ଏବ୍ରି 1:2 - New Testament in Pengo Parja Language

² ମାତର୍ ଇ ସେସ୍ କାଡ଼୍‌ଦ, ତା ମେହିତାଙ୍ଗ୍ ମାଙ୍ଗେଙ୍ଗ୍ ବେଣ୍ କିତ୍‌ତାନ୍‌ନା। ଈଶ୍ୱର ହେୱାନ୍‌ତାଙ୍ଗ୍ ପୁର୍ତିନି ୱିଜୁ ବିଷୟ ରସ୍ତାନ୍, ଆରେ ହେୱାନିଙ୍ଗ୍ ୱିଜୁ ବିଷୟନି ଅଦିକାର୍ କିଜି ବାଚିକିତାନ୍

ସତ୍‌ ବଚନ୍‌ ପୁନି ନିୟମ୍‌

² ଇ ହାରିହାରା କାଡ଼୍‌ଦ ମାଜ଼ି କାଜିଂ ମାଙ୍ଗେଙ୍ଗ୍‌ କାତା ଇଞ୍ଚାର୍ଣ୍ଣା; ତାଙ୍ଗେଙ୍ଗ୍‌ ହେ ସବୁ ବିସ୍ରେନି ଆଦିକାର୍‌ କିଜ଼ି ବାଚି କିତାନ୍‌, ତା ହୁକେ ପା ସବୁ ଜଗତ୍‌ ଉବ୍‌ଜାଣ୍‌ କିତାନ୍‌;

ଏବ୍ରି 1:2 Iomraidhean Croise

ମାତିଉ 13:39

ଇମ୍‌ଣି ଶାତ୍ରୁ କାଚ୍ରା ୱିତ୍‌ନାନ୍ ହେୱାନ୍‌ନେ ଶୟତାନ। ତାସ୍ ତେଜ୍‌ନି ଦିନ୍‌ନି ଅର୍ତ ଆନାତା ଯୁଗ୍‌ଶେସ୍। ଆରେ ତେଜ୍‌ନାକାର୍‌ ଈଶ୍ୱର ଦୁତ୍‌କୁ।

ମାତିଉ 17:5

ଯୀଶୁ ଇବେଣ୍ ୱେଚୁ-ୱେଚୁ, ଅଲପ୍ ବାଦାଡ଼୍ ୱାଜି ହେୱାରିଙ୍ଗ୍ ଡାବାଇ କିତାତ୍, ଆରେ ହେ ବାଦାଡ଼୍‌ତାଙ୍ଗ୍ ଈଶ୍ୱର ବେଣ୍‌କିତାନ୍, “ଏ ନା ଲାଡ୍ ମାଜି। ଇୱାନ୍‌ତାକେ ଆନେଙ୍ଗ୍ ବେସି ୱାରି, ଇୱାନ୍ ବେଣ୍‌ତିଙ୍ଗ୍ ମାନ୍‌ଦିୟାନ୍ କିଜି ୱେନାଟ୍!”

ମାତିଉ 21:38

ମାତର୍ ହେ ଆଦି ଆସ୍ତାକାର୍ ବାଡ଼୍ ମାଲିକ୍‌ନି ହିମ୍‌ଣାଙ୍ଗ୍ ହୁଡ଼୍‌ଜି ଜାର୍-ଜାର୍‌ବିତ୍ରେ ବେଣ୍‌କିବାଆଜି ୱେଚ୍‌ପାଆତାର୍, ‘ଇୱାନ୍‌ତ ମାଲିକ୍ ମେହି, ଇୱାନିଙ୍ଗ୍ ମାର୍ନେ ଅସ୍ତିସ୍ ଇ ଅଙ୍ଗୁର୍ ବାଡ଼୍ ମାଦି ଆନାତ୍‌।’

ମାତିଉ 26:63

ମାତର୍ ଯୀଶୁ ଚିମ୍ରା ଆଜି ମାଚାନ୍। ହେବେତାଙ୍ଗ୍ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି ହେୱାନିଙ୍ଗ୍ ୱେଚ୍‌ଚାନ୍, ଆପେଙ୍ଗ୍ ନିଙ୍ଗେଙ୍ଗ୍ ଜିବୁନ୍ ମାନି ଈଶ୍ୱର ତର୍‍ଦାଙ୍ଗ୍ ପାର୍ମାଣ୍ ହିଦ୍‌ନାଙ୍ଗା ମାଙ୍ଗେଙ୍ଗ୍ ୱେଚ୍‌ଚା, ଏନେଙ୍ଗ୍ ଇନାକା ଈଶ୍ୱର ମେହି ଯୀଶୁ ଖ୍ରୀଷ୍ଟ ତି?

