ଏବ୍ରି 10:12 - New Testament in Pengo Parja Language

¹² ମାତର୍ ମା ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି ଖ୍ରୀଷ୍ଟ, ୱିଜୁଦିନ୍ କାଜିଙ୍ଗ୍ ର ବଲିପୁଜା ଲେକେ ପାପ୍‌ନି କେମା କାଜିଙ୍ଗ୍ ହେୱାନ୍ ଜାର୍‌ତିଙ୍ଗ୍ ବଲିପୁଜା କିୟାଆତାନ୍। ଆରେ ହେୱାନ୍ ଈଶ୍ୱର ତିନାକେଇ ନିପ୍‌ଣି ବେସି ସନ୍‌ମାନ୍ ପାୟାଆନି ବାହାତାକେ କୁଚ୍‌ଚାନ୍‌ନା।

ସତ୍‌ ବଚନ୍‌ ପୁନି ନିୟମ୍‌

¹² ମତର୍‌ କ୍ରିସ୍ଟ ପାପ୍‌ କାଜିଂ କେବଲ୍‌ ର ପୁଜାକିତି ପାଚେ ଇସ୍ୱର୍ତି ବୁଜ୍‌ଣି ବାଗାଙ୍ଗ୍‌ ସବୁଦିନ୍‍ କାଜିଂ କୁଚ୍‌ଚାନ୍‌;

ଏବ୍ରି 10:12 Iomraidhean Croise

ମାର୍କ 16:19

ମାପୃ ଯୀଶୁ ଇ ୱିଜୁବେଣ୍ ତା ଚେଲାହିରିଙ୍ଗ୍ ୱେଚ୍‌ଚି ପାଚେ ଈଶ୍ୱର ଯୀଶୁଙ୍ଗ୍ ସରଗ୍‌ତାକେ ଅସିହାଚାନ୍, ଆରେ ହେୱାନ୍ ଈଶ୍ୱର ହୁଦାଙ୍ଗ୍ ସାସନ୍ କିଦେଙ୍ଗ୍ ତା ତିନାବାଗାୟ୍ କୁଚ୍‌ଚାନ୍।

ରୋମିୟ 8:34

ଇନେର୍ ପା ମାଙ୍ଗେଙ୍ଗ୍ ଦସି କିତ୍‌ଦେଙ୍ଗ୍ ଆଡ଼୍‌ଦୁର୍, ଇନେସ୍‌କି ଯୀଶୁ ଖ୍ରୀଷ୍ଟ ମା କାଜିଙ୍ଗ୍ ହାଃତାନ୍‌ନା। ଆରେ ହେ ମାରାଣ୍‌ତାଙ୍ଗ୍ ମା କାଜିଙ୍ଗ୍ ଜିବୁନ୍ ଆତାନ୍‌ନା। ହେୱାନ୍ ସନ୍‌ମାନ୍ ପାୟାଆନି ବାହାତାକେ ଈଶ୍ୱରତାକେ ତିନାବାଗାୟ୍ କୁଚ୍‌ଚାନ୍‌ନା, ଆରେ ହେୱାନ୍ ମାପଣ୍ଡାଙ୍ଗ୍ ଆଜି ଈଶ୍ୱରତିଙ୍ଗ୍ ଗୁୱାରି କିନାନା।

ଏପିସିୟ 5:2

ଖ୍ରୀଷ୍ଟ ଇନେସ୍ ମିଙ୍ଗେଙ୍ଗ୍ ଲାଡ୍ କିତ୍‌ତାନ୍, ହେଲେକେ ଏପେଙ୍ଗ୍ ଜେକନିକାରିଙ୍ଗ୍ ଲାଡ୍ କିୟାଟ୍। ହେୱାନ୍ ମିଙ୍ଗେଙ୍ଗ୍ ଲାଡ୍ କିତିଲେ, ମି ପାପ୍‌ତିଙ୍ଗ୍ ଦେହା କିଦେଙ୍ଗ୍ ହେୱାନ୍ ନିଜେ ଜାର୍ ଜିବୁନ୍‌ତିଙ୍ଗ୍ ପୁଜା କିତିଲେକେ ବଲିଦାନ୍ କିୟିଆତାନ୍। ଈଶ୍ୱର ତା ବଲିଦାନ୍‌ତାଙ୍ଗ୍ ୱାରି ଆତାନ୍, ଇନେସ୍‌କି ହେୱାନ୍ ବଲିଦାନ୍ ବାସ୍ନା ଚିକାଣ୍ ଲେକେ ମାଚାତ୍।

