ଏବ୍ରି 2:9 - New Testament in Pengo Parja Language

⁹ ମାତର୍ ଆସେଙ୍ଗ୍ ଯୀଶୁଙ୍ଗ୍ ହୁଡ଼୍‌ନାସା! ଈଶ୍ୱର ଦୟାତାଙ୍ଗ୍ ଯୀଶୁ ଇନେସ୍ ୱିଜୁ ମାନାୟାର୍ କାଜିଙ୍ଗ୍ ହାଃନାନ୍, ଇଦାଙ୍ଗ୍ କାଜିଙ୍ଗ୍ ହେୱାନ୍ ଅଲପ୍ ସମୟ୍ କାଜିଙ୍ଗ୍ ଦୁତ୍‌କୁତାଙ୍ଗ୍ ହିରୁ ଆଜି ମାଚାନ୍। ହେୱାନ୍ ଦୁକ୍‌କଷ୍ଟ ଆରେ ହାଃତି କାଜିଙ୍ଗ୍, ଈଶ୍ୱର ହେୱାନିଙ୍ଗ୍ ଗୌରବ ଆରେ ସନ୍‌ମାନ୍‌ନି ମୁକୁଟ୍ ହିତାନ୍‌ନା।

ସତ୍‌ ବଚନ୍‌ ପୁନି ନିୟମ୍‌

⁹ ଆପେଂ ହୁଡ଼୍‌ନାପା ଇନେସ୍‌ ଜିସୁ ଦୁତ୍‌କୁତାଂ ଅଲପ୍‍ ତଲ୍ୟା ଆଜ଼ି ମାଚାର୍, ହେୱାନିଂ ଇଚିସ୍‌ ଜିସୁ ହାକିନି ଦୁକ୍‌ବଗ୍‌ କାଜିଂ ଜାଜ୍‌ମାଲ୍‌ ଆରି ମାନିନି ଲାକେ ମୁକୁଟ୍ ଉସ୍‌ପିସ୍ ମାନାକା ହୁଡ଼୍‌ନାପା, ଇନେସ୍‌ ଇସ୍ୱର୍‌ତି ଦୟାତ ଜାଣ୍‌କେ ମାନାୟ୍‌ କାଜିଂ ହେୱାନ୍‌ ହାକିତିଂ ହୁଡ଼୍‌ତାନ୍ନା ।

ଏବ୍ରି 2:9 Iomraidhean Croise

ମାତିଉ 16:28

ଯୀଶୁ ତା ଚେଲାରିଙ୍ଗ୍ ଆରେ ହେବେ ମାଚି ମାନାୟାରିଙ୍ଗ୍ ୱେଚ୍‌ଚାନ୍, ‘ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ତା ସାସନ୍ କିନି ରାଜି ୱାୱି ପାତେକ୍ ଇବେ ମାନି କେତେକ୍ ମାନାୟ୍ ହାଃଉର୍।’ ”

ମାତିଉ 6:28

ଆରେ ମି ହେନ୍ଦ୍ରା କାଜିଙ୍ଗ୍ ଇନା ଚିନ୍ତା କିନାଦେରା? ବାଡ଼୍‍ଦି ପୁଇକୁକାଙ୍ଗ୍ ହୁଡ଼୍‌ଜି ହିକାଆଡୁ, ହେ ୱିଜୁ ଇନେସ୍ କିଜି ଡିନିକ୍, ହେ ୱିଜୁ କଷ୍ଟ କିଉକ୍, କି ନୁଲ୍ ଡ଼ଚୁକ୍।

ମାର୍କ 9:1

ଯୀଶୁ ତା ଚେଲାରିଙ୍ଗ୍ ଆରେ ହେବେ ମାଚି ମାନାୟାରିଙ୍ଗ୍ ଇଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଈଶ୍ୱର ସାସନ୍ କିନି ରାଜି ଶାକ୍ତିତାଙ୍ଗ୍ ୱାୱି ପାତେକ୍ ଇବେ ମାନି କେତେକ୍ ମାନାୟ୍ ହାଃଉର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:27