ମାତିଉ 28:18

ଲାଗିଙ୍ଗ୍ ଯୀଶୁ ହେୱାର୍ ଲାଗାୟ୍ ୱାଜି ହେୱାରିଙ୍ଗ୍ ୱେଚ୍‌ଚାନ୍, “ସରଗ୍ ଆରେ ପୁର୍ତିନି ୱିଜୁ ଆଦିକାର୍ ଈଶ୍ୱର ନାଙ୍ଗେଙ୍ଗ୍ ହିତ୍‌ତାନ୍‌ନା।

ମାତିଉ 3:17

ହେପାଦ୍ନା ଈଶ୍ୱର ବାଦାଡ଼୍‌ତାଙ୍ଗ୍ ଯୀଶୁଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ନା ଲାଡ୍ ମାଜି, ଆନେଙ୍ଗ୍ ନିତାକେ ବେସି ୱାରି।”

ମାର୍କ 1:1

ଈଶ୍ୱର ମେହି ଯୀଶୁ ଖ୍ରୀଷ୍ଟତି ହାର୍ଦିକାବୁର୍ ଆରମ୍ ଆତାତ୍।

ମାର୍କ 12:6

ହାରିହାରା, ବାଡ଼୍ ମାଲିକ୍‌ତାକେ ରକାନ୍ ମାତର୍ ତା ଲାଡ୍ ମାଜି ମାଚାନ୍, ଆରେ ହେୱାର୍‌ତାକେ ପକ୍ତିସ୍ ‘ନା ହିମ୍‌ଣାତିଙ୍ଗ୍ ହେୱାର୍ ମାନିକିନାର୍’ ଇଞ୍ଜି ଇଦାଙ୍ଗ୍ ୱେଚ୍‌ଚି ହେୱାର୍‌ତାକେ ପକ୍ତାନ୍।

ମାର୍କ 12:7

ମାତର୍ ହେ ଆଦି ଆସ୍ତାକାର୍ ଜାର୍-ଜାର୍ ବେଣ୍‌କିବାଆଜି ୱେଚ୍‌ଚାର୍, ‘ହୁଡ଼ାଟ୍! ଇୱାନ୍‌ତ ମାଲିକ୍ ମେହି, ଇୱାନିଙ୍ଗ୍ ମାର୍ନେ ଅସ୍ତିସ୍ ନେ ୱିଜୁ ମା ଆଦିକାର୍ ଆନାତ୍।’

ଜହନ୍‌ 1:10

ହେୱାନ୍ ପୁର୍ତିତାକେ ମାଚାନ୍। ଆରେ ପୁର୍ତିତିଙ୍ଗ୍ ହେୱାନ୍ ଉବ୍‌ଜାଇ କିତାନ୍, ମାତର୍ ପୁର୍ତିନି ମାନାୟାର୍ ହେୱାନିଙ୍ଗ୍ ଚିନ୍ କିଦେଙ୍ଗ୍ ଆଡ୍‌ୱାତାର୍।

ଜହନ୍‌ 1:14

ହେ ବେଣ୍ ମାନାୟ୍ ରୁପ୍ ଆତାତ୍, ଆରେ ମା ହୁଦାଙ୍ଗ୍ ବାହାକିତାତ୍‌। ହେୱାନ୍ ଦୟା ଆରେ ସତ୍ ବିଷୟ ବାର୍ତି ମାଚାତ୍। ଆବା ଈଶ୍ୱର ର ମେହିତାକେ ଇନେସ୍ ଲେକେ ଗୌରବ ମାନାତ୍, ହେଲେକେ ଗୌରବ ଆପେଙ୍ଗ୍ ହୁଡ଼୍‌ତାପ୍।

