ଏବ୍ରି 8:2 - New Testament in Pengo Parja Language

² ସରଗ୍‌ତାକେ ମାନି ସତ୍ ପୁଟ୍ କୁଡ଼ିଆନି ସତ୍ ପବିତ୍ର ବାହାତାକେ ମା ପ୍ରଦାନ୍ ମୁଡ଼୍‌ଦି ପୁଜାରି ହେବା କିନାନା। ମାନାୟ୍ ଇଦାଙ୍ଗ୍ ରହ୍‌ୱାତାର୍‌ନା, ମାତର୍ ଈଶ୍ୱର ରସ୍ତାନ୍‌ନା।

ସତ୍‌ ବଚନ୍‌ ପୁନି ନିୟମ୍‌

² ହେୱାନ୍‌ ଗାଜା ପୁଇପୁୟା ବାହାତ ଆରେ ଇମ୍‌ଣି ହାତ୍‌ପା ତୁମ୍‌ ମାନାୟ୍‌ ହୁଦାଂ ରଚ୍‌ୱାଦାଂ ମାପ୍ରୁତି ହୁଦାଂ ରଚ୍ୟା ଆତାତ୍‌ନ୍ନା, ହେବେନି ହେବାକାରି ଆତାନ୍ନା ।

ଏବ୍ରି 8:2 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:44

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ମି ଲାଗାୟ୍ ଆନେଙ୍ଗ୍ ମାନି ୱେଡ଼ାଙ୍ଗ୍‌ନି କାତାତିଙ୍ଗ୍ ଏତୁକିୟାଟ୍। ଆନେଙ୍ଗ୍ ୱେଚ୍‌ଚି ମାନ୍‌ଞ୍ଚାଙ୍ଗ୍ ଯେ ମୋଶା ଲେକିକିତି ନିୟମ୍‌ନି ସାସ୍ତର୍‌ତାକେ, ଭବିଷ୍ଯତବକ୍ତା ବହିତାକେ ଆରେ କେର୍‌କଣ୍‌ବିହିତାକେ ନା ବିଷୟରେ ଇନାକା ୱିଜୁ ଲେକାଆତାତ୍‌ନା, ହେ ୱିଜୁ ହାତ୍‌ପା ଗଟାଆତାତ୍‌ନା।”

ରୋମିୟ 15:8

ଏପେଙ୍ଗ୍ ମାନ୍ତ ଇଟାଟ୍ ଯେ, ଖ୍ରୀଷ୍ଟ ଚାକର୍ ଲେକେ ଆଜି ସୁନତ ଆତି ଯିହୁଦି ଜାତିନି ଆକଦାଦିରିଙ୍ଗ୍ ଈଶ୍ୱର ହିତି ପାର୍ମାଣ୍‌ତିଙ୍ଗ୍ ପୁରା କିଦେଙ୍ଗ୍ ୱାଜିମାଚାନ୍।

୨ କରନ୍ତିୟ 5:1

ଇନେସ୍‌କି ଆସେଙ୍ଗ୍ ପୁଚାସ୍‌ନା ଯେ, ମା ଗାଗାଡ଼୍ ଇ ପୁର୍ତିତାକେ ପିରିତାଙ୍ଗ୍‌ ରସ୍ତି କୁଡ଼ିଆତାକେ ମାନିଲେକେ ମାନାସା। ଯଦି ଆସେଙ୍ଗ୍ ହାଃନାସ୍, ଲାଗିଙ୍ଗ୍ ଈଶ୍ୱର ନିଜେ ରସ୍ତି ୱିଜୁଦିନ୍ ମାନି ପୁନି ଗାଗାଡ଼୍‌ତିଙ୍ଗ୍ ର ଇଲ୍ ଲେକେ ସରଗ୍‌ତାକେ ହିଦ୍‌ନାନା, ହେଦାଙ୍ଗ୍ ମାନାୟାର୍ ରସ୍ତି ଲେକେ ଆକାୟ୍।

