ଏବ୍ରି 2:10 - New Testament in Pengo Parja Language

¹⁰ ଇନେସ୍‌କି ଈଶ୍ୱର ୱିଜୁ ବିଷୟ ରସ୍ତାନ୍‌ନା ଆରେ ୱିଜୁ ବିଷୟ ହେୱାନ୍‌ତି। ହେୱାନ୍ ଇନେସ୍ ବେସିହେନି ମାନାୟାରିଙ୍ଗ୍ ତା ଗୌରବତାକେ ବାଗ୍‌କିଦେଙ୍ଗ୍ ଆଡ୍‌ନାନ୍। ଇଦାଙ୍ଗ୍ କାଜିଙ୍ଗ୍ ଈଶ୍ୱର ଲାଗାୟ୍ ଇଦାଙ୍ଗ୍ ନେ ଟିକ୍ ବିଚାର୍ ମାଚାତ୍ ଯେ, ମାପୃ ଯୀଶୁଙ୍ଗ୍ ଦୁକ୍‌କଷ୍ଟ କିୟିକିଜି ହେୱାନିଙ୍ଗ୍ ପୁରାପୁରି ଟିକ୍ ନେତା କିଦେଙ୍ଗ୍। ଇନେସ୍‌କି ଯୀଶୁ ନେ ହେୱାରିଙ୍ଗ୍ ଉଦାର୍ ପାୟାଆନି ହାଜ୍‌ଦିଙ୍ଗ୍ ଅସାହାନାନ୍।

ସତ୍‌ ବଚନ୍‌ ପୁନି ନିୟମ୍‌

¹⁰ ଇନାକିଦେଂକି ଇନେର୍‌ତି କାଜିଂ ଆରି ଇନେର୍‌ତି ହୁଦାଂ ୱିଜ଼ୁ ବିସ୍ରେ ଉବ୍‌ଜାଣ୍‌ ଆତାତ୍‌ନ୍ନା, ଆଦେକ୍‌ ହିମ୍‌ଣାକାଂ ଜାଜ୍‌ମାଲ୍‌ତାଂ ହଟ୍‌ପେଦେଂ ହେୱାର୍‌ତି ମୁକ୍‌ଡ଼ାୟ୍‌କିନି ମୁଣିକାଂ ଦୁକ୍‌ବଗ୍‌ ହୁଦାଂ ବାର୍ତି କିନାକା ହେୱାନ୍ତି ହାର୍‌ ମାଚାତ୍‌ । ଜିସୁ ନେ ମୁକ୍‌ଡ଼ାନି ହାଜ଼ି ଚଚ୍‌ଚାନାନ୍‌ ।

ଏବ୍ରି 2:10 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 13:32

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ହାଲାଟ୍, ହେ କଲିଆ ଲେକେ ଚାତୁର୍ ହେରୋଦ ରାଜାଙ୍ଗ୍ ୱେଚାଟ୍, ‘ନେଞ୍ଜେଙ୍ଗ୍ ଆରେ ୱିଗାଲିଙ୍ଗ୍ ଆନେଙ୍ଗ୍ ମାନାୟ୍ ଗାଗାଡ଼୍‌ତାଙ୍ଗ୍ ବୁତ୍‌କୁକାଙ୍ଗ୍ ହପ୍‌ତାଙ୍ଗ୍‌ନା ଆରେ ମାନାୟାରିଙ୍ଗ୍ ହାର୍‌କିନି କାମାୟ୍ ୱିସ୍ତାଙ୍ଗ୍‌ନା। ତା ଆର୍‌କାତ୍ ନାଞ୍ଜିଙ୍ଗ୍ ନା କାମାୟ୍ ୱିଜ୍‌ନାତ୍।’

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:14

“ସରଗ୍‌ତାକେ ମାନି ଈଶ୍ୱରତିଙ୍ଗ୍ ଜୟ୍-ଜୟ୍‌ ଆୟେତ୍, ଆରେ ଇ ପୁର୍ତିତାକେ ଇମ୍‌ଣି ମାନାୟାରିଙ୍ଗ୍ ଈଶ୍ୱର ଦୟା କିନାନ୍ ହେୱାରିଙ୍ଗ୍ ଶାନ୍ତି ଆୟେତ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:26

