିକ୍ ପ୍ରଦାନ୍ ମୁଡ଼୍‌ଦି ପୁଜାରି ଇଞ୍ଜି ଯଗ୍ୟ କିତାନ୍, ଆରେ ହେୱାନ୍‌ତାକେ ପାର୍ତିକିନି ମାନାୟାରିଙ୍ଗ୍ ହେୱାନ୍ ଯୁଗ୍-ଯୁଗ୍ କାଜିଙ୍ଗ୍ ଉଦାର୍ କିନାନ୍।

ଏବ୍ରି 7:27

ହାରଣ ଲାତ୍ରାନି ପ୍ରଦାନ୍ ମୁଡ଼୍‌ଦି ପୁଜାରିର୍ ଲେକେ, ଯୀଶୁଙ୍ଗ୍ ୱିଜୁଦିନ୍ ବଲିପୁଜା କିନି ଦର୍‌କାର୍ ଆକାୟ୍। ହେୱାର୍ ପାର୍ତୁମ୍ ଜାର୍ ପାପ୍ କାଜିଙ୍ଗ୍ ଆରେ ପାଚେ ମାନାୟାର୍ ପାପ୍ କାଜିଙ୍ଗ୍ ବଲିପୁଜା କିଜି ମାଚାର୍। ମାତର୍ ଯୀଶୁ ରଞ୍ଜେମାଡ୍ ୱିଜାକାର୍ ପାପ୍ କାଜିଙ୍ଗ୍ ଜାର୍ ଜିବୁନ୍‌ତିଙ୍ଗ୍ କୃଶକାଟ୍ ଜପି ବଲିପୁଜା କିତାନ୍‌ନା।

ଏବ୍ରି 9:13

ପାନି ନିୟମ୍ ଅନ୍‌ସାରେ, ରିତିନିତି ଅନ୍‌ସାରେ ଇମ୍‌ଣାକାର୍ ଅଶୁଚି, ହେୱାର୍ ଜପି ଅଡା ଆରେ ବାଳ୍‌ଦୁନି ନେତେର୍ ଆରେ ବଲିପୁଜା କିତାକା ପିସ୍ତି ବାଚାତିଙ୍ଗ୍‌ କାଡିକିତି ନିସ୍ ଡ଼ଞ୍ଜ୍‌ଜି ମାଚାର୍। ଇଦାଙ୍ଗ୍ ହେୱାର୍ ବାର୍ତି ଗାଗାଡ଼୍‌ତିଙ୍ଗ୍ ଶୁଚି କିଜି ମାଚାତ୍।

ଏବ୍ରି 9:14

ମାତର୍ ଏପେଙ୍ଗ୍ ଇଦାଙ୍ଗ୍ ବାବି କିୟାଟ୍ ଯେ ହାଃନି ହାଜ୍‌ଦିଙ୍ଗ୍ ଅଦ୍‌ନି କାମାୟ୍‌ତାଙ୍ଗ୍ ଖ୍ରୀଷ୍ଟ ନେତେର୍ ଆଦିକ୍ କିଜି ମା ଗରବ୍‌ତିଙ୍ଗ୍ ଶୁଚି କିଦ୍‌ନାତ୍, ଆରେ ଆସେଙ୍ଗ୍ ଜିବୁନ୍ ମାନି ଈଶ୍ୱରତିଙ୍ଗ୍ ହେବା କିଦେଙ୍ଗ୍ ଆଡ୍‌ନାସ୍। ଇନେସ୍‌କି ୱିଜ୍‌ୱି ଆତ୍ମାନି ଶାକ୍ତିତାଙ୍ଗ୍, ମା ପାପ୍ କାଜିଙ୍ଗ୍ ଖ୍ରୀଷ୍ଟ ତା ଜାର୍ ଜିବୁନ୍‌ତିଙ୍ଗ୍ ଈଶ୍ୱର ଲାଗାୟ୍ ର ପୁରାପୁରି ଟିକ୍ ବଲିପୁଜା କିତାନ୍‌ନା।