ଜହନ୍‌ 1:3

ହେୱାନ୍ ପୁର୍ତିନି ୱିଜୁ ବିଷୟତିଙ୍ଗ୍ ଉବ୍‌ଜାଇ କିତାନ୍‌ନା। ହେୱାନିଙ୍ଗ୍ ପିସ୍ତି ପୁର୍ତିନି ୱିଜୁ ବିଷୟ ଉବ୍‌ଜାଣ୍‌ ଆୱାତାତ୍‌ନା।

ଜହନ୍‌ 13:3

ଆବା ଈଶ୍ୱର ଯୀଶୁଙ୍ଗ୍ ୱିଜୁ ବଷୟରେ ଆଦିକାର୍ ହିଜିମାଚାନ୍। ହେୱାନ୍ ଈଶ୍ୱରତାଙ୍ଗ୍ ୱାତାନ୍‌ନା ଆରେ ଈଶ୍ୱରତାକେ ହାନାଙ୍ଗ୍ ଇଞ୍ଜି ଯୀଶୁ ଇଦାଙ୍ଗ୍ ପୁନ୍‌ଞ୍ଜି ମାଚାନ୍।

ଜହନ୍‌ 13:32

ଈଶ୍ୱର ଯଦି ତାବେଣ୍ଡାଙ୍ଗ୍ ଜୟ୍-ଜୟ୍ ପାୟା ଆନାନ୍, ଲାଗିଙ୍ଗ୍ ଈଶ୍ୱର ପା ହେୱାନିଙ୍ଗ୍ ଜୟ୍-ଜୟ୍ କିନାନ୍। ହେୱାନ୍ ହେୱାନିଙ୍ଗ୍ ବେଗି ଜୟ୍-ଜୟ୍ କିଦେଙ୍ଗ୍ ହାନାନା।”

ଜହନ୍‌ 15:15

ଆନେଙ୍ଗ୍ ମିଙ୍ଗେଙ୍ଗ୍ ହଲିଆର୍ ଇଞ୍ଜି ୱେଚ୍‌ଚୁଙ୍ଗା। ରକାନ୍ ହଲିଆ, ତା ମାଲିକ୍ ଇନାକା କିନାନ୍, ହେୱାନ୍ ପୁନୁନ୍। ମାତର୍ ନଙ୍ଗୟ୍ ଆନେଙ୍ଗ୍ ମିଙ୍ଗେଙ୍ଗ୍ ସାଙ୍ଗ ଇଞ୍ଜି ୱେଚ୍‌ଚାନାଙ୍ଗା, ଇନେସ୍‌କି ଆନେଙ୍ଗ୍ ନା ଆବା ଈଶ୍ୱରତାଙ୍ଗ୍ ଇନାକା ୱିଜୁ ୱେଚାଙ୍ଗ୍‌ନା, ହେଦାଙ୍ଗ୍ ମିଙ୍ଗେଙ୍ଗ୍ ଶୁଣାୟ୍ କିଦ୍‌ନାଙ୍ଗା।

ଜହନ୍‌ 16:15

ଇନାକା ଆବା ଈଶ୍ୱରତି ହେଦାଙ୍ଗ୍ ନାଦି। ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ୱେଚ୍‌ଚାନାଙ୍ଗା, ଈଶ୍ୱରଆତ୍ମା ନାବେତାଙ୍ଗ୍ ୱିଜୁ କାତା ୱେନ୍‌ଞ୍ଜି ମିଙ୍ଗେଙ୍ଗ୍ ୱେଚ୍‌ଚାନାନ୍।”

