ଗାଲାତିୟ 6:8 - New Testament in Pengo Parja Language

⁸ ଇନେସ୍‌କି ଇମ୍‌ଣାକାନ୍ ଜାର୍ ଗାଗାଡ଼୍ ଇଚାତାଙ୍ଗ୍ ୱାରି କିଦେଙ୍ଗ୍ ନେ ଇଚାକିନାନ୍, ହେୱାନ୍ ଗାଗାଡ଼୍‌ତାଙ୍ଗ୍ ନଷ୍ଟ ବିଷୟ ଆରେ ହାଃନାନ୍। ମାତର୍ ଇମ୍‌ଣାକାନ୍ ପବିତ୍ର ଆତ୍ମାତିଙ୍ଗ୍ ନେ ୱାରି କିୟିକିଦେଙ୍ଗ୍ ଇଚାକିନାନ୍, ହେୱାନ୍ ଆତ୍ମାତାଙ୍ଗ୍ ୱିଜ୍‌ୱି ଜିବୁନ୍ ପାୟା ଆନାନ୍।

ସତ୍‌ ବଚନ୍‌ ପୁନି ନିୟମ୍‌

⁸ ଇନେର୍‌ ଜାର୍‌ ଗାଗାଡ଼୍‌ ଉଦେସ୍ତ ୱିତ୍‍ନାନ୍; ହେୱାନ୍‌ ଗାଗାଡ଼୍‍ତାଂ ହତ୍‌ତି ଚାନେକ୍ନି ତାସ୍‌ ତ୍ରେସ୍‌ନାନ୍; ମାତର୍‌ ଇନେର୍‌ ପୁଇପୁୟା ଜିବୁନ୍‌ତ ଉଦେସ୍ତ ୱିତ୍‌ନାନ୍, ହେୱାନ୍‌ ପୁଇପୁୟା ଜିବୁନ୍‌ତାଂ ହତ୍‌ତି ୱିଜ଼୍‌ୱି ଜିବୁନ୍‌ବାର୍ତି ତାସ୍‌ ତ୍ରେସ୍‌ନାନ୍‌ ।

ଗାଲାତିୟ 6:8 Iomraidhean Croise

ମାତିଉ 19:29

ଆରେ ଇନେର୍ ପା ନା ତର୍‍ଦାଙ୍ଗ୍ ତା ଇଲ୍‌ଗାଣ୍, ଟଣ୍ଡେନ୍, ତଣ୍‌ଦେହିଙ୍ଗ୍, ଆୟାଆବାରିଙ୍ଗ୍, ହିମ୍‌ଣାୱାକ୍‌ଡ଼ା, ଆରେ ଜମିବାଡ଼ିତିଙ୍ଗ୍ ପିସ୍ତି ନା ପାଚେ ୱାଜି ନା ହାର୍ଦିକାବୁର୍ ୱେଚ୍‌ଚି ବୁଲାଆନାନ୍। ହେୱାନ୍ ୱିଜୁ ଗୁଣ୍ ପାୟଆନାନ୍। ଆରେ ୱିଜ୍‌ୱି ଜିବୁନ୍ ପାୟା ଆନାନ୍।

ମାତିଉ 25:46

ତାପାଚେ ଇ ମାନାୟାର୍ ହସି ହାନାର୍। ଅଦରମ୍‌ ମାନାୟାରିଙ୍ଗ୍ ୱିଜ୍‌ୱି ଦଣ୍ଡ୍ ପାୟା ଆଦେଙ୍ଗ୍ ଆନାତ୍। ମାତର୍ ହାର୍ଦି ମାନାୟାର୍ ୱିଜ୍‌ୱି ଜିବୁନ୍ ପାୟାଆନାର୍‌।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:30

ହେୱାନ୍ ଇ ଯୁଗ୍‌ତ ବେସି ପାୟା ଆନାନ୍। ଆରେ ପାଚେନି କାଡ଼୍‌ଦ ହେୱାନ୍ ୱିଜ୍‌ୱି ଜିବୁନ୍ ପାୟା ଆନାନ୍। ଆରେ ହେୱାନ୍ ଈଶ୍ୱର ହୁଦାଙ୍ଗ୍ ୱିଜ୍‌ୱିଦିନ୍ ପାତେକ୍ ମାନ୍‌ଗାନାନ୍।”

