ଏବ୍ରି 10:10 - New Testament in Pengo Parja Language

¹⁰ ଇଦାଙ୍ଗ୍ କାଜିଙ୍ଗ୍, ରଗ ଯୀଶୁ ଖ୍ରୀଷ୍ଟତି ଗାଗାଡ଼୍‌ନି ବଲିପୁଜାତାଙ୍ଗ୍ ଆସେଙ୍ଗ୍ ୱିଜୁଦିନ୍ କାଜିଙ୍ଗ୍ ପବିତ୍ର ଆତାସ୍‌ନା।

ସତ୍‌ ବଚନ୍‌ ପୁନି ନିୟମ୍‌

¹⁰ ଜିସୁ କ୍ରିସ୍ଟତି ଗାଗାଡ଼୍‌ ରଞ୍ଜେ ମାଡ୍‌ ପୁଜା ଆନି କାଜିଂ ହେ ଇଚା କାଜିଂ ଆସେଙ୍ଗ୍‌ ପୁଇପୁୟା କିୟା ଆତାସ୍‌ନା ।

ଏବ୍ରି 10:10 Iomraidhean Croise

ଜହନ୍‌ 17:19

ଆରେ ହେୱାର୍ ପା ସତ୍‌ତାଙ୍ଗ୍ ପବିତ୍ର ଆନି ଦର୍‌କାର୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ନିଜେ ପବିତ୍ର ମାନାଙ୍ଗ୍।”

ଜହନ୍‌ 19:34

ମାତର୍ ରକାନ୍ ସେନା ବାଲା ହୁଦାଙ୍ଗ୍ ତା ନେଞ୍ଜାଡାକିତାକେ କୁନ୍ଦ୍‌ତାନ୍। ସାଙ୍ଗେ-ସାଙ୍ଗେ ତା ନେଞ୍ଜାଡାକିତାଙ୍ଗ୍ ନେତେର୍ ଆରେ ଏଜୁଙ୍ଗ୍ ହତ୍‌ତିକ୍।

ଜହନ୍‌ 6:51

ଆନେଙ୍ଗ୍ ସରଗ୍ ଜପିତାଙ୍ଗ୍ ଜୁତ୍‌ତି ହେ ଜିବୁନ୍‌ହିନି କାଦି। ଇମ୍‌ଣାକାନ୍ ଇ କାଦିତିଙ୍ଗ୍ ତିନାନ୍ ହେୱାନ୍ ୱିଜୁଦିନ୍ ପାତେକ୍ ଜିବୁନ୍ ମାନ୍‌ଗାନାନ୍। ଇ କାଦି ଆନାତା ନା ଗାଗାଡ଼୍। ଆନେଙ୍ଗ୍ ନା ଗାଗାଡ଼୍ ହିଦ୍‌ନାଙ୍ଗ୍, ହେଦାଙ୍ଗ୍ କାଜିଙ୍ଗ୍ ପୁର୍ତିନି ମାନାୟାର୍ ଜିବୁନ୍ ପାୟାଆନାର୍‌।”

୧ କରନ୍ତିୟ 1:30

ମାତର୍ ଈଶ୍ୱର ମିଙ୍ଗେଙ୍ଗ୍ ଖ୍ରୀଷ୍ଟ ଯୀଶୁ ହୁଦାଙ୍ଗ୍ ଏକ୍ କିତ୍‌ତାନ୍‌ନା, ଆରେ ଖ୍ରୀଷ୍ଟ କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ବୁଦି ହିଦ୍‌ନାନ୍। ଈଶ୍ୱର ମା ୱିଜୁ ପାପ୍‌ତାଙ୍ଗ୍ ମୁକ୍ତି କିତ୍‌ତାନ୍ ଆରେ ହେୱାନ୍ ମାଙ୍ଗେଙ୍ଗ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ପବିତ୍ର ଆରେ ତା ମୁମ୍‌ଦ ଦରମ୍ ମାନାୟ୍ କିଦ୍‌ନାନ୍।

