ଗାଲାତିୟ 4:9 - New Testament in Pengo Parja Language

⁹ ମାତର୍ ନଙ୍ଗୟ୍ ଏପେଙ୍ଗ୍ ଈଶ୍ୱରତିଙ୍ଗ୍ ପୁଚାଦେର୍‌ନା, ନଇଲେ ଇଦାଙ୍ଗ୍ ପା ଆନେଙ୍ଗ୍ ୱେଚ୍‌ଚାନାଙ୍ଗ୍ ଯେ ଈଶ୍ୱର ନଙ୍ଗୟ୍ ମିଙ୍ଗେଙ୍ଗ୍ ପୁନ୍‌ଞ୍ଚାନ୍‌ନା। ଲାଗିଙ୍ଗ୍ ଇ ଜଗତ୍‌ନି ଦୁର୍‌ବଲ୍ ଆରେ ମୁଲ୍ୟ ହିଲ୍‌ୱି ହିକ୍ଷାନି ଦାସ୍ ଆଦେଙ୍ଗ୍, ଇନେସ୍ ଆରେରଗ ଲେଉଟା ଆଜି ହାଞ୍ଜେଙ୍ଗ୍ ଇଚା କିନାଦେରା?

ସତ୍‌ ବଚନ୍‌ ପୁନି ନିୟମ୍‌

⁹ ମାତର୍‌ ନଙ୍ଗ୍‌ୟ୍ ଏପେଙ୍ଗ୍‌ ଇସ୍ୱର୍‌ତିଂ ପୁଚାଦେର୍ଣ୍ଣା ଆନ୍‌ ଇଞ୍ଜ୍‌ନାଙ୍ଗ୍‌, ନଙ୍ଗ୍‌ୟ୍‌ ଇସ୍ୱର୍‌ ମିଙ୍ଗେଙ୍ଗ୍‌ ପୁନ୍‌ଚାନ୍‌ନା । ୱାଟିଂ ଇଦାଂ ଇନେସ୍‌ ଆନାତ୍‌ ଜେ, ଏପେଙ୍ଗ୍‌ ଆରେ ରଗ ହେ ନାଦାର୍‌ ବପୁ, ଦାଣ୍ଡ୍‌ନି ପେନ୍‌ ପୁଦାଂ ଲାଗାଂ ମାସ୍‌ଦି ହାଞ୍ଜେଙ୍ଗ୍‌ ମାନ୍‌ କିନାଦେରା ? ଏପେଙ୍ଗ୍‌ ଇନେକିଦେଂ ଆରେରଗ ହେୱାର୍‌ତି ଆଡ଼ିଏନ୍‌ ଆଦେଂ ଇଚା କିନାଦେରା ?

ଗାଲାତିୟ 4:9 Iomraidhean Croise

ମାତିଉ 11:27

ନା ଆବା ସରଗ୍ ଆରେ ପୁର୍ତିନି ଆଦିକାର୍ ୱିଜୁ ବିଷୟ ନାଙ୍ଗେଙ୍ଗ୍ ହିତ୍‌ତାନ୍‌ନା। ହେଦାଙ୍ଗ୍ କାଜିଙ୍ଗ୍ ହିମ୍‌ଣା ବିଷୟରେ ଆବାଙ୍ଗ୍ ପିସ୍ତି ଇନେର୍ ପା ପୁନୁର୍। ଆରେ ଆବା ବିଷୟରେ ହିମ୍‌ଣାଙ୍ଗ୍ ପିସ୍ତି ଇନେର୍ ପୁଞ୍ଜେଙ୍ଗ୍ ଆଡୁର୍। ଆରେ ହିମ୍‌ଣା ଇନେରିଙ୍ଗ୍ ବାଚିକିଜି ୱେଚ୍‌ଚାଙ୍ଗ୍‌ନା ହେୱାର୍ ନେ ଆବାଙ୍ଗ୍ ପୁନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 5:38

