ଏବ୍ରି 13:1 - New Testament in Pengo Parja Language

¹ ପାର୍ତିକିନି ଟଣ୍ଡେନ୍ ତଣ୍‌ଦେକ୍‌ତି ଲାଡ୍ ଲେକେ ଏପେଙ୍ଗ୍ ଲାଡ୍‌ତାଙ୍ଗ୍ ମାନାଟ୍।

ସତ୍‌ ବଚନ୍‌ ପୁନି ନିୟମ୍‌

¹ କ୍ରିସ୍ଟଙ୍ଗ୍‌ ପାର୍ତି କିନାକାଦେର୍‌ ଏ ଟଣ୍ଡାର୍‌ ଆରି ତଣ୍‌ଦେକ୍‌ ଜିଉନନିତ ତିର୍‌ ଆଜ଼ି ମାନାଟ୍‌ ।

ଏବ୍ରି 13:1 Iomraidhean Croise

ଜହନ୍‌ 15:17

ଆନେଙ୍ଗ୍ ମିଙ୍ଗେଙ୍ଗ୍ ଇୱିଜୁ ଆଦେସ୍ ହିଦ୍‌ନାଙ୍ଗା, ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଜାର୍-ଜାର୍‌ବିତ୍ରେ ଲାଡ୍ କିୟାଟ୍।”

ପକ୍ୟାତାକା 2:1

ଯିହୁଦି ଜାତିର୍ ପେଣ୍ଟିକଷ୍ଟ ପାର୍ବୁ ୱାତାତ୍, ଲାଗିଙ୍ଗ୍ ହେୱାର୍ ୱିଜୁ ଚେଲାହିର୍ ଯିରୁଶାଲାମ୍ ସହର୍‌ନି ର ବାହାତାକେ ରବେ ରୁଣ୍ଡାଆତାର୍।

ପକ୍ୟାତାକା 4:32

ପାର୍ତିକିନି ମାନାୟାର୍ ର ମାନ୍ ଆରେ ର ଆତ୍ମା ଆଜି ମାଚାର୍। ହେୱାର୍ ବିତ୍ରେତାଙ୍ଗ୍ ଇନେର୍ ପା ଜାର୍ ଦନ୍ ସମ୍ପତିତିଙ୍ଗ୍ ନାଦାଙ୍ଗ୍ ଇଞ୍ଜି ଇନ୍‌ୱାଦାଙ୍ଗ୍ ମାଚାର୍। ମାତର୍ ହେୱାର୍ ୱିଜୁ ବିଷୟତିଙ୍ଗ୍ ହାମାନ୍ ଆଦିକାର୍ ମାଚାତ୍।

ଗାଲାତିୟ 5:13

ଇନେସ୍‌କି ଏ ଟଣ୍ଡାର୍‌କାଦେର୍, ଈଶ୍ୱର ମିଙ୍ଗେଙ୍ଗ୍ ସ୍ୱାଦିନ୍ ଆଜି ମାନି କାଜିଙ୍ଗ୍ କୁକ୍ତାତାନ୍‌ନା। ଲାଗିଙ୍ଗ୍ ମି ଗାଗାଡ଼୍‌ନି ଇଚାତାଙ୍ଗ୍ ପୁରା କିଦେଙ୍ଗ୍ ମି ସ୍ୱାଦିନ୍‌ତିଙ୍ଗ୍ ବ୍ୟବହାର୍ କିମାଟ୍, ମାତର୍ ଲାଡ୍‌ତାଙ୍ଗ୍ ଜାର୍-ଜାର୍‌ତିଙ୍ଗ୍ ହେବା କିନି କାଜିଙ୍ଗ୍ ବ୍ଯବହାର୍ କିୟାଟ୍।

ଗାଲାତିୟ 5:22

ମାତର୍ ପବିତ୍ର ଆତ୍ମା ମାଙ୍ଗେଙ୍ଗ୍ ସାଇଜ କିତ୍‌ତିସ୍, ଇଲେକେ ଗୁଣ୍: ଲାଡ୍ କିନାକା, ୱାରି କିନାକା, ଶାନ୍ତିତାଙ୍ଗ୍ ମାନାକା, ବେସି କଷ୍ଟତିଙ୍ଗ୍ ସମ୍ୱାଲି କିନାକା, ଦୟା କିନାକା।

ଗାଲାତିୟ 5:6

ସୁନତ ବିଦି ମାନିକିତିସ୍ କି କିୱିତିସ୍ ଇନା ମୁଲ୍ୟ ଆକାୟ୍, ଏଚେପାଦ୍ନା ଆପେଙ୍ଗ୍ ଯୀଶୁ ଖ୍ରୀଷ୍ଟତାକେ ପାର୍ତି କିନାପା। ଲାଗିଙ୍ଗ୍ ମୁଡ଼୍ ବିଷୟ ଆନାତା ଖ୍ରୀଷ୍ଟଙ୍ଗ୍ ପାର୍ତି କିନାସ୍, ହେଦାଙ୍ଗ୍ ଜେକନିକାରିଙ୍ଗ୍ ଲାଡ୍‌କିନି କାଜିଙ୍ଗ୍ ମାଙ୍ଗେଙ୍ଗ୍ ସାଇଜ କିଦ୍‌ନାତା।

