ଏବ୍ରି 11:16 - New Testament in Pengo Parja Language

¹⁶ ମାତର୍ ହେୱାର୍ ରଞ୍ଜାଙ୍ଗ୍ ହାର୍ଦି ଦେସ୍‌ତିଙ୍ଗ୍ ଦାସ୍ତି ମାଚାର୍, ଇଦାଙ୍ଗ୍‌ନି ଅର୍ତ ହେୱାର୍ ସରଗ୍‌ତାକେ ମାନି ଦେସ୍‌ତିଙ୍ଗ୍ ଦାସ୍ତି ମାଚାର୍। ହେଦାଙ୍ଗ୍ କାଜିଙ୍ଗ୍ ଈଶ୍ୱର ହେୱାର୍ ଈଶ୍ୱର ଇଞ୍ଜି ୱେଚ୍‌ନି କାଜିଙ୍ଗ୍ ଲାଜା ଆୱାଦାଙ୍ଗ୍ ମାଚାନ୍, ଆରେ ହେୱାନ୍ ହେୱାର୍ କାଜିଙ୍ଗ୍ ରଞ୍ଜାଙ୍ଗ୍ ସହର୍ ସରଗ୍‌ତାକେ ରସ୍ତାନ୍‌ନା।

ସତ୍‌ ବଚନ୍‌ ପୁନି ନିୟମ୍‌

¹⁶ ମାତର୍‌ ହେୱାର୍‌ ର ହାର୍ଦି ଇଚିସ୍‌ ସାର୍ଗେନି ଦେସ୍‍ନି ଆହା କିଜ଼ି ମାଚାର୍‌; ଇଦାଂ କାଜିଂ ଇସ୍ୱର୍‌ ହେୱାର୍‌ତି ଇସ୍ୱର୍‌ ଇଞ୍ଜି ଡାକ୍‌ପୁଟା ଆଦେଂ ହେୱାର୍‌ତି ବିସ୍ରେ ଲାଜ୍ ଆଉନ୍‌, ଇନାକିଦେଂକି ହେୱାନ୍‌ ହେୱାର୍‌ତି କାଜିଂ ରଞ୍ଜାଙ୍ଗ୍‌ ଗାଡ଼୍‌ ଜାଲ୍‌ଦି କିତାନ୍‌ନ୍ନା ।

ଏବ୍ରି 11:16 Iomraidhean Croise

ମାତିଉ 25:34

ଆନେଙ୍ଗ୍ ରାଜା ତା ତିନାବାଗାୟ୍ ମାନି ମାନାୟାରିଙ୍ଗ୍ ୱେଚ୍‌ନାଙ୍ଗ୍, ୱାଡ ନା ସରଗ୍‌ନି ଆବା ମିଙ୍ଗେଙ୍ଗ୍ ଆଶ୍ରିବାଦ୍ କିତ୍‌ତାନ୍‌ନା। ଈଶ୍ୱର ମିଙ୍ଗେଙ୍ଗ୍ ଇମ୍‌ଣି ରାଜି ହିଦ୍‌ଦେଙ୍ଗ୍ ଇଚା କିତ୍‌ତାନ୍‌ନା। ହେଦାଙ୍ଗ୍ ଏପେଙ୍ଗ୍ ପାୟାଆଡୁ। ପୁର୍ତି ଉବ୍‌ଜା ଆନି ପାଦ୍ନା ମି କାଜିଙ୍ଗ୍ ହେ ରାଜି ରହିଆତାତ୍‌ନା।