ଜହନ୍‌ 17:2

ଏନେଙ୍ଗ୍ ହେୱାନିଙ୍ଗ୍ ୱିଜୁ ମାନାୟ୍ ଜାତିତିଙ୍ଗ୍ ଆଦିକାର୍ ହିତାଇନା। ଇନେସ୍‌କି ଏନେଙ୍ଗ୍ ହେୱାନିଙ୍ଗ୍ ଇମ୍‌ଣାକାରିଙ୍ଗ୍ ହିତାଇନା, ହେୱାରିଙ୍ଗ୍ ହେ ହିମ୍‌ଣା ୱିଜ୍‌ୱି ଜିବୁନ୍ ହିନାନ୍।

ଜହନ୍‌ 3:16

ଇନେସ୍‌କି ଈଶ୍ୱର ପୁର୍ତିତିଙ୍ଗ୍ ଏଚେକ୍ ଲାଡ୍ କିତାନ୍ ଯେ, ହେୱାନ୍ ତା ରକାନ୍ ଇଞ୍ଜି ମେହିଙ୍ଗ୍ ହିତ୍‌ତାନ୍। ଇନେସ୍ ଲେକେ ତା ମାଜିଙ୍ଗ୍ ପାର୍ତିକିନାର୍ ହେ ମାନାୟାର୍, ନଷ୍ଟ ଆୱାଦାଙ୍ଗ୍ ୱିଜ୍‌ୱି ଜିବୁନ୍ ପାୟାଆନାର୍‌।

ଜହନ୍‌ 3:25

ଡୁବନ୍‌ହିନି ଯୋହନ ଚେଲାହି ରକାନ୍ ଯିହୁଦି ଦରମ୍ ବିଦିତିଙ୍ଗ୍ ଅଜି ମାନାୟ୍ ଜୁକ୍ତି କିତାନ୍।

ଜହନ୍‌ 5:26

ମାତର୍ ସରଗ୍‌ନି ଆବା ଆନାନା ଜିବୁନ୍‌ନି ଆଦିକାର୍ ମାନାତ୍। ହେୱାନ୍ ତା ମେହିଙ୍ଗ୍ ପା ଜିବୁନ୍‌ନି ଆଦିକାର୍ ହିତାନ୍‌ନା।

ଜହନ୍‌ 5:27

ମାନାୟାର୍ ବିଚାର୍ କିଦେଙ୍ଗ୍ ହେୱାନ୍ ତା ମେହିଙ୍ଗ୍ ଆଦିକାର୍ ହିତାନ୍‌ନା। ଇନେସ୍‌କି ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତଙ୍ଗ୍‌।

ଜହନ୍‌ 9:29

ଈଶ୍ୱର ମୋଶା ହୁଦାଙ୍ଗ୍ କାତାବାର୍ତା ଆତାର୍‌ନା ଆପେଙ୍ଗ୍ ପୁନାପ୍। ମାତର୍ ଇୱାନ୍ ଇମେତାଙ୍ଗ୍ ୱାତାନ୍‌ନା, ହେଦାଙ୍ଗ୍ ଆପେଙ୍ଗ୍ ପୁନୁୱାତାପ୍‌ନା।”

ପକ୍ୟାତାକା 10:36

ଈଶ୍ୱର ମା ଇସ୍ରାଏଲ ଜାତିତାକେ ପକ୍ତିତି କାବୁର୍ ଏପେଙ୍ଗ୍ ପୁଚାଦେର୍‌ନା। ଈଶ୍ୱର ତା ଶାନ୍ତିନି ହାର୍ଦିକାବୁର୍ ୱେଚ୍‌ଚାତାନ୍‌ନା। ଇନେସ୍‌କି ମାନାୟାର୍ ଯୀଶୁ ଖ୍ରୀଷ୍ଟଙ୍ଗ୍ ପାର୍ତି କିଜି ହେୱାର୍ ଈଶ୍ୱର ହୁଦାଙ୍ଗ୍ ଶାନ୍ତିତାଙ୍ଗ୍ ମାଞ୍ଜେଙ୍ଗ୍ ଆଡ୍‌ନାର୍। ହେୱାନ୍‌ନେ ୱିଜାକାର୍ ମାପୃ।

