ଗାଲାତିୟ 5:21 - New Testament in Pengo Parja Language

²¹ ଆରେ ମଦୁଆ ଆନାକା, କରାପ୍ ମାନାୟ୍ ହୁଦାଙ୍ଗ୍ ମାହାଆଜି ୱାରି କିନାକା, ଇଲେକେ ଜେକନି ପାପ୍ କାମାୟ୍ କିନାର୍। ଆନେଙ୍ଗ୍ ଆଗେ ମିଙ୍ଗେଙ୍ଗ୍ ଇନେସ୍ ୱେଚ୍‌ଚି ମାନ୍‌ଞ୍ଚାଙ୍ଗ୍, ହେଲେକେ ଆରେରଗ ୱେଚ୍‌ଚାନାଙ୍ଗା ଯେ, ଇମ୍‌ଣାକାର୍ ଇ ୱିଜୁ ପର୍‌କାର୍ କାମାୟ୍ କିନାର୍, ହେୱାର୍ ଈଶ୍ୱର ସାସନ୍ କିନି ରାଜିନି ଅଦିକାର୍ ଆଦେଙ୍ଗ୍ ଆଡୁର୍।

ସତ୍‌ ବଚନ୍‌ ପୁନି ନିୟମ୍‌

²¹ ଡାରା, ହେୱାର୍‌ ମଦୁୱା ରଙ୍ଗ୍‌ରସ୍‌ ୱାରି ଆରି ହେ ଲାକେ ବିନ୍‌ବିନ୍‌ ବାନ୍ୟାତ ବାର୍ତି ମାନାର୍‌ । ଆନ୍‌ ଆଗେ ଲାକେ ନଙ୍ଗ୍‌ ପା ମିଙ୍ଗେଙ୍ଗ୍‌ ଜାଗ୍ରତ୍‌ କିଦ୍‌ନାଙ୍ଗା । ଇମ୍‌ଣାକାର୍‌ ଏଲେଙ୍ଗ୍‌ବାର୍ତି କାମାୟ୍‌ ସବୁ କିତାର୍‌, ହେୱାର୍‌ ଇସ୍ୱର୍‌ତି ରାଜିନି ଆଦିକାର୍‌ ଆଦେଂ ଆଡୁର୍‌ ।

ଗାଲାତିୟ 5:21 Iomraidhean Croise

ମାତିଉ 25:34

ଆନେଙ୍ଗ୍ ରାଜା ତା ତିନାବାଗାୟ୍ ମାନି ମାନାୟାରିଙ୍ଗ୍ ୱେଚ୍‌ନାଙ୍ଗ୍, ୱାଡ ନା ସରଗ୍‌ନି ଆବା ମିଙ୍ଗେଙ୍ଗ୍ ଆଶ୍ରିବାଦ୍ କିତ୍‌ତାନ୍‌ନା। ଈଶ୍ୱର ମିଙ୍ଗେଙ୍ଗ୍ ଇମ୍‌ଣି ରାଜି ହିଦ୍‌ଦେଙ୍ଗ୍ ଇଚା କିତ୍‌ତାନ୍‌ନା। ହେଦାଙ୍ଗ୍ ଏପେଙ୍ଗ୍ ପାୟାଆଡୁ। ପୁର୍ତି ଉବ୍‌ଜା ଆନି ପାଦ୍ନା ମି କାଜିଙ୍ଗ୍ ହେ ରାଜି ରହିଆତାତ୍‌ନା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 21:34

ଯୀଶୁ ଆରେରଗ ୱେଚ୍‌ଚାନ୍, “ଜାଗ୍ରତ୍ ଆଜି ମାନାଟ୍। ଏପେଙ୍ଗ୍ କାଲିଙ୍ଗ୍ ଉଣ୍‌ଜି ହଜ୍‌ଜି ମାନ୍‌ମାଟ୍। ଆରେ ଜିଦେଙ୍ଗ୍ ଏପେଙ୍ଗ୍ ବାରବିନି ଚିନ୍ତା କିମାଟ୍। ମାତର୍ ଏପେଙ୍ଗ୍ ଜାଗ୍ରତ୍ ହିଲ୍‌ୱି ୱେଡ଼ାଲିଙ୍ଗ୍ ହେଦାପ୍ରେ ହେ ଦିନ୍ ୱାନାତ୍।

