ଗାଲାତିୟ 4:8 - New Testament in Pengo Parja Language

⁸ ଏପେଙ୍ଗ୍ ଈଶ୍ୱରତିଙ୍ଗ୍ ପୁନ୍‌ୱାଦାଙ୍ଗ୍, ଇମ୍‌ଣାକାର୍ ସତ୍‌ରେ ଈଶ୍ୱର ହିଲାତାର୍‌, ହେୱାର୍ ଦାସ୍ ଏପେଙ୍ଗ୍ ଆଜି ମାଚାଦେର୍।

ସତ୍‌ ବଚନ୍‌ ପୁନି ନିୟମ୍‌

⁸ ମାତର୍‌ ଆଗ୍‍ତୁ ଏପେଙ୍ଗ୍‌ ଇସ୍ୱର୍‌ତିଂ ପୁନ୍‌ୱାଦାଂ ମାଚାଦେର୍‌, ଲାଗିଂ ଇମ୍‌ଣାକାର୍‌ ହାତେନେ ଇସ୍ୱର୍‌ ଆକାୟ୍‌, ହେ ଲାକେ ମିଚ୍‌ ପେନ୍‌ ପୁଦାତିଂ ଆଡ଼ିୟା ମାଚାଦେର୍‌;

ଗାଲାତିୟ 4:8 Iomraidhean Croise

ଜହନ୍‌ 1:10

ହେୱାନ୍ ପୁର୍ତିତାକେ ମାଚାନ୍। ଆରେ ପୁର୍ତିତିଙ୍ଗ୍ ହେୱାନ୍ ଉବ୍‌ଜାଇ କିତାନ୍, ମାତର୍ ପୁର୍ତିନି ମାନାୟାର୍ ହେୱାନିଙ୍ଗ୍ ଚିନ୍ କିଦେଙ୍ଗ୍ ଆଡ୍‌ୱାତାର୍।

ପକ୍ୟାତାକା 14:12

ହେୱାର୍ ବର୍ଣ୍ଣବାଙ୍ଗ୍ ଗ୍ରୀକ୍ ଜାତିନି ବୃହସ୍ପତି ପେନ୍ ଇଞ୍ଜି ୱେଚ୍‌ଚାର୍। ଆରେ ହେୱାର୍ ପାଉଲତିଙ୍ଗ୍ ଶୁଣାୟ୍ କିନି ମୁକ୍ୟା ମାଚିଲେ ହେୱାନିଙ୍ଗ୍ ବୁଧ ପେନ୍ ଇଞ୍ଜି ୱେଚ୍‌ଚାର୍।

ପକ୍ୟାତାକା 17:23

ଇନେସ୍‌କି ଆନେଙ୍ଗ୍ ଚାରିବେଣ୍‌ତାଙ୍ଗ୍ ବୁଲାଆନିହିଙ୍ଗ୍ ଏପେଙ୍ଗ୍ ପୁଜାକିନି ଜିନିଷ୍‌ତିଙ୍ଗ୍ ହୁଡ଼୍‌ତାଙ୍ଗ୍‌ନା। ଆନେଙ୍ଗ୍ ହେଲେକେ ବେଦିତିଙ୍ଗ୍ ପା ହୁଡ଼୍‌ତାଙ୍ଗ୍, ହେବେ ଲେକାଆଜି ମାଚାତ୍, ‘ପୁନ୍‌ୱିତି ଈଶ୍ୱର କାଜିଙ୍ଗ୍।’ ଲାଗିଙ୍ଗ୍ ଏପେଙ୍ଗ୍ ପୁନୁୱାଦାଙ୍ଗ୍‌ ଇମ୍‌ଣି ଈଶ୍ୱରତିଙ୍ଗ୍ ହେବା କିନାଦେରା ଆନେଙ୍ଗ୍ ହେ ଈଶ୍ୱର ବିଷୟରେ ଶୁଣାୟ୍ କିଦ୍‌ନାଙ୍ଗା।

ରୋମିୟ 1:23

ଆରେ ହେୱାର୍ ଇନାୱେଡ଼ାଙ୍ଗ୍ ପା ହାଃୱି ଈଶ୍ୱରତିଙ୍ଗ୍ ଗୌରବ କିୱାଦାଙ୍ଗ୍, ଅଲପ୍‌ଦିନ୍ ଜିଜି ମାନି ମାନାୟାର୍, ପଟିଙ୍ଗ୍, ପଶୁଙ୍ଗ୍, ରାଚ୍‌କୁକାଙ୍ଗ୍ ମୁର୍ତି ରସ୍ତି ପୁଜା କିନାରା।

ରୋମିୟ 1:28

ଈଶ୍ୱରତି ସତ୍ ଜ୍ଞାନ୍‌ତିଙ୍ଗ୍ ମାନାୟାର୍ ମୁକ୍ଯ ଇଞ୍ଜି ବାବିକିୱାତାର୍, ଲାଗିଙ୍ଗ୍ ଈଶ୍ୱର ହେୱାରିଙ୍ଗ୍ ହେଲେକେ ବେସି ପାପ୍ କାମାୟ୍ କିନି କାଜିଙ୍ଗ୍ ହେୱାର୍ କରାପ୍ ଇଚା ଅନୁସାରେ ମାନ୍ ହିତାନ୍। ଆରେ ହେୱାର୍ ୱିଜୁ କିୱି କାମାୟ୍ କିତାର୍।