ଜହନ୍‌ 4:14

ମାତର୍ ଆନେଙ୍ଗ୍ ଇମ୍‌ଣି ଏଜୁଙ୍ଗ୍ ଉଣ୍ଡେଙ୍ଗ୍ ହିଦ୍‌ନାଙ୍ଗ୍, ହେଦାଙ୍ଗ୍ ଇମ୍‌ଣାକାନ୍ ଉଣାନ୍, ହେୱାନ୍ ଇନାୱେଡ଼ାଙ୍ଗ୍ ପା ଏସ୍‌କି ଆଉନ୍। ଆନେଙ୍ଗ୍ ହିଦ୍‌ନି ଏଜୁଙ୍ଗ୍ ୱିଜ୍‌ୱି ଜିବୁନ୍ ପାତେକ୍ ଜାରିଆ ଲେକେ ୱିଜୁଦିନ୍ ହତ୍‌ନାତ୍।”

ଜହନ୍‌ 4:36

ନଙ୍ଗୟ୍ ପା ଇମ୍‌ଣାକାର୍‌ କାମାୟ୍ କିନାକାନ୍ ହାଜ୍ରି ପାୟାଆନାର୍‌। ହେୱାନ୍ ୱିଜ୍‌ୱି ଜିବୁନ୍ କାଜିଙ୍ଗ୍ ତାସ୍ ରୁଣ୍ଡାଇ କିନାନା। ଲାଗିଙ୍ଗ୍ ୱିତ୍‌ନାକାନ୍ ଆରେ ତେଜ୍‌ନାକାନ୍ ରିକାର୍ ମେହାଆଜି ୱାରି କିନାର୍।

ଜହନ୍‌ 6:27

ନଷ୍ଟ ଆନି କାଦିତିଙ୍ଗ୍ ଏପେଙ୍ଗ୍ କଷ୍ଟ କିମାଟ୍। ମାତର୍ ଇମ୍‌ଣି କାଦି ନଷ୍ଟ ଆୱାଦାଙ୍ଗ୍ ୱିଜ୍‌ୱି ଜିବୁନ୍ କାଜିଙ୍ଗ୍ ମାନ୍‌ଗାନାତ୍, ହେ କାଦି କାଜିଙ୍ଗ୍ କଷ୍ଟ କିୟାଟ୍। ହେ କାଦି ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ହିଦ୍‌ନାନ୍। ଇନେସ୍‌କି ଆବା ଈଶ୍ୱର ନାଙ୍ଗେଙ୍ଗ୍ ହେ ଆଦିକାର୍ ହିତ୍‌ତାନ୍‌ନା।”

ରୋମିୟ 13:14

ମାତର୍ ମାପୃ ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ କଣ୍ଟ୍ରୁଲ୍ କିଦେନ୍, ଆରେ ମି କରାପ୍ କାମାୟ୍ କିନି ଚିନ୍ତାୱିଜୁ ପୁରା କିନି କାଜିଙ୍ଗ୍ ବାବିକିମାଟ୍।

ରୋମିୟ 6:13

ଆରେ ମି ଗାଗାଡ଼୍‌ନି ଜିନିସ୍‌ତିଙ୍ଗ୍ ପାପ୍ କାମାୟ୍ କିନି କାଜିଙ୍ଗ୍ ହିମାଟ୍। ମାତର୍ ହାଃତି ମାନାୟାର୍‌ତାଙ୍ଗ୍ ଜିବୁନ୍ଆତି ମାନାୟ୍ ଲେକେ ଜାର୍-ଜାର୍ ଜିବୁନ୍‌ତିଙ୍ଗ୍ ଈଶ୍ୱରତିଙ୍ଗ୍ ହିୟାଟ୍। ଆରେ ମା ଜାର୍-ଜାର୍ ଗାଗାଡ଼୍ ଜିନିସ୍‌ତିଙ୍ଗ୍ ହାର୍ କାମାୟ୍ କିଜି ଈଶ୍ୱରତି ଗୌରବ କିଦେଙ୍ଗ୍ ବ୍ଯବହାର୍ କିୟାଟ୍।

ରୋମିୟ 6:23

ଇନେସ୍‌କି ପାପ୍ କାମାୟ୍ କାଜିଙ୍ଗ୍ ମାରାଣ୍ ୱାତାତ୍, ମାତର୍ ମା ମାପୃ ଯୀଶୁ ଖ୍ରୀଷ୍ଟ କାଜିଙ୍ଗ୍ ୱିଜ୍‌ୱି ଜିବୁନ୍ ଈଶ୍ୱର ଦୟାତାଙ୍ଗ୍ ଦାନ୍ ହିତାନ୍।

ରୋମିୟ 8:11

ଯୀଶୁଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ ହିତାନ୍, ହେ ପବିତ୍ର ଆତ୍ମା ମି ବିତ୍ରେ ମାନାତା। ହେୱାନ୍ ଇନେସ୍ କିଜି ଖ୍ରୀଷ୍ଟଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ ହିତାନ୍, ହେଲେକେ ମି ବିତ୍ରେ ମାନି ଆତ୍ମା, ମି ହାଃନି ଗାଗାଡ଼୍‌ତିଙ୍ଗ୍ ଆରେରଗ ଜିବୁନ୍ କିଦ୍‌ନାତ୍।