ରୋମିୟ 13:13

ଆସେଙ୍ଗ୍ ଦରମ୍ ଆରେ ସତ୍ ଆଜି ୱିଜୁ କାମାୟ୍ କିନି ଦର୍‌କାର୍, ଲାଗିଙ୍ଗ୍ ୱିଜାର୍ ମାନାୟ୍ ମା ବ୍ୟବହାର୍‌ତିଙ୍ଗ୍ ହାର୍ ଇଞ୍ଜି ଇଞ୍ଜ୍‌ନାର୍। ଆସେଙ୍ଗ୍ କାଲିଙ୍ଗ୍ ଉଣି ଦଳ୍‌ତାଙ୍ଗ୍ କି ଦାରି କାମାୟ୍ କିନାକାର୍‌ତାଙ୍ଗ୍, କି ଜେକନି କଗ୍‍ଲେକ୍ ହୁଦାଙ୍ଗ୍ ମାନାକା କି ଗଣ୍ଡ୍‍ଗଲ୍ କିନି ଦଳ୍‌ତାକେ ମାନାକା ଆରେ ଆକାର୍ ଆନି ମାନାୟାର୍ ହୁଦାଙ୍ଗ୍ ମାହା ଆମାଟ୍।

ରୋମିୟ 8:13

ଯଦି ଆସେଙ୍ଗ୍ ପାପ୍‍କିନି ଇଚା ଅନୁସାରେ ଜିବୁନ୍ କାଟି କିନାସା, ଆସେଙ୍ଗ୍ ଈଶ୍ୱରତାଙ୍ଗ୍ ଦେହା ଆୟା ଆନାତ୍। ମାତର୍ ଯଦି ଆସେଙ୍ଗ୍ ପବିତ୍ର ଆତ୍ମା ସାଇଜତାଙ୍ଗ୍ ପାପ୍ କାମାୟ୍ କିନି ଇଚାତିଙ୍ଗ୍‌ ବନ୍ଦ୍ କିତିସ୍‌, ଲାଗିଙ୍ଗ୍ ଆସେଙ୍ଗ୍ ଜିଜି ମାନାସ୍।

୧ କରନ୍ତିୟ 15:50

ଏ ଟଣ୍ଡାର୍‌କାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ଇଦାଙ୍ଗ୍ ୱେଚ୍‌ଚେଦେଙ୍ଗ୍ ଇଚା କିନାଙ୍ଗା ଯେ, ମା ଇ ପୁର୍ତିନି ଗାଗାଡ଼୍ ହୁଦାଙ୍ଗ୍ ଈଶ୍ୱର ସାସନ୍ କିନି ରାଜିତାକେ ହଲିଆ ଆଉତ୍, ଆରେ ଇ ହାଃନି ଗାଗାଡ଼୍ ୱିଜୁଦିନ୍ ମାନି ବାହାତାକେ ହାଲିଆ ଆଉତ୍।

୧ କରନ୍ତିୟ 5:11

ମାତର୍ ଆନେଙ୍ଗ୍ ଲେକିକିତାକା ଇଲେକେ ଯେ, ଯଦି ଇମ୍‌ଣି ମାନାୟ୍ ଖ୍ରୀଷ୍ଟଙ୍ଗ୍ ପାର୍ତି କିଜି ଦାରି କାମାୟ୍ କିନାନ୍, ଦନ୍ ସମ୍ଫତିତିଙ୍ଗ୍ ଲବ୍ ଆନାନ୍, ମୁର୍ତି ପୁଜା କିନାନ୍, ଲକାଙ୍ଗ୍ ନିନ୍ଦା କିନାନ୍, କାଲିଙ୍ଗ୍ ଉଣାନ୍ ଆରେ ଲକାର୍ ଦନ୍‌ତିଙ୍ଗ୍ ଚର୍ କିନାନ୍, ଇଲେକେ ମାନାୟ୍ ହୁଦାଙ୍ଗ୍ ମାହା ଆମାଟ୍ କି ତା ହୁଦାଙ୍ଗ୍ ମାହାଆଜି ତିନ୍‌ମାଟ୍‌।

ଏପିସିୟ 5:18

ଆରେ ଅଙ୍ଗୁର୍ ରାସ୍ ଉଣ୍‌ଜି ହଜ୍‌ଜି ମାନ୍‌ମାଟ୍। ଇନେସ୍‌କି ହେବେତାଙ୍ଗ୍ ନେ ମାନାୟାର୍ ପଶୁ ଲେକେ ବ୍ଯବହାର୍ କିନାର୍। ମାତର୍ ଏପେଙ୍ଗ୍ ପବିତ୍ର ଆତ୍ମାତାଙ୍ଗ୍ ପୁରା ଆଡ।

କଲସିୟ 3:6

ଇ ୱିଜୁ ପାପ୍ ମାନାୟାର୍ କିନି କାଜିଙ୍ଗ୍ ଈଶ୍ୱର ସତ୍‌ରେ ହେୱାରିଙ୍ଗ୍ ବେସିକିଜି ଦଣ୍ଡ୍ ହିନାନ୍।