ଭବିଷ୍ଯତବକ୍ତାର୍ ୱେଚ୍‌ଚି ମାନ୍‌ଞ୍ଚାର୍ ଯେ ଖ୍ରୀଷ୍ଟ ତା ଅଜଡ଼୍‌ତାଙ୍ଗ୍ ୱାୱି ଆଗେଲେକେ ଦୁକ୍‌କଷ୍ଟ ପାୟାଆଜି ହାଃନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:46

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଖ୍ରୀଷ୍ଟ ଦୁକ୍‌କଷ୍ଟ ପାୟାଆଜି ହାଃନାନ୍ ଆରେ ହାଃତିତାଙ୍ଗ୍ ତିନ୍‌ଦିନ୍ ପାଚେ ଆରେରଗ ଜିବୁନ୍‌ଆନି କାତା ସାସ୍ତରତାକେ ଲେକା ମାନାତ୍।

ଜହନ୍‌ 11:52

ଆଁ ଯିହୁଦି ଜାତିର୍ କାଜିଙ୍ଗ୍, ଇସ୍ରାଏଲ ଜାତିନି ମାନାୟାର୍ କାଜିଙ୍ଗ୍ ଆରେ ଇମ୍‌ଣାକାର୍ ପୁର୍ତି ଚାରିବେଣ୍‌ତାଙ୍ଗ୍ ଈଶ୍ୱରତାଙ୍ଗ୍ ଚିନ୍‌ବିନ୍ ଆତାକାରିଙ୍ଗ୍ ପା ୱିଜାକାରିଙ୍ଗ୍ ଏକ୍ କିଦେଙ୍ଗ୍ ଯୀଶୁ ହାଃନାନ୍।

ଜହନ୍‌ 19:30

ଆରେ ଯୀଶୁ ହେ ରାସ୍ ଉଣ୍‌ଜି ୱେଚ୍‌ଚାନ୍, “ଇଦାଙ୍ଗ୍ ୱିସ୍ତାତ୍”। ତାପାଚେ ହେୱାନ୍ କାପ୍‌ଡ଼ାତିଙ୍ଗ୍ ତାରେନ୍ କିଜି ହାଃତାନ୍।

ପକ୍ୟାତାକା 3:15

ମାତର୍ ଜିବୁନ୍ ହିଦ୍‌ନି ମାନାୟ୍‌ତିଙ୍ଗ୍ ଏପେଙ୍ଗ୍ ଅସ୍ତାଦେର୍। ମାତର୍ ଈଶ୍ୱର ହାଃତାକାର୍‌ତାଙ୍ଗ୍ ଆରେରଗ ଜିବୁନ୍ କିତାନ୍‌ନା। ଆସେଙ୍ଗ୍ ହେବେନି ସାକି।

ପକ୍ୟାତାକା 5:31

ଈଶ୍ୱର ହେୱାନିଙ୍ଗ୍ ସରଗ୍‌ଜପି ଅଜି ଆଦିକାର୍ ହିତାନ୍‌ନା, ଆରେ ହେୱାନ୍ ଯୀଶୁଙ୍ଗ୍ ଉଦାର୍ କିଦ୍‌ନାକାନ୍ ଲେକେ ରସ୍ତାନ୍‌ନା। ଇନେସ୍‌କି ହେୱାନ୍ ଇସ୍ରାଏଲ ଜାତିନି ମାନାୟାରିଙ୍ଗ୍ ତା ପାପ୍ କାମାୟ୍ ପିସ୍ତି ଈଶ୍ୱରତାକେ ୱାଦେଙ୍ଗ୍ ସାଇଜ କିନାନ୍। ଆରେ ହେୱାର୍ ପାପ୍‌ତିଙ୍ଗ୍ କେମା କିନାନ୍।