ଯୀଶୁ ତା ଚେଲାରିଙ୍ଗ୍ ଆରେ ହେବେ ମାଚି ମାନାୟାରିଙ୍ଗ୍ ଇଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଈଶ୍ୱର ସାସନ୍ କିନି ରାଜି ଶାକ୍ତିତାଙ୍ଗ୍ ୱାୱି ପାତେକ୍ ଇବେ ମାନି କେତେକ୍ ମାନାୟ୍ ହାଃଉର୍।”

ଜହନ୍‌ 1:29

ତା ଆର୍‌କାତ୍ ନାଞ୍ଜିଙ୍ଗ୍ ଡୁବନ୍‌ହିନି ଯୋହନ ଯୀଶୁଙ୍ଗ୍ ତା ଲାଗାୟ୍ ୱାନାକା ହୁଡ଼୍‌ତାନ୍। ଆରେ ୱେଚ୍‌ଚାନ୍, “ଏହେଁ ହୁଡ଼ାଟ୍ ଈଶ୍ୱରତି ମେଣ୍ଢାହିମ୍‌ଣା। ହେୱାନ୍ ପୁର୍ତିନି ପାପ୍ ୱିଜୁ ପିଣ୍‌ଜି ଅନାନ୍।

ଜହନ୍‌ 10:17

ଲାଗିଙ୍ଗ୍ ନା ଆବା ଈଶ୍ୱର ନାଙ୍ଗେଙ୍ଗ୍ ଲାଡ୍ କିଦ୍‌ନାନା, ଆନେଙ୍ଗ୍ ମେଣ୍ଢାଙ୍ଗ୍ କାଜିଙ୍ଗ୍ ନା ଜିବୁନ୍ ହିନାଙ୍ଗା, ଇନେସ୍‌କି ନା ଜିବୁନ୍ ଆରେରଗ ପାୟାଆନାଙ୍ଗ୍।

ଜହନ୍‌ 12:32

ନାଙ୍ଗେଙ୍ଗ୍ ଏଚେପାଦ୍ନା କୃଶକାଟ୍‌ତାକେ ଦୁପ୍‌ନାର୍‌, ହେପାଦ୍ନା ଆନେଙ୍ଗ୍ ୱିଜାକାରିଙ୍ଗ୍ ନା ଲାଗାୟ୍ ଅସାହାନାଙ୍ଗ୍।”

ଜହନ୍‌ 3:16

ଇନେସ୍‌କି ଈଶ୍ୱର ପୁର୍ତିତିଙ୍ଗ୍ ଏଚେକ୍ ଲାଡ୍ କିତାନ୍ ଯେ, ହେୱାନ୍ ତା ରକାନ୍ ଇଞ୍ଜି ମେହିଙ୍ଗ୍ ହିତ୍‌ତାନ୍। ଇନେସ୍ ଲେକେ ତା ମାଜିଙ୍ଗ୍ ପାର୍ତିକିନାର୍ ହେ ମାନାୟାର୍, ନଷ୍ଟ ଆୱାଦାଙ୍ଗ୍ ୱିଜ୍‌ୱି ଜିବୁନ୍ ପାୟାଆନାର୍‌।

ଜହନ୍‌ 8:51

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, “ଇନେର୍ ଯଦି ନା ହିକ୍ଷାତିଙ୍ଗ୍ ମାନିକିନାର୍, ଲାଗିଙ୍ଗ୍ ହେୱାନ୍ ଇନାୱେଡ଼ାଙ୍ଗ୍ ପା ହାଃଉନ୍।”

