ଗାଲାତିୟ 6:15 - New Testament in Pengo Parja Language

¹⁵ ସୁନତ ବିଦି ମାନିକିତିସ୍ କି କିୱିତିସ୍ ଇନାକା ଆକାୟ୍, ମାତର୍ ମୁଡ଼୍ ବିଷୟ ଇଦାଙ୍ଗ୍ ଯେ ପବିତ୍ର ଆତ୍ମାତାଙ୍ଗ୍ ଈଶ୍ୱର ମିଙ୍ଗେଙ୍ଗ୍ ପୁନି ମାନାୟ୍ କିତ୍‌ତାନ୍‌ନା।

ସତ୍‌ ବଚନ୍‌ ପୁନି ନିୟମ୍‌

¹⁵ ଇନେର୍‌ ସୁନ୍ନତ୍‌ କି ସୁନ୍ନତ୍‌ଆୱି, ହେବେ ଇନାକା ଆଏତ୍‌ କି ଆମେତ୍‌, ପୁନି ଉବ୍‌ଜାଣ୍‌ ନେ ସାର୍‌ ବିସ୍ରେ ।

ଗାଲାତିୟ 6:15 Iomraidhean Croise

ରୋମିୟ 2:26

ଆରେ ଯଦି ବିନ୍‌ଜାତିନି ମାନାୟାର୍ ଈଶ୍ୱର ନିୟମ୍‌ତିଙ୍ଗ୍ ମାନିକିନାର୍, ଈଶ୍ୱର ହେୱାରିଙ୍ଗ୍ ତା ଲକ୍ ଆଦେଙ୍ଗ୍ ୱିଜୁ ଅଦିକାର୍ ଆରେ ସନ୍‌ମାନ୍ ହିନାନ୍।

ରୋମିୟ 2:28

ଏପେଙ୍ଗ୍ ଯିହୁଦି ଜାତିନି କୁଟୁମ୍‌ତ ଜନମ୍ ଆତିସ୍ କି ସୁନତ ବିଦି ଅନୁସାରେ ସୁନତ ଆଜି ମାଚିସ୍ ପା ଏପେଙ୍ଗ୍ ସତ୍ ଯିହୁଦି ଆକାୟ୍,

ରୋମିୟ 6:4

ଏଚେପାଦ୍ନା ଆସେଙ୍ଗ୍ ଡୁବନ୍ ଅତାସ୍, ହେପାଦ୍ନା ଆସେଙ୍ଗ୍ ତା ହୁଦାଙ୍ଗ୍ ହାଃତାସ୍ ଆରେ ମାଙ୍ଗେଙ୍ଗ୍ କବର୍ ହିତ୍‌ତାର୍‌ନା। ଆରେ ଇନେସ୍‌ଲେକେ ଆବା ଈଶ୍ୱର ତା ଗୌରବନି ଶାକ୍ତିତାଙ୍ଗ୍ ତାଙ୍ଗେଙ୍ଗ୍ ଆରେରଗ ଖ୍ରୀଷ୍ଟଙ୍ଗ୍ ହାଃତିତାଙ୍ଗ୍ ଜିବୁନ୍ କିତାନ୍, ହେଲେକେ ଆସେଙ୍ଗ୍ ପା ପୁନି ଜିବୁନ୍ ପାୟାଆତାସ୍‌ନା।

ରୋମିୟ 8:1

ଲାଗିଙ୍ଗ୍ ନଙ୍ଗୟ୍ ଏଚେଜାଣ୍ ଯୀଶୁ ଖ୍ରୀଷ୍ଟନି ଲକ୍ ଆତାର୍‌ନା, ହେୱାରିଙ୍ଗ୍ ଈଶ୍ୱର ଦସ୍ କିଉନ୍।

୧ କରନ୍ତିୟ 7:19

ଇନେସ୍‌କି ଯଦି ର ମାନାୟ୍ କାଜିଙ୍ଗ୍ ସୁନତ ଆନାକା କି ଆୱାକା ହେଦାଙ୍ଗ୍ ମୁକ୍ଯ ବିଷୟ ଆକାୟ୍, ମାତର୍ ଈଶ୍ୱର ଆଦେସ୍‌ତିଙ୍ଗ୍ ମାନିକିନାକା ନେ ମୁକ୍ଯ ବିଷୟ।

୨ କରନ୍ତିୟ 5:17

ଲାଗିଙ୍ଗ୍ ଇ ଅର୍ତ ଇନାକା? ଯଦି ରୱାନ୍ ଖ୍ରୀଷ୍ଟାନ୍ ଆନାନ୍ ଲାଗିଙ୍ଗ୍ ହେୱାନ୍ ପୁନାକାନ୍ ଆନାନ୍ କି? ଆଁ ହେୱାର୍ ଆରେ ଆଗେଲେକେ ହାମାନ୍ ମାନ୍‌ଗୁର୍‌, ଇନେସ୍‌କି ଆଗେଲେକେ ଜିବୁନ୍ କାଟି କିନାକା ନଷ୍ଟ ଆତାତ୍‌ନା, ମାତର୍ ନଙ୍ଗୟ୍ ପୁନି ଜିବୁନ୍ କାଟି କିନାକା ଆରମ୍ ଆତାତ୍‌ନା।

