ଏବ୍ରି 13:7 - New Testament in Pengo Parja Language7 ଇମ୍ଣାକାର୍ ମିଙ୍ଗେଙ୍ଗ୍ ଈଶ୍ୱର କାତା ୱେଚ୍ଚି ମାନ୍ଞ୍ଚାର୍, ହେ ନେତାରିଙ୍ଗ୍ ମାନ୍ତ ଏତୁକିୟାଟ୍। ହେୱାର୍ ଜିବୁନ୍ତାକେ ମାନି ହାର୍ଦି ଗୁଣ୍ ବିଷୟରେ ଚିନ୍ତା କିୟାଟ୍ ଆରେ ହେୱାର୍ ୱେଚ୍ଚିତି ଲେକେ ମାପୃତାକେ ପାର୍ତିକିୟାଟ୍। Faic an caibideilସତ୍ ବଚନ୍ ପୁନି ନିୟମ୍7 ଇମ୍ଣାକାର୍ ମିଙ୍ଗେଙ୍ଗ୍ ଇସ୍ୱର୍ତି ବଚନ୍ ୱେଚ୍ଚି ମାନ୍ଞ୍ଚାର୍, ମିଦାଂ ଏଲେଙ୍ଗ୍ ନେତାରିଂ ଏତ୍ କିୟାଟ୍, ହେୱାର୍ତି ବେବାର୍ ହାରିହାରା ତାଂନି କାଜିଂ ହୁଡ଼୍ଜି ହେୱାର୍ତି ପାର୍ତି ପାଚେ ହାଲାଟ୍ । Faic an caibideil |
ଏବ୍ରି 13:7
27 Iomraidhean Croise
ମାତର୍ ଈଶ୍ୱର ଇନାକା ୱେଚ୍ଚାନ୍ନା ହେୱାନ୍ ହେଦାଙ୍ଗ୍ କିନାନ୍, ହେୱାନ୍ ଆସେଙ୍ଗ୍ ସମ୍ୱାଲି କିଦେଙ୍ଗ୍ ଆଡ୍ୱି ପରିକ୍ଷାତାକେ ମାଙ୍ଗେଙ୍ଗ୍ ପରିକ୍ଷା କିଦୁନ୍। ମାତର୍ ହେୱାନ୍ ମିଙ୍ଗେଙ୍ଗ୍ ହେ ପାପ୍ କାମାୟ୍ତାଙ୍ଗ୍ ଦେହା ମାଞ୍ଜେଙ୍ଗ୍ ଶାକ୍ତି ହିଦ୍ନାନ୍। ଇନେସ୍କି ଇଲେକେ ପାପ୍ କାମାୟ୍ କିନି ଇଚା ୱିଜାକାରିଙ୍ଗ୍ ଆନାତ୍, ଆରେ ହେୱିଜୁ ପାପ୍ କାମାୟ୍ କିୱି କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ଉପାୟ୍ ହିଦ୍ନାନ୍।
ଆରେ ହେଦାଙ୍ଗ୍ ଆପେଙ୍ଗ୍ ୱିଜୁଦିନ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାପା ଯେ, ଏଚେପାଦ୍ନା ଏପେଙ୍ଗ୍ ମା ହାର୍ଦିକାବୁର୍ତିଙ୍ଗ୍ ଆସ୍ତାଦେର୍। ହେପାଦ୍ନା ଏପେଙ୍ଗ୍ ମାନାୟାର୍ ୱେଚ୍ଚି କାତାତିଙ୍ଗ୍ ଆସ୍ତିଲେକେ ଆହ୍ୱାତାଦେର୍ନା। ମାତର୍ ଆପେଙ୍ଗ୍ ୱେଚ୍ଚି ହାର୍ଦିକାବୁର୍ତିଙ୍ଗ୍ ଈଶ୍ୱର ନିଜେ ୱେଚ୍ଚାନ୍ ଇଞ୍ଜି ଆସ୍ତାଦେର୍ ଆରେ ହେଦାଙ୍ଗ୍ ସତ୍। ଏପେଙ୍ଗ୍ ଯୀଶୁଙ୍ଗ୍ ପାର୍ତି କିତାଦେର୍, ଆରେ ଈଶ୍ୱର ହିତ୍ତି ହାର୍ଦିକାବୁର୍ ମି ବିତ୍ରେ କାମାୟ୍ କିନାତା।
ମି ଆତ୍ମିକ୍ ନେତାରିଙ୍ଗ୍ ମାନି କିୟାଟ୍ ଆରେ ହେୱାର୍ ଇନାକା ୱେଚ୍ଚାନାର୍ ହେଦାଙ୍ଗ୍ କିୟାଟ୍। ହେୱାର୍ କାମାୟ୍ ଆନାତା ମିଙ୍ଗେଙ୍ଗ୍ ଜାତୁନ୍ ଆନି କାଜିଙ୍ଗ୍ ଆରେ ହେୱାର୍ ଈଶ୍ୱର ଲାଗାୟ୍ ଇଲେକେ ହିଦେଙ୍ଗ୍ ଆନାତ୍ ଇଞ୍ଜି ହେୱାର୍ ପୁନାର୍। ହେୱାରିଙ୍ଗ୍ ଇଦାଙ୍ଗ୍ ୱାରିତାଙ୍ଗ୍ କିଦେଙ୍ଗ୍ ହିୟାଟ୍। ଇନେସ୍କି ହେୱାର୍ ଦୁକ୍ତାଙ୍ଗ୍ କିତାର୍, ମିଦାଙ୍ଗ୍ ଇନା ଲାବ୍ ଆଉତ୍।