ରୋମିୟ 11:36

ଇନେସ୍‌କି ୱିଜୁ ଜିନିଷ୍ ଈଶ୍ୱରତାଙ୍ଗ୍ ୱାନାତ୍। ହେୱାନ୍ ୱିଜୁ ଜିନିଷ୍ ରସ୍ତାନ୍‌ନା ଆରେ ହେ ୱିଜୁ ଜିନିଷ୍ ତାଦାଙ୍ଗ୍। ହେୱାନ୍ ୱିଜୁଦିନ୍ ସନ୍‌ମାନ୍ ପାୟାଆନି ଦର୍‌କାର୍। ଆମେନ୍।

ରୋମିୟ 9:23

ଈଶ୍ୱର ଇମ୍‌ଣାକାରିଙ୍ଗ୍ ଆଗେ ଦୟାକିଜି ତା ଗୌରବ ହିନି କାଜିଙ୍ଗ୍ ବାଚିକିଜି ମାଚାନ୍, ହେୱାର୍ ପା ତା ଗୌରବ ପାୟାଆନି ଅଦିକାର୍ ମାନାତ୍।

୧ କରନ୍ତିୟ 2:7

ମାତର୍ ଆପେଙ୍ଗ୍ ଇମ୍‌ଣି ବୁଦିନି ବିଷୟରେ ୱେଚ୍‌ଚାନାପା ହେ ଈଶ୍ୱର ବୁଦିତିଙ୍ଗ୍ ଡ଼ୁକ୍‌ଚି ମାଚାନ୍। ଆରେ ଇନେର୍ ପା ପୁନ୍‌ୱାଦାଙ୍ଗ୍ ମାଚାର୍। ପୁର୍ତିତିଙ୍ଗ୍ ଉବ୍‌ଜାଇ କିୱି ଆଗେ ଈଶ୍ୱର ତା ବୁଦି ହୁଦାଙ୍ଗ୍ ମାଙ୍ଗେଙ୍ଗ୍ ଗୌରବ ହିଦ୍‌ନି କାଜିଙ୍ଗ୍ ଇଚା କିଜି ମାଚାନ୍।

୧ କରନ୍ତିୟ 8:6

ମାତର୍ ଆପେଙ୍ଗ୍ ପୁଚାପ୍‌ନା ରକାନ୍‌ ନେ ଈଶ୍ୱର ମାନାନ୍‌, ହେୱାନ୍ ଆନାନା ଆବା ଈଶ୍ୱର, ଇନେର୍ ୱିଜୁ ଜିନିଷ୍ ଉବ୍‌ଜାଇ କିତାନ୍‌ନା। ଆରେ ଆସେଙ୍ଗ୍ ତା କାଜିଙ୍ଗ୍ ଜିବୁନ୍ ଆତାସ୍‌ନା। ଆରେ ରକାନ୍‌ ନେ ମାପୃ ମାନାନ୍‌, ହେୱାନ୍ ଯୀଶୁ ଖ୍ରୀଷ୍ଟ ତା କାଜିଙ୍ଗ୍ ଈଶ୍ୱର ୱିଜୁ ଜିନିଷ୍ ରସ୍ତାନ୍‌ନା ଆରେ ତା କାଜିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ଜିବୁନ୍ ହିତ୍‌ତାନ୍‌ନା।

୨ କରନ୍ତିୟ 3:18

ଆପେଙ୍ଗ୍ ୱିଜାକାପ୍ ଦାର୍‌ପାଣ୍ ଲେକେ ମାପୃ ମୁମ୍‌ଦ ପାର୍‌ଦା ହିଲ୍‌ୱି ଗୌରବ ଲେକେ ଚଞ୍ଜ୍‌ନାଦେର୍। ଈଶ୍ୱର ମାଙ୍ଗେଙ୍ଗ୍ ତା ଲେକେ ଆନି କାଜିଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ଗୌରବ ବାଡାୟ୍‌ କିନାନା, ହେଦାଙ୍ଗ୍ ମାପୃ ପବିତ୍ର ଆତ୍ମା କିନାନା।