୧ କରନ୍ତିୟ 6:11

ମି ବିତ୍ରେ କେତ୍‌ଜାଣ୍ ମାଚାର୍ ଯେ, ହେୱାର୍ ଇଲେକେ କାମାୟ୍ କିଜି ମାଚାର୍। ମାତର୍ ଈଶ୍ୱର ନଙ୍ଗୟ୍ ମି ପାପ୍‌ତିଙ୍ଗ୍ ନୁସ୍‌ଦାତାନ୍‌ନା, ଆରେ ଏପେଙ୍ଗ୍ ହେବେତାଙ୍ଗ୍ ବିନେ ଆତାଦେର୍‌ନା। ଏପେଙ୍ଗ୍ ଈଶ୍ୱର ଆଗେ ଟିକ୍ ଲକ୍ ଆତାଦେର୍‌ନା, ଇନେସ୍‌କି ମା ଈଶ୍ୱର ମେହି ମାପୃ ଯୀଶୁ ଖ୍ରୀଷ୍ଟ ଆରେ ପବିତ୍ର ଆତ୍ମା ଇନାକା ମି କାଜିଙ୍ଗ୍ କିତିକ୍‌ନା।

ଏପିସିୟ 5:2

ଖ୍ରୀଷ୍ଟ ଇନେସ୍ ମିଙ୍ଗେଙ୍ଗ୍ ଲାଡ୍ କିତ୍‌ତାନ୍, ହେଲେକେ ଏପେଙ୍ଗ୍ ଜେକନିକାରିଙ୍ଗ୍ ଲାଡ୍ କିୟାଟ୍। ହେୱାନ୍ ମିଙ୍ଗେଙ୍ଗ୍ ଲାଡ୍ କିତିଲେ, ମି ପାପ୍‌ତିଙ୍ଗ୍ ଦେହା କିଦେଙ୍ଗ୍ ହେୱାନ୍ ନିଜେ ଜାର୍ ଜିବୁନ୍‌ତିଙ୍ଗ୍ ପୁଜା କିତିଲେକେ ବଲିଦାନ୍ କିୟିଆତାନ୍। ଈଶ୍ୱର ତା ବଲିଦାନ୍‌ତାଙ୍ଗ୍ ୱାରି ଆତାନ୍, ଇନେସ୍‌କି ହେୱାନ୍ ବଲିଦାନ୍ ବାସ୍ନା ଚିକାଣ୍ ଲେକେ ମାଚାତ୍।

ଏପିସିୟ 5:26

ଇନେସ୍ ହେୱାନ୍ ମଣ୍ଡ୍‌ଲିତିଙ୍ଗ୍ ପବିତ୍ର କିଦେଙ୍ଗ୍ ଆଡ୍‌ନାନ୍। ହେୱାନ୍ ଈଶ୍ୱର କାତା ଆରେ ଏଜୁଙ୍ଗ୍‌ତାଙ୍ଗ୍ ଇଦାଙ୍ଗ୍ ସପା କିତାନ୍‌ନା।

ଏବ୍ରି 10:12

ମାତର୍ ମା ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି ଖ୍ରୀଷ୍ଟ, ୱିଜୁଦିନ୍ କାଜିଙ୍ଗ୍ ର ବଲିପୁଜା ଲେକେ ପାପ୍‌ନି କେମା କାଜିଙ୍ଗ୍ ହେୱାନ୍ ଜାର୍‌ତିଙ୍ଗ୍ ବଲିପୁଜା କିୟାଆତାନ୍। ଆରେ ହେୱାନ୍ ଈଶ୍ୱର ତିନାକେଇ ନିପ୍‌ଣି ବେସି ସନ୍‌ମାନ୍ ପାୟାଆନି ବାହାତାକେ କୁଚ୍‌ଚାନ୍‌ନା।

ଏବ୍ରି 10:20

ବଲିପୁଜା ଲେକେ ଯୀଶୁ ଖ୍ରୀଷ୍ଟ ଗାଗାଡ଼୍‌ତାକେ ହାଃତି କାଜିଙ୍ଗ୍, ସରଗ୍‌ନି ପବିତ୍ର କୁଡ଼ିଆନି ପାର୍‌ଦା ନିପଣ୍ ଖ୍ରୀଷ୍ଟ ହଟାନ୍‌ନା, ଆରେ ମାଙ୍ଗେଙ୍ଗ୍ ଜିବୁନ୍ ହିଦ୍‌ନି କାଜିଙ୍ଗ୍ ପୁନି ହାଜି ରସ୍ତାନ୍‌ନା।

