ଏବ୍ରି 13:3 - New Testament in Pengo Parja Language

³ ଯୀଶୁତାକେ ପାର୍ତିକିତି କାଜିଙ୍ଗ୍ ଇମ୍‌ଣାକାର୍ ଜଇଲ୍ ଇଞ୍ଜ ମାନାର୍, ହେୱାରିଙ୍ଗ୍ ବାଣା ଆମାଟ୍। ହେୱାର୍ ହୁଦାଙ୍ଗ୍ ହେବେ ମାନ୍‌ଞ୍ଜି ଦୁକ୍‌କଷ୍ଟ ପାୟାଆନାଦେରା ଇଞ୍ଜି ମାନ୍ତ ବାବିକିଜି ଏପେଙ୍ଗ୍ ପା କଷ୍ଟ ପାୟାଆନାଙ୍ଗା ଇଞ୍ଜି ମାନ୍ତ ବାବି କିୟାଟ୍। ଇମ୍‌ଣାକାର୍ ଅପ୍‌ମାନ୍ ପାୟାଆନାର୍‌, ହେୱାର୍ କଷ୍ଟ ପାୟାଆନାକା ମି ଗାଗାଡ଼୍‌ତ ପା ବାବି କିୟାଟ୍।

ସତ୍‌ ବଚନ୍‌ ପୁନି ନିୟମ୍‌

³ ଜାର୍‌ତିଂ ବନ୍ଦିରିଂ ରଚେବନ୍ଦି ଲାକେ ଗିଆନ୍‌ କିଜ଼ି ଆରେ ନିଜେ ଗାଗାଡ଼୍‌ ଆସ୍ତାପ୍‌ନା ଇଞ୍ଜି ପୁଞ୍ଜି କସ୍ଟ ବଗ୍‌କିନି ଲକୁରିଂ ଏତ୍‌ କିୟାଟ୍‌ ।

ଏବ୍ରି 13:3 Iomraidhean Croise

ମାତିଉ 25:36

ନାଙ୍ଗେଙ୍ଗ୍ ହନ୍ଦ୍ରାପାଟା ହିଲ୍‌ୱାଦାଙ୍ଗ୍ ମାଚାତ୍, ଆରେ ଏପେଙ୍ଗ୍ ନାଙ୍ଗେଙ୍ଗ୍ ହେନ୍ଦ୍ରା ଉସ୍‌ପେଦେଙ୍ଗ୍ ହିଜି ମାନ୍‌ଞ୍ଚାଦେର୍। ଆନେଙ୍ଗ୍ ବେମାର୍‌ତାକେ ମାଚାଙ୍ଗ୍। ଏପେଙ୍ଗ୍ ନାଙ୍ଗେଙ୍ଗ୍ ଜାତୁନ୍ କିତ୍‌ତାଦେର୍, ଆନେଙ୍ଗ୍ ଜଇଲ୍ ଇଞ୍ଜ ମାଚାଙ୍ଗ୍। ଏପେଙ୍ଗ୍ ନାଙ୍ଗେଙ୍ଗ୍ ହୁଡ଼୍‌ଦେଙ୍ଗ୍ ୱାଜି ମାଚାଦେର୍।

ମାତିଉ 25:43

ଆନେଙ୍ଗ୍ ଏସ୍‌କି ମାଚାଙ୍ଗ୍ ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ଇଚ୍‍କେ ଇନାକା ଉଣ୍ଡେଙ୍ଗ୍ ହିଦ୍‌ୱାଦାଙ୍ଗ୍ ମାନ୍‌ଞ୍ଚାଦେର୍। ଆନେଙ୍ଗ୍ ରକାଙ୍ଗ୍ ଇଞ୍ଜାଙ୍ଗ୍ ଦେହା ମାଚାଙ୍ଗ୍। ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ଇଲ୍ ବିତ୍ରେ ହିର୍‌ବାଆଦ୍‌ୱାତାଦେର୍, ନାଙ୍ଗେଙ୍ଗ୍ ଉସ୍‌ପେଦେଙ୍ଗ୍ ହେନ୍ଦ୍ରାପାଟା ହିଲ୍‌ୱାତାତ୍। ଏପେଙ୍ଗ୍ ନାଙ୍ଗେଙ୍ଗ୍ ଉସ୍‌ପେଦେଙ୍ଗ୍ ଇନାକା ଇଚ୍‍କେ ହିଦ୍‌ୱାଦାଙ୍ଗ୍ ମାନ୍‌ଞ୍ଚାଦେର୍। ଆନେଙ୍ଗ୍ ବେମାର୍‌ତ ମାଚାଙ୍ଗ୍। ଆରେ ଜଇଲ୍ ଇଞ୍ଜ ମାଚାଙ୍ଗ୍। ଆରେ ଏପେଙ୍ଗ୍ ନା କାଜିଙ୍ଗ୍ ଚିନ୍ତା କିୱାଦାଙ୍ଗ୍ ମାଚାଦେର୍।