ହେଦାଙ୍ଗ୍ କାଜିଙ୍ଗ୍ ମାନାୟାର୍ ସବୁୱେଡ଼ାଙ୍ଗ୍ ପୁଃନି ଅଙ୍ଗୁର୍ ରାସ୍ ପୁଃନି ତଲ୍‌ମଣାତାକେ ଇଟ୍‌ନାର୍।”

ଜହନ୍‌ 10:14

ଆନେଙ୍ଗ୍ ହାର୍ଦି ମେଣ୍ଢାଗଡ଼ିଆ। ଆବା ଈଶ୍ୱର ନାଙ୍ଗେଙ୍ଗ୍ ଇନେସ୍ ପୁନ୍‌ଞ୍ଚାନ୍‌ନା, ଆନେଙ୍ଗ୍ ପା ହେଲେକେ ଆବା ଈଶ୍ୱରତିଙ୍ଗ୍ ପୁଚାଙ୍ଗ୍‌ନା।

ଜହନ୍‌ 10:27

ନା ମେଣ୍ଢାଙ୍ଗ୍ ନା ବେଣ୍ ୱେନିକ୍। ଆନେଙ୍ଗ୍ ହେୱେକିୟାକାଙ୍ଗ୍ ପୁନାଙ୍ଗ୍ ଆରେ ହେୱେକ୍ ନା ପାଚେ ୱାନିକ୍।

ଜହନ୍‌ 17:3

ଏନେଙ୍ଗ୍ ରକାୟ୍ ସତ୍ ଈଶ୍ୱର, ନିଙ୍ଗେଙ୍ଗ୍ ଆରେ ଏନେଙ୍ଗ୍ ପକ୍ତିତି ଯୀଶୁ ଖ୍ରୀଷ୍ଟଙ୍ଗ୍ ପୁନାକା ନେ ୱିଜ୍‌ୱି ଜିବୁନ୍।

ରୋମିୟ 8:29

ଇନେସ୍‌କି ଈଶ୍ୱର ତା ମାନାୟାରିଙ୍ଗ୍ ଆଗେନେ ପୁଚାନ୍‌ନା, ଆରେ ହେୱାନ୍ ତା ମେହି ଲେକେ ଆନି କାଜିଙ୍ଗ୍ ହେୱାରିଙ୍ଗ୍ ବାଚି କିତାନ୍‌ନା, ଲାଗିଙ୍ଗ୍ ତା ମେହି ୱିଜାର୍ ଟଣ୍ଡାହିର୍ ଆରେ ତଣ୍‌ଦିହିକ୍ ବିତ୍ରେତାଙ୍ଗ୍ ପାର୍ତୁମ୍ ଆନାନ୍।

ରୋମିୟ 8:3

ମଶା ଲେକିକିତି ଦରମ୍ ସାସ୍ତର୍‌ନି ନିୟମ୍ ଉଦାର୍ କିଦେଙ୍ଗ୍ ଆଡ୍‌ୱାତାତ୍, ଇନେସ୍‌କି ମା ବିତ୍ରେ ପାପ୍‍କିନି ଇଚା ମାଚାତ୍। ମାତର୍ ଈଶ୍ୱର ତା ଜାର୍ ମାଜିଙ୍ଗ୍ ମାନାୟ୍ ରୁପ୍ ଆଜି ପକ୍ତାତାନ୍, ଆରେ ହେୱାନ୍ ପାପ୍‌ତିଙ୍ଗ୍ ତା ମେହି ଜପି ଲେଦି କିତାନ୍ ଆରେ ହେୱାନ୍ ମା ପାପ୍ କାଜିଙ୍ଗ୍ ହାଃତାନ୍, ଆରେ ଇଲେକେ କିଜି ଈଶ୍ୱର ମାଙ୍ଗେଙ୍ଗ୍ ଉଦାର୍ କିତ୍‌ତାନ୍।

