ଗାଲାତିୟ 5:7 - New Testament in Pengo Parja Language

⁷ ଇନେସ୍ ରକାନ୍ ମାନାୟ୍ ହନ୍‌ନି କେଲ୍‌ତାକେ ବାଗ୍ ଅଜି ହାର୍ କିଜି ହନ୍‌ନାନ୍, ହେଲେକେ ଏପେଙ୍ଗ୍ ପା ଖ୍ରୀଷ୍ଟ ହୁଦାଙ୍ଗ୍ ହାର୍‌ଦାଙ୍ଗ୍ ଜିଜି ମାନାଦେର୍। ଲାଗିଙ୍ଗ୍ ସତ୍ ବିଷୟତିଙ୍ଗ୍ ମାନି କିୱେଦେଙ୍ଗ୍ ଇନେର୍ ମିଙ୍ଗେଙ୍ଗ୍ ବାଦା ହିତ୍‌ତାର୍?

ସତ୍‌ ବଚନ୍‌ ପୁନି ନିୟମ୍‌

⁷ ଏପେଙ୍ଗ୍‌ତ ହାର୍‌ ଲାକେ ଆଗେ ତାଙ୍ଗ୍‌ଜି ମାଚାଦେର୍‌ । ହାତ୍‌ପା ହାଜ଼ିତ ହାନିହିଙ୍ଗ୍‌ ଇନେର୍‌ ମିଙ୍ଗେଙ୍ଗ୍‌ ବାଦା ହିଜ଼ି ମାନ୍‌ଚାର୍‌, ମିଙ୍ଗେଙ୍ଗ୍‌ ବୁଲ୍‌ ହାଜ଼ିତ ହାଞ୍ଜେଙ୍ଗ୍‌ ହେୱାନ୍‌ ଇନେସ୍‌ ୱେଚ୍‌ଚାତାନ୍‌ ?

ଗାଲାତିୟ 5:7 Iomraidhean Croise

ମାତିଉ 13:21

ମାତର୍ ହେୱାର୍ ଗରବ୍ ବିତ୍ରେ ଈଶ୍ୱର କାତା ହାଲ୍‌ୱିତିଲେ, ହେୱାର୍‌ ଈଶ୍ୱର କାତାତିଙ୍ଗ୍ ଅଲପ୍‌ଦିନ୍ ଆସ୍ତି ମାନାର୍। ଆରେ ଏଚେପାଦ୍ନା ଈଶ୍ୱରତିଙ୍ଗ୍ ପାର୍ତିକିନି କାଜିଙ୍ଗ୍ ଦୁଃକ୍ କଷ୍ଟ ୱାତିସ୍, ହେଦାପ୍ରେ ହେୱାର୍ ପାର୍ତିତାଙ୍ଗ୍ ଦେହା ହାନାର୍। ହେୱାର୍ କାଲ୍‌କୁ କୁଡ଼ି ମେଦ୍‌ନିତ ୱିତ୍‍ଦିମାଚି ବିୟାନ୍ ଲେକେ।

ପକ୍ୟାତାକା 6:7

ଲାଗିଙ୍ଗ୍ ବାଚିକିତି ଚେଲାର୍ ଈଶ୍ୱର କାତା ଶୁଣାୟ୍ କିଦେଙ୍ଗ୍‌ ବୁଲାଆଦେଙ୍ଗ୍ ଲାଗାତାର୍, ଆରେ ଯିରୁଶାଲାମ ସହର୍‌ତାକେ ଯୀଶୁତାକେ ପାର୍ତିକିନି ଚେଲାହିର୍ ଆଦିକ୍ ବାଡା ଆଦେଙ୍ଗ୍ ଲାଗାତାର୍। ହେୱାର୍ ବିତ୍ରେତାଙ୍ଗ୍ ଯିହୁଦି ପୁଜାରିର୍ ପା ବେସିହେନି ଯୀଶୁ ହାର୍ଦିକାବୁର୍‌ତିଙ୍ଗ୍ ପାର୍ତି କିତାର୍।

ରୋମିୟ 10:16

ମାତର୍ ୱିଜାର୍ ମାନାୟ୍ ଈଶ୍ୱରତି ହାର୍ଦିକାବୁର୍‌ତିଙ୍ଗ୍ ଆହୁର୍, ଇନେସ୍‌କି ଯିଶାୟ ଭବିଷ୍ଯତବକ୍ତା ତା ଦରମ୍ ସାସ୍ତର୍‌ତାକେ ଲେକିକିତାନ୍‌ନା, “ଏ ମାପୃ ଇନେର୍ ପା ଆପେଙ୍ଗ୍ ଶୁଣାଇକିତି ହାର୍ଦିକାବୁର୍‌ତିଙ୍ଗ୍ ପାର୍ତି କିୱାତାର୍।