ହେଦାଙ୍ଗ୍ ଇଲେକେ, ଯଦି ଈଶ୍ୱର ମିଙ୍ଗେଙ୍ଗ୍ ଶୁଣାୟ୍ କିନି ଦାନ୍ ହିତ୍ତାନ୍ନା, ଲାଗିଙ୍ଗ୍ ଏପେଙ୍ଗ୍ ଈଶ୍ୱର ହାର୍ଦିକାବୁର୍ତିଙ୍ଗ୍ ଶୁଣାୟ୍ କିନି ଦର୍କାର୍। ଯଦି ଈଶ୍ୱର ମିଙ୍ଗେଙ୍ଗ୍ ଜେକନିକାରିଙ୍ଗ୍ ସାଇଜ କିଦେଙ୍ଗ୍ ଦାନ୍ ହିତ୍ତାନ୍ନା, ଲାଗିଙ୍ଗ୍ ଏପେଙ୍ଗ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ହିତ୍ତି ୱିଜୁ ଶାକ୍ତିତାଙ୍ଗ୍ ହେଦାଙ୍ଗ୍ କିୟାଟ୍। ଆରେ ଏପେଙ୍ଗ୍ ୱିଜୁ ଜିନିଷ୍ କିତିସ୍ ଖ୍ରୀଷ୍ଟ କାଜିଙ୍ଗ୍ ଈଶ୍ୱର ଗୌରବ ପାୟା ଆନାନ୍, ଇନେସ୍କି ୱିଜୁ ଗୌରବ ଆରେ ଶାକ୍ତି ଈଶ୍ୱରତି ଇମ୍ଣାକା କି ୱିଜୁଦିନ୍ କାଜିଙ୍ଗ୍ ମାନ୍ଗାନାତ୍। ଆମେନ୍।
ଆନେଙ୍ଗ୍ ଯୋହନ ମି ଟଣ୍ଡେନ୍ତଙ୍ଗ୍, ଆନେଙ୍ଗ୍ ଯୀଶୁ ହୁଦାଙ୍ଗ୍ ମାହାଆଜି ମାଚି କାଜିଙ୍ଗ୍ ଆନେଙ୍ଗ୍ ପା ମି ଲେକେ ତା ଦୁଃକ୍ କଷ୍ଟତାକେ, ଈଶ୍ୱର ସାସନ୍ କିନି ରାଜିତାକେ, ଆରେ ୱିଜୁ ସମ୍ବାଲି କିନି ଶାକ୍ତିତାକେ ମାହା ଆତାଙ୍ଗ୍ନା। ଆନେଙ୍ଗ୍ ଈଶ୍ୱର ହାର୍ଦିକାବୁର୍ ଆରେ ଖ୍ରୀଷ୍ଟ ୱେଚ୍ଚି ସତ୍ କାତାତିଙ୍ଗ୍ ଶୁଣାୟ୍ କିତିଲେ, ଖ୍ରୀଷ୍ଟଙ୍ଗ୍ ବିରଦ୍ କିନି ମାନାୟାର୍ ନାଙ୍ଗେଙ୍ଗ୍ ପାତ୍ମ ତର୍ଦି ଦ୍ୱିପ୍ତାକେ ବନ୍ଦିକିଜି ମାନ୍ଞ୍ଚାର୍।
ତାପାଚେ ବେସି ଜବର୍ ସିଙ୍ଗାସନକୁ ହୁଡ଼୍ତାଙ୍ଗ୍, ଆରେ ହେ ସିଙ୍ଗାସନ୍ତାକେ କୁଚ୍ଚି ମାଚି ମାନାୟାରିଙ୍ଗ୍ ବିଚାର୍କିନି ଅଦିକାର୍ ହିଜି ମାନାନ୍, ଆରେ ପା କେତେକ୍ ହାଃତି ମାନାୟାର୍ ଆତ୍ମାକାଙ୍ଗ୍ ଆନେଙ୍ଗ୍ ହୁଡ଼୍ତାଙ୍ଗ୍। ହେୱାରିଙ୍ଗ୍ ଯୀଶୁ ଖ୍ରୀଷ୍ଟ ବିଷୟରେ ୱେଚ୍ଚି କାଜିଙ୍ଗ୍ ଆରେ ଈଶ୍ୱର କାତାତିଙ୍ଗ୍ ଶୁଣାୟ୍ କିତି କାଜିଙ୍ଗ୍ ହେୱାରିଙ୍ଗ୍ ହାକ୍ତ ହଣ୍ଜି ମାର୍ନେ ଅସ୍ତି ମାଚାର୍। ଆରେ ହେ ପଶୁତିଙ୍ଗ୍ କି ତା ମୁର୍ତିତିଙ୍ଗ୍ ପୁଜା କିୱିତି ମାନାୟାର୍ କି ତା ଚିନାତିଙ୍ଗ୍ କେଇଦ କି ନିଦାଣ୍ତାକେ ଅୱିତି ଆତ୍ମାଙ୍ଗ୍ ହେବେ ମାନାକା ଆନେଙ୍ଗ୍ ହୁଡ଼୍ତାଙ୍ଗ୍। ହେୱାର୍ ଆରେରଗ ଜିବୁନ୍ ଆତାର୍ ଆରେ ଖ୍ରୀଷ୍ଟ ହୁଦାଙ୍ଗ୍ ହାଜାର୍ ବାର୍ହୁ ପାତେକ୍ ସାସନ୍ କିତାର୍।
Sanasan