କଲସିୟ 2:11

ଏଚେପାଦ୍ନା ଏପେଙ୍ଗ୍ ଖ୍ରୀଷ୍ଟତାକେ ପାର୍ତି କିତାଦେର୍ ଏପେଙ୍ଗ୍ ସୁନତ ଆତାଦେର୍‌ନା। ଯିହୁଦି ମାନାୟାର୍ ସୁନତ ଆତିଲେକେ ଏପେଙ୍ଗ୍ ସୁନତ ଆୱାତାଦେର୍‌ନା। ମାତର୍ ଖ୍ରୀଷ୍ଟ ଏପେଙ୍ଗ୍ କିତି ପାପ୍‌ନି ଗୁଣ୍‌ତିଙ୍ଗ୍ କାଟିକିଜି ମିଙ୍ଗେଙ୍ଗ୍ ସୁନତ କିତ୍‌ତାନ୍‌ନା।

ଏବ୍ରି 10:11

ପାନି ନିୟମ୍ ଅନ୍‌ସାରେ, ୱିଜୁଦିନ୍ ଈଶ୍ୱରତିଙ୍ଗ୍ ହେବାକିନି ପୁଜାରି ବେଦି ମୁମ୍‌ଦ ନିଲ୍‌ଚି ହାମାନ୍ ବଲିପୁଜା ୱିଜୁଦିନ୍ ପୁଜା କିନାନ୍, ଆତିସ୍‌ପା ଇଦାଙ୍ଗ୍ ପାପ୍‌ତିଙ୍ଗ୍ ଇନେୱାଡ଼ାପା ଦେହା କିଦେଙ୍ଗ୍ ଆଡୁତ୍।

ଏବ୍ରି 10:21

ଆରେ ମା କାଜିଙ୍ଗ୍ ରକାନ୍ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି ମାନାନ୍, ହେୱାନ୍ ଈଶ୍ୱର ମାନାୟାର୍ ଜପି ସାସନ୍ କିନାନ୍।

ଏବ୍ରି 11:10

ଅବ୍ରାହାମ ହେଲେକେ ବାହା କିତାନ୍, ଇନେସ୍‌କି ଈଶ୍ୱର ନିଜେ ରସ୍ତି ୱିଜୁଦିନ୍ ମାନି ପାଣ୍ଡୁସେନ୍‌ନି ସହର୍‌ତିଙ୍ଗ୍ ଅବ୍ରାହାମ କାସି ମାଚାନ୍।

ଏବ୍ରି 9:1

ଈଶ୍ୱର ପାର୍ତୁମ୍ ପାର୍ମାଣ୍, ପୁଜା ଆରେ ପବିତ୍ର ପୁଟ୍ କୁଡ଼ିଆ ପୁର୍ତିତାକେ ରହ୍‌ନି ବିଷୟରେ ନିତି ନିୟମ୍ ଇସ୍ରାଏଲନି ମାନାୟାରିଙ୍ଗ୍ ହିଜିମାଚାନ୍।

ହତ୍‌ତି 21:3

ଆରେ ସରଗ୍‌ନି ସିଙ୍ଗାସନତାଙ୍ଗ୍ ରକାନ୍ ଗାଜାକାଟ୍ କିଜି ୱେଚ୍‌ନାକା ଆନେଙ୍ଗ୍ ୱେଚାଙ୍ଗ୍, “ହୁଡ଼ା, ଈଶ୍ୱର ମନ୍ଦିର୍‌ ତା ମାନାୟାର୍‌ତାକେ ୱାନାନା, ହେୱାନ୍ ହେୱାର୍ ହୁଦାଙ୍ଗ୍ ମାନାନ୍ ଆରେ ହେୱାର୍ ତା ଲକ୍ ଆନାର୍। ଈଶ୍ୱର ନିଜେ ହେୱାର୍ ହୁଦାଙ୍ଗ୍ ମାନାନ୍।