୨ କରନ୍ତିୟ 4:17

ଇନେସ୍‌କି ଆସେଙ୍ଗ୍ ନଙ୍ଗୟ୍ ପାୟାଆନି ଦୁଃକ୍ କଷ୍ଟ ୱିଜୁ ହିରୁ ଆରେ ବେସିଦିନ୍ ମାନ୍‌ଗୁତ୍। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ୱିଜ୍‌ୱି ଜିବୁନ୍ ପାୟାଆନାସ୍, ଇମ୍‌ଣାକା କି ୱିଜୁ ଜିନିଷ୍‌ତାଙ୍ଗ୍ ଗାଜା ଆରେ ୱିଜୁଦିନ୍ ମାନ୍‌ଗାନାତ୍।

୨ କରନ୍ତିୟ 5:18

ଇ ୱିଜୁ ପୁନି ବିଷୟ ମା ଜିବୁନ୍‌ତାକେ ଆନାତା, ହେଦାଙ୍ଗ୍ ଈଶ୍ୱରତାଙ୍ଗ୍ ୱାତାତ୍‌ନା। ହେୱାନ୍ ଖ୍ରୀଷ୍ଟ କାଜିଙ୍ଗ୍ ଆରେରଗ ମାଙ୍ଗେଙ୍ଗ୍ ତାବେ ଲେଉଟାୟ୍ କିଜି ତାହି ୱାତ୍‌ତାନ୍‌ନା, ଆରେ ମାନାୟାରିଙ୍ଗ୍ ଆରେରଗ ତାବେ ମାହାୟ୍ କିନି କାଜିଙ୍ଗ୍ ମାଙ୍ଗେଙ୍ଗ୍ କାମାୟ୍ ହିତ୍‌ତାନ୍‌ନା।

୨ କରନ୍ତିୟ 6:18

ୱିଜୁ ଶାକ୍ତିମାନି ଈଶ୍ୱର ଇଲେକେ ଇନାତା ଯେ, ଆନେଙ୍ଗ୍ ମି ଆବା ଆନାଙ୍ଗ୍ ଆରେ ଏପେଙ୍ଗ୍ ନା ହିମ୍‌ଣାଙ୍ଗ୍ ଆନାଦେର୍।”

ଗାଲାତିୟ 3:26

ଲାଗିଙ୍ଗ୍ ଯୀଶୁ ଖ୍ରୀଷ୍ଟତାକେ ପାର୍ତିକିତି କାଜିଙ୍ଗ୍ ଆସେଙ୍ଗ୍ ଈଶ୍ୱର ହିମ୍‌ଣା ଆତାସ୍‌ନା।

ଏପିସିୟ 2:7

ତା ଦୟା ଯେ କେତେକ୍‌ ଗାଜା, ହେଦାଙ୍ଗ୍ ଜେକନିକାର୍‌ତାକେ ଆଗେ ୱାନି ଦିନ୍‌ତ ପୁନିକିଦେଙ୍ଗ୍ ଈଶ୍ୱର ଇଦାଙ୍ଗ୍ କିତାନ୍‌ନା। ଆରେ ଯୀଶୁ ଖ୍ରୀଷ୍ଟ ଇନାକା ମା କାଜିଙ୍ଗ୍ କିତାନ୍‌ନା, ହେଦାଙ୍ଗ୍ କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ଦୟା କିତ୍‌ତାନ୍‌ନା।

ଏପିସିୟ 3:10

ଇମ୍‌ଣି ୱିଜୁ ଦୁତ୍‌କୁ ଚଞ୍ଜିଆୱି ପୁର୍ତିତାକେ ଆଦିକାର୍ ହୁଦାଙ୍ଗ୍ ସାସନ୍ କିନିକ୍, ହେୱେକ୍ ଲାଗାୟ୍ ଈଶ୍ୱର ତା ୱିଜୁ ପର୍‌କାର୍ ବୁଦିତିଙ୍ଗ୍ ୱେଚ୍‌ଚେଙ୍ଗ୍ ମଣ୍ଡ୍‌ଲିତିଙ୍ଗ୍ ନଙ୍ଗୟ୍ ବ୍ଯବହାର୍ କିନି କାଜିଙ୍ଗ୍ ଜଜ୍‌ନା କିତାନ୍‌ନା।