ଏବ୍ରି 10:29

ଲାଗିଙ୍ଗ୍ ବାବିକିଜି ହୁଡ଼ାଟ୍, ଇମ୍‌ଣି ମାନାୟାର୍ ଈଶ୍ୱର ମେହିଙ୍ଗ୍ ଗିଣ୍‌କିଜି କାଲ୍‌ପାନା ତାରେନ୍ ଇଡ଼୍‌ତାନ୍‌ନା, ହେୱାର୍ ଦଣ୍ଡ୍ କେତେକ୍ ଆଦିକ୍ ଆଉତ୍। ଇନେସ୍‌କି ଈଶ୍ୱର ହେୱାରିଙ୍ଗ୍ ପବିତ୍ର କିନି କାଜିଙ୍ଗ୍ ଖ୍ରୀଷ୍ଟତି ଇମ୍‌ଣି ନେତେର୍‌ତାଙ୍ଗ୍ ପୁନି ପାର୍ମାଣ୍‌ତିଙ୍ଗ୍ ଆରମ୍ କିଜି ମାଚାନ୍, ହେ ନେତେର୍‌ତିଙ୍ଗ୍ ହେୱାର୍ ପବିତ୍ର ଇଞ୍ଜି ମାନି କିଉରା। ଆରେ ଇମ୍‌ଣି ପବିତ୍ର ଆତ୍ମାତାଙ୍ଗ୍ ହେୱାନ୍ ଦୟା ପାୟାଆତାର୍‌ନା ହେୱାନିଙ୍ଗ୍ ହେୱାର୍ ଅପ୍‌ମାନ୍ କିତାର୍‌ନା।

ଏବ୍ରି 10:5

ହେଦାଙ୍ଗ୍ କାଜିଙ୍ଗ୍ ଖ୍ରୀଷ୍ଟ ଏଚେପାଦ୍ନା ପୁର୍ତିତାକେ ୱାତାନ୍, ହେୱାନ୍ ଈଶ୍ୱରତିଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ବଲିପୁଜା ଆରେ ଦାନ୍ ଡେକ୍‌ୱାଦାଙ୍ଗ୍ ମାଚାୟ୍। ମାତର୍ ନିଙ୍ଗେଙ୍ଗ୍ ଇନେସ୍ ଆନେଙ୍ଗ୍ ମାନି କିଦ୍‌ନାଙ୍ଗ୍, ଇଦାଙ୍ଗ୍ କାଜିଙ୍ଗ୍ ଏନେଙ୍ଗ୍ ନାଙ୍ଗେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା କିତ୍‌ତାୟ୍।

ଏବ୍ରି 13:12

ଇଦାଙ୍ଗ୍ କାଜିଙ୍ଗ୍ ଯୀଶୁ ପା ଜାର୍ ନେତେର୍‌ତାଙ୍ଗ୍ ମାନାୟାରିଙ୍ଗ୍ ପବିତ୍ର କିନି କାଜିଙ୍ଗ୍ ଯିରୁଶାଲାମ ସହର୍ ବାର୍ତ କଷ୍ଟ ପାୟାଆଜି ହାଃତାନ୍।

ଏବ୍ରି 2:11

ଇମ୍‌ଣି ମାନାୟ୍ ମାନାୟାର୍ ପାପ୍ ନୁଜ୍‌ନାନ୍ ଆରେ ଇମ୍‌ଣି ମାନାୟାର୍ ପାପ୍ ନୁଜିଆ ଆନାତ୍, ହେୱାର୍ ୱିଜାକାର୍ ରକାନ୍ ଆବା ଈଶ୍ୱର ମେହିକାସ୍। ହେଦାଙ୍ଗ୍ କାଜିଙ୍ଗ୍ ଯୀଶୁ ହେୱାରିଙ୍ଗ୍ ଟଣ୍ଡାର୍ ଇଞ୍ଜି ୱେଚ୍‌ଚେଙ୍ଗ୍ ଲାଜା ଆଉନ୍।

ଏବ୍ରି 2:14

ଇନେସ୍‌କି ଈଶ୍ୱର ହିମ୍‌ଣାର୍ ନେତେର୍ ଆରେ ଜେଇନି ମାନାୟାର୍, ଲାଗିଙ୍ଗ୍ ଯୀଶୁ ପା ନିଜେ ମାନାୟ୍ ରୁପ୍ ଆଜି ଜନମ୍ ଆଜି ନେତେର୍ ଜେଇନି ମାନାୟ୍ ଆତାନ୍। ଇନେସ୍‌କି ହେୱାନ୍ ମାନାୟ୍ ରୁପ୍ ଆତି କାଜିଙ୍ଗ୍ ନେ ହାଃଦେଙ୍ଗ୍ ଆଡ଼୍‌ତାନ୍, ଆରେ ହାଃତି କାଜିଙ୍ଗ୍ ନେ ହେୱାନ୍ ହାଃନିଲେକେ ମାନି ଆଦିକାର୍‌ନି ଶାକ୍ତି ଇଡ଼୍‌ଜି ମାଚି ଶୟତାନନି ଶାକ୍ତିତିଙ୍ଗ୍ ବିନାସ୍ କିଦେଙ୍ଗ୍ ଆଡ଼୍‌ତାନ୍।