ଜହନ୍‌ 8:52

ଯିହୁଦି ନେତାର୍ ଯୀଶୁଙ୍ଗ୍ ୱେଚ୍‌ଚାର୍, “ନଙ୍ଗୟ୍ ଆପେଙ୍ଗ୍ ପୁଚାପ୍ ଯେ, ନି ବିତ୍ରେ ରଞ୍ଜାଙ୍ଗ୍ ବୁତ୍ଆତ୍ମା ଡାଞ୍ଜ୍‌ଜାତାତ୍‌ନା। ଇନେସ୍‌କି ଅବ୍ରାହାମ୍‌ ହାଃଜି ମାଚାନ୍ ଆରେ ଭବିଷ୍ଯତବକ୍ତାର୍ ପା ହାଃଜି ମାଚାର୍। ମାତର୍ ଏନେଙ୍ଗ୍ ୱେଚ୍‌ଚାନାୟା, ‘ନା ହିକ୍ଷାତିଙ୍ଗ୍ ମାନିକିନାକାର୍ ଇନାୱେଡ଼ାଙ୍ଗ୍ ପା ହାଃଉର୍।’

ପକ୍ୟାତାକା 2:33

ଈଶ୍ୱର ଯୀଶୁଙ୍ଗ୍ ଗାଜାୟ୍ କିଜି ତା ତିନାବାଗାୟ୍ କୁଚିକିଜି ତା ହୁଦାଙ୍ଗ୍ ସାସନ୍ କିଦେଙ୍ଗ୍ ଆଦିକାର୍ ହିତାନ୍। ଆରେ ହେୱାନ୍ ମାଙ୍ଗେଙ୍ଗ୍ ଆବା ପବିତ୍ର ଆତ୍ମା ହିତ୍‌ତାନ୍, ଇନେରିଙ୍ଗ୍ ଏପେଙ୍ଗ୍ ହୁଡ଼୍‌ନାଦେରା ଆରେ ୱେନାଦେରା।

ପକ୍ୟାତାକା 3:13

ମା ଆକଦାଦି ଅବ୍ରାହାମ, ଇସାକ ଆରେ ଯାକୁବନି ଈଶ୍ୱର, ତା ଦାସ୍ ଯୀଶୁଙ୍ଗ୍ ବେସି ସନ୍‌ମାନ୍ କିତାନ୍‌ନା। ହେ ଯୀଶୁଙ୍ଗ୍ ଏପେଙ୍ଗ୍ ହାଃନି କାଜିଙ୍ଗ୍ ଶତ୍ରୁ କେଇଦ ଆହିକିତାଦେର୍। ହେପାଦ୍ନା ପିଲାତ ରାଜା ହେୱାନିଙ୍ଗ୍ ମୁକ୍ତି କିଦେଙ୍ଗ୍ ଇଚାକିଜି ମାଚାନ୍। ମାତର୍ ଏପେଙ୍ଗ୍ ପିଲାତ ରାଜା ମୁମ୍‌ଦ ହେୱାନିଙ୍ଗ୍ ମୁନା କିତାଦେର୍।

ରୋମିୟ 5:18

ଆଦମତି ର ପାପ୍ ୱିଜାକାରିଙ୍ଗ୍ ଈଶ୍ୱର ଆଗେ ଦସ୍ କିତ୍‌ତାତ୍, ମାତର୍ ଖ୍ରୀଷ୍ଟ ଇମ୍‌ଣାକା ର ଦରମ୍ କାମାୟ୍ କିତାନ୍, ହେଦାଙ୍ଗ୍ କାଜିଙ୍ଗ୍ ୱିଜୁ ମାନାୟାର୍ ଈଶ୍ୱର ଆଗେ ଦରମ୍ ମାନାୟ୍ ଆତାର୍ ଆରେ ହେୱାନ୍ ହେୱାରିଙ୍ଗ୍ ଜିବୁନ୍ ହିତାନ୍।

ରୋମିୟ 5:8

ମାତର୍ ଈଶ୍ୱର ମାଙ୍ଗେଙ୍ଗ୍ ଇଲେକେ ଲାଡ୍ କିତ୍‌ତାନ୍ ଯେ, ଆସେଙ୍ଗ୍ ପାପିଆଜି ମାନିହିଙ୍ଗ୍ ତା ମେହି ଯୀଶୁ ଖ୍ରୀଷ୍ଟଙ୍ଗ୍ ମା କାଜିଙ୍ଗ୍ ହାଃଦେଙ୍ଗ୍ ପକ୍ତାତାନ୍।

