ଏବ୍ରି 6:1 - New Testament in Pengo Parja Language

¹ ଲାଗିଙ୍ଗ୍ ଖ୍ରୀଷ୍ଟ ବିଷୟରେ ଆସେଙ୍ଗ୍ ପାର୍ତୁମ୍ ହିକାଆତି ବିଷୟତିଙ୍ଗ୍ ବାର୍‌ମ୍-ବାରମ୍ ହିକାଆୱାଦାଙ୍ଗ୍, ପାର୍ତିତାଙ୍ଗ୍ ବାଡାଆନି ହିକ୍ଷାତିଙ୍ଗ୍ ହିକାଆନି ଦର୍‌କାର୍। ପାପ୍ କାମାୟ୍ ପିସ୍ତି ଈଶ୍ୱର ଲାଗାୟ୍ ୱାନି ହିକ୍ଷା, ଈଶ୍ୱରତାକେ ପାର୍ତିକିନି ହିକ୍ଷା,

ସତ୍‌ ବଚନ୍‌ ପୁନି ନିୟମ୍‌

¹ ଲାଗିଂ, ଆସେଙ୍ଗ୍‌ କ୍ରିସ୍ଟତି ବିସ୍ରେ ପର୍ତୁମ୍‌ନି ହିକ୍ୟା ପିସ୍ତି ହାକି କାରୁମ୍‌ତାଂ ମାନ୍‌ବାଦ୍‌ଲାୟ୍‌ କିଜ଼ି, ଇସ୍ୱର୍‌ ତାକେ ପାର୍ତି କିଜ଼ି,

ଏବ୍ରି 6:1 Iomraidhean Croise

ମାତିଉ 21:29

ହେ ହିମ୍‌ଣା ୱେଚ୍‌ଚାନ୍, ‘ନା ଇଚା ଆକାୟ୍।’ ମାତର୍ ପାଚେ ମାନ୍‌ବାଦ୍‌ଲାଇ କିଜି କାମାୟ୍ କିଦେଙ୍ଗ୍ ହାଚାନ୍।

ମାତିଉ 21:32

ଡୁବନ୍‌ହିନି ଯୋହନ ମି ଲାଗେ ୱାଜି ଦରମ୍ ହାଜ୍‌ଦିଙ୍ଗ୍ ହାଲ୍‌ଜି ହାର୍‌ଦାଙ୍ଗ୍ ଜିନାକା ଚଚ୍‌ଚି ମାନ୍‌ଞ୍ଚାନ୍। ମାତର୍ ଏପେଙ୍ଗ୍ ତାଙ୍ଗେଙ୍ଗ୍ ପାର୍ତି କିୱାତାଦେର୍। ମାତର୍ ସିସ୍ତୁଏନ୍‌ନାକାର୍ ଆରେ ଦାରି କାମାୟ୍ କିନାକାର୍ ତା କାତାତିଙ୍ଗ୍ ପାର୍ତି କିତାର୍। ଇଦାଙ୍ଗ୍ ହୁଡ଼୍‌ଜି ପା ଏପେଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାଜି ତାଙ୍ଗେଙ୍ଗ୍ ପାର୍ତି କିୱାତାଦେର୍।”

ମାତିଉ 3:2

“ପାପ୍ କାମାୟ୍ ପିସ୍ତି ମାପୃତାକେ ୱାଡ। ଇନେସ୍‌କି ଈଶ୍ୱର ସାସନ୍ କିନି ରାଜି ଲାଗେ ଇକାୱାତାତେ।”

ମାତିଉ 4:17

ହେଦିନ୍‌ତାଙ୍ଗ୍ ଯୀଶୁ ଶୁଣାୟ୍ କିଦେଙ୍ଗ୍ ହାଙ୍ଗ୍‌ତାନ୍। ହେୱାନ୍ ୱେଚ୍‌ଚାନ୍, “ପାପ୍ କାମାୟ୍ ପିସ୍ତି ମାପୃତାକେ ୱାଡ, ଇନେସ୍‌କି ଈଶ୍ୱର ସାସନ୍ କିନି ରାଜି ଲାଗେ ଇକାୱାତାତେ।”

