ଏବ୍ରି 13:8 - New Testament in Pengo Parja Language

⁸ ଯୀଶୁ ଖ୍ରୀଷ୍ଟ ୱିଗା, ନେଞ୍ଜେଙ୍ଗ୍ ଆରେ ୱିଜ୍‌ୱିଦିନ୍ ପାତେକ୍ ହାମାନ୍ ମାନ୍‌ଗାନାନ୍।

ସତ୍‌ ବଚନ୍‌ ପୁନି ନିୟମ୍‌

⁸ ଜିସୁ କ୍ରିସ୍ଟ ନିହିଙ୍ଗ୍, ନେଞ୍ଜେଙ୍ଗ୍‌ ଆରି ସବୁ ୱେଡ଼ାଙ୍ଗ୍ ସମାନ୍‌ ମାନାନ୍‌ ।

ଏବ୍ରି 13:8 Iomraidhean Croise

୨ କରନ୍ତିୟ 1:19

ଇନେସ୍‌କି ଆନେଙ୍ଗ୍ ଆରେ ଶିଲା ଆରେ ତିମତି ମିଙ୍ଗେଙ୍ଗ୍ ଯୀଶୁ ଖ୍ରୀଷ୍ଟ, ଈଶ୍ୱର ମେହି ବିଷୟରେ ଶୁଣାୟ୍ କିନିହିଙ୍ଗ୍ ଆଁ ଆରେ ଆକାୟ୍ ଇଞ୍ଜି ୱେଚ୍‌ୱାତାର୍‌ନା, ମାତର୍ ଆପେଙ୍ଗ୍ ଆଁ ଇଞ୍ଜିମାଚାର୍।

୨ କରନ୍ତିୟ 1:20

ଇନେସ୍‌କି ଈଶ୍ୱରତି ୱିଜୁ ପାର୍ମାଣ୍ ଖ୍ରୀଷ୍ଟତାକେ ପୁରା ଆତାତ୍‌ନା। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ଖ୍ରୀଷ୍ଟ କାଜିଙ୍ଗ୍ ଈଶ୍ୱରତିଙ୍ଗ୍ ଗୌରବ ହିତିହିଙ୍ଗ୍ “ଆମେନ୍” ଇଞ୍ଜି ଇନାପା।

ଏବ୍ରି 1:12

“ଆରେ ଏପେଙ୍ଗ୍ ଶାଲ୍ ଲେକେ, ଆଁ ହେନ୍ଦ୍ରା ଲେକେ ହେୱିଜୁ ପରି କିଦ୍‌ନାତ୍, ଆରେ ହେୱିଜୁ ବାଦ୍‌ଲା ଆନାତ୍। ମାତର୍ ଏପେଙ୍ଗ୍ ୱିଜୁଦିନ୍ ହାମାନ୍ ମାନ୍‌ଗାନାଦେର୍। ଆରେ ମି ଜିବୁନ୍ ଇନାୱେଡ଼ାଙ୍ଗ୍ ପା ୱିଜୁତ୍।”

ଜାକ୍‌ବ 1:17

ଇନେସ୍‌କି ମା ଆବା ଈଶ୍ୱର ୱିଜୁ ପର୍‌କାର୍ ହାର୍ଦି ବର୍‌ଦାନ୍, ଆରେ ଟିକ୍‌ଟାକ୍ ବର୍‌ଦାନ୍ ହିଦ୍‌ନାନ୍। ହେୱାନ୍ ବାଦାଡ଼୍‌ନି ହୁକାଙ୍ଗ୍, ୱେଡ଼ା ଆରେ ଲେଞ୍ଜ୍‌ତିଙ୍ଗ୍ ରସ୍ତାନ୍‌ନା। ହେୱାନ୍ ଇନାୱେଡ଼ାଙ୍ଗ୍ ପା ଡ଼ିଗା ଲେକେ ବାଦ୍‌ଲା ଆଉନ୍, ୱିଜୁଦିନ୍ ହାମାନ୍ ମାନ୍‌ଗାନାନ୍।

ହତ୍‌ତି 1:11

ହେଦାଙ୍ଗ୍ ଇଲେକେ ସବଦ୍ ଆତାତ୍, “ଏପେଙ୍ଗ୍ ଇନାକା ହୁଡ଼୍‌ନାଦେରା ହେଦାଙ୍ଗ୍ ର ସାସ୍ତର୍‌ତାକେ ଲେକିକିଜି ଇଟାଟ୍ ଆରେ ଏପିସ, ସ୍ମର୍ଣ୍ଣା, ପର୍ଗମ, ଥୁୟତିରା, ସାର୍ଦ୍ଦୀ, ଫିଲାଦେଲ୍‌ଫିଆ ଆରେ ଲାଅଦିକିଆ ଇ ସାତ୍‌ଗଟା ମଣ୍ଡ୍‌ଲିତାକେ ପକାଟ୍।”

ହତ୍‌ତି 1:4

ଆନେଙ୍ଗ୍ ଯୋହନ ଏସିଆ ଦେସ୍‌ତାକେ ମାନି ସାତ୍‌ଗଟା ମଣ୍ଡ୍‌ଲିନି ମାନାୟାର୍ କାଜିଙ୍ଗ୍ ଆନେଙ୍ଗ୍ ଇ ଚିଟି ଲେକିକିନାଙ୍ଗା। ଆନେଙ୍ଗ୍ ପାର୍ତାନା କିନାଙ୍ଗା ଯେ, ଈଶ୍ୱର ମିଙ୍ଗେଙ୍ଗ୍ ଦୟା ଆରେ ଶାନ୍ତି ହିଦେନ୍। ଇନେର୍ ଆଗେ ମାଚାନ୍, ଇନେର୍ ନଙ୍ଗୟ୍ ମାନାନ୍ ଆରେ ଇନେର୍ ପାଚେ ସାତ୍‌ଗଟା ଆତ୍ମାଙ୍ଗ୍ ହୁଦାଙ୍ଗ୍ ଈଶ୍ୱରନି ସିଙ୍ଗାସନ୍‌ତାକେ ୱାନାନ୍।

ହତ୍‌ତି 1:8

ମା ମାପୃ ଈଶ୍ୱର ଇଲେକେ ୱେଚ୍‌ନାନା, “ଆନେଙ୍ଗ୍ ଆଲ୍‌ପା ଆରେ ଅମେଗା,” ଇ ଅର୍ତ ଆନେଙ୍ଗ୍ ଇ ୱିଜୁ ବିଷୟତିଙ୍ଗ୍ ଆରମ୍ କିତାଙ୍ଗ୍ ଆରେ ଆନେଙ୍ଗ୍ ୱିଜୁ ବିଷୟତିଙ୍ଗ୍ ସେସ୍ କିଦେଙ୍ଗ୍ ଆଡ୍‌ନାଙ୍ଗ୍। “ଆନେଙ୍ଗ୍ ନେ ୱିଜୁ ଶାକ୍ତିମାନି ଈଶ୍ୱରତଙ୍ଗ୍ ଇନେର୍ ଆଗେ ମାଚାନ୍, ନଙ୍ଗୟ୍ ମାନାନ୍ ଆରେ ପାଚେ ମାନାନ୍।”