ମାର୍କ 12:26

ଏପେଙ୍ଗ୍ ମୋଶା ଲେକିକିତି ସାସ୍ତର୍ ପଡ଼ି କିୱାତାଦେର୍‍ନା କି? କାଚାଆନି ବୁଟାତାଙ୍ଗ୍ ଈଶ୍ୱର ମଶାଙ୍ଗ୍ ବେଣ୍‌କିତାନ୍ ଆରେ ୱେଚ୍‌ଚାନ୍, ‘ଆନେଙ୍ଗ୍ ମି ଆକଦାଦିର୍, ଅବ୍ରାହାମ୍‌, ଇସାକ ଆରେ ଯାକୁବ ଇନେରିଙ୍ଗ୍ ହେବାକିଜି ମାଚାର୍ ଆନେଙ୍ଗ୍ ହେ ଈଶ୍ୱର।’

ମାର୍କ 8:38

ଇ ଜୁଗ୍‍ନି ପାର୍ତିକିୱାକାର୍ ଆରେ ପାପ୍‍କିନି ମାନାୟାର୍ କଷ୍ଟ ହିଦ୍‌ନାର୍ ଇଞ୍ଜି ପାଣ୍ଡ୍ରାଆଜି ଯଦି ଇନେର୍ ନାଙ୍ଗେଙ୍ଗ୍ ମାପୃ ଇଞ୍ଜେଙ୍ଗ୍ ଲାଜ୍ ଆନାର୍, ଆରେ ନା ହିକ୍ଷାତିଙ୍ଗ୍ ମାନିକିଉର୍, ଲାଗିଙ୍ଗ୍ ଆନେଙ୍ଗ୍ ପା ନା ଚେଲା ଆକାୟ୍ ଇଞ୍ଜି ୱେଚ୍‌ନାଙ୍ଗ୍। ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ପବିତ୍ର ଦୁତ୍‌କୁ ହୁଦାଙ୍ଗ୍ ପୁର୍ତିତାକେ ଆରେରଗ ୱାନାଙ୍ଗ୍, ହେପାଦ୍ନା ମାଞ୍ଜିଆବାଙ୍ଗ୍ ଇନେସ୍ ଗୌରବ ମାନାତ୍ ହେଲେକେ ଆନେଙ୍ଗ୍ ଗୌରବତାଙ୍ଗ୍ ୱାନିହିଙ୍ଗ୍ ୱିଜାକାର୍ ହୁଡ଼୍‌ନାର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:32

ଏପେଙ୍ଗ୍ ରଞ୍ଜାଙ୍ଗ୍ ହିରୁ ମାନ୍ଦାନି ମେଣ୍ଢାଦଳ୍ ଲେକେ, ଲାଗିଙ୍ଗ୍ ପାଣ୍ଡ୍ରା ଆମାଟ୍। ମି ସରଗ୍‌ନି ଆବା ହେ ସରଗ୍ ରାଜି ହିତ୍‌ଦେଙ୍ଗ୍ ମାନ୍‌କିନାନା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 20:37

ମୋଶା ତା ଲେକିକିତି ସାସ୍ତର୍‌ତାକେ ୱେଚ୍‌ଚାତାନ୍‌ନା ଯେ ହାଃତାକାର୍ ଆରେରଗ ଜିବୁନ୍ ଆନାର୍। ମଶା କାଚାଆନି ବୁଟାନି ବିଷୟରେ ୱେଚ୍‌ଚାତାନ୍‌ନା, ଈଶ୍ୱର ମା ଆକଦାଦି ଅବ୍ରାହାମ୍‌, ଇସାକ ଆରେ ଯାକୁବ।

ଜହନ୍‌ 14:2

ନା ଆବା ଈଶ୍ୱର ଇଞ୍ଜ ବେସି ବାକ୍ରାଙ୍ଗ୍ ମାନିକ୍। ହେଦାଙ୍ଗ୍ ଆୱିତିସ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ୱାତାଙ୍ଗ୍‌ମା। ଆନେଙ୍ଗ୍ ମି କାଜିଙ୍ଗ୍ ର ବାହା ରସ୍ତେଙ୍ଗ୍ ଆନେଙ୍ଗ୍ ହେବେ ହାନାଙ୍ଗା।

