ଏବ୍ରି 2:2 - New Testament in Pengo Parja Language

² ଈଶ୍ୱର ଦୁତ୍‌କୁତାଙ୍ଗ୍ ହିତ୍‌ତି ନିୟମ୍‌ତିଙ୍ଗ୍ ୱିଜୁଦିନ୍ ଟିକ୍ ଇଞ୍ଜି ପାର୍ମାଣ୍ କିଜି ଚଚିୟା ଆତାତ୍‌ନା। ଆରେ ହେ ନିୟମ୍‌ତିଙ୍ଗ୍ ୱେନ୍‌ୱି ଆରେ ମାନିକିୱି ମାନାୟାରିଙ୍ଗ୍ ଈଶ୍ୱର ଦଣ୍ଡ୍ ହିତାନ୍‌ନା।

ସତ୍‌ ବଚନ୍‌ ପୁନି ନିୟମ୍‌

² ଇନାକିଦେଂକି ପର୍ତୁମ୍‌ ଇସ୍ୱର୍‌ ସାର୍ଗେନି ଦୁତ୍‌ର୍‌ ଲାହାଂ ଇମ୍‌ଣି କାବୁର୍‌ ୱେଚ୍‌ଚାତାର୍ଣ୍ଣା ହେଦାଂ ହାତ୍‌ପା ଇଞ୍ଜି ପାର୍ମାଣ୍‌ ଇମ୍‌ଣାକାର୍‌ ଅମାନ୍ୟା ଆଜ଼ି ପାଲି କିଉରା ହେୱାର୍‌ ପାୟାନି ନିୟାଁୟ୍‌ ପାୟାତାର୍ଣ୍ଣା ।

ଏବ୍ରି 2:2 Iomraidhean Croise

ପକ୍ୟାତାକା 7:53

ଏପେଙ୍ଗ୍ ସରଗ୍ ଦୁତ୍‌ତାଙ୍ଗ୍ ଈଶ୍ୱର ନିୟମ୍‌ତିଙ୍ଗ୍ ପାୟା ଆତାଦେର୍‌ନା, ମାତର୍ ହେ ନିୟମ୍‌ତିଙ୍ଗ୍ ମାନ୍‌କିୱାତାଦେର୍।”

ଗାଲାତିୟ 3:19

ଲାଗିଙ୍ଗ୍ ଈଶ୍ୱର ଇନାକିଦେଙ୍ଗ୍ ମୋଶାଙ୍ଗ୍ ନିୟମ୍ ସାସ୍ତର୍ ହିତାନ୍‌ନା? ମାନାୟାରିଙ୍ଗ୍ ଦସି କିଦେଙ୍ଗ୍ ନିୟମ୍ ସାସ୍ତର୍ ହିୟାଆତାତ୍‌ନା। ପାର୍ମାଣ୍ କିଜିମାଚି ହିମ୍‌ଣା ୱାୱାଦାଙ୍ଗ୍ ହେ ନିୟମ୍ ସାସ୍ତର୍ ଚାଲାଆଜି ମାଚାତ୍। ଈଶ୍ୱର ଦୁତ୍‌କୁତାଙ୍ଗ୍ ମୋଶାଙ୍ଗ୍ ହିଜିମାଚାନ୍ ହେୱାନ୍ ଈଶ୍ୱର ଆରେ ମାନାୟାର୍ ବିତ୍ରେ ମାଦି ମାନ୍‌ଞ୍ଜି କାମାୟ୍ କିତାନ୍।

ଏବ୍ରି 1:1

ଈଶ୍ୱର ଆଗେ ବେସିହଟ୍ ବିନ୍-ବିନ୍‌କିଜି ଭବିଷ୍ଯତବକ୍ତାତାଙ୍ଗ୍ ମା ଆକଦାଦିର୍ ହୁଦାଙ୍ଗ୍ ବେଣ୍‌କିଜି ମାଚାନ୍।

ଏବ୍ରି 10:28

ଇନେର୍ ଯଦି ମୋଶା ଲେକିକିତି ନିୟମ୍ ସାସ୍ତର୍‌ତିଙ୍ଗ୍ ମାନିକିୱିତିସ୍, ରିକାର୍ କି ତିନ୍‌ଜାଣ୍ ସାକିନି ପାର୍ମାଣ୍‌ତାକେ ହେୱାନିଙ୍ଗ୍ ଦୟା କିୱାଦାଙ୍ଗ୍ ହାଃନି ଦଣ୍ଡ୍‌ହିଜି ମାଚାର୍।

ଏବ୍ରି 10:35

ଲାଗିଙ୍ଗ୍ ଇନାକା ୱିଜୁ ଆତିସ୍‌ପା, ମାପୃତାକେ ପାର୍ତିକିନି ସାହାସ୍‌ତିଙ୍ଗ୍ ଏପେଙ୍ଗ୍ ପିହ୍‌ମାଟ୍। ହେବେ ଗାଜା ପୁରଷ୍କାର୍ ମାନାତ୍ ଇଞ୍ଜି ମାନ୍ତ ଇଟାଟ୍।

ଏବ୍ରି 11:26

ଆରେ ହେୱାନ୍ ମିସର ଦେସ୍‌ନି ଦନ୍‌ସମ୍ଫତି ବାଦୁଲ୍ ଖ୍ରୀଷ୍ଟ କାଜିଙ୍ଗ୍ ନିନ୍ଦା ପାୟାଆନାକା ୱିଜୁତାଙ୍ଗ୍ ଗାଜା ଦନ୍ ଇଞ୍ଜି ବାବିକିତାନ୍। ଇନେସ୍‌କି ଈଶ୍ୱର ହେୱାନିଙ୍ଗ୍ ଗାଜା ପୁରଷ୍କାର୍ ହିଦ୍‌ନାନ୍ ଇଞ୍ଜି ହେୱାନ୍ କାସି ମାଚାନ୍।