ଏପିସିୟ 4:3

ଜାର୍-ଜାର୍ ମାହାଆଜି ମାନି କାଜିଙ୍ଗ୍ ପବିତ୍ର ଆତ୍ମା ଇମ୍‌ଣି ଶାନ୍ତି ହିଦ୍‌ନାତ୍, ହେ ବିଷୟରେ ମାଞ୍ଜେଙ୍ଗ୍ ଉପାୟ୍ କିୟାଟ୍।

ଏପିସିୟ 5:2

ଖ୍ରୀଷ୍ଟ ଇନେସ୍ ମିଙ୍ଗେଙ୍ଗ୍ ଲାଡ୍ କିତ୍‌ତାନ୍, ହେଲେକେ ଏପେଙ୍ଗ୍ ଜେକନିକାରିଙ୍ଗ୍ ଲାଡ୍ କିୟାଟ୍। ହେୱାନ୍ ମିଙ୍ଗେଙ୍ଗ୍ ଲାଡ୍ କିତିଲେ, ମି ପାପ୍‌ତିଙ୍ଗ୍ ଦେହା କିଦେଙ୍ଗ୍ ହେୱାନ୍ ନିଜେ ଜାର୍ ଜିବୁନ୍‌ତିଙ୍ଗ୍ ପୁଜା କିତିଲେକେ ବଲିଦାନ୍ କିୟିଆତାନ୍। ଈଶ୍ୱର ତା ବଲିଦାନ୍‌ତାଙ୍ଗ୍ ୱାରି ଆତାନ୍, ଇନେସ୍‌କି ହେୱାନ୍ ବଲିଦାନ୍ ବାସ୍ନା ଚିକାଣ୍ ଲେକେ ମାଚାତ୍।

୨ ଥେସଲନୀକିୟ 1:3

ଏ ପାର୍ତିକିନି ଟଣ୍ଡାର୍‌କାଦେର୍, ମି କାଜିଙ୍ଗ୍ ଆପେଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାପା। ହେଲେକେ କିନି ଦର୍‌କାର୍ ଯେ, ଏପେଙ୍ଗ୍ ଯୀଶୁଙ୍ଗ୍ ବେସିହେନି ପାର୍ତି କିନାଦେରା, ଆରେ ଏପେଙ୍ଗ୍ ଜାର୍-ଜାର୍‌ବିତ୍ରେ ବେସି ଲାଡ୍ କିନାଦେରା।

ଏବ୍ରି 10:24

ଆରେ ଜାର୍-ଜାର୍‌ତିଙ୍ଗ୍ ଲାଡ୍ ଆରେ ହାର୍ଦି କାମାୟ୍ କିନି କାଜିଙ୍ଗ୍ ଜାର୍-ଜାର୍‌ତିଙ୍ଗ୍ ସାହାସ୍ କିଦେଙ୍ଗ୍ ଦିୟାନ୍ ହିନାସ୍।

୧ ପିତର 1:22

ଇନେସ୍‌କି ଏପେଙ୍ଗ୍ ସତ୍‌ତିଙ୍ଗ୍ ମାନିକିତି କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ପାପ୍‌ତିଙ୍ଗ୍ ନୁସ୍‌ଦାତାନ୍‌ନା, ଲାଗିଙ୍ଗ୍ ଏପେଙ୍ଗ୍ ନଙ୍ଗୟ୍ ମି ପାର୍ତିନି ଟଣ୍ଡାରିଙ୍ଗ୍ ଟକାୟ୍ କିୱାଦାଙ୍ଗ୍ ହାତ୍‌ପା ଲାଡ୍‌କିନି ଦର୍‌କାର୍। ଏପେଙ୍ଗ୍ ଜାର୍-ଜାର୍‌ବିତ୍ରେ ଗରବ୍‌ତାଙ୍ଗ୍ ଲାଡ୍‌କିଜି ମାନାଟ୍।

୧ ପିତର 2:17

ଏପେଙ୍ଗ୍ ୱିଜାରିଙ୍ଗ୍ ସନ୍‌ମାନ୍ ହିୟାଟ୍, ଏପେଙ୍ଗ୍ ଖ୍ରୀଷ୍ଟାନ୍ ଟଣ୍ଡେନ୍, ତଣ୍‌ଦେଲିକାଙ୍ଗ୍ ଲାଡ୍ କିୟାଟ୍, ଏପେଙ୍ଗ୍ ଈଶ୍ୱରତିଙ୍ଗ୍ ପାଣ୍ଡ୍ରାଆଡ, ଏପେଙ୍ଗ୍ ସାସନ୍ କିନି ମାନାୟାର୍ କାତା ମାନି କିୟାଟ୍।