ଏବ୍ରି 5:7

ଯୀଶୁ ଖ୍ରୀଷ୍ଟ ପୁର୍ତିତାକେ ମାନିହିଙ୍ଗ୍, ଇମ୍‌ଣି ଈଶ୍ୱର ହେୱାନିଙ୍ଗ୍ ହାଃତିତାଙ୍ଗ୍ ଉଦାର୍ କିଦେଙ୍ଗ୍ ଆଡ୍‌ନାନ୍, ତା ଲାଗାୟ୍ ହେୱାନ୍ ଗାଜା କାଟ୍‌ତାଙ୍ଗ୍ ଆଡ଼ାକୁକା ଆଜି ପାର୍ତାନା ଆରେ ଗୁୱାରି କିତାନ୍। ଈଶ୍ୱରତିଙ୍ଗ୍ ହେୱାନ୍ ବେସି ସନ୍‌ମାନ୍ ଆରେ ଜାର୍‌ତିଙ୍ଗ୍ ହିରୁ ଆନି କାଜିଙ୍ଗ୍, ଈଶ୍ୱର ହେୱାନ୍ କିତି ପାର୍ତାନାତିଙ୍ଗ୍ ୱେଚାନ୍।

ଏବ୍ରି 7:27

ହାରଣ ଲାତ୍ରାନି ପ୍ରଦାନ୍ ମୁଡ଼୍‌ଦି ପୁଜାରିର୍ ଲେକେ, ଯୀଶୁଙ୍ଗ୍ ୱିଜୁଦିନ୍ ବଲିପୁଜା କିନି ଦର୍‌କାର୍ ଆକାୟ୍। ହେୱାର୍ ପାର୍ତୁମ୍ ଜାର୍ ପାପ୍ କାଜିଙ୍ଗ୍ ଆରେ ପାଚେ ମାନାୟାର୍ ପାପ୍ କାଜିଙ୍ଗ୍ ବଲିପୁଜା କିଜି ମାଚାର୍। ମାତର୍ ଯୀଶୁ ରଞ୍ଜେମାଡ୍ ୱିଜାକାର୍ ପାପ୍ କାଜିଙ୍ଗ୍ ଜାର୍ ଜିବୁନ୍‌ତିଙ୍ଗ୍ କୃଶକାଟ୍ ଜପି ବଲିପୁଜା କିତାନ୍‌ନା।

ଏବ୍ରି 9:12

ହେୱାନ୍ ମେଣ୍ଢା କି ଅଡା ନେତେର୍ ଆସ୍ତି ସରଗ୍‌ତାକେ ମାନି କୁଡ଼ିଆନି ବେସି ପବିତ୍ର ବାହାତାକେ ହାଲ୍‌ୱାତାନ୍‌ନା, ମାତର୍ ହେୱାନ୍ ତା ଜାର୍ ନେତେର୍ ଆସ୍ତି ୱିଜୁଦିନ୍ କାଜିଙ୍ଗ୍ ରଗ ହାଚାନ୍‌ନା। ଇଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ୱିଜ୍‌ୱି ମୁକ୍ତି ପାୟାଆତାସ୍‌ନା।

ଏବ୍ରି 9:14

ମାତର୍ ଏପେଙ୍ଗ୍ ଇଦାଙ୍ଗ୍ ବାବି କିୟାଟ୍ ଯେ ହାଃନି ହାଜ୍‌ଦିଙ୍ଗ୍ ଅଦ୍‌ନି କାମାୟ୍‌ତାଙ୍ଗ୍ ଖ୍ରୀଷ୍ଟ ନେତେର୍ ଆଦିକ୍ କିଜି ମା ଗରବ୍‌ତିଙ୍ଗ୍ ଶୁଚି କିଦ୍‌ନାତ୍, ଆରେ ଆସେଙ୍ଗ୍ ଜିବୁନ୍ ମାନି ଈଶ୍ୱରତିଙ୍ଗ୍ ହେବା କିଦେଙ୍ଗ୍ ଆଡ୍‌ନାସ୍। ଇନେସ୍‌କି ୱିଜ୍‌ୱି ଆତ୍ମାନି ଶାକ୍ତିତାଙ୍ଗ୍, ମା ପାପ୍ କାଜିଙ୍ଗ୍ ଖ୍ରୀଷ୍ଟ ତା ଜାର୍ ଜିବୁନ୍‌ତିଙ୍ଗ୍ ଈଶ୍ୱର ଲାଗାୟ୍ ର ପୁରାପୁରି ଟିକ୍ ବଲିପୁଜା କିତାନ୍‌ନା।