ଏବ୍ରି 9:15

ଈଶ୍ୱର ଇମ୍‌ଣାକାରିଙ୍ଗ୍ କୁକ୍‌ଚି ୱିଜ୍‌ୱି ଆଶ୍ରିବାଦ୍ ହିନି କାଜିଙ୍ଗ୍ ପାର୍ମାଣ୍ କିତାନ୍‌ନା, ହେୱାର୍ ଇନେସ୍ ହେଦାଙ୍ଗ୍ ଆହ୍‌ନାର୍, ଇଦାଙ୍ଗ୍ କାଜିଙ୍ଗ୍ ଈଶ୍ୱର ଆରେ ମାନାୟାର୍ ହୁଦାଙ୍ଗ୍ ଖ୍ରୀଷ୍ଟ ମାଦିଆଜି ର ପୁନି ନିୟମ୍ କିତାନ୍‌ନା। ଇଦାଙ୍ଗ୍ ପୁରା ଆଦେଙ୍ଗ୍ ଆଡ୍‌ନାତ୍, ଇନେସ୍‌କି ହେୱାର୍ ପାର୍ତୁମ୍ ନିୟମ୍‌ନି ତାରେନ୍ ମାନ୍‌ଞ୍ଜି କିଜିମାଚି ପାପ୍‌ନି ଦଣ୍ଡ୍‌ତାଙ୍ଗ୍, ଖ୍ରୀଷ୍ଟ ହେୱାରିଙ୍ଗ୍ ମୁକ୍ତିକିନି କାଜିଙ୍ଗ୍ ହାଃତାନ୍‌ନା।

ଏବ୍ରି 9:19

ପାର୍ତୁମ୍ ମୋଶା ମାନାୟାର୍ ଲାଗାୟ୍ ନିୟମ୍‌ନି ୱିଜୁ ଆଦେସ୍ ୱେଚ୍‌ଚାନ୍। ପାଚେ ହେୱାନ୍ ମେଣ୍ଢା ଆରେ ଅଡା ନେତେର୍ ଅଜି ଜମିତାକେ ମାହାଇ କିତାନ୍ ଆରେ ରାତା କଲର୍ ଉଲ୍ ଆରେ ଏଜବ୍ ମାର୍‌ତି ଡାଡ଼୍ ଅଜି ନିୟମ୍ ସାସ୍ତର୍ ଆରେ ୱିଜୁ ମାନାୟାର୍ ଜପି ତିର୍‌ପାତାନ୍।

ଏବ୍ରି 9:28

ହେଲେକେ ଖ୍ରୀଷ୍ଟ ପା ମାନାୟାର୍ ପାପ୍‌ତିଙ୍ଗ୍ ଦେହାକିନି କାଜିଙ୍ଗ୍ ରଗ ଜାର୍‌ତିଙ୍ଗ୍ ବଲିପୁଜା କିତାନ୍‌ନା। ଲାଗିଙ୍ଗ୍ ଏଚେପାଦ୍ନା ହେୱାନ୍ ଆରେରଗ ୱାନାନ୍, ମାନାୟାର୍ ପାପ୍ କାଜିଙ୍ଗ୍ ଜାର୍‌ତିଙ୍ଗ୍ ବଲିପୁଜା କିନି କାଜିଙ୍ଗ୍ ୱାଉନ୍, ମାତର୍ ଇମ୍‌ଣି ମାନାୟାର୍ ହେୱାନିଙ୍ଗ୍ କାତାର୍‌ନା, ହେୱାରିଙ୍ଗ୍ ଉଦାର୍ କିନି କାଜିଙ୍ଗ୍ ୱାନାନ୍।