ପକ୍ୟାତାକା 24:23

ଆରେ ହେ ରାଜା ଶହେ ସେନାର୍ ମୁକ୍ୟା ଆଦେସ୍ ହିତାନ୍, ପାଉଲତିଙ୍ଗ୍ ଜଇଲ୍ ଇଞ୍ଜ ହାର୍‌ଦାଙ୍ଗ୍ ଦେକାଶୁଣା କିୟାଟ୍, ଆରେ ତା ହାଙ୍ଗ୍‌ଦାକାର୍ ୱାଜି ହେୱାନିଙ୍ଗ୍ ହେବା କିତିସ୍ ମୁନା କିମାଟ୍।

ପକ୍ୟାତାକା 27:3

ଆର୍‌କାତ୍ ନାଞ୍ଜିଙ୍ଗ୍ ଆପେଙ୍ଗ୍ ସିଦନ୍‌ ସହର୍‌ତାକେ ଇକାତାପ୍। ଯୁଲିଅ ପାଉଲତିଙ୍ଗ୍ ଦରମ୍ କିତାନ୍, ଆରେ ହେୱାନିଙ୍ଗ୍ ଦର୍‌କାର୍‌ଆନି ଜିନିଷ୍ ତାହିୱାଦେଙ୍ଗ୍ ହେ ସହର୍‌ତାକେ ମାନି ପାଉଲ ହାଙ୍ଗ୍‌ଦାକାର୍ ଲାଗାୟ୍ ହାଞ୍ଜେଙ୍ଗ୍ ୱେଚ୍‌ଚାନ୍।

ରୋମିୟ 12:15

ଏଚେପାଦ୍ନା ମାନାୟାର୍ ୱାରି କିନାର୍, ଲାଗିଙ୍ଗ୍ ଏପେଙ୍ଗ୍ ପା ହେୱାର୍ ହୁଦାଙ୍ଗ୍ ମାହାଆଜି ୱାରି କିୟାଟ୍। ଆରେ ଯଦି ହେୱାର୍ ଦୁଃକ୍ ଆନାରା, ଲାଗିଙ୍ଗ୍ ଏପେଙ୍ଗ୍ ପା ହେୱାର୍ ହୁଦାଙ୍ଗ୍ ଦୁଃକ୍ ଆଡ।

୧ କରନ୍ତିୟ 12:26

ଯଦି ଗାଗାଡ଼୍‌ନି ର ଜିନିଷ୍ ଦୁଃକ୍ ପାୟା ଆନାତା, ଲାଗିଙ୍ଗ୍ ଗାଗାଡ଼୍‌ନି ୱିଜୁ ଜିନିଷ୍ ପା ଦୁଃକ୍ ପାୟାଆନାତ୍। ଆରେ ଯଦି ଗାଗାଡ଼୍‌ନି ର ଜିନିଷ୍ ସନ୍‌ମାନ୍ ପାୟାଆନାତ୍, ଲାଗିଙ୍ଗ୍ ଗାଗାଡ଼୍‌ନି ୱିଜୁ ଜିନିଷ୍ ପା ୱାରିୟା ଆନିକ୍।

ଏପିସିୟ 4:1

ଆନେଙ୍ଗ୍ ଯେ ମାପୃଙ୍ଗ୍ ହେବା କିନି କାଜିଙ୍ଗ୍ ବନ୍ଦି ଆତାଙ୍ଗ୍‌ନା, ମିଙ୍ଗେଙ୍ଗ୍ ଗୁୱାରି କିଦ୍‌ନାଙ୍ଗା, ଈଶ୍ୱର ମିଙ୍ଗେଙ୍ଗ୍ ଇନାକିଦେଙ୍ଗ୍ କୁକ୍ତାତାନ୍‌ନା ହେବେ ଆସ୍ତି ଲେକେ ହାର୍ ଆଜି ଜିବୁନ୍ କାଟିକିୟାଟ୍।