କଲସିୟ 3:4

ମିଙ୍ଗେଙ୍ଗ୍ ପୁନି ଜିବୁନ୍ ହିଦ୍‌ନି ଖ୍ରୀଷ୍ଟ ଏଚେପାଦ୍ନା ପୁର୍ତିତାକେ ୱାନାନ୍, ହେପାଦ୍ନା ଏପେଙ୍ଗ୍ ପା ତା ଗୌରବତାଙ୍ଗ୍ ଚଞ୍ଜି ଆନାଦେର୍।

୨ ତିମଥି 2:10

ଲାଗିଙ୍ଗ୍ ଈଶ୍ୱର ବାଚିକିତି ମାନାୟାର୍ ଇନେସ୍ ଯୀଶୁ ଖ୍ରୀଷ୍ଟତାକେ ପାର୍ତି କିଜି ଉଦାର୍ ପାୟାଆନାର୍‌, ଆରେ ୱିଜୁଦିନ୍ ମାନି ଗୌରବ ପାୟାଆନାର୍‌। ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ହେୱାର୍ କାଜିଙ୍ଗ୍ ୱିଜୁ ବିଷୟତିଙ୍ଗ୍ ସାହାସ୍ ଆସ୍ତି ମାଞ୍ଜେଙ୍ଗ୍ ରେଡି ମାନାଙ୍ଗ୍।

ଏବ୍ରି 12:2

ଯୀଶୁତାକେ ମା ଟାର୍ଗେଟ୍‌ ଇଡ଼୍‌ଜି ଇଦାଙ୍ଗ୍ କିନି ଦର୍‌କାର୍, ଇନେସ୍‌କି ହେୱାନ୍ ମା ପାର୍ତିନି ପୁରାପୁରି ଟିକ୍ ନେତା। କୃଶକାଟ୍ ଜପି ଲାଜା ପାୟାଆଜି ହାଃଦେଙ୍ଗ୍ ଯୀଶୁ ଇଚା କିତାନ୍, ଇନେସ୍‌କି ହେୱାନ୍ ପୁନ୍‌ଞ୍ଜି ମାଚାନ୍ ଯେ ଇଦାଙ୍ଗ୍ ପାଚେ ୱାରି ମାନାତ୍। ଲାଗିଙ୍ଗ୍ ନଙ୍ଗୟ୍ ହେୱାନ୍ ଈଶ୍ୱର ତିନାକେଇନି ବେସି ଗୌରବ ପାୟାଆନି ବାହାତାକେ କୁଚ୍‌ଚାନ୍‌ନା।

ଏବ୍ରି 6:20

ଯୀଶୁ ମା ଆଗେ ହାଚାନ୍‌ନା ଆରେ ମା କାଜିଙ୍ଗ୍ ହେୱାନ୍ ସରଗ୍‌ତାକେ ହାଚାନ୍‌ନା। ହେୱାନ୍ ମଲ୍‌କିଷେଦକ ଲେକେ ୱିଜ୍‌ୱିଦିନ୍‌ନି ପ୍ରଦାନ୍ ମୁଡ଼୍‌ଦି ପୁଜାରି ଆତାନ୍‌ନା।

ଏବ୍ରି 7:26

ଇନେସ୍‌କି ଯୀଶୁ ଲେକେ ପ୍ରଦାନ୍ ମୁଡ଼୍‌ଦି ପୁଜାରି ମା କାଜିଙ୍ଗ୍ ଦର୍‌କାର୍। ହେୱାନ୍ ରକାନ୍ ପବିତ୍ର ମାନାୟ୍, ଇନା ଦସ୍ ହିଲ୍‌ୱି ମାନାୟ୍, ପୁରାପୁରି ଟିକ୍ ମାନାୟ୍, ପାପି ମାନାୟାର୍ ପାପ୍ କାମାୟ୍‌ତାଙ୍ଗ୍ ଦେହା ମାନି ମାନାୟ୍ ଆରେ ହେୱାନ୍ ସରଗ୍‌ତାକେ ୱିଜୁତାଙ୍ଗ୍ ଗାଜା ସନ୍‌ମାନ୍ ପାୟାଆନି ବାହାତାକେ ମାନି ମାନାୟ୍।