୧ କରନ୍ତିୟ 13:12

ଆରେ ହେଦାଙ୍ଗ୍ ଆସେଙ୍ଗ୍ ପାର୍ତିକିନାର୍ କାଜିଙ୍ଗ୍ ହାମାନ୍, ଇନେସ୍‌କି ର ମାନାୟ୍ ବାନ୍ଯା ଦାର୍‌ପାଣ୍‌ତାକେ ତା ମୁର୍ତି ହୁଡ଼୍‌ତି ଲେକେ ଆସେଙ୍ଗ୍ ଆତାସ୍‌ନା। ଇନେସ୍‌କି ଆସେଙ୍ଗ୍ ୱିଜୁ ବିଷୟରେ ନଙ୍ଗୟ୍ ପାତେକ୍ ପୁନୁସେ, ଏଚେପାଦ୍ନା ଆସେଙ୍ଗ୍ ଈଶ୍ୱର ହୁଦାଙ୍ଗ୍ ହାରାମୁମ୍‌ ଆନାସ୍, ହେପାଦ୍ନା ଆସେଙ୍ଗ୍ ୱିଜୁ ବିଷୟ କିଲେର୍ କିଜି ବୁଜା ଆଦେଙ୍ଗ୍ ଆଡ୍‌ନାସ୍‌। ନଙ୍ଗୟ୍ ନାବେ ଈଶ୍ୱରତି ଜ୍ଞାନ୍ ଉଣା ମାନାତ୍, ମାତର୍ ଦିନ୍ ୱାନାତ୍ ଈଶ୍ୱର ନାଙ୍ଗେଙ୍ଗ୍ ଇନେସ୍ ହାର୍ କିଜି ପୁନ୍‌ଞ୍ଚାନ୍‌ନା ହେଲେକେ ଆନାଙ୍ଗ୍ ପା ହେୱାନିଙ୍ଗ୍ ପୁନାଙ୍ଗ୍।

୧ କରନ୍ତିୟ 15:34

ଏପେଙ୍ଗ୍ ଟିକ୍ ବିଷୟତିଙ୍ଗ୍ ହାର୍‌ଦାଙ୍ଗ୍ ଚିନ୍ତା କିୟାଟ୍, ଆରେ ପାପ୍ କାମାୟ୍ କିନାକା ବନ୍ଦ୍ କିୟାଟ୍। ଇନେସ୍‌କି ମି ବିତ୍ରେତାଙ୍ଗ୍ କେତ୍‌ଜାଣ୍ ମାନାର୍ ହେୱାର୍ ଈଶ୍ୱରତିଙ୍ଗ୍ ମୁଡ଼୍‌କେ ପୁନ୍‌ୱାତାର୍‌ନା ଆରେ ହେୱାରିଙ୍ଗ୍ ଲାଜୁ କିଦେଙ୍ଗ୍ ଇ ୱିଜୁ ବିଷୟରେ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା।

୧ କରନ୍ତିୟ 8:3

ମାତର୍ ଇମ୍‌ଣି ମାନାୟ୍ ଈଶ୍ୱରତିଙ୍ଗ୍ ଲାଡ୍ କିନାନା, ହେୱାନ୍ ଈଶ୍ୱର ମାନାୟ୍ ଇଞ୍ଜି ପୁଚାନ୍‌ନା।

୨ କରନ୍ତିୟ 11:20

ମାନାୟାର୍ ଏଚେପାଦ୍ନା ମିଙ୍ଗେଙ୍ଗ୍ ଚାକର୍ କିଦ୍‌ଦେଙ୍ଗ୍ ଉପାୟ୍ କିନାର୍ ଏପେଙ୍ଗ୍ ରାଜି ଆନାଦେରା। ହେୱାର୍ ମିବେ ମାନି ୱିଜୁ ଜିନିଷ୍‌ତିଙ୍ଗ୍ ଅନିହିଙ୍ଗ୍, ହେୱାର୍ ମିଙ୍ଗେଙ୍ଗ୍ ତା କାମାୟ୍ କାଜିଙ୍ଗ୍ ବ୍ୟବହାର୍ କିଦ୍‌ନିହିଙ୍ଗ୍, ହେୱାର୍ ୱିଜୁ ଜିନିଷ୍‌ତିଙ୍ଗ୍ କଣ୍ଟ୍ରୁଲ୍ କିନିହିଙ୍ଗ୍ ଆରେ ହେୱାର୍ ମି ମୁମ୍‌ଦ ଚାପ୍ଡ଼ା ଇଡ଼୍‌ଦିନିହିଙ୍ଗ୍ ମାନିକିଜି ମାନାଟ୍।