କଲସିୟ 3:1

ଏଚେପାଦ୍ନା ଯୀଶୁ ଖ୍ରୀଷ୍ଟ ହାଃଜି ଆରେରଗ ଜିବୁନ୍‌ଆଜି ନିଙ୍ଗ୍‌ତାନ୍, ହେଲେକେ ନେ ମିଙ୍ଗେଙ୍ଗ୍ ପା ଈଶ୍ୱର ନିକ୍ତାତାନ୍‌ନା। ଈଶ୍ୱର ସନ୍‌ମାନ୍ ବାହାନି ତିନାବାଗାୟ୍ ଖ୍ରୀଷ୍ଟ କୁଚ୍‌ଚାନ୍‌ନା, ହେ ସରଗ୍‌ତାକେ ମାନି ୱିଜୁ ବିଷୟତାକେ ଏପେଙ୍ଗ୍ ମାନ୍ ହିୟାଟ୍।

ଏବ୍ରି 1:3

ହେ ହିମ୍‌ଣା ଈଶ୍ୱର ଗୌରବତାଙ୍ଗ୍ ଚଚ୍‌ଚାନାନ୍ ଆରେ ହେୱାନ୍ ୱିଜୁ ବିଷୟରେ ଈଶ୍ୱରଲେକେ ଚଞ୍ଜ୍‌ନାନ୍‌। ହେୱାନ୍ ଜାର୍ ଶାକ୍ତିମାନି କାତାତାଙ୍ଗ୍ ପୁର୍ତିନି ୱିଜୁ ବିଷୟ ଆସ୍ତାନ୍‌ନା। ଆରେ ହେୱାନ୍ ମାନାୟାର୍ ପାପ୍‌ତିଙ୍ଗ୍ ନୁସ୍‌ତି ପାଚେ ସରଗ୍‌ତାକେ ଈଶ୍ୱରତି ଗୌରବ ପାୟାଆନି ତିନାବାଗାୟ୍‌ନି ବାହାତାକେ କୁଚ୍‌ଚାନ୍‌ନା।

ଏବ୍ରି 10:10

ଇଦାଙ୍ଗ୍ କାଜିଙ୍ଗ୍, ରଗ ଯୀଶୁ ଖ୍ରୀଷ୍ଟତି ଗାଗାଡ଼୍‌ନି ବଲିପୁଜାତାଙ୍ଗ୍ ଆସେଙ୍ଗ୍ ୱିଜୁଦିନ୍ କାଜିଙ୍ଗ୍ ପବିତ୍ର ଆତାସ୍‌ନା।

ଏବ୍ରି 5:1

ଈଶ୍ୱର ଇସ୍ରାଏଲନି ମାନାୟାର୍ ବିତ୍ରେତାଙ୍ଗ୍ ରକାନିଙ୍ଗ୍ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି କିଜି ବାଚିକିଜି ମାଚାନ୍। ହେ ମୁଡ଼୍‌ଦି ପୁଜାରି ମାନାୟାର୍ ବାଦୁଲ୍‌ତ ଈଶ୍ୱର ଲାଗାୟ୍ ହେବାକିଜି ମାଚାନ୍। ଆରେ ହେୱାନ୍ ମାନାୟାର୍ ଦାନ୍ ଆରେ ମାନାୟାର୍ ପାପ୍‌ତାଙ୍ଗ୍ କେମା ପାୟାଆନି କାଜିଙ୍ଗ୍ ବଲିପୁଜା କିଜି ମାଚାନ୍।

ଏବ୍ରି 5:3

ଲାଗିଙ୍ଗ୍ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି ମାନାୟାର୍ କାଜିଙ୍ଗ୍ ବଲିପୁଜା କିନି ହୁଦାଙ୍ଗ୍, ତା ଜାର୍ ପାପ୍‌ତାଙ୍ଗ୍ କେମା ପାୟାଆନି କାଜିଙ୍ଗ୍ ପା ବଲିପୁଜା କିନି ଦର୍‌କାର୍ ଆଜି ମାଚାତ୍।