ପକ୍ୟାତାକା 2:17

‘ଈଶ୍ୱର ୱେଚ୍‌ନାନ୍, ସେସ୍‌ଦିନ୍‌ତ ଆନେଙ୍ଗ୍ ୱିଜାକାର୍ ମାନାୟାରିଙ୍ଗ୍ ନା ପବିତ୍ର ଆତ୍ମା ହିନାଙ୍ଗ୍। ଲାଗିଙ୍ଗ୍ ମି ହିମ୍‌ଣାୱାକ୍‌ଡ଼ା ଈଶ୍ୱର କାତାତିଙ୍ଗ୍ ୱେନ୍‌ଞ୍ଜି ମାନାୟାରିଙ୍ଗ୍ ୱେଚ୍‌ନାର୍, ମି ବେଣ୍ଡିଆ କାଡ଼୍‌ଦେର୍ ଈଶ୍ୱରତିଙ୍ଗ୍ ହୁଡ଼୍‌ନାର୍, ଆରେ ମି ବୁଡ଼ାର୍‌ ଆନେଙ୍ଗ୍ ହିନି କେଚ୍‌କଣ୍‌ତିଙ୍ଗ୍ ହୁଡ଼୍‌ନାର୍।

ରୋମିୟ 1:4

ଆରେ ମା ମାପୃ ଯୀଶୁ ଖ୍ରୀଷ୍ଟଙ୍ଗ୍ ଈଶ୍ୱର ମେହି ଇଞ୍ଜି ପୁଞ୍ଜେଙ୍ଗ୍ ଆଡ଼୍‌ତାସ୍, ଏଚେପାଦ୍ନା ଈଶ୍ୱର ପବିତ୍ର ଆତ୍ମା ଶାକ୍ତି ହୁଦାଙ୍ଗ୍ ଯୀଶୁଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ କିତାନ୍।

ରୋମିୟ 8:17

ଆରେ ଯଦି ଆପେଙ୍ଗ୍ ଈଶ୍ୱର ମେହିକାପ୍ ଆତାପ୍‌ନା, ଲାଗିଙ୍ଗ୍ ତା ମେହି ଖ୍ରୀଷ୍ଟଙ୍ଗ୍ ହିନି ଦନ୍ ସମ୍ପତି ପା ମାଦାଙ୍ଗ୍ ଆନାତ୍। ମାତର୍ ଯଦି ଆସେଙ୍ଗ୍ ତା ଗୌରବ ପାୟାଆନାସ୍‌, ଲାଗିଙ୍ଗ୍ ହେୱାନ୍ ଦୁଃକ୍ କଷ୍ଟ ପାୟା ଆତିଲେକେ ଆସେଙ୍ଗ୍ ପା ପାୟା ଆଦେଙ୍ଗ୍ ଆନାତ୍।

୧ କରନ୍ତିୟ 2:7

ମାତର୍ ଆପେଙ୍ଗ୍ ଇମ୍‌ଣି ବୁଦିନି ବିଷୟରେ ୱେଚ୍‌ଚାନାପା ହେ ଈଶ୍ୱର ବୁଦିତିଙ୍ଗ୍ ଡ଼ୁକ୍‌ଚି ମାଚାନ୍। ଆରେ ଇନେର୍ ପା ପୁନ୍‌ୱାଦାଙ୍ଗ୍ ମାଚାର୍। ପୁର୍ତିତିଙ୍ଗ୍ ଉବ୍‌ଜାଇ କିୱି ଆଗେ ଈଶ୍ୱର ତା ବୁଦି ହୁଦାଙ୍ଗ୍ ମାଙ୍ଗେଙ୍ଗ୍ ଗୌରବ ହିଦ୍‌ନି କାଜିଙ୍ଗ୍ ଇଚା କିଜି ମାଚାନ୍।