ଏବ୍ରି 11:6

ଲାଗିଙ୍ଗ୍ ଈଶ୍ୱରତାକେ ପାର୍ତି କିତିସ୍ ନେ, ଆସେଙ୍ଗ୍ ଈଶ୍ୱରତିଙ୍ଗ୍ ୱାରି କିଦେଙ୍ଗ୍ ଆଡ୍‌ନାସ୍। ଇନେସ୍‌କି ଇମ୍‌ଣାକାର୍ ତା ଲାଗାୟ୍ ୱାଦେଙ୍ଗ୍ ଇଚା କିନାର୍, ହେୱାର୍ ଈଶ୍ୱର ମାନାର୍ ଆରେ ହେୱାରିଙ୍ଗ୍ ହାର୍ଦି ମାନ୍‌ତାଙ୍ଗ୍ ଦାହ୍‌ନି ମାନାୟ୍‌ତିଙ୍ଗ୍ ହେୱାନ୍ ପୁରଷ୍କାର୍ ହିନାନ୍ ଇଞ୍ଜି ପାର୍ତିକିନି ଦର୍‌କାର୍।

ଏବ୍ରି 12:25

ଜାଗ୍ରତ୍ ଆଜି ମାନାଟ୍, ଇମ୍‌ଣି ଈଶ୍ୱର ମିହୁଦାଙ୍ଗ୍ ବେଣ୍ କିଦ୍‌ନାନା, ତା କାତା ଏପେଙ୍ଗ୍ ମାନି କିୟାଟ୍। ଇନେସ୍‌କି ଇ ପୁର୍ତିତାକେ ମୋଶା ଇସ୍ରାଏଲନି ମାନାୟାରିଙ୍ଗ୍ ଆଦେସ୍ ହିତାନ୍, ଆରେ ହେୱାର୍ ଅମାନ୍ୟା ଆତି କାଜିଙ୍ଗ୍ ଈଶ୍ୱର ହେୱାରିଙ୍ଗ୍ ଦଣ୍ଡ୍‌ହିଜି ମାଚାନ୍। ସରଗ୍‌ତାଙ୍ଗ୍ ୱେଚ୍‌ଚିନି ଈଶ୍ୱର ଆଦେସ୍‌ତିଙ୍ଗ୍ ଯଦି ଆସେଙ୍ଗ୍ ଅମାନ୍ୟା କିନାସ୍, ଲାଗିଙ୍ଗ୍ ସତ୍‌ରେ ଆସେଙ୍ଗ୍ ଆଦିକ୍ ଦଣ୍ଡ୍ ପାୟାଆନାସ୍।

୨ ପିତର 1:19

ଲାଗିଙ୍ଗ୍ ଭବିଷ୍ଯତବକ୍ତାର୍ ଇନାକା ସାସ୍ତର୍‌ତାକେ ଲେକିକିତାର୍‌ନା, ହେବେତାଙ୍ଗ୍ ଆସେଙ୍ଗ୍ ବେସି ପାର୍ତି କିନାସା। ଏପେଙ୍ଗ୍ ଯଦି ଇ କାତାତିଙ୍ଗ୍ ଦିୟାନ୍ କିନାଦେର୍, ଲାଗିଙ୍ଗ୍ ଏପେଙ୍ଗ୍ ହାର୍ଦି ବିଷୟ କିଦେଙ୍ଗ୍ ଆଡ୍‌ନାଦେର୍। ଇନେସ୍‌କି ୱେଡ଼ା ଇନେସ୍ ପୁର୍ତିତିଙ୍ଗ୍ ଅଜଡ଼୍ କିନାତ୍, ହେଲେକେ ଇଦାଙ୍ଗ୍ ପା ର ବଇଟା, ଅଜଡ଼୍ ଆୱି ପାତେକ୍ ମାଜ୍‌ଗା ଇଞ୍ଜ ଇଦାଙ୍ଗ୍ ଅଜଡ଼୍ ହିଦ୍‌ନାତ୍, ଆରେ ଖ୍ରୀଷ୍ଟତି ଅଜଡ଼୍ ମି ଗରବ୍‌ତାକେ ଅଜଡ଼୍ କିଦ୍‌ନାତ୍।

ଜିହୁଦା 1:5

ଏପେଙ୍ଗ୍ ୱିଜୁ ବିଷୟ ପୁରାପୁରି ପୁନ୍‌ଞ୍ଜି ମାଚିସ୍ ପା, ଆନେଙ୍ଗ୍ ମିଙ୍ଗେଙ୍ଗ୍ ଏତୁକିୟି କିଦେଙ୍ଗ୍ ଇଚା କିନାଙ୍ଗା ଯେ, ମାପୃ ଇସ୍ରାଏଲନି ମାନାୟାରିଙ୍ଗ୍ ମିସର୍ ଦେସ୍‌ନି ଦାସ୍ କାମାୟ୍‌ତାଙ୍ଗ୍ ଉଦାର୍ କିତାନ୍। ମାତର୍ ଇମ୍‌ଣାକାର୍ ଟାଙ୍ଗ୍ରାବାହାତାକେ ହେୱାନିଙ୍ଗ୍ ପାର୍ତି କିୱାତାର୍, ପାଚେ ହେୱାରିଙ୍ଗ୍ ହେୱାନ୍ ନଷ୍ଟ କିତାନ୍।