ରୋମିୟ 8:3

ମଶା ଲେକିକିତି ଦରମ୍ ସାସ୍ତର୍‌ନି ନିୟମ୍ ଉଦାର୍ କିଦେଙ୍ଗ୍ ଆଡ୍‌ୱାତାତ୍, ଇନେସ୍‌କି ମା ବିତ୍ରେ ପାପ୍‍କିନି ଇଚା ମାଚାତ୍। ମାତର୍ ଈଶ୍ୱର ତା ଜାର୍ ମାଜିଙ୍ଗ୍ ମାନାୟ୍ ରୁପ୍ ଆଜି ପକ୍ତାତାନ୍, ଆରେ ହେୱାନ୍ ପାପ୍‌ତିଙ୍ଗ୍ ତା ମେହି ଜପି ଲେଦି କିତାନ୍ ଆରେ ହେୱାନ୍ ମା ପାପ୍ କାଜିଙ୍ଗ୍ ହାଃତାନ୍, ଆରେ ଇଲେକେ କିଜି ଈଶ୍ୱର ମାଙ୍ଗେଙ୍ଗ୍ ଉଦାର୍ କିତ୍‌ତାନ୍।

ରୋମିୟ 8:32

ଈଶ୍ୱର ତା ମେହିଙ୍ଗ୍ ନେ ତାବେ ଇଟ୍‌ୱାତାନ୍‌, ମାତର୍ ମା କାଜିଙ୍ଗ୍ ତାଙ୍ଗେଙ୍ଗ୍ ଶତ୍ରୁ କେଇଦ ହିତାନ୍, ଲାଗିଙ୍ଗ୍ ହେୱାନ୍ ପାର୍ମାଣ୍‌କିତି ୱିଜୁ ଜିନିଷ୍ ପା ମାଙ୍ଗେଙ୍ଗ୍ ଆଶ୍ରିବାଦ୍ କିତାନ୍।

୨ କରନ୍ତିୟ 5:15

ଖ୍ରୀଷ୍ଟ ୱିଜାର୍ ମାନାୟାର୍ କାଜିଙ୍ଗ୍ ହାଃତାନ୍, ଲାଗିଙ୍ଗ୍ କେତେକ୍ ମାନାୟାର୍ ହେୱାନ୍ ହିତି ପୁନି ଜିବୁନ୍‌ତିଙ୍ଗ୍ ପାୟାଆତାର୍‌ନା, ଜାର୍‌ତିଙ୍ଗ୍ ୱାରି କିଦେଙ୍ଗ୍ ଉପାୟ୍ କିମେର୍। ମାତର୍ ଇନେର୍ ହାଃଜି ଆରେରଗ ହେୱାର୍ କାଜିଙ୍ଗ୍ ଜିବୁନ୍ ଆତାନ୍‌ନା ତାଙ୍ଗେଙ୍ଗ୍ ୱାରି କିଦେଙ୍ଗ୍ ଉପାୟ୍ କିନାର୍।

୨ କରନ୍ତିୟ 5:21

ଇନେସ୍‌କି ଈଶ୍ୱର ଇନାୱେଡ଼ାଙ୍ଗ୍ ପାପ୍ କିୱିତି ଖ୍ରୀଷ୍ଟଙ୍ଗ୍ ମା ପାପ୍ କାଜିଙ୍ଗ୍ ହାଃଦେଙ୍ଗ୍ ହିତ୍‌ତାନ୍, ହେଦାଙ୍ଗ୍ କାଜିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ଖ୍ରୀଷ୍ଟ କାଜିଙ୍ଗ୍ ତା ମୁମ୍‌ଦ ଦରମ୍ ମାନାୟ୍ କିଦ୍‌ଦେଙ୍ଗ୍ ଆଡ୍‌ନାନ୍।