ଏବ୍ରି 7:27

ହାରଣ ଲାତ୍ରାନି ପ୍ରଦାନ୍ ମୁଡ଼୍‌ଦି ପୁଜାରିର୍ ଲେକେ, ଯୀଶୁଙ୍ଗ୍ ୱିଜୁଦିନ୍ ବଲିପୁଜା କିନି ଦର୍‌କାର୍ ଆକାୟ୍। ହେୱାର୍ ପାର୍ତୁମ୍ ଜାର୍ ପାପ୍ କାଜିଙ୍ଗ୍ ଆରେ ପାଚେ ମାନାୟାର୍ ପାପ୍ କାଜିଙ୍ଗ୍ ବଲିପୁଜା କିଜି ମାଚାର୍। ମାତର୍ ଯୀଶୁ ରଞ୍ଜେମାଡ୍ ୱିଜାକାର୍ ପାପ୍ କାଜିଙ୍ଗ୍ ଜାର୍ ଜିବୁନ୍‌ତିଙ୍ଗ୍ କୃଶକାଟ୍ ଜପି ବଲିପୁଜା କିତାନ୍‌ନା।

ଏବ୍ରି 8:1

ଆସେଙ୍ଗ୍ ଇନାକା ୱେଚ୍‌ନାସା, ହେବେନି ମୁଡ଼୍ ବିଷୟ ଇଦାଙ୍ଗ୍, ମା କାଜିଙ୍ଗ୍ ଇଲେକେ ରକାନ୍ ପ୍ରଦାନ୍ ମୁଡ଼୍‌ଦି ପୁଜାରି ମାନାନ୍, ଇନେର୍ ସରଗ୍‌ତାକେ ଈଶ୍ୱର ତିନାବାଗାୟ୍‌ନି ବେସି ସନ୍‌ମାନ୍‌ନି ସିଂହାସନ୍‌ତାକେ କୁଚ୍‌ଚାନ୍‌ନା।

ଏବ୍ରି 9:12

ହେୱାନ୍ ମେଣ୍ଢା କି ଅଡା ନେତେର୍ ଆସ୍ତି ସରଗ୍‌ତାକେ ମାନି କୁଡ଼ିଆନି ବେସି ପବିତ୍ର ବାହାତାକେ ହାଲ୍‌ୱାତାନ୍‌ନା, ମାତର୍ ହେୱାନ୍ ତା ଜାର୍ ନେତେର୍ ଆସ୍ତି ୱିଜୁଦିନ୍ କାଜିଙ୍ଗ୍ ରଗ ହାଚାନ୍‌ନା। ଇଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ୱିଜ୍‌ୱି ମୁକ୍ତି ପାୟାଆତାସ୍‌ନା।

ଏବ୍ରି 9:14

ମାତର୍ ଏପେଙ୍ଗ୍ ଇଦାଙ୍ଗ୍ ବାବି କିୟାଟ୍ ଯେ ହାଃନି ହାଜ୍‌ଦିଙ୍ଗ୍ ଅଦ୍‌ନି କାମାୟ୍‌ତାଙ୍ଗ୍ ଖ୍ରୀଷ୍ଟ ନେତେର୍ ଆଦିକ୍ କିଜି ମା ଗରବ୍‌ତିଙ୍ଗ୍ ଶୁଚି କିଦ୍‌ନାତ୍, ଆରେ ଆସେଙ୍ଗ୍ ଜିବୁନ୍ ମାନି ଈଶ୍ୱରତିଙ୍ଗ୍ ହେବା କିଦେଙ୍ଗ୍ ଆଡ୍‌ନାସ୍। ଇନେସ୍‌କି ୱିଜ୍‌ୱି ଆତ୍ମାନି ଶାକ୍ତିତାଙ୍ଗ୍, ମା ପାପ୍ କାଜିଙ୍ଗ୍ ଖ୍ରୀଷ୍ଟ ତା ଜାର୍ ଜିବୁନ୍‌ତିଙ୍ଗ୍ ଈଶ୍ୱର ଲାଗାୟ୍ ର ପୁରାପୁରି ଟିକ୍ ବଲିପୁଜା କିତାନ୍‌ନା।