ଗାଲାତିୟ 5:5 - New Testament in Pengo Parja Language

⁵ ଇନେସ୍‌କି ଈଶ୍ୱର ମାଙ୍ଗେଙ୍ଗ୍ ହିଜି ମାନ୍‌ଞ୍ଚି ପାର୍ମାଣ୍‌ତାଙ୍ଗ୍ ଦରମ୍ ମାନାୟ୍ ଆନି କାଜିଙ୍ଗ୍, ଆପେଙ୍ଗ୍ ଖ୍ରୀଷ୍ଟତାକେ ପାର୍ତି କିଜି ଆରେ ପବିତ୍ର ଆତ୍ମା ସାଇଜତାଙ୍ଗ୍ ବେସି ଆହାକିଜି କାନାପା।

ସତ୍‌ ବଚନ୍‌ ପୁନି ନିୟମ୍‌

⁵ ମାତର୍‌ ଆପ୍‌ ଆହା କିନାପା ଜେ ଇନାକିଦେଂକି ଆସେଙ୍ଗ୍‌ ପୁଇପୁୟା ଜିବୁନ୍‌ ହୁଦାଂ ପାର୍ତି କାଜିଂ ଦାର୍ମି କାତା ଗାଟାନି ଆହାତ କାନାସା ।

ଗାଲାତିୟ 5:5 Iomraidhean Croise

ରୋମିୟ 5:21

ଲାଗିଙ୍ଗ୍ ପାପ୍ ଇନେସ୍‌ଲେକେ ମାନାୟାରିଙ୍ଗ୍ ସାସନ୍ କିଜି ମାଚାତ୍ ଆରେ ହେୱାର୍ ହାଃତାର୍, ହେଲେକେ ଈଶ୍ୱର ଦୟା ସାସନ୍ କିନାତ୍ ଆରେ ଈଶ୍ୱର ଆଗେ ୱିଜାକାର୍‌ ଦରମ୍ ମାନାୟ୍ ଆତାର୍। ଆରେ ଯୀଶୁ ଖ୍ରୀଷ୍ଟ କାଜିଙ୍ଗ୍ ୱିଜାକାର୍ ୱିଜ୍‌ୱି ଜିବୁନ୍ ପାୟାଆନାର୍‌।

୧ କରନ୍ତିୟ 1:7

ହେଦାଙ୍ଗ୍ ପବିତ୍ର ଆତ୍ମା କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ୱିଜୁ ପର୍‌କାର୍ ଆଶ୍ରିବାଦ୍ ହିତ୍‌ତାନ୍‌ନା, ଇ ୱିଜୁ ପବିତ୍ର ଆତ୍ମାନି ଦାନ୍ ମା ମାପୃ ଯୀଶୁ ଖ୍ରୀଷ୍ଟ ଆରେରଗ ୱାନାନ୍ ଇଞ୍ଜି କାତିହିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ହିତ୍‌ତାନ୍‌ନା।

ଏପିସିୟ 2:18

ଲାଗିଙ୍ଗ୍ ଖ୍ରୀଷ୍ଟ କାଜିଙ୍ଗ୍, ଆସେଙ୍ଗ୍ ତା ପବିତ୍ର ଆତ୍ମାତାଙ୍ଗ୍ ଆବା ଈଶ୍ୱର ଲାଗାୟ୍ ହାନି କାଜିଙ୍ଗ୍ ହାଜି ଗାଟା ଆତାପ୍‌ନା।

ପିଲିପିୟ 3:9

ଆନେଙ୍ଗ୍ ମୋଶା ନିୟମ୍‌ତିଙ୍ଗ୍ ମାନିକିନି କାଜିଙ୍ଗ୍ ଆନେଙ୍ଗ୍ ଦରମ୍ ମାନାୟ୍ ଆୱାତାଙ୍ଗ୍‌ନା, ମାତର୍ ଖ୍ରୀଷ୍ଟଙ୍ଗ୍ ପାର୍ତିକିନି କାଜିଙ୍ଗ୍ ଆନେଙ୍ଗ୍ ଦରମ୍ ମାନାୟ୍ ଆତାଙ୍ଗ୍‌ନା। ହେ ଦରମ୍‌ନି ବିଷୟ ଈଶ୍ୱର ହିତ୍‌ତାନ୍‌ନା।