ମାତିଉ 5:48

ଲାଗିଙ୍ଗ୍ ମି ସରଗ୍‌ନି ଆବା ଇନେସ୍‌କି ହାର୍ ମାନାନ୍, ଏପେଙ୍ଗ୍ ପା ହେଲେକେ ହାର୍ ଆଡୁ।”

ମାତିଉ 7:25

ହେୱାନ୍ କାଲ୍‌କୁ ଜପି କୁନାଦି କିଜି ହାର୍‌ଦାଙ୍ଗ୍ ଇଲ୍ ଗାଚ୍‌ଚି ମାନାୟ୍‌ତି, ଏଚେକାଡ଼୍‌ଦ ପା ବାର୍ହା ୱାତିସ୍, ଡ଼ୁଇଦୁକା ଆତିସ୍, ପୁର୍ ୱାଜି ହେ ଇଞ୍ଜିଙ୍ଗ୍ ଏଜୁଙ୍ଗ୍ ଡୁକା ଆତିସ୍‌ପା ହାର୍‌ଦାଙ୍ଗ୍ ଗାଚ୍‌ଚି ଇଲ୍ ବାଡ଼୍‌ହା ଆଉତ୍।

ମାର୍କ 1:1

ଈଶ୍ୱର ମେହି ଯୀଶୁ ଖ୍ରୀଷ୍ଟତି ହାର୍ଦିକାବୁର୍ ଆରମ୍ ଆତାତ୍।

ମାର୍କ 6:12

ତାପାଚେ ବାଚିକିତି ଚେଲାହିର୍ ହାଲ୍‌ଜି ମାନାୟାରିଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାନି ବେଣ୍ ୱେଚ୍‌ଚାର୍,

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:48

ହେୱାନ୍ କାଲ୍‌କୁ ଜପି କୁନାଦି କିଜି ହାର୍‌ଦାଙ୍ଗ୍ ଇଲ୍ ଗାଚ୍‌ନି ମାନାୟ୍ ଲେକେ। ଇ ଇଲ୍ ହାର୍‌ଦାଙ୍ଗ୍ ଗାଚ୍‌ଚି ମାଚିଲେ, ଏଚେକାଡ଼୍‌ଦ ପା ବାତ୍ୟା ୱାଜି ଡୁକା ଆତିସ୍‌ପା ହେ ଇଲ୍ ବାଡ଼୍‌ହା ଆଉତ୍।

ଜହନ୍‌ 12:44

ତାପାଚେ ଯୀଶୁ ଗାଜାକାଟ୍ କିଜି ୱେଚ୍‌ଚାନ୍, “ନାବେ ଇନେର୍ ପାର୍ତି କିଦ୍‌ନାର୍, ହେୱାନ୍ ନାବେ ଆକାଇ, ମାତର୍ ଇନେର୍ ନାଙ୍ଗେଙ୍ଗ୍ ପକ୍ତାତାନ୍‌ନା, ହେୱାନ୍‌ତାକେ ପାର୍ତିକିନାର୍।

ଜହନ୍‌ 14:1

ଆରେରଗ ଯୀଶୁ ୱେଚ୍‌ଚାନ୍, “ମି ଗରବ୍ ଚିନ୍ତା ଆମେତ୍। ଈଶ୍ୱରତାକେ ପାର୍ତି କିଜି ମାନାଟ୍। ନାବେ ପା ପାର୍ତିକିୟାଟ୍।

ଜହନ୍‌ 5:24

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, “ଇମ୍‌ଣାକାନ୍ ନା ୱେଚ୍‌ଚି ବେଣ୍‌ତିଙ୍ଗ୍ ୱେନାନ୍, ଆରେ ନାଙ୍ଗେଙ୍ଗ୍ ପକ୍ତାତାକାନିଙ୍ଗ୍ ପାର୍ତିକିନାର୍, ଲାଗିଙ୍ଗ୍ ହେୱାନ୍ ୱିଜ୍‌ୱି ଜିବୁନ୍ ପାୟା ଆନାନ୍। ଆରେ ହେୱାନ୍ ଦସି ଇଞ୍ଜି ବିଚାର୍ କିୟା ଆୱାଦାଙ୍ଗ୍ ହାଃନିତାଙ୍ଗ୍ ଜିତାଆଜି ଜିବୁନ୍‌ ମାନ୍‌ଗାନାନ୍।