ଗାଲାତିୟ 5:6

ସୁନତ ବିଦି ମାନିକିତିସ୍ କି କିୱିତିସ୍ ଇନା ମୁଲ୍ୟ ଆକାୟ୍, ଏଚେପାଦ୍ନା ଆପେଙ୍ଗ୍ ଯୀଶୁ ଖ୍ରୀଷ୍ଟତାକେ ପାର୍ତି କିନାପା। ଲାଗିଙ୍ଗ୍ ମୁଡ଼୍ ବିଷୟ ଆନାତା ଖ୍ରୀଷ୍ଟଙ୍ଗ୍ ପାର୍ତି କିନାସ୍, ହେଦାଙ୍ଗ୍ ଜେକନିକାରିଙ୍ଗ୍ ଲାଡ୍‌କିନି କାଜିଙ୍ଗ୍ ମାଙ୍ଗେଙ୍ଗ୍ ସାଇଜ କିଦ୍‌ନାତା।

ଏପିସିୟ 2:10

ଇନେସ୍‌କି ଆସେଙ୍ଗ୍ ନଙ୍ଗୟ୍ ଇନେସାତାସ୍‌ନା ଇଦାଙ୍ଗ୍ ଈଶ୍ୱର ରସ୍ତାତାନ୍‌ନା। ହାର୍ଦି କାମାୟ୍ କିନି କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ଯୀଶୁ ଖ୍ରୀଷ୍ଟତାକେ ପୁନି ମାନାୟ୍ ଲେକେ ରସ୍ତାତାନ୍‌ନା। ଆରେ ଇ ଲେକେ ଜିବୁନ୍ କାଟିକିନି କାଜିଙ୍ଗ୍ ଈଶ୍ୱର ଆଗେତାଙ୍ଗ୍ ନେ ମା କାଜିଙ୍ଗ୍ ଜଜ୍‌ନା କିଜି ମାଚାନ୍।

ଏପିସିୟ 2:15

ଇନେସ୍ ହେୱାନ୍ ଯିହୁଦି ଆରେ ବିନ୍‌ଜାତିନି ମାନାୟାର୍ ବିତ୍ରେ ଶାନ୍ତି ତାତେଙ୍ଗ୍ ଆଡ୍‌ନାର୍ ଆରେ ହେୱାନ୍‌ତାକେ ହେୱାରିଙ୍ଗ୍ ର ପୁନି ଜାତି କିଦେଙ୍ଗ୍ ଆଡ୍‌ନାନ୍। ଇଦାଙ୍ଗ୍ କାଜିଙ୍ଗ୍ ହେୱାନ୍ ତା ହାଃତି କାଜିଙ୍ଗ୍, ଯିହୁଦିର୍ ୱିଜୁ ନିତି ନିୟମ୍‌ତିଙ୍ଗ୍ ବନ୍ଦ୍ କିତାନ୍‌ନା।

ଏପିସିୟ 4:24

ଈଶ୍ୱର ମିଙ୍ଗେଙ୍ଗ୍ ତା ବ୍ଯବହାର୍ ଲେକେ ପୁନି ବ୍ଯବହାର୍ ହିତ୍‌ତାନ୍‌ନା। ଲାଗିଙ୍ଗ୍ ସତ୍‌ରେ ଦରମ୍ ଆରେ ପବିତ୍ର ଆଜି ପୁନି ବ୍ଯବହାର୍‌ତାଙ୍ଗ୍ ଜିବୁନ୍ କାଟିକିୟାଟ୍।

ପିଲିପିୟ 3:3

ଇନେସ୍‌କି ଆପେଙ୍ଗ୍ ଟିକ୍ ସୁନତ ବିଦି ପାୟାଆତାସ୍‌ନା। ଆପେଙ୍ଗ୍ ଈଶ୍ୱର ଆତ୍ମାତାଙ୍ଗ୍ ଈଶ୍ୱରତିଙ୍ଗ୍ ପୁଜା କିନାପା। ମାନାୟ୍ କିତି ଉପାଇତିଙ୍ଗ୍ ଆପେଙ୍ଗ୍ ଆହା କିୱାଦାଙ୍ଗ୍ ଯୀଶୁ ଖ୍ରୀଷ୍ଟତାକେ ଆହା କିନାପା।

ହତ୍‌ତି 21:5

ଆରେ ହେ ସିଙ୍ଗାସନ ଜପି କୁଚ୍‌ଚାକାନ୍ ୱେଚ୍‌ଚାନ୍, “ହୁଡ଼ାଟ୍, ଆନେଙ୍ଗ୍ ୱିଜୁ ଜିନିଷ୍‌ତିଙ୍ଗ୍ ପୁନାକା କିନାଙ୍ଗା।” ତାପାଚେ ହେୱାନ୍ ନାଙ୍ଗେଙ୍ଗ୍ ୱେଚ୍‌ଚାତାନ୍, “ଇ ୱିଜୁ ବିଷୟତିଙ୍ଗ୍ ଲେକିକିୟା, ଇନେସ୍‌କି ଆନେଙ୍ଗ୍ ୱେଚ୍‌ନି ୱିଜୁ କାତାତିଙ୍ଗ୍ ପାର୍ତି କିୟାଆନାତ୍ ଆରେ ହେଦାଙ୍ଗ୍ ସତ୍।”