ରୋମିୟ 15:18

ନା କାଜିଙ୍ଗ୍ ଯୀଶୁ ଖ୍ରୀଷ୍ଟ ଇମ୍‌ଣି ୱିଜୁ କାମାୟ୍ କିତାନ୍‌ନା, ହେଦାଙ୍ଗ୍ ଆନେଙ୍ଗ୍ ସାସ୍ ଆଜି ଇଞ୍ଜେଙ୍ଗ୍ ଆଡ୍‌ନାଙ୍ଗା। ଆନେଙ୍ଗ୍ ବିନ୍‌ଜାତିନି ମାନାୟାରିଙ୍ଗ୍ ଈଶ୍ୱର କାତା ମାନି କିଦେଙ୍ଗ୍ ସାଇଜ କିଦେଙ୍ଗ୍ ଆଡ୍‌ନାଙ୍ଗା। ହେୱାର୍ ନା କାତା ୱେଚାର୍ ଆରେ ନା କାମାୟ୍ ହୁଡ଼୍‌ଜି ଖ୍ରୀଷ୍ଟଙ୍ଗ୍ ପାର୍ତି କିତାର୍।

ରୋମିୟ 16:26

ମାତର୍ ନଙ୍ଗୟ୍ ୱିଜୁ ବିନ୍‌ଜାତିନି ମାନାୟାର୍ ପୁନାର୍, ଆରେ ଈଶ୍ୱରତିଙ୍ଗ୍ ପାର୍ତି କିଜି ମାନିକିନାର୍। ହେଦାଙ୍ଗ୍ କାଜିଙ୍ଗ୍ ଭବିଷ୍ଯତବକ୍ତାର୍, ୱିଜୁଦିନ୍ ଜିବୁନ୍ ମାନି ଈଶ୍ୱର ସାସ୍ତର୍‌ତାକେ ଲେକାଆଜି ମାଚି ୱିଜୁ ବିଷୟ ପୁନି କିତାତ୍।

ରୋମିୟ 2:8

ମାତର୍ ଇମ୍‌ଣାକାର୍ ଜାର୍ ପାଇଦା କାଜିଙ୍ଗ୍ ନେ କାମାୟ୍ କିନାର୍, ଆରେ ସତ୍ କାମାୟ୍ କିଉର୍, ମାତର୍ ଅଦରମ୍‌ କାମାୟ୍ କିଦେଙ୍ଗ୍ ଇଚା କିନାର୍। ଈଶ୍ୱର ହେୱାରିଙ୍ଗ୍ ରିସା ଆନାନ୍ ଆରେ ଦଣ୍ଡ୍ ହିନାନ୍।

ରୋମିୟ 6:17

ମାତର୍ ଆନେଙ୍ଗ୍ ଈଶ୍ୱରତିଙ୍ଗ୍‌ ଦନ୍ୟବାଦ ହିନାଙ୍ଗା ଯେ, ଏପେଙ୍ଗ୍ ଆଗେ ପାପ୍‌ନି ଚାକର୍ ଆଜି ମାଚାଦେର୍। ମାତର୍ ନଙ୍ଗୟ୍ ଏପେଙ୍ଗ୍ ଈଶ୍ୱର ହିତ୍‌ତି ହିକ୍ଷାତିଙ୍ଗ୍ ଗରବ୍‌ତାଙ୍ଗ୍ ମାନି କିନାଦେରା।

୧ କରନ୍ତିୟ 9:24

କେତେକ୍ ମାନାୟାର୍ ହନ୍‌ନି କେଲ୍‌ତାକେ ହନ୍‌ନାର୍, ମାତର୍ ରକାନ୍ ନେ ପୁରଷ୍କାର୍ ପାୟା ଆନାନ୍। ଏପେଙ୍ଗ୍ ପା ହେ ଲେକେ ଈଶ୍ୱରତାକେ ପୁରଷ୍କାର୍ ଜିତାଆନି କାଜିଙ୍ଗ୍ ହନାଟ୍।