ଗାଲାତିୟ 4:4

ମାତର୍ ଈଶ୍ୱର ଟିକ୍ କିଜିମାଚି ଦିନ୍ ୱାତିଲେ, ଈଶ୍ୱର ତା ଜାର୍ ହିମ୍‌ଣାତିଙ୍ଗ୍ ଇ ଜଗତ୍‌ତାକେ ପକ୍ତାନ୍, ଆରେ ହେୱାନ୍ ମାନାୟ୍ ଜନମ୍ ଆତି ଲେକେ କଗ୍‌ଲେତାଙ୍ଗ୍ ଜନମ୍ ଆତାନ୍। ଆରେ ହେୱାନ୍ ମୋଶା ଲେକିକିତି ନିୟମ୍ ସାସ୍ତର୍‌ତିଙ୍ଗ୍ ମାନି କିତାନ୍।

୧ ତିମତି 2:6

ହେୱାନ୍ ୱିଜାକାରିଙ୍ଗ୍ ପାପ୍ ଆରେ ହାଃନି ଶାକ୍ତିତାଙ୍ଗ୍ ମୁକ୍ତିକିନି କାଜିଙ୍ଗ୍ ତା ଜିବୁନ୍‌ତିଙ୍ଗ୍ ଡାବୁଙ୍ଗ୍ ହିସାବ୍‌ରେ ହିତାନ୍। ହେୱାନ୍ ହାଃତିଲେ, ଈଶ୍ୱର ଟିକ୍ ସମୟ୍‌ତ ଚଚ୍‌ଚାନ୍‌ନା ଯେ ହେୱାନ୍ ୱିଜାକାରିଙ୍ଗ୍ ରକ୍ଷା କିଦେଙ୍ଗ୍ ଇଚା କିନାନା।

ଏବ୍ରି 1:9

“ଇନାକା ଟିକ୍ ଏପେଙ୍ଗ୍ ହେଦାଙ୍ଗ୍‌ତିଙ୍ଗ୍ ଲାଡ୍‌କିଜି ମାନାଟ୍ ଆରେ ଇନାକା ଅଦରମ୍‌ ହେଦାଙ୍ଗ୍‌ତିଙ୍ଗ୍ ଗିଣ୍‌କିଜି ମାନାଟ୍। ଲାଗିଙ୍ଗ୍ ଆନେଙ୍ଗ୍ ଈଶ୍ୱର, ମି ଈଶ୍ୱର, ମି ହାଙ୍ଗ୍‌ଦାକାର୍‌ତାଙ୍ଗ୍, ମିଙ୍ଗେଙ୍ଗ୍ ବାଚି କିତ୍‌ତାଙ୍ଗ୍‌ନା ଆରେ ମିଙ୍ଗେଙ୍ଗ୍ ବେସି ସନ୍‌ମାନ୍ ଆରେ ୱାରି ହିତ୍‌ତାଙ୍ଗ୍‌ନା।”

ଏବ୍ରି 10:5

ହେଦାଙ୍ଗ୍ କାଜିଙ୍ଗ୍ ଖ୍ରୀଷ୍ଟ ଏଚେପାଦ୍ନା ପୁର୍ତିତାକେ ୱାତାନ୍, ହେୱାନ୍ ଈଶ୍ୱରତିଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ବଲିପୁଜା ଆରେ ଦାନ୍ ଡେକ୍‌ୱାଦାଙ୍ଗ୍ ମାଚାୟ୍। ମାତର୍ ନିଙ୍ଗେଙ୍ଗ୍ ଇନେସ୍ ଆନେଙ୍ଗ୍ ମାନି କିଦ୍‌ନାଙ୍ଗ୍, ଇଦାଙ୍ଗ୍ କାଜିଙ୍ଗ୍ ଏନେଙ୍ଗ୍ ନାଙ୍ଗେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା କିତ୍‌ତାୟ୍।