ପକ୍ୟାତାକା 7:32

‘ଆନେଙ୍ଗ୍ ମି ଆକଦାଦିର୍ ଅବ୍ରାହାମ୍‌, ଇସାକ ଆରେ ଯାକୁବନି ଈଶ୍ୱର।’ ଇଦାଙ୍ଗ୍ ୱେନ୍‌ଞ୍ଜି ମୋଶା ତ୍ରିଗ୍‍ଜି ହାର୍‌ଦାଙ୍ଗ୍ ହୁଡ଼୍‌ଦେଙ୍ଗ୍ ଶାସ୍ କିୱାତାନ୍।

ପିଲିପିୟ 3:20

ମାତର୍ ଆପେଙ୍ଗ୍ ସରଗ୍ ଦେସ୍‌ତ ବାହାକିନି ମାନାୟ୍। ଆରେ ଆପେଙ୍ଗ୍ ସରଗ୍‌ତାଙ୍ଗ୍ ପୁର୍ତିତାକେ ୱାନି ମା ମାପୃ ଯୀଶୁ ଖ୍ରୀଷ୍ଟ ଉଦାର୍ କିଦ୍‌ନାକାନିଙ୍ଗ୍ ଆପେଙ୍ଗ୍ କାକୁଲ୍‌ତି ଆଜି କାତାପ୍‌ନା।

୨ ତିମଥି 4:18

ମାପୃ ନାଙ୍ଗେଙ୍ଗ୍ ୱିଜୁ କରାପ୍ କାମାୟ୍‌ତାଙ୍ଗ୍ ଉଦାର୍ କିଦ୍‌ନାନ୍ ଆରେ ନାଙ୍ଗେଙ୍ଗ୍ ରକ୍ଷା କିଜି ତା ସରଗ୍ ରାଜିତାକେ ଅସାହାଞ୍ଜ୍‌ନାନ୍। ଯୁଗ୍-ଯୁଗ୍‌ତ ହେୱାନିଙ୍ଗ୍ ଗୌରବ ଆୟେତ୍, ଆମେନ୍।

ଏବ୍ରି 10:34

ଜଇଲ୍ ଇଞ୍ଜ ମାନି ମାନାୟାର୍ କଷ୍ଟ ହୁଦାଙ୍ଗ୍ ଏପେଙ୍ଗ୍ ମାହାଆଜି କଷ୍ଟ ପାୟାଆତାଦେର୍। ମି ଦନ୍‌ସମ୍ଫତି ମାନାୟାର୍ ଚର୍‌କିଜି ଅନିହିଙ୍ଗ୍, ଏପେଙ୍ଗ୍ ଇଦାଙ୍ଗ୍‌ତିଙ୍ଗ୍ ୱାରିତାଙ୍ଗ୍ ଆସ୍ତାଦେର୍। ଇନେସ୍‌କି ଈଶ୍ୱର ପାର୍ମାଣ୍‌କିତି ସମ୍ଫତି ବେସି ହାର୍ ଆରେ ୱିଜୁଦିନ୍ ମାନ୍‌ଗାନାତ୍ ଇଞ୍ଜି ଏପେଙ୍ଗ୍ ପୁଚାଦେର୍‌ନା।

ଏବ୍ରି 11:10

ଅବ୍ରାହାମ ହେଲେକେ ବାହା କିତାନ୍, ଇନେସ୍‌କି ଈଶ୍ୱର ନିଜେ ରସ୍ତି ୱିଜୁଦିନ୍ ମାନି ପାଣ୍ଡୁସେନ୍‌ନି ସହର୍‌ତିଙ୍ଗ୍ ଅବ୍ରାହାମ କାସି ମାଚାନ୍।

