ଏବ୍ରି 3:7 - New Testament in Pengo Parja Language

⁷ ଲାଗିଙ୍ଗ୍ ପବିତ୍ର ଆତ୍ମା ସାସ୍ତର୍‌ତାକେ ଇଲେକେ ୱେଚ୍‌ନାତା, “ଯଦି ନେଞ୍ଜେଙ୍ଗ୍ ଏପେଙ୍ଗ୍ ଈଶ୍ୱର ବେଣ୍ ୱେନାଦେର୍,

ସତ୍‌ ବଚନ୍‌ ପୁନି ନିୟମ୍‌

⁷ ଲାଗିଂ ପୁଇପୁୟା ଜିବୁନ୍‌ ଇନେସ୍‌ ଇନାନ୍‌, ନେଞ୍ଜେଙ୍ଗ୍‌ “ଜଦି ଏପେଙ୍ଗ୍‌ ଇସ୍ୱର୍‌ତି କାତା ୱେନାଦେର୍,”

ଏବ୍ରି 3:7 Iomraidhean Croise

ମାତିଉ 17:5

ଯୀଶୁ ଇବେଣ୍ ୱେଚୁ-ୱେଚୁ, ଅଲପ୍ ବାଦାଡ଼୍ ୱାଜି ହେୱାରିଙ୍ଗ୍ ଡାବାଇ କିତାତ୍, ଆରେ ହେ ବାଦାଡ଼୍‌ତାଙ୍ଗ୍ ଈଶ୍ୱର ବେଣ୍‌କିତାନ୍, “ଏ ନା ଲାଡ୍ ମାଜି। ଇୱାନ୍‌ତାକେ ଆନେଙ୍ଗ୍ ବେସି ୱାରି, ଇୱାନ୍ ବେଣ୍‌ତିଙ୍ଗ୍ ମାନ୍‌ଦିୟାନ୍ କିଜି ୱେନାଟ୍!”

ମାତିଉ 22:43

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଲାଗିଙ୍ଗ୍ ଦାଉଦ ରାଜା ଇନେସ୍‌କିଜି ପବିତ୍ର ଆତ୍ମା କାଜିଙ୍ଗ୍ ତାଙ୍ଗେଙ୍ଗ୍ ମାପୃ ଇନାନ୍?

ମାର୍କ 12:36

ଦାଉଦ ପା ଏଚେପାଦ୍ନା ପବିତ୍ର ଆତ୍ମାତାଙ୍ଗ୍ ୱେଚ୍‌ଚାନ୍, ‘ଈଶ୍ୱର ନା ମାପୃତିଙ୍ଗ୍ ୱେଚ୍‌ଚାନ୍, ନା ଲାଗାୟ୍ ଆଦିକାର୍‌ତାଙ୍ଗ୍ ଆରେ ସନ୍‌ମାନ୍‌ତାଙ୍ଗ୍ ତିନାବାଗାୟ୍ କୁଚା ଇଞ୍ଜି, ହେପାଦ୍ନା ପାତେକ୍ ମି ୱିଜୁ ଶାତ୍ରୁରିଙ୍ଗ୍ ମି କାଲ୍‌କୁ ତାରେନ୍ ଇଟ୍‌ନାନ୍।’

ଜହନ୍‌ 10:16

ନା ଜେକନି ମେଣ୍ଢାଙ୍ଗ୍ ପା ମାନିକ୍, ହେୱେକ୍ ଇ ମାନ୍ଦାତାକେ ହିଲୁକ୍। ମାତର୍ ଆନେଙ୍ଗ୍ ହେୱେକିୟାଙ୍ଗ୍ ପା ତାନାଙ୍ଗ୍। ହେୱେକ୍ ନା ବେଣ୍ ୱେନିକ୍, ଆରେ ୱିଜୁଦିନ୍‌ତିଙ୍ଗ୍ ର ମାନ୍ଦାଆଜି ମାନ୍‌ଗିନିକ୍, ଆରେ ହେ ମାନ୍ଦାତିଙ୍ଗ୍ ଆନେଙ୍ଗ୍ ରକାଙ୍ଗ୍ ଗଡ଼ିୟା ଆନାଙ୍ଗ୍।

ଜହନ୍‌ 10:27

ନା ମେଣ୍ଢାଙ୍ଗ୍ ନା ବେଣ୍ ୱେନିକ୍। ଆନେଙ୍ଗ୍ ହେୱେକିୟାକାଙ୍ଗ୍ ପୁନାଙ୍ଗ୍ ଆରେ ହେୱେକ୍ ନା ପାଚେ ୱାନିକ୍।