ପକ୍ୟାତାକା 11:18

ଯିହୁଦି ଜାତିର୍ ପାର୍ତି କିନାକାର୍ ଇ ୱିଜୁବେଣ୍ ୱେଚାର୍ ହେୱାର୍ ଚିମ୍ରା ଆଜି ମାଚାର୍। ଆରେ ଈଶ୍ୱରତିଙ୍ଗ୍ ଜୟ୍-ଜୟ୍ କିଜି ୱେଚ୍‌ଚାର୍, “ଲାଗିଙ୍ଗ୍ ଈଶ୍ୱର ବିନ୍‌ଜାତିରିଙ୍ଗ୍ ପା ୱିଜ୍‌ୱି ଜିବୁନ୍ ପାୟାଆନି କାଜିଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାଦେଙ୍ଗ୍ ଦାନ୍ କିତାନ୍‌ନା।”

ପକ୍ୟାତାକା 17:30

ଆଗେନି ଇ ଅବୁଜାନି କାମାୟ୍‌ତିଙ୍ଗ୍ ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିଦେଙ୍ଗ୍ ଦିୟାନ୍ କିୱାଦାଙ୍ଗ୍ ମାଚାନ୍। ମାତର୍ ନଙ୍ଗୟ୍ ହେୱାନ୍ ୱିଜୁ ମାନାୟାରିଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାଦେଙ୍ଗ୍ ଆଦେସ୍ ହିତାନ୍‌ନା।

ପକ୍ୟାତାକା 2:38

ପିତର ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ୱିଜାକାଦେର୍ ପାପ୍ କାମାୟ୍ ପିସ୍ତି ମାପୃତାକେ ୱାଡ, ଆରେ ପାପ୍ କେମା ପାୟା ଆଦେଙ୍ଗ୍ ଯୀଶୁ ଖ୍ରୀଷ୍ଟ ତର୍‍ଦାଙ୍ଗ୍ ଡୁବନ୍ ଆଡ, ଲାଗିଙ୍ଗ୍ ଏପେଙ୍ଗ୍ ପବିତ୍ର ଆତ୍ମାନି ଦାନ୍ ପାୟାଆନାଦେର୍।

ପକ୍ୟାତାକା 20:21

ପାପ୍ କାମାୟ୍ ପିସ୍ତି ଈଶ୍ୱରତାକେ ୱାଦେଙ୍ଗ୍ ଆରେ ମା ମାପୃ ଯୀଶୁତାକେ ପାର୍ତିକିନି କାଜିଙ୍ଗ୍, ଯିହୁଦି ଆରେ ବିନ୍‌ଜାତିନି ମାନାୟାରିଙ୍ଗ୍ ଶୁଣାୟ୍ କିତ୍‌ତାଙ୍ଗ୍‌ନା।

ପକ୍ୟାତାକା 26:20

ଲାଗିଙ୍ଗ୍ ପାର୍ତୁମ୍ ଦମେସକ ସହର୍‌ତାକେ, ଆରେ ଯିରୁଶାଲାମ ସହର୍‌ନି ମାନାୟାର୍‌ତାକେ, ପାଚେ ଯିହୁଦା ଜିଲ୍ଲାତାକେ ମାନି ଯିହୁଦିରିଙ୍ଗ୍ ଆରେ ବିନ୍‌ଜାତିନି ମାନାୟାରିଙ୍ଗ୍ ଆନେଙ୍ଗ୍ ଶୁଣାୟ୍ କିତାଙ୍ଗ୍‌ନା। ଇନେସ୍‌କି ହେୱାର୍ ପାପ୍ କାମାୟ୍ ପିସ୍ତି ଈଶ୍ୱରତାକେ ୱାନାର୍ ଆରେ ହାର୍ଦି କାମାୟ୍ କିଜି ଜିନାର୍।

