ଏବ୍ରି 10:5 - New Testament in Pengo Parja Language

⁵ ହେଦାଙ୍ଗ୍ କାଜିଙ୍ଗ୍ ଖ୍ରୀଷ୍ଟ ଏଚେପାଦ୍ନା ପୁର୍ତିତାକେ ୱାତାନ୍, ହେୱାନ୍ ଈଶ୍ୱରତିଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ବଲିପୁଜା ଆରେ ଦାନ୍ ଡେକ୍‌ୱାଦାଙ୍ଗ୍ ମାଚାୟ୍। ମାତର୍ ନିଙ୍ଗେଙ୍ଗ୍ ଇନେସ୍ ଆନେଙ୍ଗ୍ ମାନି କିଦ୍‌ନାଙ୍ଗ୍, ଇଦାଙ୍ଗ୍ କାଜିଙ୍ଗ୍ ଏନେଙ୍ଗ୍ ନାଙ୍ଗେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା କିତ୍‌ତାୟ୍।

ସତ୍‌ ବଚନ୍‌ ପୁନି ନିୟମ୍‌

⁵ ହେଦାଂ କାଜିଂ କ୍ରିସ୍ଟ ପୁର୍ତିତ ୱାନି ଆଗେ ଇସ୍ୱର୍‌ତିଂ ଇଞ୍ଜି ମାଚାନ୍‌, “ପୁଜା ଆରି ଆତାତ୍‌ତ ଏନ୍‌ ସାରି ଆକାୟ୍‌, ମାତର୍‌ ଏନ୍‌ ନା କାଜିଂ ର ଗାଗାଡ଼୍‌ ଜାଲ୍‌ଦି କିନାଦେର୍‌;

ଏବ୍ରି 10:5 Iomraidhean Croise

ମାତିଉ 11:3

ହେୱାର୍ ହାଲ୍‌ଜି ଯୀଶୁଙ୍ଗ୍ ୱେନ୍‌ବାତାର୍, “ଈଶ୍ୱର ର ଖ୍ରୀଷ୍ଟଙ୍ଗ୍ ପକ୍ତାନାଙ୍ଗ୍ ଇଞ୍ଜି କାତା ହିଜିମାନ୍‌ଞ୍ଚାନ୍ ହେୱାନ୍ କି ଏନେଙ୍ଗ୍? କି ଆପେଙ୍ଗ୍ ଆରେ ଜେକନିକାନିଙ୍ଗ୍ କାସି ମାନାପ୍?”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:35

ସରଗ୍‌ଦୁତ୍ ମରିୟମତିଙ୍ଗ୍ ୱେଚ୍‌ଚାତ୍, “ପବିତ୍ର ଆତ୍ମାନି ଲାଗାୟ୍ ୱାନାତ୍, ଆରେ ୱିଜୁ ଶାକ୍ତିନିକାନ୍ ଗାଜା ଈଶ୍ୱର ହୁଦାଙ୍ଗ୍ ମାନ୍‌ଗାନାତ୍। ହେଦାଙ୍ଗ୍ କାଜିଙ୍ଗ୍ ହେ ହିମ୍‌ଣା ପବିତ୍ର ଆଜି ଜନମ୍ ଆନାନ୍। ଆରେ ମାନାୟାର୍ ହେୱାନିଙ୍ଗ୍ ଈଶ୍ୱର ମେହି ଇଞ୍ଜି ପୁନାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:19

ହେବେତାଙ୍ଗ୍ ଡୁବନ୍‌ହିନି ଯୋହନ ଜାର୍ ଚେଲାହିରିଙ୍ଗ୍ ଯୀଶୁ ଲାଗାୟ୍ ଇବେଣ୍ ୱେନ୍‌ବେଦେଙ୍ଗ୍ ପକ୍ତାନ୍, “ଈଶ୍ୱର ଇନେରିଙ୍ଗ୍ ପକ୍ତାନାଙ୍ଗ୍ ଇଞ୍ଜି ୱେଚ୍‌ଚି ମାଚାନ୍ ଏନେଙ୍ଗ୍ ହେୱାଇ କି? ଆରେ ଇନେରିଙ୍ଗ୍ କାସି ମାନାପ୍?”

ଜହନ୍‌ 1:14

ହେ ବେଣ୍ ମାନାୟ୍ ରୁପ୍ ଆତାତ୍, ଆରେ ମା ହୁଦାଙ୍ଗ୍ ବାହାକିତାତ୍‌। ହେୱାନ୍ ଦୟା ଆରେ ସତ୍ ବିଷୟ ବାର୍ତି ମାଚାତ୍। ଆବା ଈଶ୍ୱର ର ମେହିତାକେ ଇନେସ୍ ଲେକେ ଗୌରବ ମାନାତ୍, ହେଲେକେ ଗୌରବ ଆପେଙ୍ଗ୍ ହୁଡ଼୍‌ତାପ୍।

