ଏବ୍ରି 2:8 - New Testament in Pengo Parja Language

⁸ ଏପେଙ୍ଗ୍ ହେୱାନିଙ୍ଗ୍ ୱିଜୁ ବିଷୟରେ ଅଦିକାର୍ ହିତାଦେର୍‌ନା।” ଇଦାଙ୍ଗ୍‌ନି ଅର୍‌ତ ଯେ ଈଶ୍ୱର ମାନାୟ୍‌ନି କଣ୍ଟ୍ରୁଲ୍‌ତାକେ ୱିଜୁ ବିଷୟ ହିତାନ୍‌ନା। ଇଲେକେ ଇମ୍‌ଣି ବିଷୟ ହିଲେତ୍, ଇନାକାକି ତା କଣ୍ଟ୍ରୁଲ୍‌ତାକେ ଆକାୟ୍। ମାତର୍ ଆସେଙ୍ଗ୍ ହୁଡ଼୍‌ନାସା ଯେ ୱିଜୁ ବିଷୟ ନଙ୍ଗୟ୍ ପାତେକ୍ ମାନାୟାର୍ କଣ୍ଟ୍ରୁଲ୍‌ତାକେ ହିଲେତ୍।

ସତ୍‌ ବଚନ୍‌ ପୁନି ନିୟମ୍‌

⁸ “ୱିଜ଼ୁ ବିସ୍ରେ ଜପି ଏପେଙ୍ଗ୍‌ ହେୱାନ୍‌ ପାନା ତାରେନ୍‌ ଇଡ଼୍‌ତାଦେର୍ଣ୍ଣା ।” ହାତ୍ପାରଚେ ହେ “ୱିଜ଼ୁ ବିସ୍ରେତିଂ ହେୱାନ୍ତି ତଲ୍ୟା କିଦେଙ୍ଗ୍‌ ଇମ୍‌ଣି ବିସ୍ରେ ହେୱାନ୍ତି ତଲ୍ୟା କିୱାଦାଂ ପିହ୍‍ୱାତାନ୍ନା ।” ଆପେଂ ଇ ପାତେକ୍‌ ୱିଜ଼ୁ ବିସ୍ରେ ହେୱାନ୍ତି ତାରେନ୍ ଆନାକା ହୁଡ଼ୁୱାତାପ୍ନା ହାତ୍‌ପା,

ଏବ୍ରି 2:8 Iomraidhean Croise

ମାତିଉ 28:18

ଲାଗିଙ୍ଗ୍ ଯୀଶୁ ହେୱାର୍ ଲାଗାୟ୍ ୱାଜି ହେୱାରିଙ୍ଗ୍ ୱେଚ୍‌ଚାନ୍, “ସରଗ୍ ଆରେ ପୁର୍ତିନି ୱିଜୁ ଆଦିକାର୍ ଈଶ୍ୱର ନାଙ୍ଗେଙ୍ଗ୍ ହିତ୍‌ତାନ୍‌ନା।

ଜହନ୍‌ 13:3

ଆବା ଈଶ୍ୱର ଯୀଶୁଙ୍ଗ୍ ୱିଜୁ ବଷୟରେ ଆଦିକାର୍ ହିଜିମାଚାନ୍। ହେୱାନ୍ ଈଶ୍ୱରତାଙ୍ଗ୍ ୱାତାନ୍‌ନା ଆରେ ଈଶ୍ୱରତାକେ ହାନାଙ୍ଗ୍ ଇଞ୍ଜି ଯୀଶୁ ଇଦାଙ୍ଗ୍ ପୁନ୍‌ଞ୍ଜି ମାଚାନ୍।

ଜହନ୍‌ 3:35

ଆବା ଈଶ୍ୱର ତା ମେହିଙ୍ଗ୍ ଲାଡ୍ କିନାନ୍। ହେୱାନିଙ୍ଗ୍ ୱିଜୁ ବିଷୟତିଙ୍ଗ୍ ଆଦିକାର୍ ହିତାନ୍‌ନା।

୧ କରନ୍ତିୟ 15:27

ଇନେସ୍‌କି ଦରମ୍ ସାସ୍ତର୍ ଇଲେକେ ୱେଚ୍‌ନାତା, “ଈଶ୍ୱର ହେୱାନିଙ୍ଗ୍ ୱିଜୁ ସାସନ୍ କିଦେଙ୍ଗ୍ ଆଦିକାର୍ ହିତାନ୍‌ନା।” ତା ଅର୍ତ ଇଦାଙ୍ଗ୍ ଆକାୟ୍ ଯେ ଈଶ୍ୱର ପା ଖ୍ରୀଷ୍ଟନି କଣ୍ଟ୍ରୁଲ୍‌ତାକେ ୱାନାନ୍, ମାତର୍ ଈଶ୍ୱର ନେ ୱିଜୁ ଜିନିଷ୍ ଜପି ଆଦିକାର୍ ଆରେ ସାସନ୍ କିନି କାଜିଙ୍ଗ୍ ହିତାନ୍‌ନା।