୧ କରନ୍ତିୟ 8:6

ମାତର୍ ଆପେଙ୍ଗ୍ ପୁଚାପ୍‌ନା ରକାନ୍‌ ନେ ଈଶ୍ୱର ମାନାନ୍‌, ହେୱାନ୍ ଆନାନା ଆବା ଈଶ୍ୱର, ଇନେର୍ ୱିଜୁ ଜିନିଷ୍ ଉବ୍‌ଜାଇ କିତାନ୍‌ନା। ଆରେ ଆସେଙ୍ଗ୍ ତା କାଜିଙ୍ଗ୍ ଜିବୁନ୍ ଆତାସ୍‌ନା। ଆରେ ରକାନ୍‌ ନେ ମାପୃ ମାନାନ୍‌, ହେୱାନ୍ ଯୀଶୁ ଖ୍ରୀଷ୍ଟ ତା କାଜିଙ୍ଗ୍ ଈଶ୍ୱର ୱିଜୁ ଜିନିଷ୍ ରସ୍ତାନ୍‌ନା ଆରେ ତା କାଜିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ଜିବୁନ୍ ହିତ୍‌ତାନ୍‌ନା।

ଗାଲାତିୟ 4:4

ମାତର୍ ଈଶ୍ୱର ଟିକ୍ କିଜିମାଚି ଦିନ୍ ୱାତିଲେ, ଈଶ୍ୱର ତା ଜାର୍ ହିମ୍‌ଣାତିଙ୍ଗ୍ ଇ ଜଗତ୍‌ତାକେ ପକ୍ତାନ୍, ଆରେ ହେୱାନ୍ ମାନାୟ୍ ଜନମ୍ ଆତି ଲେକେ କଗ୍‌ଲେତାଙ୍ଗ୍ ଜନମ୍ ଆତାନ୍। ଆରେ ହେୱାନ୍ ମୋଶା ଲେକିକିତି ନିୟମ୍ ସାସ୍ତର୍‌ତିଙ୍ଗ୍ ମାନି କିତାନ୍।

ଏପିସିୟ 1:10

ଈଶ୍ୱର ଜଜ୍‌ନା କିତି ଟିକ୍ ସମୟ୍ ୱାତିସ୍, ସରଗ୍‌ତାକେ ଆରେ ପୁର୍ତିତାକେ ମାନି ୱିଜୁ ବିଷୟ ଖ୍ରୀଷ୍ଟ ତାରେନ୍ ଇଟ୍‌ନି କାଜିଙ୍ଗ୍ ଈଶ୍ୱର ଇଚା କିଜି ମାଚାନ୍।

ଏପିସିୟ 3:9

ୱିଜୁ ବିଷୟତିଙ୍ଗ୍ ରସ୍ତାକାନ୍ ଈଶ୍ୱର ମାବେତାଙ୍ଗ୍ ଇନାକା ଡ଼ୁକ୍‌ଚି ଇଡ଼୍‌ଜି ମାଚାନ୍। ହେ ଡ଼ୁକ୍‌ତି ଜଜ୍‌ନାତିଙ୍ଗ୍ ଆନେଙ୍ଗ୍ ଇନେସ୍ ୱିଜାକାରିଙ୍ଗ୍ ବୁଜାଇକିଜି ୱେଚ୍‌ଚେଙ୍ଗ୍ ଆଡ୍‌ନାଙ୍ଗ୍, ଇଦାଙ୍ଗ୍ କାଜିଙ୍ଗ୍ ଈଶ୍ୱର ନାଙ୍ଗେଙ୍ଗ୍ ଦୟାକିଜି ଇ ସୁଯଗ୍ ହିତ୍‌ତାନ୍‌ନା।

ଏବ୍ରି 1:5

ଇନେସ୍‌କି ଈଶ୍ୱର ଦୁତ୍‌କୁ ବିତ୍ରେତାଙ୍ଗ୍ ଇନେରିଙ୍ଗ୍ ଇନାୱେଡ଼ାଙ୍ଗ୍ ପା ଇଲେକେ ୱେଚ୍‌ୱାତାନ୍‌ନା ଯେ, “ଏନେଙ୍ଗ୍ ନା ହିମ୍‌ଣା, ନେଞ୍ଜେଙ୍ଗ୍ ଏନେଙ୍ଗ୍ ନା ହିମ୍‍ଣାଇଞ୍ଜି ୱେଚ୍‌ନାଙ୍ଗା। ଆରେ ଆନେଙ୍ଗ୍ ମିଞ୍ଜ୍‌ବା ଆନାଙ୍ଗ୍, ଆରେ ଏନେଙ୍ଗ୍ ନା ହିମ୍‌ଣା ଆତାୟ୍‌ନା।”