୧ ଥେସଲନୀକିୟ 5:7

ହେଦାଙ୍ଗ୍ କାଜିଙ୍ଗ୍ ଇମ୍‌ଣାକାର୍ ହୁଞ୍ଜ୍‌ନାର୍, ହେୱାର୍ ନାଣାଲିଙ୍ଗ୍ ହୁଞ୍ଜ୍‌ନାର୍, ଆରେ ଇମ୍‌ଣାକାର୍ କାଲିଙ୍ଗ୍ ଉଣାର୍ ହେୱାର୍ ମିକାଲିଙ୍ଗ୍ ନେ ଉଣାର୍।

୨ ଥେସଲନୀକିୟ 2:5

ଆନେଙ୍ଗ୍ ମିହୁଦାଙ୍ଗ୍ ମାନିହିଙ୍ଗ୍ ଇ ବିଷୟରେ କେତ୍‍ତର୍ ୱେଚ୍‌ଚାତାଙ୍ଗ୍‌ନା, ହେଦାଙ୍ଗ୍ ମିଙ୍ଗେଙ୍ଗ୍ ମାନ୍ତ ହିଲେତ୍ କି।

ଏବ୍ରି 13:4

ଏପେଙ୍ଗ୍ ବିବାଆନି ଜିବୁନ୍‌ତିଙ୍ଗ୍ ସନ୍‌ମାନ୍ କିୟାଟ୍, ଆରେ ଏପେଙ୍ଗ୍ ବିବାଆତି ଜିବୁନ୍‌ତାକେ ଜାର୍-ଜାର୍ ପବିତ୍ର ଆଜି ମାନାଟ୍। ଇମ୍‌ଣାକାର୍ ଦାରୁଲା ଆରେ ଜେକନି ମାନାୟାରିଙ୍ଗ୍ ଆଦିକ୍ ଇଚା ଆନାର୍, ହେୱାରିଙ୍ଗ୍ ଈଶ୍ୱର ବିଚାର୍ କିନାନ୍।

୧ ପିତର 4:3

ଏପେଙ୍ଗ୍ ଆଗେ ବିନ୍‌ଜାତିନି ମାନାୟାର୍‌ଲେକେ ୱାରି କିଜି ମାଚାଦେର୍। ହେୱାର୍ ୱାରି କାମାୟ୍ କିଜି ମାଚାର୍, ହେୱାରିଙ୍ଗ୍ ଦାରି କାମାୟ୍ କିନି ଇଚା ମାଚାତ୍, ହେୱାର୍ ବଜି କିଜି ମାଚାର୍, କାଲିଙ୍ଗ୍ ଉଣ୍‌ଜି ମାଚାର୍, ପଶୁଙ୍ଗ୍‌ଲେକେ ବ୍ୟବହାର୍ କିଜି ମାଚାର୍ ଆରେ ମୁର୍ତି ପୁଜା କିନାରା। ଇମ୍‌ଣାକା କି ଈଶ୍ୱର ଗିଣ୍ କିନାନା।

ହତ୍‌ତି 21:27

ମାତର୍ କରାପ୍ ମାନାୟାରିଙ୍ଗ୍ କି, ପାପ୍ କାମାୟ୍ କିନାକାରିଙ୍ଗ୍ କି, ମିଚ୍ ୱେଚ୍‌ନାକାର୍ ଆଏର୍, ଇଲେକେ ଗିଣ୍ କାମାୟ୍ କିନାକାରିଙ୍ଗ୍ ଇନାୱେଡ଼ାଙ୍ଗ୍ ପା ହେ ସହର୍‌ତାକେ ହାଞ୍ଜେଙ୍ଗ୍ ହିଉର୍। ଇଲେଗ୍‌ଦି ମାନାୟାର୍ ହେ ସହର୍‌ତାକେ ହାନାର୍ ଯେ, ଇନେର୍ ତର୍‌ ମେଣ୍ଢା ଇନେର୍‌କି ଯୀଶୁ ବହିତାକେ ଲେକାଆଜି ମାନ୍‌ଗାନାତ୍, ହେ ବହିତାକେ ଜିବୁନ୍ ମାନି ମାନାୟାର୍ ତର୍‌ ଲେକାଆତାତ୍‌ନା।

ହତ୍‌ତି 22:15

ମାତର୍ ନିକୁଡ଼୍‌ଲେକେ ଇମ୍‌ଣି ମାନାୟାର୍ କରାପ୍ କାମାୟ୍ କିନାର୍, ଯାଦୁ ମନ୍ତର୍ କିନାର୍, ଦାରି କାମାୟ୍ କିନାର୍, ମାନାୟାରିଙ୍ଗ୍ ଅହ୍‌ନାର୍, ମୁର୍ତି ପୁଜାକିଜି ମାନାର୍ ଆରେ ମିଚ୍ ୱେଚ୍‌ନି ମାନାୟାର୍ ସହର୍ ବାର୍ତ ମାନାର୍।