୧ ପିତର 3:8

ସେସ୍ ୱେଡ଼ାଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା ଯେ, ୱିଜାକାଦେର୍ ର ମାନ୍ କିନି ଦର୍‌କାର୍। ଏପେଙ୍ଗ୍ ଜାର୍-ଜାର୍ କାଜିଙ୍ଗ୍ କାନିକରମ୍‌ ଆନି ଦର୍‌କାର୍ ଆରେ ର କୁଟୁମ୍‌ନି ମାନାୟାର୍‌ଲେକେ ଜାର୍-ଜାର୍‌ବିତ୍ରେ ଲାଡ୍ କିୟାଟ୍, ଏପେଙ୍ଗ୍ ଜାର୍-ଜାର୍‌ବିତ୍ରେ ଦୟା କିୟାଟ୍ ଆରେ ଦରମ୍ ଆଡ।

୧ ପିତର 4:8

ଆନେଙ୍ଗ୍ ମି କାଜିଙ୍ଗ୍ ର ମୁକ୍ୟ ବିଷୟ ୱେଚ୍‌ଚାନାଙ୍ଗା, ଏପେଙ୍ଗ୍ ଜାର୍-ଜାର୍‌ବିତ୍ରେ ସତ୍ ଲାଡ୍ କିବା ଆଡ। ଇନେସ୍‌କି ଯଦି ମାନାୟାରିଙ୍ଗ୍ ଲାଡ୍ କିନାଦେର୍, ଲାଗିଙ୍ଗ୍ ଏପେଙ୍ଗ୍ ହେୱାର୍ କିତି ୱିଜୁ ପାପ୍‌ତିଙ୍ଗ୍ ଏପେଙ୍ଗ୍ କେମା କିଦେଙ୍ଗ୍ ୱିଜୁନାଞ୍ଜିଙ୍ଗ୍‌ ରେଡି ଆଜି ମାନାଦେର୍।

୨ ପିତର 1:7

ଏପେଙ୍ଗ୍ ଆପ୍‌କା ଈଶ୍ୱରତିଙ୍ଗ୍ ସନ୍‌ମାନ୍ କିତିଲେକେ ଜିବୁନ୍ କାଟି କିମାଟ୍, ମି ଜାର୍ ପରିବାର୍ ମାନାୟ୍ ଲେକେ ଜେକନିକାରିଙ୍ଗ୍ ପା ଲାଡ୍ କିୟାଟ୍।

୧ ଯୋହନ 3:23

ଈଶ୍ୱର ମାଙ୍ଗେଙ୍ଗ୍ ଇ ଆଦେସ୍ ହିତ୍‌ତାନ୍‌ନା ଯେ, ତା ମେହି ଯୀଶୁ ଖ୍ରୀଷ୍ଟଙ୍ଗ୍ ପାର୍ତିକିନି ଦର୍‌କାର୍, ଆରେ ହେୱାନ୍ ହିତ୍‌ତି ଆଦେସ୍ ଅନୁସାରେ ଜାର୍-ଜାର୍‌ବିତ୍ରେ ଲାଡ୍ କିୟାଆନାତ୍।

୧ ଯୋହନ 4:20

ଇମ୍‌ଣି ମାନାୟ୍ ଈଶ୍ୱରତିଙ୍ଗ୍ ଲାଡ୍ କିନାଙ୍ଗା ଇଞ୍ଜି ୱେଚ୍‌ନାନ୍, ଆରେ ତା ଟଣ୍ଡାହିଙ୍ଗ୍ ଗିଣ୍ କିନାନ୍, ହେୱାନ୍ ମିଚ୍‌ୱା। ଯଦି ହେୱାନ୍ ତା ଟଣ୍ଡାହିଙ୍ଗ୍ ହୁଡ଼୍‌ଜି ପା ଲାଡ୍ କିଉନା। ଲାଗିଙ୍ଗ୍ ହୁଡ଼୍‌ଦେଙ୍ଗ୍ ଆଡ୍‌ୱି ଈଶ୍ୱରତିଙ୍ଗ୍ ଇନେସ୍ କିଜି ଲାଡ୍ କିନାନ୍।

ହତ୍‌ତି 2:4

ମାତର୍ ଏପେଙ୍ଗ୍ ର ବୁଲ୍ କିନାକା ଆନେଙ୍ଗ୍ ହୁଡ଼୍‌ନାଙ୍ଗା। ହେଦାଙ୍ଗ୍ ଇଲେକେ ଏପେଙ୍ଗ୍ ପାର୍ତୁମ୍ ନାଙ୍ଗେଙ୍ଗ୍ ପାର୍ତି କିତ୍‌ତିହିଙ୍ଗ୍ ଇନେସ୍ ନାଙ୍ଗେଙ୍ଗ୍ ଲାଡ୍‌କିଜି ମାନ୍‌ଞ୍ଚାଦେର୍, ହେଲେକେ ଲାଡ୍ ଏପେଙ୍ଗ୍ ନଙ୍ଗୟ୍ ନାଙ୍ଗେଙ୍ଗ୍ କିଦୁଦେରା।