ଏବ୍ରି 9:7

ମାତର୍ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି ନେ ବାହ୍‌ରେକ୍‌ତିଙ୍ଗ୍ ରଗ ବେସି ପବିତ୍ର ବାହାତାକେ ହାଲ୍‌ଜି ମାଚାନ୍। ହେୱାନ୍ ବିତ୍ରେ ହାନିହିଙ୍ଗ୍, ୱିଜୁଦିନ୍ ପଶୁନି ନେତେର୍ ଅଜି ହାଲ୍‌ଜି ମାଚାନ୍। ହେୱାନ୍ ଜାର୍ ପାପ୍ କାଜିଙ୍ଗ୍ ଆରେ ପୁନ୍‌ୱାଦାଙ୍ଗ୍ କିଜିମାଚି ମାନାୟାର୍ ପାପ୍‌ତାଙ୍ଗ୍ କେମା ପାୟାଆନି କାଜିଙ୍ଗ୍, ହେୱାନ୍ ଈଶ୍ୱର ଲାଗାୟ୍ ହେ ନେତେର୍‌ତିଙ୍ଗ୍ ପୁଜାକିଜି ମାଚାନ୍।

ହତ୍‌ତି 1:5

ଆରେ, ଯୀଶୁ ଖ୍ରୀଷ୍ଟତାଙ୍ଗ୍ ଇନେର୍‌କି ଈଶ୍ୱର କାତାତିଙ୍ଗ୍ ସାକି ହିନାନା ଆରେ ତା କାତାତିଙ୍ଗ୍ ପାର୍ତି କିୟାଆନାତ୍, ହେୱାନ୍‌ ନେ ପାର୍ତୁମ୍ ମାରାଣ୍‌ତାଙ୍ଗ୍ ଜିବୁନ୍ ଆତାନ୍‌ନା ଆରେ ପୁର୍ତିନି ୱିଜୁ ରାଜାରିଙ୍ଗ୍ ସାସନ୍ କିନି ମାନାୟ୍ ଆତାନ୍‌ନା। ହେୱାନ୍ ମାଙ୍ଗେଙ୍ଗ୍ ଲାଡ୍ କିଦ୍‌ନାନା। ହେୱାନ୍ ମା କାଜିଙ୍ଗ୍ ଜାର୍ ନେତେର୍ ବଡ଼ାଇ କିଜି ହାଃତାନ୍ ଆରେ ଆସେଙ୍ଗ୍ କିତି ପାପ୍‌ନି ଦଣ୍ଡ୍‌ତିଙ୍ଗ୍ କେମା କିତାନ୍‌ନା।

ହତ୍‌ତି 5:9

ଆରେ ହେୱାର୍ ଇଲେକେ କିଜି ର ପୁନି କେର୍‌କଣ୍ କେର୍‌ତାର, “ନିଦି ନେ ଇ ସାସ୍ତର୍ ଆସ୍ତେଙ୍ଗ୍ ଯଗ୍ୟ ମାନାତ୍ ଆରେ ତା ସିଲ୍ ଡ୍ରିକ୍‌ଚି ରିକ୍‌ତେଙ୍ଗ୍ ଆଡ୍‌ନାନ୍। ଇନେସ୍‌କି ଏନେଙ୍ଗ୍ ମାନାୟାର୍ କାଜିଙ୍ଗ୍ ହାଃଜି ମାଚାୟ୍, ଆରେ ମାନାୟାରିଙ୍ଗ୍ ଉଦାର୍ କିଦେଙ୍ଗ୍ କୃଶକାଟ୍‌ତାକେ ନି ନେତେର୍ ବଡ଼ାୟ୍ କିଜି ମାଚାୟ୍। ଲାଗିଙ୍ଗ୍ ହେୱାର୍ ଈଶ୍ୱର ଲକ୍ ଆତାର୍‌ନା, ଇ ମାନାୟାର୍ ୱିଜୁ ଜାତିର୍‌ତାଙ୍ଗ୍, ୱିଜୁ ବାଷାତାଙ୍ଗ୍, ୱିଜୁ ବାହାତାଙ୍ଗ୍ ଆରେ ୱିଜୁ ଦେସ୍‌ତାଙ୍ଗ୍ ୱାତାର୍‌ନା।