ପକ୍ୟାତାକା 3:19

ଇଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ମି ପାପ୍ କାମାୟ୍ ପିସ୍ତି ମାପୃତାକେ ୱାତିସ୍, ଈଶ୍ୱର ମି ପାପ୍ ୱିଜୁ କେମା କିଦ୍‌ନାନ୍।

୧ କରନ୍ତିୟ 2:6

ଆନେଙ୍ଗ୍ ଏଚେପାଦ୍ନା ଆଦିକ୍ ପାର୍ତିକିନି ଟଣ୍ଡାର୍‌ତାକେ ମାନାଙ୍ଗା, ହେପାଦ୍ନା ଆନେଙ୍ଗ୍ ହେୱାରିଙ୍ଗ୍ ବୁଦିନି କାତା ୱିଜୁ ୱେଚ୍‌ନାଙ୍ଗା। ହେୱାରିଙ୍ଗ୍ ଆନେଙ୍ଗ୍ ଇ ପୁର୍ତିନି ମାନାୟାର୍ ବୁଦିନି କାତାଲେକେ ୱେଚୁଙ୍ଗା, ଆରେ ଇ ପୁର୍ତିନି ସାସନ୍ କିନି ମାନାୟାର୍‌ଲେକେ ହିକ୍ଷା ହିଉଙ୍ଗା, ଇନେସ୍‌କି ହେୱାର୍ ହିକ୍ଷା ଆରେ ବୁଦି ଦିନେକ୍ ବେକାର୍ ଆନାତ୍।

୨ କରନ୍ତିୟ 7:1

ଏ ନା ଲାଡ୍‌ନି ପାର୍ତିକିନି ଟଣ୍ଡାର୍‌କାଦେର୍, ଈଶ୍ୱର ମାଙ୍ଗେଙ୍ଗ୍ ତା ହିମ୍‌ଣାୱାକ୍‌ଡ଼ା ଆଦେଙ୍ଗ୍ ପାର୍ମାଣ୍ କିତ୍‌ତାନ୍‌ନା। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ କରାପ୍ କାମାୟ୍ ୱିଜୁ କିନାକା ବନ୍ଦ୍ କିନି ଦର୍‌କାର୍ ଇମ୍‌ଣାକା ମା ଗାଗାଡ଼୍‌ତିଙ୍ଗ୍ ଆରେ ଆତ୍ମାତିଙ୍ଗ୍ କରାପ୍ କିନାତା। ଆରେ ଆସେଙ୍ଗ୍ ଈଶ୍ୱରତିଙ୍ଗ୍ ସନ୍‌ମାନ୍ କିଜି ମାନି କାଜିଙ୍ଗ୍ ଆସେଙ୍ଗ୍ ଈଶ୍ୱର ଇଚା କିନିଲେକେ କାମାୟ୍ କିନି ଦର୍‌କାର୍।

୨ କରନ୍ତିୟ 7:10

ଇନେସ୍‌କି ଈଶ୍ୱର ଇଚା ଅନୁସାରେ ଯଦି ଆସେଙ୍ଗ୍ ଇ ଦୁଃକ୍ ପାୟାଆନାସ୍, ଲାଗିଙ୍ଗ୍ ଆସେଙ୍ଗ୍ ପାପ୍ କାମାୟ୍ ପିସ୍ତି ମାନ୍‌ବାଦ୍‌ଲାୟ୍ କିଜି ଉଦାର୍ ପାୟାଆନି କାଜିଙ୍ଗ୍ ଉପାୟ୍ କିନାସ୍। ଆରେ ଇଲେକେ ଦୁଃକ୍ କାଜିଙ୍ଗ୍ ଆସେଙ୍ଗ୍ ମାନ୍ ଦୁଃକ୍ ଆଉସ୍। ମାତର୍ ଇ ପୁର୍ତିନି ମାନାୟାର୍ ପାପ୍ କାମାୟ୍ ପିହ୍‌ୱାଦାଙ୍ଗ୍‌ ମାନ୍‌ବାଦ୍‌ଲାୟ୍ କିୱିତିସ୍, ହେୱାର୍ ପାୟାଆନି ଦୁଃକ୍ କଷ୍ଟ ୱିଜୁଦିନ୍ ଦଣ୍ଡ୍ ହିନାତ୍।