ରୋମିୟ 8:13

ଯଦି ଆସେଙ୍ଗ୍ ପାପ୍‍କିନି ଇଚା ଅନୁସାରେ ଜିବୁନ୍ କାଟି କିନାସା, ଆସେଙ୍ଗ୍ ଈଶ୍ୱରତାଙ୍ଗ୍ ଦେହା ଆୟା ଆନାତ୍। ମାତର୍ ଯଦି ଆସେଙ୍ଗ୍ ପବିତ୍ର ଆତ୍ମା ସାଇଜତାଙ୍ଗ୍ ପାପ୍ କାମାୟ୍ କିନି ଇଚାତିଙ୍ଗ୍‌ ବନ୍ଦ୍ କିତିସ୍‌, ଲାଗିଙ୍ଗ୍ ଆସେଙ୍ଗ୍ ଜିଜି ମାନାସ୍।

ରୋମିୟ 8:6

ଯଦି ମିଙ୍ଗେଙ୍ଗ୍ ପାପ୍ କାମାୟ୍ କିନି ଇଚା ମି ମାନ୍‌ତିଙ୍ଗ୍ କଣ୍ଟ୍ରୁଲ୍ କିନାତା, ଏପେଙ୍ଗ୍ ହାଃନାଦେର୍। ମାତର୍ ଯଦି ପବିତ୍ର ଆତ୍ମା ମି ମାନ୍‌ତିଙ୍ଗ୍ କଣ୍ଟ୍ରୁଲ୍ କିନାତା, ଏପେଙ୍ଗ୍ ଜିବୁନ୍ ଆରେ ଶାନ୍ତି ପାୟାଆନାଦେର୍।

୧ କରନ୍ତିୟ 15:42

ଟିକ୍ ହେଲେକେ ହାଃତିତାଙ୍ଗ୍ ଆରେରଗ ଜିବୁନ୍ ଆନାକା। ଏଚେପାଦ୍ନା ଆସେଙ୍ଗ୍ ହାଃନାସ୍ ମା ଇ ଗାଗାଡ଼୍ ଜମିତାକେ ରୁସ୍ତି ମାଞ୍ଜି ଲେକେ ଆତାତ୍‌ନା, ମାତର୍ ହେୱାରିଙ୍ଗ୍ ଈଶ୍ୱର ୱିଜୁଦିନ୍ କାଜିଙ୍ଗ୍ ଜିବୁନ୍ କିନାନ୍।

ଗାଲାତିୟ 6:7

ଏପେଙ୍ଗ୍ ଈଶ୍ୱରତିଙ୍ଗ୍ ଟକାଇ କିନାଙ୍ଗ୍ ଇଞ୍ଜି ବାବିକିତିସ୍, ଏପେଙ୍ଗ୍ ନିଜେ ଟକାଇ କିୟାଆନାଦେର୍। ଇନେସ୍‌କି ମାନାୟ୍ ଇନାକା ୱିଜୁ ୱିତ୍‌ନାର୍, ହେଦାଙ୍ଗ୍ ନେ ତେଜ୍‌ନାର୍।

୧ ତିମତି 1:16

ଜେକନିକାର୍ ଇନେସ୍ ଯୀଶୁ ଖ୍ରୀଷ୍ଟତାକେ ପାର୍ତି କିଜି ୱିଜ୍‌ୱି ଜିବୁନ୍ ପାୟାଆନାର୍‌, ହେଦାଙ୍ଗ୍ ହେୱାର୍ ଲାଗାୟ୍ ଚଚ୍‌ନି କାଜିଙ୍ଗ୍ ଈଶ୍ୱର କାସି ମାନ୍‌ଞ୍ଜି ସାସ୍ ଆସ୍ତି ଦୟା କିତ୍‌ତାନ୍‌ନା।

ତୀତସ 3:7

ଈଶ୍ୱର ଇଦାଙ୍ଗ୍ ୱେଚ୍‌ଚାତାନ୍‌ନା, ଇନେସ୍ ଆସେଙ୍ଗ୍ ତା ଦୟାତାଙ୍ଗ୍ ଦରମ୍ ମାନାୟ୍ ଇଞ୍ଜି ଗାଣାକିୟା ଆନାପ୍‌, ଆରେ ପୁରା ଆହାତାଙ୍ଗ୍ ୱିଜ୍‌ୱି ଜିବୁନ୍‌ନି ଆଦିକାର୍ ଆଦେଙ୍ଗ୍ ଆଡ୍‌ନାପ୍।