ଜହନ୍‌ 10:3

ଦୁୱେର୍ ଜାଗୁୱାଡ଼ି ମେଣ୍ଢାଗଡ଼ିଆ କାଜିଙ୍ଗ୍ ଦୁୱେର୍ ଜେସି ହିନାନ୍। ମେଣ୍ଢାଙ୍ଗ୍ ଗଡ଼ିୟା କାତା ୱେନିକ୍। ଗଡ଼ିୟା ତା ମେଣ୍ଢାକାଙ୍ଗ୍ ତର୍‌ ଆସ୍ତି କୁକ୍‌ନାନ୍ ଆରେ ବାର୍ତ ହାରାଇ କିନାନ୍।

ଜହନ୍‌ 5:25

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ର ସମୟ୍ ୱାନାତା ହାଃତାକାର୍ ମାନାୟ୍ ଈଶ୍ୱର ମେହି ବେଣ୍ ୱେନାର୍। ଆରେ ମେହି ବେଣ୍ ୱେନ୍‌ଞ୍ଜି ଆସ୍ତାକାର୍ ୱିଜ୍‌ୱି ଜିବୁନ୍ ପାୟାଆନାର୍‌। ନଙ୍ଗୟ୍ ହେ ସମୟ୍ ପା ଏକାତାତ୍‌ନା।

ପକ୍ୟାତାକା 1:16

“ଟଣ୍ଡାର୍‌କାଦେର୍, ଇମ୍‌ଣି ଯିହୁଦା ଯୀଶୁଙ୍ଗ୍ ମାନାୟାର୍ କେଇଦ ଆହିକିଦେଙ୍ଗ୍ ସାଇଜ କିଜି ମାଚାନ୍, ତା ବିଷୟରେ ପବିତ୍ର ଆତ୍ମା ଦାଉଦ ରାଜାତାଙ୍ଗ୍ ୱେଚ୍‌ଚି ମାଚାନ୍। ହେ ଯିହୁଦା ବିଷୟରେ ଦରମ୍ ସାସ୍ତର୍‌ତାକେ ଲେକାଆତି ବିଷୟ ପୁରା ଆନି ଦର୍‌କାର୍ ମାଚାତ୍।

ପକ୍ୟାତାକା 28:25

ହେଦାଙ୍ଗ୍ କାଜିଙ୍ଗ୍ ହେୱାର୍ ବିତ୍ରେ ରାଜି ଆୱିତିଲେ ହେବେତାଙ୍ଗ୍ ହାଚାର୍। ହେୱାର୍ ହେବେତାଙ୍ଗ୍ ହାନି ଆଗେ ପାଉଲ ଇ କାତା ୱେଚ୍‌ଚାନ୍, “ଯିଶାୟ ଭବିଷ୍ଯତବକ୍ତାତାଙ୍ଗ୍ ପବିତ୍ର ଆତ୍ମା ମି ଆକଦାଦିରିଙ୍ଗ୍ ସତ୍ କାତା ୱେଚ୍‌ଚାନ୍‌ନା,

ପକ୍ୟାତାକା 8:29

ହେପାଦ୍ନା ପବିତ୍ର ଆତ୍ମା ପିଲିପତିଙ୍ଗ୍ ୱେଚ୍‌ଚାତ୍, “ଏନେଙ୍ଗ୍ ରତ ଲାଗାୟ୍ ହାଲା।”

ଏବ୍ରି 10:15

ଆରେ ପବିତ୍ର ଆତ୍ମା ପା ମାଙ୍ଗେଙ୍ଗ୍ ହେ ବିଷୟରେ ସାକି ହିଦ୍‌ନାତ୍। ଇନେସ୍‌କି ମାପୃ ଇ କାତା ୱେଚ୍‌ଚାନାନ୍,

ଏବ୍ରି 3:13

ଲାଗିଙ୍ଗ୍ ନେଞ୍ଜେଙ୍ଗ୍ ସୁଯଗ୍ ମାନୁ-ମାନୁ ୱିଜୁଦିନ୍ ଜାର୍-ଜାର୍‌ତିଙ୍ଗ୍ ସାହାସ୍ ହିୟାଟ୍। ଲାଗିଙ୍ଗ୍ ପାପ୍ ମିଙ୍ଗେଙ୍ଗ୍ ଟକାୟ୍ କିଦ୍‌ଦେଙ୍ଗ୍ ଆଡ଼୍‌ଦୁତ୍ ଆରେ ଏପେଙ୍ଗ୍ ଈଶ୍ୱର ବିରଦ୍‌ତାକେ ମାନ୍‌ତିଙ୍ଗ୍ ଆଟ୍‌ୱା କିଉଦେର୍।