କଲସିୟ 4:18

ଆନେଙ୍ଗ୍ ପାଉଲ ଇ ଚିଟି ନିଜେ ଲେକିକିଜି ଜୱାର୍ କିଦ୍‌ନାଙ୍ଗା। ଆନେଙ୍ଗ୍ ଜଇଲ୍ ଇଞ୍ଜ ମାନାକା ଏତୁକିଜି ନା କାଜିଙ୍ଗ୍ ପାର୍ତାନା କିୟାଟ୍। ଈଶ୍ୱର ମିଙ୍ଗେଙ୍ଗ୍ ଦୟା କିଦେନ୍।

ଏବ୍ରି 10:34

ଜଇଲ୍ ଇଞ୍ଜ ମାନି ମାନାୟାର୍ କଷ୍ଟ ହୁଦାଙ୍ଗ୍ ଏପେଙ୍ଗ୍ ମାହାଆଜି କଷ୍ଟ ପାୟାଆତାଦେର୍। ମି ଦନ୍‌ସମ୍ଫତି ମାନାୟାର୍ ଚର୍‌କିଜି ଅନିହିଙ୍ଗ୍, ଏପେଙ୍ଗ୍ ଇଦାଙ୍ଗ୍‌ତିଙ୍ଗ୍ ୱାରିତାଙ୍ଗ୍ ଆସ୍ତାଦେର୍। ଇନେସ୍‌କି ଈଶ୍ୱର ପାର୍ମାଣ୍‌କିତି ସମ୍ଫତି ବେସି ହାର୍ ଆରେ ୱିଜୁଦିନ୍ ମାନ୍‌ଗାନାତ୍ ଇଞ୍ଜି ଏପେଙ୍ଗ୍ ପୁଚାଦେର୍‌ନା।

ଏବ୍ରି 11:37

କେତେକ୍ ପାର୍ତିକିନି ମାନାୟ୍ କାଲ୍‌କୁ ହୁଦାଙ୍ଗ୍ ମାଡ୍ ତିନ୍‌ଞ୍ଜି ହାଃତାର୍, କେତେକ୍ ମାନାୟ୍ କରତ୍ ହୁଦାଙ୍ଗ୍ ରି ଗନ୍ଦା ଆତାର୍, ଆରେ କେତେକ୍ ମାନାୟ୍ କାଣ୍ଡାତାଙ୍ଗ୍ ହାଃତାର୍। ଆରେ କେତେକ୍ ପାର୍ତିକିନି ମାନାୟ୍ ମେଣ୍ଢା ଆରେ ଅଡାନି ତଲ୍ ନେ ଉସ୍‌ପିସ୍ ଇନିଆନି ବୁଲାଆଜି-ଆଜି ମାଚାର୍। ହେୱାର୍ ଲାଗାୟ୍ ଇନା ଡାବୁଙ୍ଗ୍ ହିଲିତିକ୍, ଆରେ ହେୱାର୍ ବେସି ଦୁକ୍‌କଷ୍ଟ ଆରେ ଅପ୍‌ମାନ୍ ବ୍ୟବହାର୍ ପାୟାଆତାର୍।

୧ ପିତର 3:8

ସେସ୍ ୱେଡ଼ାଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା ଯେ, ୱିଜାକାଦେର୍ ର ମାନ୍ କିନି ଦର୍‌କାର୍। ଏପେଙ୍ଗ୍ ଜାର୍-ଜାର୍ କାଜିଙ୍ଗ୍ କାନିକରମ୍‌ ଆନି ଦର୍‌କାର୍ ଆରେ ର କୁଟୁମ୍‌ନି ମାନାୟାର୍‌ଲେକେ ଜାର୍-ଜାର୍‌ବିତ୍ରେ ଲାଡ୍ କିୟାଟ୍, ଏପେଙ୍ଗ୍ ଜାର୍-ଜାର୍‌ବିତ୍ରେ ଦୟା କିୟାଟ୍ ଆରେ ଦରମ୍ ଆଡ।