ଏବ୍ରି 1:8

ଲାଗିଙ୍ଗ୍ ଈଶ୍ୱର ହିମ୍‌ଣା ବିଷୟରେ ଇଦାଙ୍ଗ୍ ୱେଚ୍‌ନାନ୍, “ଏ ଈଶ୍ୱର, ଏନେଙ୍ଗ୍ ରାଜାଆଜି ୱିଜୁଦିନ୍ ସାସନ୍ କିନାୟ୍, ଆରେ ଏନେଙ୍ଗ୍ ନ୍ୟାୟ୍‌ତାଙ୍ଗ୍ ସାସନ୍ କିନାୟ୍।”

ଏବ୍ରି 11:3

ପାର୍ତିତାଙ୍ଗ୍ ଆସେଙ୍ଗ୍ ପୁନାସ୍ ଯେ, ଈଶ୍ୱର କାତାତାଙ୍ଗ୍ ପୁରା ପୁର୍ତି ରହିଆତାତ୍‌ନା। ନଙ୍ଗୟ୍ ଇନାକା ଆସେଙ୍ଗ୍ ହୁଡ଼୍‌ନାସା ହେଦାଙ୍ଗ୍ ଇନେର୍ ଇନାୱେଡ଼ାଙ୍ଗ୍ ହୁଡ଼୍‌ୱିତି ବିଷୟତାଙ୍ଗ୍ ଈଶ୍ୱର ରସ୍ତାନ୍‌ନା।

ଏବ୍ରି 2:3

ଲାଗିଙ୍ଗ୍ ମାପୃ ଯୀଶୁ ନିଜେ ଶୁଣାୟ୍ କିଜି ୱେଚ୍‌ଚାନ୍, ହାର୍ ଉଦାର୍ କିନି କାତାତିଙ୍ଗ୍ ମାନିକିୱିତିସ୍, ଆସେଙ୍ଗ୍ ଇନେସ୍ ରକ୍ଷା ପାୟାଆନାସ୍ ଇଞ୍ଜି ବାବିକିନାସା? ମାପୃ ଯୀଶୁ ୱେଚ୍‌ନିହିଙ୍ଗ୍ ପାର୍ତୁମ୍ ୱେଚି ଚେଲାହିର୍, ଇଦାଙ୍ଗ୍ ସତ୍ ଇଞ୍ଜି ମାବେ ଚଚ୍‌ଚାନ୍‌ନା।

ଏବ୍ରି 3:6

ମାତର୍ ଖ୍ରୀଷ୍ଟ ହିମ୍‌ଣା ଲେକେ ଆନି କାଜିଙ୍ଗ୍ ଈଶ୍ୱର ପରିବାର୍‌ନି ମାନାୟାର୍ ଜପି ବିସ୍‌ବସ୍ତ ମାନାନ୍। ଆରେ ଯଦି ଆସେଙ୍ଗ୍ ମା ସାହାସ୍‌ତିଙ୍ଗ୍ ଆରେ ଖ୍ରୀଷ୍ଟତାକେ ଇଡ଼୍‌ତି ଆହାତିଙ୍ଗ୍ କଣ୍ଟ୍ରୁଲ୍‌କିଜି ସେସ୍ ପାତେକ୍ ଆସ୍ତି ମାନାସ୍, ଲାଗିଙ୍ଗ୍ ଆସେଙ୍ଗ୍ ନିଜେ ହେ ପରିବାର୍‌ନି ମାନାୟ୍ ଆନାସ୍।

ଏବ୍ରି 4:14

ଇମ୍‌ଣି ଯୀଶୁ ସରଗ୍‌ଜପି ହାଚାନ୍‌ନା, ହେୱାନ୍ ଈଶ୍ୱର ମେହି। ହେୱାନ୍ ମା ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି। ଲାଗିଙ୍ଗ୍ ଆସେଙ୍ଗ୍ ଇନାକା ପାର୍ତି କିତାସ୍‌ନା, ହେଦାଙ୍ଗ୍ ଷ୍ଟ୍ରଙ୍ଗ୍‌କିଜି ଆସ୍ତି ମାନାସ୍।