ଗାଲାତିୟ 4:4

ମାତର୍ ଈଶ୍ୱର ଟିକ୍ କିଜିମାଚି ଦିନ୍ ୱାତିଲେ, ଈଶ୍ୱର ତା ଜାର୍ ହିମ୍‌ଣାତିଙ୍ଗ୍ ଇ ଜଗତ୍‌ତାକେ ପକ୍ତାନ୍, ଆରେ ହେୱାନ୍ ମାନାୟ୍ ଜନମ୍ ଆତି ଲେକେ କଗ୍‌ଲେତାଙ୍ଗ୍ ଜନମ୍ ଆତାନ୍। ଆରେ ହେୱାନ୍ ମୋଶା ଲେକିକିତି ନିୟମ୍ ସାସ୍ତର୍‌ତିଙ୍ଗ୍ ମାନି କିତାନ୍।

୧ ତିମତି 3:16

ଈଶ୍ୱର ମାଙ୍ଗେଙ୍ଗ୍ ଇନାକା ୱେଚ୍‌ଚାତାନ୍‌ନା ହେଦାଙ୍ଗ୍ ପୁରାପୁରି ସତ୍, ଇଦାଙ୍ଗ୍ ଇନେର୍ ପା ବୁଲ୍ ଇଞ୍ଜି ୱେଚ୍‌ଚେଙ୍ଗ୍ ଆଡୁର୍। ଖ୍ରୀଷ୍ଟ ମାନାୟ୍ ରୁପ୍ ଆଜି ୱାତାନ୍, ହେୱାନ୍ ଈଶ୍ୱର ମେହି ଇଞ୍ଜି ଈଶ୍ୱର ଆତ୍ମା ପୁନି କିତାତ୍। ଦୁତ୍‌କୁ ହେୱାନିଙ୍ଗ୍ ହୁଡ଼୍‌ତିକ୍, ଈଶ୍ୱର ହେୱାନିଙ୍ଗ୍ ସରଗ୍‌ଜପି ଅତାନ୍, ଚେଲାହିର୍ ତା ବିଷୟରେ ୱିଜୁଜାତି ନିପଣ୍ ଶୁଣାୟ୍ କିତାର୍। ଆରେ ପୁର୍ତିନି ମାନାୟାର୍ ପାର୍ତି କିତାର୍।

ଏବ୍ରି 1:6

ଆରେ ଈଶ୍ୱର ଏଚେପାଦ୍ନା ତା ଗୌରବମାନି ହିମ୍‌ଣାତିଙ୍ଗ୍ ଇ ପୁର୍ତିତାକେ ପକ୍ତାତାନ୍, ହେପାଦ୍ନା ଈଶ୍ୱର ୱେଚ୍‌ନାନ୍, “ଈଶ୍ୱରତି ୱିଜୁ ଦୁତ୍‌କୁ ହେୱାନିଙ୍ଗ୍ ପୁଜା କିୟେକ୍।”

ଏବ୍ରି 10:10

ଇଦାଙ୍ଗ୍ କାଜିଙ୍ଗ୍, ରଗ ଯୀଶୁ ଖ୍ରୀଷ୍ଟତି ଗାଗାଡ଼୍‌ନି ବଲିପୁଜାତାଙ୍ଗ୍ ଆସେଙ୍ଗ୍ ୱିଜୁଦିନ୍ କାଜିଙ୍ଗ୍ ପବିତ୍ର ଆତାସ୍‌ନା।

ଏବ୍ରି 10:7

ଲାଗିଙ୍ଗ୍ ଖ୍ରୀଷ୍ଟ ଈଶ୍ୱରତିଙ୍ଗ୍ ୱେଚ୍‌ଚାନ୍, ‘ହୁଡ଼ା, ସାସ୍ତର୍‌ତାକେ ନା ବିଷୟରେ ଲେକାଆତି ଲେକେ, ଏ ଈଶ୍ୱର, ନି ଇଚା ପୁରା କିନି କାଜିଙ୍ଗ୍ ଆନେଙ୍ଗ୍ ୱାତାଙ୍ଗ୍‌ନା’”।

ଏବ୍ରି 10:8

ମୋଶା ଲେକିକିତି ନିୟମ୍ ସାସ୍ତର୍ ଅନ୍‌ସାରେ ବଲିପୁଜା, ଦାନ୍, ପଶୁତି ବଲିପୁଜା ବେଦିତାକେ କାଡିକିନାକା ଆରେ ପାପ୍‌ତାଙ୍ଗ୍ କେମା ପାୟାଆନି କାଜିଙ୍ଗ୍। ବଲିପୁଜା କିନାକା ଦର୍‌କାର୍ ଆତିସ୍‌ପା ଖ୍ରୀଷ୍ଟ ଈଶ୍ୱରତିଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ଇ ୱିଜୁ ଇଚା କିୱାଦାଙ୍ଗ୍ ମାଚାୟ୍, ଆରେ ଇ ୱିଜୁତାଙ୍ଗ୍ ୱାରି ହିଲାତାୟ୍।”