୧ ଥେସଲନୀକିୟ 1:10

ଆରେ ଈଶ୍ୱର ତା ମେହିଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ କିତାନ୍। ନଙ୍ଗୟ୍‌ୱାନି ଦଣ୍ଡ୍‌ତାଙ୍ଗ୍ ରକ୍ଷା ପାୟାଆନି କାଜିଙ୍ଗ୍ ଉଦାର୍ କିଦ୍‌ନି ଯୀଶୁ ସରଗ୍‌ତାଙ୍ଗ୍ ୱାନାନ୍ ଇଞ୍ଜି କାନାଦେରା। ହେଦାଙ୍ଗ୍ କାଜିଙ୍ଗ୍ ଜାର୍-ଜାର୍ ଜିବୁନ୍‌ତିଙ୍ଗ୍ ବାଦ୍‌ଲାୟ୍ କିଜି ଈଶ୍ୱରତିଙ୍ଗ୍ ପାର୍ତି କିତାଦେର୍।

୨ ଥେସଲନୀକିୟ 3:5

ଆପେଙ୍ଗ୍ ମି କାଜିଙ୍ଗ୍ ମାପୃ ଯୀଶୁତାକେ ପାର୍ତାନା କିନାପା। ଈଶ୍ୱର ମାଙ୍ଗେଙ୍ଗ୍ ବେସି ଲାଡ୍ କିନାନା ଇଞ୍ଜି ପୁଞ୍ଜେଙ୍ଗ୍ ସାଇଜ କିଦେନ୍, ଆରେ ମାପୃ ଯୀଶୁ ଖ୍ରୀଷ୍ଟ ଇନେସ୍ ଦୁଃକ୍ କଷ୍ଟତିଙ୍ଗ୍ ସମ୍ବାଲି କିଜି ମାଚାନ୍। ତା ଲେକେ ଆସେଙ୍ଗ୍ ଦୁଃକ୍ କଷ୍ଟତିଙ୍ଗ୍ ସମ୍ବାଲି କିଦେଙ୍ଗ୍ ଈଶ୍ୱର ମାଙ୍ଗେଙ୍ଗ୍ ସାଇଜ କିଦ୍‌ନାନ୍।

୨ ତିମଥି 4:8

ମାପୃ ନ୍ୟାୟ୍‌ତାକେ ବିଚାର୍‌କିନି ମାନାୟ୍ ଆରେ ବିଚାର୍ କିନିହିଙ୍ଗ୍ ନା କାଜିଙ୍ଗ୍ ଇଡ଼୍‌ତି ଦରମ୍‌ନି ମୁକୁଟ୍ ନାଙ୍ଗେଙ୍ଗ୍ ହିଦ୍‌ନାନ୍। ଆପ୍‌କା ନାଙ୍ଗେଙ୍ଗ୍ ନେ ପୁରଷ୍କାର୍ ହିଦୁନ୍, ମାତର୍ ଏଚେଜାଣ୍ ହେୱାନ୍ ୱାନି ହାଜ୍‌ଦିଙ୍ଗ୍ ବେସି ହୁଡ଼୍‌ଜି ମାନାରା, ହେୱାରିଙ୍ଗ୍ ପା ହିନାନ୍।

ତୀତସ 2:13

ଆରେ ଇମ୍‌ଣି ଆହା ମାଙ୍ଗେଙ୍ଗ୍ ୱାରି କିଦ୍‌ନାତ୍, ଆରେ ମା ଗାଜା ଈଶ୍ୱର ଆରେ ଉଦାର୍ କିଦ୍‌ନି ଯୀଶୁ ଖ୍ରୀଷ୍ଟ ଗୌରବତାଙ୍ଗ୍ ୱାନାକାଦିଙ୍ଗ୍ କାସିମାଞ୍ଜେଙ୍ଗ୍ ଈଶ୍ୱର ମାଙ୍ଗେଙ୍ଗ୍ ଦୟା ହିକାୟ୍ କିତ୍‌ତାନ୍‌ନା।