ଏପିସିୟ 2:1

ଏପେଙ୍ଗ୍ ଖ୍ରୀଷ୍ଟତାକେ ପାର୍ତିକିୱି ଆଗେ, ଏପେଙ୍ଗ୍ ଈଶ୍ୱର ଆଦେସ୍‌ତିଙ୍ଗ୍ ମାନିକିୱାଦାଙ୍ଗ୍ ଆରେ ପାପ୍ କାମାୟ୍ କିଜି ହାଃତି ମାନାୟ୍ ଲେକେ ଆଜି ମାଚାଦେର୍।

ଏପିସିୟ 2:5

ଆସେଙ୍ଗ୍ ପାପ୍ କାମାୟ୍ କିଜି ହାଃତି ମାନାୟ୍ ଲେକେ ଆତିସ୍‌ପା। ଈଶ୍ୱର ଖ୍ରୀଷ୍ଟତିଙ୍ଗ୍ ହାଃତିତାଙ୍ଗ୍ ଜିବୁନ୍ କିଜି ନିକ୍‌ତି କାଜିଙ୍ଗ୍ ମାଙ୍ଗେଙ୍ଗ୍ ହେୱାନ୍ ଜିବୁନ୍ ହିତ୍‌ତାନ୍‌ନା। ଲାଗିଙ୍ଗ୍ ଈଶ୍ୱର ଦୟାତାଙ୍ଗ୍ ଏପେଙ୍ଗ୍ ରକ୍ଷା ପାୟା ଆତାଦେର୍‌ନା।

ଏପିସିୟ 4:12

ହେୱାର୍ ଇନେସ୍ ଈଶ୍ୱର ମାନାୟାରିଙ୍ଗ୍ ତା ହେବା କିଦେଙ୍ଗ୍ ରେଡି କିନାର୍ ଆରେ ଖ୍ରୀଷ୍ଟନି ଗାଗାଡ଼୍ ଲେକେ ମଣ୍ଡ୍‌ଲିତିଙ୍ଗ୍ ଆତ୍ମିକ୍ ଜିବୁନ୍‌ତାକେ ବାଡା ଆଦେଙ୍ଗ୍ ସାଇଜ କିନାର୍।

କଲସିୟ 1:28

ଲାଗିଙ୍ଗ୍ ଆପେଙ୍ଗ୍ ଖ୍ରୀଷ୍ଟ ବିଷୟରେ ୱିଜାକାରିଙ୍ଗ୍ ୱେଚ୍‌ନାପା, ଆରେ ଈଶ୍ୱର ହିଜି ମାନ୍‌ଞ୍ଚି ଜ୍ଞାନ୍‌ତାଙ୍ଗ୍ ୱିଜାକାରିଙ୍ଗ୍ ଜାଗ୍ରତ୍ କିଜି ହିକ୍ଷା ହିନାପା। ଇନେସ୍‌କି ଆପେଙ୍ଗ୍ ହେୱାରିଙ୍ଗ୍ ଖ୍ରୀଷ୍ଟତାକେ ଟିକ୍ ବାବ୍‌ରେ ମାହାଆଜି ମାନାର୍ ଇଞ୍ଜି ଈଶ୍ୱର ମୁମ୍‌ଦ ନିଲି କିଦେଙ୍ଗ୍ ଆପେଙ୍ଗ୍ ଇ ଲେକେ କିନାପା।

କଲସିୟ 3:14

ଆରେ ଇ ୱିଜୁତାଙ୍ଗ୍ ଜାର୍-ଜାର୍‌ବିତ୍ରେ ଲାଡ୍ କିନାକା ନେ ମୁକ୍ୟ। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଟିକ୍ ବାବ୍‌ରେ ଏକ୍ ଆଜି ମାନାଦେର୍।