ଏବ୍ରି 7:28

ମୋଶା ଲେକିକିତି ନିୟମ୍ ସାସ୍ତର୍ ଅନ୍‌ସାରେ ଇମ୍‌ଣାକାର୍ ପ୍ରଦାନ୍ ମୁଡ଼୍‌ଦି ପୁଜାରି ମାଚାର୍‌, ହେୱାର୍ ମାନାୟ୍ ଆତି କାଜିଙ୍ଗ୍ ଇନାକା କିନି ଦର୍‌କାର୍ ହେଦାଙ୍ଗ୍ କିଦେଙ୍ଗ୍ ଆଡ୍‌ୱାତାର୍। ମାତର୍ ମୋଶା ଲେକିକିତି ସାସ୍ତର୍ ପାଚେ, ଈଶ୍ୱର ତା ମେହିଙ୍ଗ୍ ଶପତ୍ କିଜି ପ୍ରଦାନ୍ ମୁଡ଼୍‌ଦି ପୁଜାରି କିଜି ବାଚିକିତାନ୍। ଆରେ ତା ମେହି ୱିଜୁଦିନ୍ କାଜିଙ୍ଗ୍ ପୁରାପୁରି ଟିକ୍ ପ୍ରଦାନ୍ ମୁଡ଼୍‌ଦି ପୁଜାରି ଆତାନ୍‌ନା।

୧ ପିତର 1:12

ମାତର୍ ଈଶ୍ୱର ଇ ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟାରିଙ୍ଗ୍ ୱେଚ୍‌ଚାନ୍, ଇ ହାର୍ଦିକାବୁର୍ ମି କାଜିଙ୍ଗ୍ ଆକାୟ୍ ମାତର୍ ମାନାୟାର୍ କାଜିଙ୍ଗ୍। ଆରେ ହେ ହାର୍ଦିକାବୁର୍ ଯୀଶୁ ଖ୍ରୀଷ୍ଟ ବିଷୟ ଇମ୍‌ଣାକା ଏପେଙ୍ଗ୍ ନଙ୍ଗୟ୍ ୱେଚାଦେର୍‌ନା। ଈଶ୍ୱର ତା ପବିତ୍ର ଆତ୍ମା ସରଗ୍‌ତାଙ୍ଗ୍ ମିଙ୍ଗେଙ୍ଗ୍ ହାର୍ଦିକାବୁର୍ ୱେଚ୍‌ନି ମାନାୟାରିଙ୍ଗ୍ ସାଇଜ କିଦେଙ୍ଗ୍ ପକ୍ତାତାନ୍‌ନା। ହେଦାଙ୍ଗ୍ ୱିଜୁ ଚାନିଆଆନି ବିଷୟ ଯେ, ଇୱିଜୁ ଗଟାଆନି ବିଷୟ ସରଗ୍‌ନି ଦୁତ୍‌କୁ ପା ହୁଡ଼୍‌ନିକା।

୧ ପିତର 5:1

ଆନେଙ୍ଗ୍ ରୱାଙ୍ଗ୍ ମି ଲେକେ ମଣ୍ଡ୍‌ଲିନି ପ୍ରାଚିନ୍‌ ଆତାଙ୍ଗ୍‌ନା, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ହିକ୍ଷା ହିଦ୍‌ନାଙ୍ଗା। ବେସି ଆଗେ ଖ୍ରୀଷ୍ଟ ଦୁଃକ୍ କଷ୍ଟ ପାୟାଆନାକା ଆନେଙ୍ଗ୍ ନିଜେ ହୁଡ଼୍‌ତାଙ୍ଗ୍‌ନା, ଆରେ ହେୱାନ୍ ଏଚେପାଦ୍ନା ତା ଗୌରବ ୱିଜାକାରିଙ୍ଗ୍ ଚଚ୍‌ଚେଙ୍ଗ୍ ଆରେରଗ ୱାନାନ୍, ହେପାଦ୍ନା ଆନେଙ୍ଗ୍ ପା ତା ଗୌରବ ପାୟାଆନାଙ୍ଗ୍। ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍‌ନାଙ୍ଗା।