ଏବ୍ରି 3:15

ଲାଗିଙ୍ଗ୍ ସାସ୍ତର୍‌ତାକେ ଇଲେକେ ଲେକାଆତାତ୍‌ନା, “ନେଞ୍ଜେଙ୍ଗ୍ ଯଦି ଏପେଙ୍ଗ୍ ଈଶ୍ୱର ବେଣ୍ ୱେନାଦେର୍। ଲାଗିଙ୍ଗ୍ ଟାଙ୍ଗ୍ରାବାହାତାକେ ପରିକ୍ଷା ଦିନ୍‌ତ ଇନେସ୍ ମି ଆକଦାଦିର୍ ଈଶ୍ୱରତିଙ୍ଗ୍ ବିରଦ୍ କିଜି ମାନିକିୱାଦାଙ୍ଗ୍ ମାଚାର୍, ହେଲେକେ ଏପେଙ୍ଗ୍ ହେୱାନ୍ କାତା ମାନି କିଦେଙ୍ଗ୍ ମୁନା କିମାଟ୍।”

ଏବ୍ରି 4:7

ଲାଗିଙ୍ଗ୍ ଈଶ୍ୱର ତା ଜମ୍‌ନିଦିନ୍‌ତ ହାଞ୍ଜେଙ୍ଗ୍ ଆରେ ର ସମୟ୍ ବାଚିକିତାନ୍, ଆରେ ହେ ସମୟ୍ ଆନାତା ନେଞ୍ଜେଙ୍ଗ୍‌ନି ଦିନ୍। ବେସି ବାର୍ହୁ ପାଚେ, ଦାଉଦ ରାଜା ବହିତାକେ ଈଶ୍ୱର ୱେଚ୍‌ଚାନ୍, “ନେଞ୍ଜେଙ୍ଗ୍ ଯଦି ଏପେଙ୍ଗ୍ ଈଶ୍ୱର ବେଣ୍ ୱେନାଦେର୍, ଏପେଙ୍ଗ୍ ତା କାତାତିଙ୍ଗ୍ ମାନି କିଦେଙ୍ଗ୍ ମୁନା କିମାଟ୍।”

ଏବ୍ରି 9:8

ଇ ରିତିନିତି ମାନିକିନି କାଜିଙ୍ଗ୍ ପବିତ୍ର ଆତ୍ମା ମାଙ୍ଗେଙ୍ଗ୍ ବୁଜାଇ କିଦ୍‌ନାତା ଯେ, ଇ ପୁର୍ତିତାକେ ଏଚେପାଦ୍ନା ପାତେକ୍ ପୁଟ୍ କୁଡ଼ିଆ ଆରେ ହେବେନି ରିତିନିତି ମାନିକିନି। ଲାଗିଙ୍ଗ୍ ଈଶ୍ୱରତି ସରଗ୍‌ନି ବେସି ପବିତ୍ର ମନ୍ଦିର୍‌ତାକେ ହାନି କାଜିଙ୍ଗ୍ ନଙ୍ଗୟ୍ ପାତେକ୍ ହାଜି ଜେୟା ଆୱାତାତ୍‌ନା।

୨ ପିତର 1:21

ଇନେସ୍‌କି ଭବିଷ୍ଯତବକ୍ତାର୍ ଇମ୍‌ଣି କାତା ୱେଚ୍‌ଚାର୍ ହେଦାଙ୍ଗ୍ ତା ଜାର୍ ଇଚାତାଙ୍ଗ୍ ୱେଚ୍‌ୱାତାର୍‌ନା, ମାତର୍ ପବିତ୍ର ଆତ୍ମା ସାଇଜତାଙ୍ଗ୍ ଈଶ୍ୱର ଇଚାକିତି କାତାତିଙ୍ଗ୍ ହେୱାର୍ ୱେଚ୍‌ଚାର୍।

ହତ୍‌ତି 3:20

ହୁଡ଼ାଟ୍, ମି ଗରବ୍‌ତାକେ ୱାନି କାଜିଙ୍ଗ୍ ଆନେଙ୍ଗ୍ ର ମାନାୟ୍ ଲେକେ ଇଲ୍ ଦୁୱେର୍‌ତ ନିଲ୍‌ଚି ଜେତେଙ୍ଗ୍ କାପାଟ୍‌ତ ଇଡ଼୍‌ନାଙ୍ଗା। ଯଦି ଏପେଙ୍ଗ୍ ନା କାତାତିଙ୍ଗ୍ ୱେନାଦେର୍ ଆରେ ମି ଗରବ୍‌ତିଙ୍ଗ୍ ଜେନାଦେର୍, ଲାଗିଙ୍ଗ୍ ଆନେଙ୍ଗ୍ ମି ବିତ୍ରେ ୱାନାଙ୍ଗ୍ ଆରେ ଆସେଙ୍ଗ୍ ମାହା ବିଡ଼ା ଆଜି ମାନାସ୍।