ଏବ୍ରି 11:14

ଆରେ ଇଲେକେ ୱେଚ୍‌ନି ମାନାୟାର୍ ହେୱାର୍ ଜାର୍ ଦେସ୍‌ତିଙ୍ଗ୍ ଦାସ୍ତି ମାଚାର୍ ଇଞ୍ଜି ହେୱାର୍ ପୁରାପୁରି ଟିକ୍ ବାବ୍‌ରେ ୱେଚ୍‌ନାର୍।

ଏବ୍ରି 11:40

ଇନେସ୍‌କି ଈଶ୍ୱର ହେୱାର୍ କାଜିଙ୍ଗ୍ ଆପ୍‌କା ଗାଜା ଯଜ୍‌ନା କିୱାଦାଙ୍ଗ୍ ମାଚାନ୍, ମାତର୍ ମା କାଜିଙ୍ଗ୍ ପା ହେ ଯଜ୍‌ନା କିଜି ମାଚାନ୍। ମା ହୁଦାଙ୍ଗ୍ ହେୱାରିଙ୍ଗ୍ ଈଶ୍ୱର ପୁରା ଟିକ୍ କିଦେଙ୍ଗ୍ ଇଚାକିଜି ମାଚାନ୍‌।

ଏବ୍ରି 12:22

ମାତର୍ ଏପେଙ୍ଗ୍ ସିୟୋନ ମାଡ଼ି ଆରେ ସରଗ୍‌ତାକେ ମାନି ଯିରୁଶାଲାମ ସହର୍‌ତାକେ ୱାତାଦେର୍‌ନା। ହେଦାଙ୍ଗ୍ ଜିବୁନ୍ ମାନି ଈଶ୍ୱର ସହର୍ ଆରେ ହେବେ ହାଜାର୍-ହାଜାର୍ ଦୁତ୍‌କୁ ୱାରିନି ପାର୍ବୁ ମାନିକିନିକ୍।

ଏବ୍ରି 13:14

ଇନେସ୍‌କି ଇ ପୁର୍ତିତାକେ ମା କାଜିଙ୍ଗ୍ ୱିଜୁଦିନ୍ ମାନି ଇଲ୍ ଆକାୟ୍, ମାତର୍ ସରଗ୍‌ତାକେ ମାନି ମା ସହର୍‌ତିଙ୍ଗ୍ ଆପେଙ୍ଗ୍ ଡେକ୍‌ନାପା, ହେ ସହର୍ ୱାନାକା ମାନାତ୍।

ଏବ୍ରି 2:11

ଇମ୍‌ଣି ମାନାୟ୍ ମାନାୟାର୍ ପାପ୍ ନୁଜ୍‌ନାନ୍ ଆରେ ଇମ୍‌ଣି ମାନାୟାର୍ ପାପ୍ ନୁଜିଆ ଆନାତ୍, ହେୱାର୍ ୱିଜାକାର୍ ରକାନ୍ ଆବା ଈଶ୍ୱର ମେହିକାସ୍। ହେଦାଙ୍ଗ୍ କାଜିଙ୍ଗ୍ ଯୀଶୁ ହେୱାରିଙ୍ଗ୍ ଟଣ୍ଡାର୍ ଇଞ୍ଜି ୱେଚ୍‌ଚେଙ୍ଗ୍ ଲାଜା ଆଉନ୍।

ହତ୍‌ତି 21:2

ଆରେ, ର ବିବାଆନି ହଲ୍‌ନି କଗ୍‌ଲେ ତା ଡକ୍ରାହିଙ୍ଗ୍ ଗିଟାଆଦେଙ୍ଗ୍ ରେଡି ଆଜିମାନାତ୍, ହେଲେକେ ଈଶ୍ୱର ମାନି ସରଗ୍‌ତାଙ୍ଗ୍ ପବିତ୍ର ସହର୍ ଇମ୍‌ଣାକା କି ପୁନି ଯିରୁଶାଲାମ ଜୁଜି ୱାନାକା ଆନେଙ୍ଗ୍ ହୁଡ଼୍‌ତାଙ୍ଗ୍।