ଏବ୍ରି 11:5

ହନୋକ ପାର୍ତିକିତି କାଜିଙ୍ଗ୍, ଈଶ୍ୱର ହେୱାନିଙ୍ଗ୍ ଜିବୁନ୍ ମାନୁ-ମାନୁ ସରଗ୍‌ଜପି ଅତାନ୍। ହେଦାଙ୍ଗ୍ କାଜିଙ୍ଗ୍ ତା ହାଃତି ଗାଗାଡ଼୍‌ତିଙ୍ଗ୍ ଇନେର୍ ଆରେ ଗାଟା ଆୱାତାର୍। ଈଶ୍ୱର ହନୋକଙ୍ଗ୍ ସରଗ୍‌ଜପି ଅସାହାନି ଆଗେ, ତା ବିଷୟରେ ସାକି ହିଜି ୱେଚ୍‌ଚାନ୍ ଯେ ହନୋକ ହେୱାନିଙ୍ଗ୍ ୱାରି କିଜି ମାଚାନ୍।

ଏବ୍ରି 12:2

ଯୀଶୁତାକେ ମା ଟାର୍ଗେଟ୍‌ ଇଡ଼୍‌ଜି ଇଦାଙ୍ଗ୍ କିନି ଦର୍‌କାର୍, ଇନେସ୍‌କି ହେୱାନ୍ ମା ପାର୍ତିନି ପୁରାପୁରି ଟିକ୍ ନେତା। କୃଶକାଟ୍ ଜପି ଲାଜା ପାୟାଆଜି ହାଃଦେଙ୍ଗ୍ ଯୀଶୁ ଇଚା କିତାନ୍, ଇନେସ୍‌କି ହେୱାନ୍ ପୁନ୍‌ଞ୍ଜି ମାଚାନ୍ ଯେ ଇଦାଙ୍ଗ୍ ପାଚେ ୱାରି ମାନାତ୍। ଲାଗିଙ୍ଗ୍ ନଙ୍ଗୟ୍ ହେୱାନ୍ ଈଶ୍ୱର ତିନାକେଇନି ବେସି ଗୌରବ ପାୟାଆନି ବାହାତାକେ କୁଚ୍‌ଚାନ୍‌ନା।

ଏବ୍ରି 2:7

ଅଲପ୍ ସମୟ୍ କାଜିଙ୍ଗ୍ ଏପେଙ୍ଗ୍ ହେୱାନିଙ୍ଗ୍ ଦୁତ୍‌କୁତାଙ୍ଗ୍ ହିରୁ କିତାଦେର୍‌ନା। ମାତର୍ ଏପେଙ୍ଗ୍ ହେୱାନିଙ୍ଗ୍ ରାଜା ଲେକେ ଗୌରବ ଆରେ ସନ୍‌ମାନ୍ ହିତାଦେର୍‌ନା।

ଏବ୍ରି 7:25

ଲାଗିଙ୍ଗ୍ ଯୀଶୁତାଙ୍ଗ୍ ଇମ୍‌ଣାକାର୍ ଈଶ୍ୱର ଲାଗାୟ୍ ୱାନାର୍, ହେୱାନ୍ ହେୱାରିଙ୍ଗ୍ ୱିଜୁଦିନ୍ କାଜିଙ୍ଗ୍ ଉଦାର୍ କିଦେଙ୍ଗ୍ ଆଡ୍‌ନାନ୍। ଇନେସ୍‌କି ଈଶ୍ୱର ଲାଗାୟ୍ ହେୱାର୍ ନିପଣ୍ ଆଜି ଗୁୱାରି କିନି କାଜିଙ୍ଗ୍ ହେୱାନ୍ ୱିଜୁଦିନ୍ କାଜିଙ୍ଗ୍ ଜିବୁନ୍ ମାନାନ୍।

ଏବ୍ରି 8:3

ପାପ୍‌ତାଙ୍ଗ୍ କେମା ପାୟାଆନି କାଜିଙ୍ଗ୍ ଦାନ୍ ଆରେ ବଲିପୁଜା ୱିଜୁ ପ୍ରଦାନ୍ ମୁଡ଼୍‌ଦି ପୁଜାରିର୍ କିନାର୍। ଲାଗିଙ୍ଗ୍ ମା ପ୍ରଦାନ୍ ମୁଡ଼୍‌ଦି ପୁଜାରି ଯୀଶୁ ଖ୍ରୀଷ୍ଟ ଲାଗାୟ୍ ପା ବଲିପୁଜା କିନି କାଜିଙ୍ଗ୍ ଇନାକା ମାନି ଦର୍‌କାର୍ ମାଚାତ୍।