ଏବ୍ରି 1:13

ଆରେ ଈଶ୍ୱର ଦୁତ୍‌କୁ ବିତ୍ରେତାଙ୍ଗ୍ ଇନେରିଙ୍ଗ୍ ଇନାୱେଡ଼ାଙ୍ଗ୍ ପା ଇଦାଙ୍ଗ୍ ୱେଚ୍‌ୱାତାନ୍‌ନା ଯେ, “ଆପେଙ୍ଗ୍ ଏଚେପାଦ୍ନା ପାତେକ୍ ମି ଶତ୍ରୁକାଙ୍ଗ୍, ମି କାଲ୍‌ପାନା ତାରେନ୍ ତାସି ୱାୱାତାପ୍‌ନା। ହେପାଦ୍ନା ପାତେକ୍ ମା ତିନାବାଗାୟ୍ କୁଚ୍‌ଚି ମାନାଟ୍।”

ଏବ୍ରି 1:2

ମାତର୍ ଇ ସେସ୍ କାଡ଼୍‌ଦ, ତା ମେହିତାଙ୍ଗ୍ ମାଙ୍ଗେଙ୍ଗ୍ ବେଣ୍ କିତ୍‌ତାନ୍‌ନା। ଈଶ୍ୱର ହେୱାନ୍‌ତାଙ୍ଗ୍ ପୁର୍ତିନି ୱିଜୁ ବିଷୟ ରସ୍ତାନ୍, ଆରେ ହେୱାନିଙ୍ଗ୍ ୱିଜୁ ବିଷୟନି ଅଦିକାର୍ କିଜି ବାଚିକିତାନ୍

ଏବ୍ରି 2:5

ଆସେଙ୍ଗ୍ ଇମ୍‌ଣି ବାବିକିନି ଜଗତ୍‌ ବିଷୟରେ ବେଣ୍ ୱେଚ୍‌ନାପା, ହେଦାଙ୍ଗ୍ ଈଶ୍ୱର ଦୁତ୍‌କୁକାଙ୍ଗ୍ କଣ୍ଟ୍ରୁଲ୍ କିଦେଙ୍ଗ୍ ହିୱାତାନ୍‌ନା, ମାତର୍ ହିମ୍‌ଣା ଯୀଶୁ ଖ୍ରୀଷ୍ଟଙ୍ଗ୍ ଅଦିକାର୍ ହିତାନ୍‌ନା।

୧ ପିତର 3:22

ଆରେ ହେୱାନ୍ ସରଗ୍‌ଜପି ହାଚାନ୍‌ନା। ହେୱାନ୍ ନଙ୍ଗୟ୍ ସନ୍‌ମାନ୍ ପାୟାଆନି ବାହାତାକେ ଈଶ୍ୱର ତିନାବାଗାୟ୍ କୁଚ୍‌ଚାନ୍‌ନା, ଆରେ ହେୱାନ୍ ୱିଜୁ ଦୁତ୍‌କୁକାଙ୍ଗ୍, ଅଦିକାର୍ କି ଶାକ୍ତିମାନି ଆତ୍ମାକାଙ୍ଗ୍ ସାସନ୍ କିନାନା।

ହତ୍‌ତି 1:18

ଆନେଙ୍ଗ୍ ନେ ହାଃତାକାଙ୍ଗ୍ ନଙ୍ଗୟ୍ ଜିବୁନ୍ ମାନାଙ୍ଗ୍, ଆନେଙ୍ଗ୍ ରଗ ହାଃଜି ମାଚାଙ୍ଗ୍ ମାତର୍ ନଙ୍ଗୟ୍ ଆନେଙ୍ଗ୍ ଜିବୁନ୍ ମାନାଙ୍ଗ୍ ଆରେ ନଙ୍ଗୟ୍ ୱିଜୁଦିନ୍ କାଜିଙ୍ଗ୍ ଜିବୁନ୍ ମାନ୍‌ଗାନାଙ୍ଗ୍। ନାବେ ମାରାଣ୍‌ତିଙ୍ଗ୍ ଆରେ ପାତାଳ୍‌ତିଙ୍ଗ୍ ଆରେ ହାଃତାକାରିଙ୍ଗ୍ ଆରେରଗ ଜିବୁନ୍ କିନି ଅଦିକାର୍ ମାନାତ୍।

ହତ୍‌ତି 1:5

ଆରେ, ଯୀଶୁ ଖ୍ରୀଷ୍ଟତାଙ୍ଗ୍ ଇନେର୍‌କି ଈଶ୍ୱର କାତାତିଙ୍ଗ୍ ସାକି ହିନାନା ଆରେ ତା କାତାତିଙ୍ଗ୍ ପାର୍ତି କିୟାଆନାତ୍, ହେୱାନ୍‌ ନେ ପାର୍ତୁମ୍ ମାରାଣ୍‌ତାଙ୍ଗ୍ ଜିବୁନ୍ ଆତାନ୍‌ନା ଆରେ ପୁର୍ତିନି ୱିଜୁ ରାଜାରିଙ୍ଗ୍ ସାସନ୍ କିନି ମାନାୟ୍ ଆତାନ୍‌ନା। ହେୱାନ୍ ମାଙ୍ଗେଙ୍ଗ୍ ଲାଡ୍ କିଦ୍‌ନାନା। ହେୱାନ୍ ମା କାଜିଙ୍ଗ୍ ଜାର୍ ନେତେର୍ ବଡ଼ାଇ କିଜି ହାଃତାନ୍ ଆରେ ଆସେଙ୍ଗ୍ କିତି ପାପ୍‌ନି ଦଣ୍ଡ୍‌ତିଙ୍ଗ୍ କେମା କିତାନ୍‌ନା।