୨ କରନ୍ତିୟ 4:6

ଇନେସ୍‌କି ଈଶ୍ୱର ଆଗେ ୱେଚ୍‌ଚି ମାଚାନ୍, “ମାଜ୍‌ଗାତାକେ ଅଜଡ଼୍ ଆଏତ୍” ଆରେ ଇଲେକେ କିଜି ହେୱାନ୍ ତା ଗୌରବ ବୁଜାୟ୍ କିଜି ମାଚାତ୍ ଯେ, ହେ ଅଜଡ଼୍‌ଲେକେ ତା ଗୌରବ ଯୀଶୁ ଖ୍ରୀଷ୍ଟ ମୁମ୍‌ଦ ଚନ୍‌ଞ୍ଜି ମାଚାତ୍।

ଗାଲାତିୟ 3:3

ଏପେଙ୍ଗ୍ ଇନେସ୍ ବକୁୱା ଆଦେଙ୍ଗ୍ ଆଡ୍‌ନାଦେର୍? ପବିତ୍ର ଆତ୍ମା ସାଇଜତାଙ୍ଗ୍ ଏପେଙ୍ଗ୍ ମି ଖ୍ରୀଷ୍ଟାନ୍ ଜିବୁନ୍‌ତିଙ୍ଗ୍ ଆରମ୍ କିତାଦେର୍‌ନା। ନଙ୍ଗୟ୍ ଏପେଙ୍ଗ୍ ଇନାକିଦେଙ୍ଗ୍ ଜାର୍ ଶାକ୍ତିତାଙ୍ଗ୍ ପୁରା ଟିକ୍ ଆଦେଙ୍ଗ୍ ଇଚା କିନାଦେରା?

ଗାଲାତିୟ 4:3

ହେଲେକେ ଖ୍ରୀଷ୍ଟ ୱାଜି ମାଙ୍ଗେଙ୍ଗ୍ ଉଦାର୍ କିଦ୍‌ନି ପାତେକ୍, ଆସେଙ୍ଗ୍ ହିରୁ ହିମ୍‌ଣା ମାଚାସ୍। ଆରେ ଆସେଙ୍ଗ୍ ଇ ଜଗତ୍‌ନି ନିତି ନିୟମ୍‌ନି ଦାସ୍ ଆଜି ମାଚାସ୍।

ଏପିସିୟ 1:17

ଆନେଙ୍ଗ୍ ଇଦାଙ୍ଗ୍ ପା ପାର୍ତାନା କିନାଙ୍ଗ୍ ଯେ ଈଶ୍ୱର ମା ମାପୃ ଯୀଶୁ ଖ୍ରୀଷ୍ଟନି ଗୌରବମାନି ଆବା ମିଙ୍ଗେଙ୍ଗ୍ ଜ୍ଞାନ୍ ଆରେ ବୁଦି ହିଦେନ୍, ଲାଗିଙ୍ଗ୍ ଏପେଙ୍ଗ୍ ହେୱାନିଙ୍ଗ୍ ହାର୍‌ଦାଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍।