୨ କରନ୍ତିୟ 10:5

ଆସେଙ୍ଗ୍ ହେ ଅସ୍ତର୍ ଶସ୍ତର୍‌ତିଙ୍ଗ୍ ବ୍ୟବହାର୍ କିଜି ଈଶ୍ୱରତିଙ୍ଗ୍ ପୁନ୍‌ୱି ବାଟ୍‌ପାଣିୟାର୍‌ ଜିକାଟାଣା ଆନି ବିଷୟତିଙ୍ଗ୍ ଆପେଙ୍ଗ୍ ନଷ୍ଟ କିନାପା। ଆପେଙ୍ଗ୍ ହେ ଅସ୍ତର୍ ଶସ୍ତର୍‌ତିଙ୍ଗ୍ ବ୍ୟବହାର୍ କିଜି ହେୱାର୍ ମାନ୍‌ତିଙ୍ଗ୍ କଣ୍ଟ୍ରୁଲ୍ କିନାପା, ଆରେ ଆପେଙ୍ଗ୍ ଖ୍ରୀଷ୍ଟଙ୍ଗ୍ ମାନି କିଦେଙ୍ଗ୍ ହିକ୍ଷା ହିନାପା।

ଗାଲାତିୟ 2:2

ଈଶ୍ୱର ନାଙ୍ଗେଙ୍ଗ୍ ହାନି କାଜିଙ୍ଗ୍ ୱେଚ୍‌ଚିତିଲେ ଆନେଙ୍ଗ୍ ହେବେ ହାଚାଙ୍ଗ୍। ଆରେ ହେବେ ମାନି ମଣ୍ଡ୍‌ଲିନି ଦେକାଶୁଣା କିନି ନେତାରିଙ୍ଗ୍ ଆନେଙ୍ଗ୍ ଇନେର୍ ପୁଞ୍ଜ୍‌ୱି ଲେକେକିଜି ମାହା ଆତାଙ୍ଗ୍, ଆରେ ବିନ୍‌ଜାତିନି ମାନାୟାର୍ ଲାଗାୟ୍ ଆନେଙ୍ଗ୍ ଶୁଣାୟ୍ କିଜିମାଚି ହାର୍ଦିକାବୁର୍‌ତିଙ୍ଗ୍ ହେୱାରିଙ୍ଗ୍ ବୁଜାଇ କିତାଙ୍ଗ୍। ନା ୱିଜୁ କଷ୍ଟ କିତାକା ଇନେସ୍ ପଲିଆ ଆଉତ୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ହେୱାର୍ ହୁଦାଙ୍ଗ୍ ମାହାଆଜି ରାଜି ଆତାଙ୍ଗ୍।

ଗାଲାତିୟ 3:1

ଗାଲାତିୟ ସହର୍‌ତାକେ ମାନି ପାର୍ତିକିନି ମାନାୟ୍ କାଦେର୍ ଏପେଙ୍ଗ୍ ବକୁୱା କାଦେର୍ କି? ଯୀଶୁ ଖ୍ରୀଷ୍ଟ ଇନାକିଦେଙ୍ଗ୍ କୃଶକାଟ୍‌ତାକେ ହାଃଜି ମାଚାନ୍ ହେଦାଙ୍ଗ୍ ମିଙ୍ଗେଙ୍ଗ୍ କିଲେର୍ କିଜି ବୁଜାଇକିଜି ମାନ୍‌ଞ୍ଚାଙ୍ଗ୍। ଲାଗିଙ୍ଗ୍ ଇନେର୍ କାତା ଆସ୍ତି ଏପେଙ୍ଗ୍ ବୁଲ୍‌କା ଆତାଦେର୍‌ନା?

ଗାଲାତିୟ 5:10

ମାପୃ ମିଙ୍ଗେଙ୍ଗ୍ ବୁଲ୍ ହିକ୍ଷା ଆହ୍‌ନିତାଙ୍ଗ୍ ରକ୍ଷା କିଦ୍‌ନାନ୍ ଇଞ୍ଜି ଆନେଙ୍ଗ୍ ପାର୍ତି କିନାଙ୍ଗା। ମାତର୍ ଇନେର୍ ମିଙ୍ଗେଙ୍ଗ୍ ବାଦା ହିଦ୍‌ନାରା, ହେୱାରିଙ୍ଗ୍ ଈଶ୍ୱର ଦଣ୍ଡ୍ ହିନାନ୍।