କଲସିୟ 4:12

ଏପାଫ୍ରା ମିଙ୍ଗେଙ୍ଗ୍ ଜୱାର୍ କିଦ୍‌ନାନା, ହେୱାନ୍ ମି ସହର୍‌ନି ମାନାୟ୍। ହେୱାନ୍ ରକାନ୍ ଯୀଶୁ ଖ୍ରୀଷ୍ଟଙ୍ଗ୍ ହେବା କିନାକାନ୍। ଏପେଙ୍ଗ୍ ଇନେସ୍ ଈଶ୍ୱରତାକେ ଟିକ୍‌ଆଜି ମାଞ୍ଜେଙ୍ଗ୍ ଆଡ୍‌ନାଦେର୍, ଆରେ ଈଶ୍ୱର ଇଚା ଏପେଙ୍ଗ୍ ପୁରାପୁରି ପୁଞ୍ଜେଙ୍ଗ୍ ଆଡ୍‌ନାର୍, ହେଦାଙ୍ଗ୍ କାଜିଙ୍ଗ୍ ହେୱାନ୍ ମି କାଜିଙ୍ଗ୍ ୱିଜୁଦିନ୍ ମାନ୍‌ଦିୟାନ୍ କିଜି ପାର୍ତାନା କିନାନା।

୧ ତିମତି 3:16

ଈଶ୍ୱର ମାଙ୍ଗେଙ୍ଗ୍ ଇନାକା ୱେଚ୍‌ଚାତାନ୍‌ନା ହେଦାଙ୍ଗ୍ ପୁରାପୁରି ସତ୍, ଇଦାଙ୍ଗ୍ ଇନେର୍ ପା ବୁଲ୍ ଇଞ୍ଜି ୱେଚ୍‌ଚେଙ୍ଗ୍ ଆଡୁର୍। ଖ୍ରୀଷ୍ଟ ମାନାୟ୍ ରୁପ୍ ଆଜି ୱାତାନ୍, ହେୱାନ୍ ଈଶ୍ୱର ମେହି ଇଞ୍ଜି ଈଶ୍ୱର ଆତ୍ମା ପୁନି କିତାତ୍। ଦୁତ୍‌କୁ ହେୱାନିଙ୍ଗ୍ ହୁଡ଼୍‌ତିକ୍, ଈଶ୍ୱର ହେୱାନିଙ୍ଗ୍ ସରଗ୍‌ଜପି ଅତାନ୍, ଚେଲାହିର୍ ତା ବିଷୟରେ ୱିଜୁଜାତି ନିପଣ୍ ଶୁଣାୟ୍ କିତାର୍। ଆରେ ପୁର୍ତିନି ମାନାୟାର୍ ପାର୍ତି କିତାର୍।

୧ ତିମତି 6:19

ଇଲେକେ କିତିସ୍ ହେୱାର୍ ବାକି ଜିବୁନ୍ କାଜିଙ୍ଗ୍ ହାତ୍‌ପା ମୁଡ଼୍‌ଦନ୍ ଜାର୍-ଜାର୍ କାଜିଙ୍ଗ୍ ରୁଣ୍ଡାଇ କିନାର୍, ହେଲେକେ ସତ୍ ଜିବୁନ୍ ପାୟାଆନାର୍‌।

୨ ତିମଥି 2:19

ପାଉଣ୍ଡେସେନ୍ ଇନେସ୍ ପୁରା ଆଟ୍‌ୱା ଆଜି ମାନ୍‌ଗାନାତ୍ ହେଲେକେ ଈଶ୍ୱର ମାନାୟାର୍ ମାନ୍‌ଗାନାର୍। ଇ ପାଉଣ୍ଡେସେନ୍ ଜପି ଇଦାଙ୍ଗ୍ ଲେକାଆତାତ୍‌ନା, “ମାପୃ ତା ଜାର୍ ମାନାୟାରିଙ୍ଗ୍ ପୁଚାନ୍‌ନା।” ଆରେ, “ଇନେର୍ ମାପୃ ତର୍‍ଦାଙ୍ଗ୍ ହେବା କିନାନ୍, ହେୱାନ୍ କରାପ୍ କାମାୟ୍ କିନାକା ପିହେନ୍।”