୧ ପିତର 1:21

ଖ୍ରୀଷ୍ଟ ମିଙ୍ଗେଙ୍ଗ୍ ଇନାକା କିତି କାଜିଙ୍ଗ୍ ଏପେଙ୍ଗ୍ ନଙ୍ଗୟ୍ ଈଶ୍ୱରତିଙ୍ଗ୍ ପାର୍ତିକିନାରା, ଆରେ ଈଶ୍ୱର ଖ୍ରୀଷ୍ଟଙ୍ଗ୍ ହାଃତିତାଙ୍ଗ୍ ଆରେରଗ ନିକ୍‌ତି କାଜିଙ୍ଗ୍ ଆପେଙ୍ଗ୍ ତାଙ୍ଗେଙ୍ଗ୍ ପାର୍ତି ଆରେ ଆହା କିଜି ତାଙ୍ଗେଙ୍ଗ୍ ଗୌରବ କିନାପା।

୧ ଯୋହନ 2:2

ଖ୍ରୀଷ୍ଟ ମା ପାପ୍‌ନି ଦଣ୍ଡ୍‌ତିଙ୍ଗ୍ ପିଣ୍‌ଜି ଅନି କାଜିଙ୍ଗ୍ ହାଃତାନ୍। ହେୱାନ୍ ମା ପାପ୍ ନେ ଅୱାତାନ୍‌ନା, ମାତର୍ ପୁର୍ତିନି ୱିଜାର୍ ମାନାୟାର୍ ପାପ୍‌ତିଙ୍ଗ୍ ଅତାନ୍‌।

ହତ୍‌ତି 19:12

ତା କାଣ୍‌କୁ ନାଣି ଲେକେ ଅଜଡ଼୍, ଆରେ ତା କାପ୍‌ଡ଼ାତ ବେସି ମୁକୁଟିଙ୍ଗ୍ ମାଚିକ୍। ତା ଜପି ରଞ୍ଜି ତର୍‌ ଲେକାଆଜି ମାଚାତ୍, ଆରେ ହେ ତର୍‌ ଅର୍ତ ହେୱାନ୍ ନେ ପୁନ୍‌ଞ୍ଜି ମାଚାନ୍।

ହତ୍‌ତି 5:9

ଆରେ ହେୱାର୍ ଇଲେକେ କିଜି ର ପୁନି କେର୍‌କଣ୍ କେର୍‌ତାର, “ନିଦି ନେ ଇ ସାସ୍ତର୍ ଆସ୍ତେଙ୍ଗ୍ ଯଗ୍ୟ ମାନାତ୍ ଆରେ ତା ସିଲ୍ ଡ୍ରିକ୍‌ଚି ରିକ୍‌ତେଙ୍ଗ୍ ଆଡ୍‌ନାନ୍। ଇନେସ୍‌କି ଏନେଙ୍ଗ୍ ମାନାୟାର୍ କାଜିଙ୍ଗ୍ ହାଃଜି ମାଚାୟ୍, ଆରେ ମାନାୟାରିଙ୍ଗ୍ ଉଦାର୍ କିଦେଙ୍ଗ୍ କୃଶକାଟ୍‌ତାକେ ନି ନେତେର୍ ବଡ଼ାୟ୍ କିଜି ମାଚାୟ୍। ଲାଗିଙ୍ଗ୍ ହେୱାର୍ ଈଶ୍ୱର ଲକ୍ ଆତାର୍‌ନା, ଇ ମାନାୟାର୍ ୱିଜୁ ଜାତିର୍‌ତାଙ୍ଗ୍, ୱିଜୁ ବାଷାତାଙ୍ଗ୍, ୱିଜୁ ବାହାତାଙ୍ଗ୍ ଆରେ ୱିଜୁ ଦେସ୍‌ତାଙ୍ଗ୍ ୱାତାର୍‌ନା।