ଏବ୍ରି 5:8

ଯୀଶୁ ଖ୍ରୀଷ୍ଟ ଈଶ୍ୱର ମେହି ଆତିସ୍‌ପା, ହେୱାନ୍ ଦୁକ୍‌କଷ୍ଟ ପାୟାଆଜି ଈଶ୍ୱରତାକେ ମାନିକିଜି ମାନାକା ହିକାଆତାନ୍।

ଏବ୍ରି 7:28

ମୋଶା ଲେକିକିତି ନିୟମ୍ ସାସ୍ତର୍ ଅନ୍‌ସାରେ ଇମ୍‌ଣାକାର୍ ପ୍ରଦାନ୍ ମୁଡ଼୍‌ଦି ପୁଜାରି ମାଚାର୍‌, ହେୱାର୍ ମାନାୟ୍ ଆତି କାଜିଙ୍ଗ୍ ଇନାକା କିନି ଦର୍‌କାର୍ ହେଦାଙ୍ଗ୍ କିଦେଙ୍ଗ୍ ଆଡ୍‌ୱାତାର୍। ମାତର୍ ମୋଶା ଲେକିକିତି ସାସ୍ତର୍ ପାଚେ, ଈଶ୍ୱର ତା ମେହିଙ୍ଗ୍ ଶପତ୍ କିଜି ପ୍ରଦାନ୍ ମୁଡ଼୍‌ଦି ପୁଜାରି କିଜି ବାଚିକିତାନ୍। ଆରେ ତା ମେହି ୱିଜୁଦିନ୍ କାଜିଙ୍ଗ୍ ପୁରାପୁରି ଟିକ୍ ପ୍ରଦାନ୍ ମୁଡ଼୍‌ଦି ପୁଜାରି ଆତାନ୍‌ନା।

୧ ପିତର 1:20

ପୁର୍ତି ଉବ୍‌ଜା ଆୱି ଆଗେ ଈଶ୍ୱର ଯୀଶୁ ଖ୍ରୀଷ୍ଟଙ୍ଗ୍ ମାନାୟାରିଙ୍ଗ୍ ଉଦାର୍ କିନି କାଜିଙ୍ଗ୍ ବାଚିକିଜି ମାଚାନ୍। ମାତର୍ ଇ ପୁର୍ତି ସେସ୍‌ଆନି ନାଞ୍ଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ସାଇଜ କିଦ୍‌ଦେଙ୍ଗ୍ ୱାତାନ୍।

୨ ପିତର 3:3

ପାର୍ତୁମ୍ ଇଦାଙ୍ଗ୍ ଏପେଙ୍ଗ୍ ବୁଜାଆଡ ଯେ, ସେସ୍ କାଡ଼୍‌ଦ ଜାର୍ କରାପ୍ ଇଚା ବ୍ୟବହାର୍ କିନି ମାନାୟାର୍ ଚଞ୍ଜ୍‌ନାର୍। ଖ୍ରୀଷ୍ଟ ଆରେରଗ ୱାନି କାତାତିଙ୍ଗ୍ ହେୱାର୍ ଇନସ୍ତା କିନାର୍।

ଜିହୁଦା 1:18

ବାଚିକିତି ଚେଲାର୍ ମିଙ୍ଗେଙ୍ଗ୍ ୱେଚ୍‌ଚି ମାନ୍‌ଞ୍ଚାର୍ ଯେ, ମା ମାପୃ ଯୀଶୁ ଖ୍ରୀଷ୍ଟ ଆରେରଗ ପୁର୍ତିତାକେ ୱାନି ଆଗେ, ମାନାୟାର୍ ମାପୃ ଆରେ ତା ମାନାୟାରିଙ୍ଗ୍ ନିନ୍ଦା କିନାର୍। ଇ ମାନାୟାର୍ କରାପ୍ ଇଚାରେ ଜିବୁନ୍ କାଟିକିନାର୍।