ଜାକ୍‌ବ 3:18

ରକାନ୍ ଚାଷି ବିୟାନ୍ ୱିତ୍‍ତି ଇନେସ୍ ପାଡ଼୍‌ ରୁଣ୍ଡାଇ କିନାନ୍, ହେଲେକେ ଶାନ୍ତିତାଙ୍ଗ୍ ମାଞ୍ଜେଙ୍ଗ୍ ଇଚାକିନି ମାନାୟ୍ ଦରମ୍ ଜିବୁନ୍‌ନି କାମାୟ୍ ନେ କିନାନ୍।

୨ ପିତର 2:12

ମାତର୍ ଇ ବୁଲ୍ ହିକ୍ଷାହିନି ମାଷ୍ଟେରାର୍ ରାନ୍‍ତି ପଶୁ ଲେକେ। ଇ ପଶୁ ଚିନ୍ତା କିଦେଙ୍ଗ୍ ଆଡୁକ୍, ଶିକାର୍ କିନାକା ନେ ହେୱେକ୍ ଚିନ୍ତା କିଜି ମାନିକ୍। ଇ ମାନାୟାର୍ ମାନ୍ ବିତ୍ରେ ଇମ୍‌ଣି ଚିନ୍ତା ୱାନାତ୍, ହେୱାଙ୍ଗ୍ ହେୱାର୍ କିନାର୍, ଆରେ ହେୱାର୍ ଇନାକା ବୁଜା ଆଉର୍, ହେ ବିଷୟତିଙ୍ଗ୍ ହେୱାର୍ ବିରଦ୍ କିଜି ନିନ୍ଦା କାତା ୱେଚ୍‌ନାର୍। ହେୱାର୍ ହାତ୍‌ପା ନଷ୍ଟ ଆନାର୍।

୨ ପିତର 2:19

ଇ ମାଷ୍ଟେରାର୍ ମାନାୟାରିଙ୍ଗ୍ ୱେଚ୍‌ନାର୍ ଯେ ହେୱାର୍ ଇନାକା ଇଚା ହେଦାଙ୍ଗ୍ କିଦେଙ୍ଗ୍ ହେୱାର୍ ସ୍ୱାଦିନ୍ ଆତାର୍‌ନା, ମାତର୍ ହେୱାର୍ ପାପ୍ କାମାୟ୍ କାଜିଙ୍ଗ୍ ହେୱାର୍ ନିଜେ ଦାସ୍ ଆତାର୍‌ନା। ଇନେସ୍‌କି ଇନାକା ମିଙ୍ଗେଙ୍ଗ୍ କଣ୍ଟ୍ରୁଲ୍ କିଦ୍‌ନାତ୍, ଏପେଙ୍ଗ୍ ହେବେନି ଦାସ୍ କାଦେର୍।

ଜିହୁଦା 1:21

ମା ମାପୃ ଯୀଶୁ ଖ୍ରୀଷ୍ଟ ତା ଦୟାତାଙ୍ଗ୍ ୱିଜ୍‌ୱି ଜିବୁନ୍ ହିଦ୍‌ନାନ୍ ଇଞ୍ଜି ଏପେଙ୍ଗ୍ କାତାଦେର୍‌ନା, ହେଦାଙ୍ଗ୍ କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ଲାଡ୍ କିତ୍‌ତାନ୍‌ନା ଇଞ୍ଜି ପୁନ୍‌ଞ୍ଜି, ଏପେଙ୍ଗ୍ ହାର୍‌ଦାଙ୍ଗ୍ ଜିବୁନ୍ କାଟିକିୟାଟ୍।

ହତ୍‌ତି 22:11

ଲାଗିଙ୍ଗ୍ ଇମ୍‌ଣି ମାନାୟ୍ କରାପ୍ କାମାୟ୍ କିନାନା, ହେୱାନ୍ କରାପ୍ କାମାୟ୍ କିଜି ମାନେନ୍। ଇମ୍‌ଣି ମାନାୟ୍ ଅଦରମ୍‌ କାମାୟ୍ କିନାନା, ହେୱାନ୍ ଅଦରମ୍‌ କାମାୟ୍ କିଜି ମାନେନ୍। ଇମ୍‌ଣି ମାନାୟ୍ ହାର୍ କାମାୟ୍ କିନାନା, ହେୱାନ୍ ହାର୍ କାମାୟ୍ କିଜି ମାନେନ୍ ଆରେ ଇମ୍‌ଣି ମାନାୟ୍ ପବିତ୍ର ଆତାନ୍‌ନା ହେୱାନ୍ ପବିତ୍ର ଆଜି ମାନେନ୍।