ଏବ୍ରି 11:6

ଲାଗିଙ୍ଗ୍ ଈଶ୍ୱରତାକେ ପାର୍ତି କିତିସ୍ ନେ, ଆସେଙ୍ଗ୍ ଈଶ୍ୱରତିଙ୍ଗ୍ ୱାରି କିଦେଙ୍ଗ୍ ଆଡ୍‌ନାସ୍। ଇନେସ୍‌କି ଇମ୍‌ଣାକାର୍ ତା ଲାଗାୟ୍ ୱାଦେଙ୍ଗ୍ ଇଚା କିନାର୍, ହେୱାର୍ ଈଶ୍ୱର ମାନାର୍ ଆରେ ହେୱାରିଙ୍ଗ୍ ହାର୍ଦି ମାନ୍‌ତାଙ୍ଗ୍ ଦାହ୍‌ନି ମାନାୟ୍‌ତିଙ୍ଗ୍ ହେୱାନ୍ ପୁରଷ୍କାର୍ ହିନାନ୍ ଇଞ୍ଜି ପାର୍ତିକିନି ଦର୍‌କାର୍।

ଏବ୍ରି 12:13

ମି କାଲ୍‌ପାନା କାଜିଙ୍ଗ୍ ସିଦା ହାଜି ରହାଟ୍। ଲାଗିଙ୍ଗ୍ ମି ପାଚେ ୱାନି ଦୁର୍‌ବଲ୍ ଆରେ ଚଟା ମାନାୟାର୍ ଅଡ଼୍‌ଜା ଆଜି ଗୁରୁର୍, ମାତର୍ ହେୱାର୍ ଷ୍ଟ୍ରଙ୍ଗ୍ ଆନାର୍।

ଏବ୍ରି 7:11

ଲେବି ଗଷ୍ଟିନି ହାରଣ ଲାତ୍ରାତାକେ ଇମ୍‌ଣାକାର୍ ପୁଜାରି ଆଜି ମାଚାର୍, ହେୱାର୍ ତାରେନ୍ ମାନାୟାର୍ ମୋଶା ଲେକିକିତି ନିୟମ୍ ସାସ୍ତର୍ ପାୟାଆଜି ମାଚାର୍। ହେୱାର୍ ତାରେନ୍ ପୁରାପୁରି ଟିକ୍ ଆଦେଙ୍ଗ୍ ଆଡ୍‌ୱାତାର୍। ହେଦାଙ୍ଗ୍ କାଜିଙ୍ଗ୍ ହାରଣ ପୁଜାରିର୍ ଲେକେ ଆରେ ପୁଜାରିର୍ ଦର୍‌କାର୍ ହିଲାତାତ୍, ମାତର୍ ମଲ୍‌କିଷେଦକ ଲେକେ ରକାନ୍ ପୁଜାରିଙ୍ଗ୍ ଦର୍‌କାର୍ ମାଚାତ୍।

ଏବ୍ରି 9:14

ମାତର୍ ଏପେଙ୍ଗ୍ ଇଦାଙ୍ଗ୍ ବାବି କିୟାଟ୍ ଯେ ହାଃନି ହାଜ୍‌ଦିଙ୍ଗ୍ ଅଦ୍‌ନି କାମାୟ୍‌ତାଙ୍ଗ୍ ଖ୍ରୀଷ୍ଟ ନେତେର୍ ଆଦିକ୍ କିଜି ମା ଗରବ୍‌ତିଙ୍ଗ୍ ଶୁଚି କିଦ୍‌ନାତ୍, ଆରେ ଆସେଙ୍ଗ୍ ଜିବୁନ୍ ମାନି ଈଶ୍ୱରତିଙ୍ଗ୍ ହେବା କିଦେଙ୍ଗ୍ ଆଡ୍‌ନାସ୍। ଇନେସ୍‌କି ୱିଜ୍‌ୱି ଆତ୍ମାନି ଶାକ୍ତିତାଙ୍ଗ୍, ମା ପାପ୍ କାଜିଙ୍ଗ୍ ଖ୍ରୀଷ୍ଟ ତା ଜାର୍ ଜିବୁନ୍‌ତିଙ୍ଗ୍ ଈଶ୍ୱର ଲାଗାୟ୍ ର ପୁରାପୁରି ଟିକ୍ ବଲିପୁଜା କିତାନ୍‌ନା।