୧ ପିତର 5:10

ଈଶ୍ୱର ମାଙ୍ଗେଙ୍ଗ୍ ଦୟା କିତ୍‌ତି କାଜିଙ୍ଗ୍ ହେୱାନ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ତା ୱିଜୁଦିନ୍ ମାନି ଗୌରବ ମାଙ୍ଗେଙ୍ଗ୍ ହିଦ୍‌ନି କାଜିଙ୍ଗ୍ ବାଚି କିତ୍‌ତାନ୍‌ନା। ଏପେଙ୍ଗ୍ ଅଲପ୍‌ଦିନ୍ ଦୁଃକ୍ କଷ୍ଟ ପାୟାଆତି ପାଚେ ହେୱାନ୍ ମିଙ୍ଗେଙ୍ଗ୍ ଆଦିକ୍ ପାର୍ତି କିଦେଙ୍ଗ୍ ଶାକ୍ତି ହିଦ୍‌ନାନ୍, ଆରେ ହେୱାନ୍ ମିଙ୍ଗେଙ୍ଗ୍ ପୁନି ମାନାୟ୍ କିଦ୍‌ନାନ୍। ଆରେ ହେୱାନ୍ ମି ପାର୍ତିତିଙ୍ଗ୍ ର ଷ୍ଟ୍ରଙ୍ଗ୍ ପାଉଣ୍ଡେସେନ୍‌ଲେକେ କିଦ୍‌ନାନ୍।

ହତ୍‌ତି 4:11

“ମା ମାପୃ, ଈଶ୍ୱର, ଏନେଙ୍ଗ୍ ଜୟ୍-ଜୟ୍ ପାୟାଆନି ଦର୍‌କାର୍। ଏନେଙ୍ଗ୍ ସନ୍‌ମାନ୍ ପାୟାଆନି ଦର୍‌କାର୍ ଆରେ ନିଙ୍ଗେଙ୍ଗ୍ ଶାକ୍ତି ମାଚି କାଜିଙ୍ଗ୍ ୱିଜୁ ଜିନିଷ୍ ଉବ୍‌ଜାଇ କିତାୟ୍‍ନା। ଏନେଙ୍ଗ୍ ଇଚାକିତି କାଜିଙ୍ଗ୍ ହେ ୱିଜୁ ଜିନିଷ୍‌ତିଙ୍ଗ୍ ଉବ୍‌ଜା ଆତାତ୍‌ନା ଆରେ ମାନାତା।”

ହତ୍‌ତି 7:9

ତାପାଚେ ଗାଣାକିୟା ଆଉତ୍ ଏଲେଙ୍ଗ୍ ର ଗାଜା ଦଳ୍‌ନି ମାନାୟାର୍ ଈଶ୍ୱର ସିଙ୍ଗାସନ ଆଗେ ଆରେ ମେଣ୍ଢା ଇନେର୍‌କି ଯୀଶୁ ଆଗେ ନିଲ୍‌ତାକା ଆନେଙ୍ଗ୍ ହୁଡ଼୍‌ତାଙ୍ଗ୍। ହେୱାର୍ ୱିଜୁ ଜାତିନି, କୁଟୁମ୍, ଦେସ୍ ଆରେ ୱିଜୁ ବାଷାନି ମାନାୟାର୍ ୱାଜିମାଚାର୍, ହେୱାର୍ ଡ଼ିଞ୍ଜ୍‌ନି ହେନ୍ଦ୍ରା ଉସ୍‍ପି ମାଚାର୍ ଆରେ ହେୱାର୍ କେଇଦ କାଜ୍‌ରି କେନ୍ଦାଙ୍ଗ୍ ଆସ୍ତି ମାଚାର୍।