୨ ତିମଥି 2:19

ପାଉଣ୍ଡେସେନ୍ ଇନେସ୍ ପୁରା ଆଟ୍‌ୱା ଆଜି ମାନ୍‌ଗାନାତ୍ ହେଲେକେ ଈଶ୍ୱର ମାନାୟାର୍ ମାନ୍‌ଗାନାର୍। ଇ ପାଉଣ୍ଡେସେନ୍ ଜପି ଇଦାଙ୍ଗ୍ ଲେକାଆତାତ୍‌ନା, “ମାପୃ ତା ଜାର୍ ମାନାୟାରିଙ୍ଗ୍ ପୁଚାନ୍‌ନା।” ଆରେ, “ଇନେର୍ ମାପୃ ତର୍‍ଦାଙ୍ଗ୍ ହେବା କିନାନ୍, ହେୱାନ୍ କରାପ୍ କାମାୟ୍ କିନାକା ପିହେନ୍।”

ଏବ୍ରି 7:18

ପୁଜାରି ଆନି କାଜିଙ୍ଗ୍ ମୋଶା ଲେକିକିତି ନିୟମ୍ ଇନାକା କିନି ଦର୍‌କାର୍ ହେଦାଙ୍ଗ୍ କିଦେଙ୍ଗ୍ ଆଡ଼୍‌ତି କାଜିଙ୍ଗ୍ ଆରେ ଇନା ମୁଲ୍ୟ ହିଲ୍‌ୱି କାଜିଙ୍ଗ୍, ଇଦାଙ୍ଗ୍‌ତିଙ୍ଗ୍ ବାଦ୍‌ଲାୟ୍ କିତାର୍‌ନା।

୨ ପିତର 2:20

ମାନାୟାର୍ ଯୀଶୁ ଖ୍ରୀଷ୍ଟଙ୍ଗ୍ ହେୱାର୍ ମାପୃ ଆରେ ଉଦାର୍ କିଦ୍‌ନାକାନ୍ ଇଞ୍ଜି ଆସ୍ତି ପାଚେ, ହେୱାର୍ ଇ ଜଗତ୍‌ନି କରାପ୍ ବିଷୟତାଙ୍ଗ୍ ହନ୍‌ଞ୍ଚି ହାଚାର୍‌ନା। ମାତର୍ ହେୱାର୍ ଆରେରଗ ନଙ୍ଗୟ୍ କରାପ୍ କାମାୟ୍ କିନାରା ଆରେ କରାପ୍ କାମାୟ୍ ହେୱାରିଙ୍ଗ୍ କଣ୍ଟ୍ରୁଲ୍ କିନାତା। ଲାଗିଙ୍ଗ୍ ହେୱାର୍ ଖ୍ରୀଷ୍ଟାନ୍ ଆୱି ପରିସ୍ତିତିତାଙ୍ଗ୍ ଖ୍ରୀଷ୍ଟଙ୍ଗ୍ ମାନିକିୱି ପରିସ୍ତିତି ଆଦିକ୍ କରାପ୍ ଆନାତ୍।

୧ ଯୋହନ 5:20

ଆସେଙ୍ଗ୍ ପୁଚାସ୍‌ନା ଯେ, ଈଶ୍ୱର ତା ମେହିଙ୍ଗ୍ ପୁର୍ତିତାକେ ପକ୍ତାତାନ୍‌ନା। ଆରେ ହେୱାନ୍ ମାଙ୍ଗେଙ୍ଗ୍ ସତ୍ ଈଶ୍ୱରତିଙ୍ଗ୍ ପୁଞ୍ଜେଙ୍ଗ୍ ସାଇଜ କିତ୍‌ତାନ୍‌ନା। ନଙ୍ଗୟ୍ ଆପେଙ୍ଗ୍ ଈଶ୍ୱର ଆରେ ତା ମେହି ଯୀଶୁ ଖ୍ରୀଷ୍ଟତାକେ ମାହାଆଜି ମାନାପ୍। ହେୱାନ୍‌ନେ ରକାନ୍ ସତ୍ ଈଶ୍ୱର, ଆରେ ହେୱାନ୍‌ନେ ୱିଜ୍‌ୱି ଜିବୁନ୍।