ଜାକ୍‌ବ 1:4

ଏପେଙ୍ଗ୍ ଦୁକ୍‌କଷ୍ଟ ପାୟାଆତିହିଙ୍ଗ୍ ପା ଈଶ୍ୱରତାକେ ପାର୍ତି କିଜି ମାନାଟ୍। ଲାଗିଙ୍ଗ୍ ଈଶ୍ୱର ଇଚାକିନି ହାର୍ଦି ଗୁଣ୍ ପାୟାଆଜି ଟିକ୍‌ଟାକ୍ ଆଜି ମାନାଦେର୍, ଆରେ ରଞ୍ଜାଙ୍ଗ୍ ପା ହାର୍ଦି ବିଷୟତାଙ୍ଗ୍ ଉଣା ଆଉଦେର୍।

୧ ପିତର 1:21

ଖ୍ରୀଷ୍ଟ ମିଙ୍ଗେଙ୍ଗ୍ ଇନାକା କିତି କାଜିଙ୍ଗ୍ ଏପେଙ୍ଗ୍ ନଙ୍ଗୟ୍ ଈଶ୍ୱରତିଙ୍ଗ୍ ପାର୍ତିକିନାରା, ଆରେ ଈଶ୍ୱର ଖ୍ରୀଷ୍ଟଙ୍ଗ୍ ହାଃତିତାଙ୍ଗ୍ ଆରେରଗ ନିକ୍‌ତି କାଜିଙ୍ଗ୍ ଆପେଙ୍ଗ୍ ତାଙ୍ଗେଙ୍ଗ୍ ପାର୍ତି ଆରେ ଆହା କିଜି ତାଙ୍ଗେଙ୍ଗ୍ ଗୌରବ କିନାପା।

୧ ପିତର 5:10

ଈଶ୍ୱର ମାଙ୍ଗେଙ୍ଗ୍ ଦୟା କିତ୍‌ତି କାଜିଙ୍ଗ୍ ହେୱାନ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ତା ୱିଜୁଦିନ୍ ମାନି ଗୌରବ ମାଙ୍ଗେଙ୍ଗ୍ ହିଦ୍‌ନି କାଜିଙ୍ଗ୍ ବାଚି କିତ୍‌ତାନ୍‌ନା। ଏପେଙ୍ଗ୍ ଅଲପ୍‌ଦିନ୍ ଦୁଃକ୍ କଷ୍ଟ ପାୟାଆତି ପାଚେ ହେୱାନ୍ ମିଙ୍ଗେଙ୍ଗ୍ ଆଦିକ୍ ପାର୍ତି କିଦେଙ୍ଗ୍ ଶାକ୍ତି ହିଦ୍‌ନାନ୍, ଆରେ ହେୱାନ୍ ମିଙ୍ଗେଙ୍ଗ୍ ପୁନି ମାନାୟ୍ କିଦ୍‌ନାନ୍। ଆରେ ହେୱାନ୍ ମି ପାର୍ତିତିଙ୍ଗ୍ ର ଷ୍ଟ୍ରଙ୍ଗ୍ ପାଉଣ୍ଡେସେନ୍‌ଲେକେ କିଦ୍‌ନାନ୍।

୧ ଯୋହନ 4:12

ଈଶ୍ୱରତିଙ୍ଗ୍ ଇନାୱେଡ଼ାଙ୍ଗ୍ ପା ଇନେର୍ ହୁଡ଼୍‌ୱାତାର୍‌ନା। ମାତର୍ ଯଦି ଆସେଙ୍ଗ୍ ଜାର୍-ଜାର୍‌ବିତ୍ରେ ଲାଡ୍ କିନାସ୍, ଲାଗିଙ୍ଗ୍ ଈଶ୍ୱର ମା ଲାହାଙ୍ଗ୍ ମାନାନ୍, ଆରେ ତା ଲାଡ୍ ମା ବିତ୍ରେ ପୁରା ଆତାତ୍‌ନା।