୨ ଥେସଲନୀକିୟ 1:8

ଇମ୍‌ଣି ମାନାୟାର୍ ଈଶ୍ୱରତିଙ୍ଗ୍ ପୁନ୍‌ୱାତାର୍‌ନା, ଆରେ ମା ମାପୃ ଯୀଶୁତି ହାର୍ଦିକାବୁର୍ ମାନି କିୱାତାର୍‌ନା, ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍।

ଏବ୍ରି 11:8

ପାର୍ତି କାଜିଙ୍ଗ୍ ଅବ୍ରାହାମ ଈଶ୍ୱର କାତାତିଙ୍ଗ୍ ମାନି କିତାନ୍, ଏଚେପାଦ୍ନା ଈଶ୍ୱର ହେୱାନିଙ୍ଗ୍ ତା ଇଲ୍ ପିସ୍ତି ଜେକନି ଦେସ୍‌ତାକେ ହାଞ୍ଜେଙ୍ଗ୍ କୁକ୍‌ତାନ୍। ଅବ୍ରାହାମତିଙ୍ଗ୍ ଈଶ୍ୱର ହେ ଦେସ୍ ଆଦିକାରି କିନି କାଜିଙ୍ଗ୍ ହିଦେଙ୍ଗ୍ ହାଲ୍‌ଜି ମାଚାନ୍। ମାତର୍ ହେୱାନ୍ ଇଦାଙ୍ଗ୍ ପୁନ୍‌ୱାଦାଙ୍ଗ୍ ମାଚାନ୍, ଆତିସ୍‌ପା ହେୱାନ୍ ହସିହାଚାନ୍।

ଏବ୍ରି 12:1

ଏ ପାର୍ତିକିନି ମାନାୟ୍ କାଦେର୍, ହେୱାର୍ ଜିବୁନ୍ କାତାତାଙ୍ଗ୍ ପାର୍ତିନି ଅର୍ତ ଇନାକା ୱେଚ୍‌ନାର୍। ଇ ମାନାୟାର୍ ମା ଚାରିବେଣ୍‌ତାଙ୍ଗ୍ ସାକି ଲେକେ ଆଜି ମାନାରା। ଲାଗିଙ୍ଗ୍ ମାଙ୍ଗେଙ୍ଗ୍ ବେସି ସହଜ୍‌ରେ ବାଦାକିନି ପାପ୍‌ତିଙ୍ଗ୍ ନଙ୍ଗୟ୍ ୱିଜୁ ବିଷୟତିଙ୍ଗ୍ ଦେହାକିନି ଦର୍‌କାର୍। ଆରେ ଈଶ୍ୱର ମା କାଜିଙ୍ଗ୍ ଇମ୍‌ଣି ହାଜି ଇଡ଼୍‌ତାନ୍‌ନା, ହେବେ ସାହାସ୍ ହୁଦାଙ୍ଗ୍ ହନ୍‌ନି ଦର୍‌କାର୍।

ଏବ୍ରି 5:9

ଇଦାଙ୍ଗ୍ କାଜିଙ୍ଗ୍ ଈଶ୍ୱର ହେୱାନିଙ୍ଗ୍ ପୁରାପୁରି ଟିକ୍ ପ୍ରଦାନ୍ ମୁଡ଼୍‌ଦି ପୁଜାରି ଇଞ୍ଜି ଯଗ୍ୟ କିତାନ୍, ଆରେ ହେୱାନ୍‌ତାକେ ପାର୍ତିକିନି ମାନାୟାରିଙ୍ଗ୍ ହେୱାନ୍ ଯୁଗ୍-ଯୁଗ୍ କାଜିଙ୍ଗ୍ ଉଦାର୍ କିନାନ୍।

୧ ପିତର 1:22

ଇନେସ୍‌କି ଏପେଙ୍ଗ୍ ସତ୍‌ତିଙ୍ଗ୍ ମାନିକିତି କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ପାପ୍‌ତିଙ୍ଗ୍ ନୁସ୍‌ଦାତାନ୍‌ନା, ଲାଗିଙ୍ଗ୍ ଏପେଙ୍ଗ୍ ନଙ୍ଗୟ୍ ମି ପାର୍ତିନି ଟଣ୍ଡାରିଙ୍ଗ୍ ଟକାୟ୍ କିୱାଦାଙ୍ଗ୍ ହାତ୍‌ପା ଲାଡ୍‌କିନି ଦର୍‌କାର୍। ଏପେଙ୍ଗ୍ ଜାର୍-ଜାର୍‌ବିତ୍ରେ ଗରବ୍‌ତାଙ୍ଗ୍ ଲାଡ୍‌କିଜି ମାନାଟ୍।