ଏବ୍ରି 2:14

ଇନେସ୍‌କି ଈଶ୍ୱର ହିମ୍‌ଣାର୍ ନେତେର୍ ଆରେ ଜେଇନି ମାନାୟାର୍, ଲାଗିଙ୍ଗ୍ ଯୀଶୁ ପା ନିଜେ ମାନାୟ୍ ରୁପ୍ ଆଜି ଜନମ୍ ଆଜି ନେତେର୍ ଜେଇନି ମାନାୟ୍ ଆତାନ୍। ଇନେସ୍‌କି ହେୱାନ୍ ମାନାୟ୍ ରୁପ୍ ଆତି କାଜିଙ୍ଗ୍ ନେ ହାଃଦେଙ୍ଗ୍ ଆଡ଼୍‌ତାନ୍, ଆରେ ହାଃତି କାଜିଙ୍ଗ୍ ନେ ହେୱାନ୍ ହାଃନିଲେକେ ମାନି ଆଦିକାର୍‌ନି ଶାକ୍ତି ଇଡ଼୍‌ଜି ମାଚି ଶୟତାନନି ଶାକ୍ତିତିଙ୍ଗ୍ ବିନାସ୍ କିଦେଙ୍ଗ୍ ଆଡ଼୍‌ତାନ୍।

ଏବ୍ରି 5:7

ଯୀଶୁ ଖ୍ରୀଷ୍ଟ ପୁର୍ତିତାକେ ମାନିହିଙ୍ଗ୍, ଇମ୍‌ଣି ଈଶ୍ୱର ହେୱାନିଙ୍ଗ୍ ହାଃତିତାଙ୍ଗ୍ ଉଦାର୍ କିଦେଙ୍ଗ୍ ଆଡ୍‌ନାନ୍, ତା ଲାଗାୟ୍ ହେୱାନ୍ ଗାଜା କାଟ୍‌ତାଙ୍ଗ୍ ଆଡ଼ାକୁକା ଆଜି ପାର୍ତାନା ଆରେ ଗୁୱାରି କିତାନ୍। ଈଶ୍ୱରତିଙ୍ଗ୍ ହେୱାନ୍ ବେସି ସନ୍‌ମାନ୍ ଆରେ ଜାର୍‌ତିଙ୍ଗ୍ ହିରୁ ଆନି କାଜିଙ୍ଗ୍, ଈଶ୍ୱର ହେୱାନ୍ କିତି ପାର୍ତାନାତିଙ୍ଗ୍ ୱେଚାନ୍।

ଏବ୍ରି 8:3

ପାପ୍‌ତାଙ୍ଗ୍ କେମା ପାୟାଆନି କାଜିଙ୍ଗ୍ ଦାନ୍ ଆରେ ବଲିପୁଜା ୱିଜୁ ପ୍ରଦାନ୍ ମୁଡ଼୍‌ଦି ପୁଜାରିର୍ କିନାର୍। ଲାଗିଙ୍ଗ୍ ମା ପ୍ରଦାନ୍ ମୁଡ଼୍‌ଦି ପୁଜାରି ଯୀଶୁ ଖ୍ରୀଷ୍ଟ ଲାଗାୟ୍ ପା ବଲିପୁଜା କିନି କାଜିଙ୍ଗ୍ ଇନାକା ମାନି ଦର୍‌କାର୍ ମାଚାତ୍।

୧ ପିତର 2:24

ହେୱାନ୍ ନିଜେ ମା ପାପ୍‌ତିଙ୍ଗ୍ ତା ଗାଗାଡ଼୍‌ତାକେ ଅତାନ୍ ଆରେ କୃଶକାଟ୍‌ତାକେ ହାଃତାନ୍, ଲାଗିଙ୍ଗ୍ ଆସେଙ୍ଗ୍ ପାପ୍ କାଜିଙ୍ଗ୍ ହାଃତି ଲେକେ ଆୟା ଆନାତ୍ ଆରେ ଟିକ୍ କାମାୟ୍ କିନି କାଜିଙ୍ଗ୍ ଜିନାପା। ଆରେ ହେୱାନ୍ ତା ଗାଗାଡ଼୍‌ତାକେ ଗାଉଦାଉ ଆଜି ଦୁଃକ୍ କଷ୍ଟ ସମ୍ବାଲି କିତି କାଜିଙ୍ଗ୍ ଆସେଙ୍ଗ୍ ହାର୍ ଆତାସ୍।

୨ ଯୋହନ 1:7

ଇନେସ୍‌କି କେତେକ୍ ମିଚ୍ ହିକ୍ଷା ହିକାୟ୍ କିଜି ଟକାୟ୍ କିନାକାର୍ ପୁର୍ତିତାକେ ହତ୍‌ତାର୍‌ନା, ହେୱାର୍ ୱେଚ୍‌ନାର୍ ଯୀଶୁ ଖ୍ରୀଷ୍ଟ ମାନାୟ୍ ରୁପ୍ ଆଜି ପୁର୍ତିତାକେ ୱାୱାତାନ୍‌ନା। ଇ ଲେଗ୍‌ଦି ମାନାୟ୍ ଖ୍ରୀଷ୍ଟଙ୍ଗ୍ ବିରଦ୍ କିଜି ମାନାୟାରିଙ୍ଗ୍ ଟକାୟ୍ କିନାକାର୍।