ଏବ୍ରି 9:28

ହେଲେକେ ଖ୍ରୀଷ୍ଟ ପା ମାନାୟାର୍ ପାପ୍‌ତିଙ୍ଗ୍ ଦେହାକିନି କାଜିଙ୍ଗ୍ ରଗ ଜାର୍‌ତିଙ୍ଗ୍ ବଲିପୁଜା କିତାନ୍‌ନା। ଲାଗିଙ୍ଗ୍ ଏଚେପାଦ୍ନା ହେୱାନ୍ ଆରେରଗ ୱାନାନ୍, ମାନାୟାର୍ ପାପ୍ କାଜିଙ୍ଗ୍ ଜାର୍‌ତିଙ୍ଗ୍ ବଲିପୁଜା କିନି କାଜିଙ୍ଗ୍ ୱାଉନ୍, ମାତର୍ ଇମ୍‌ଣି ମାନାୟାର୍ ହେୱାନିଙ୍ଗ୍ କାତାର୍‌ନା, ହେୱାରିଙ୍ଗ୍ ଉଦାର୍ କିନି କାଜିଙ୍ଗ୍ ୱାନାନ୍।

୧ ପିତର 2:24

ହେୱାନ୍ ନିଜେ ମା ପାପ୍‌ତିଙ୍ଗ୍ ତା ଗାଗାଡ଼୍‌ତାକେ ଅତାନ୍ ଆରେ କୃଶକାଟ୍‌ତାକେ ହାଃତାନ୍, ଲାଗିଙ୍ଗ୍ ଆସେଙ୍ଗ୍ ପାପ୍ କାଜିଙ୍ଗ୍ ହାଃତି ଲେକେ ଆୟା ଆନାତ୍ ଆରେ ଟିକ୍ କାମାୟ୍ କିନି କାଜିଙ୍ଗ୍ ଜିନାପା। ଆରେ ହେୱାନ୍ ତା ଗାଗାଡ଼୍‌ତାକେ ଗାଉଦାଉ ଆଜି ଦୁଃକ୍ କଷ୍ଟ ସମ୍ବାଲି କିତି କାଜିଙ୍ଗ୍ ଆସେଙ୍ଗ୍ ହାର୍ ଆତାସ୍।

୧ ପିତର 3:18

ଆନେଙ୍ଗ୍ ଇଲେକେ ୱେଚ୍‌ଚାନାଙ୍ଗା, ଇନେସ୍‌କି ଖ୍ରୀଷ୍ଟ ପା ମା ୱିଜାକାର୍ ପାପ୍ କାଜିଙ୍ଗ୍ ଦୁଃକ୍ କଷ୍ଟ ପାୟାଆଜି ରଗ ହାଃଜି ମାଚାନ୍। ହେୱାନ୍ ରକାନ୍ ଦରମ୍ ମାନାୟ୍ ମାଚାନ୍, ମାଙ୍ଗେଙ୍ଗ୍ ଈଶ୍ୱର ଲକ୍ କିଦ୍‌ଦେଙ୍ଗ୍ ହେୱାନ୍ ମା ପାପ୍ କାଜିଙ୍ଗ୍ ହାଃଜି ମାଚାନ୍, ଲାଗିଙ୍ଗ୍ ଆସେଙ୍ଗ୍ ତା ହୁଦାଙ୍ଗ୍ ଜାର୍ ଲକ୍ ଆୟା ଆନାତ୍‌। ହେୱାର୍ ତାଙ୍ଗେଙ୍ଗ୍ ମାର୍ନେ ଅସ୍ତାର୍, ମାତର୍ ପବିତ୍ର ଆତ୍ମାନି ଶାକ୍ତିତାଙ୍ଗ୍ ଆରେରଗ ଜିବୁନ୍ ଆତାନ୍।

୧ ଯୋହନ 5:6

ହେ ଈଶ୍ୱର ମେହି ଯୀଶୁ ଖ୍ରୀଷ୍ଟ ପୁର୍ତିତାକେ ୱାତାନ୍, ପାଚେ ଯୋହନ ଯୀଶୁଙ୍ଗ୍ ଏଜୁକାଙ୍ଗ୍ ଡୁବନ୍ ହିତାନ୍। ଆରେ ହେୱାନ୍ କୃଶକାଟ୍‌ତାକେ ହାଃଜି ତା ନେତେର୍ ବଡ଼ାୟ୍ କିତାନ୍।