୧ କରନ୍ତିୟ 1:21

ହେଦାଙ୍ଗ୍ କାଜିଙ୍ଗ୍ ଈଶ୍ୱର ତା ଜ୍ଞାନ୍‌ତାଙ୍ଗ୍ ପୁଞ୍ଜେଙ୍ଗ୍ ଆଡ଼୍‌ତାନ୍ ଯେ, ପୁର୍ତିନି ମାନାୟାର୍ ଜାର୍ ବୁଦିତାଙ୍ଗ୍ ଈଶ୍ୱରତିଙ୍ଗ୍ ଦାସ୍ତେଙ୍ଗ୍ ଆଡୁର୍। ଏଚେଜାଣ୍ ମା ହାର୍ଦିକାବୁର୍‌ତିଙ୍ଗ୍ ୱେନ୍‌ଞ୍ଜି ପାର୍ତି କିତାର୍, ଲାଗିଙ୍ଗ୍ ହେୱାର୍ ମା ବକୁୱା ଇଞ୍ଜି ବାବିକିଜି ଶୁଣାୟ୍ କିନି କାତା ୱେନ୍‌ଞ୍ଜି ପାର୍ତିକିନି ମାନାୟାରିଙ୍ଗ୍ ଉଦାର୍ କିତାନ୍।

୧ କରନ୍ତିୟ 12:2

ଏପେଙ୍ଗ୍ ଖ୍ରୀଷ୍ଟାନ୍ ଆୱି ଆଗେ ପୁନ୍‌ଞ୍ଜି ମାଚାଦେର୍ ଯେ, ଏପେଙ୍ଗ୍ ବେଣ୍‌କିଦେଙ୍ଗ୍ ଆଡ୍‌ୱି ମୁର୍ତିକାଙ୍ଗ୍ ହେବା କିଦେଙ୍ଗ୍ ଇନେର୍ ମିଙ୍ଗେଙ୍ଗ୍ ଟକାୟ୍ କିଜି ମାନ୍‌ଞ୍ଚାନ୍।

୧ କରନ୍ତିୟ 8:4

ଲାଗିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ମୁର୍ତିକାଙ୍ଗ୍ ପୁଜାକିତି କାଦି ତିନି ବିଷୟରେ ପୁନି କିଦ୍‌ଦେଙ୍ଗ୍ ଇଚା କିଦ୍‌ନାଙ୍ଗା। ଆପେଙ୍ଗ୍ ପୁଚାପ୍‌ନା ଯେ, ଚିକ୍‌ଲାତାଙ୍ଗ୍ ରସ୍ତି ମୁର୍ତିଙ୍ଗ୍ ୱିଜୁ ସତ୍ ଈଶ୍ୱର ଆକାୟ୍ ଆରେ ହେୱିକିୟାଙ୍ଗ୍‌ ଜିବୁନ୍ ହିଲୁତ୍ ମାତର୍ ରଞ୍ଜାଙ୍ଗ୍ ନେ ସତ୍ ଈଶ୍ୱର ମାନାତ୍।

ଗାଲାତିୟ 4:3

ହେଲେକେ ଖ୍ରୀଷ୍ଟ ୱାଜି ମାଙ୍ଗେଙ୍ଗ୍ ଉଦାର୍ କିଦ୍‌ନି ପାତେକ୍, ଆସେଙ୍ଗ୍ ହିରୁ ହିମ୍‌ଣା ମାଚାସ୍। ଆରେ ଆସେଙ୍ଗ୍ ଇ ଜଗତ୍‌ନି ନିତି ନିୟମ୍‌ନି ଦାସ୍ ଆଜି ମାଚାସ୍।

ଏପିସିୟ 4:18

ଇନେସ୍‌କି ହେୱାର୍ ସତ୍ ବିଷୟରେ ବୁଜା ଆଦେଙ୍ଗ୍ ଆଡୁର୍। ହେୱାର୍ ଈଶ୍ୱର ବିଷୟରେ କିଚି ପୁନ୍‌ୱାଦାଙ୍ଗ୍ ମାନ୍‌ଗାନାର୍ ଆରେ ତା ବେଣ୍ ୱେଞ୍ଜେଙ୍ଗ୍ ଇଚା କିଉର୍, ଲାଗିଙ୍ଗ୍ ହେୱାର୍ ଈଶ୍ୱର ହିଦ୍‌ନି ଜିବୁନ୍‌ତାଙ୍ଗ୍ ଦେହା ମାନାର୍।

୧ ଥେସଲନୀକିୟ 1:9

ମାନାୟାର୍ ନିଜେ ମା ବିଷୟରେ ଇଞ୍ଜ୍‌ନାରା ଯେ, ଏଚେପାଦ୍ନା ଆପେଙ୍ଗ୍ ମିତାକେ ୱାତାପ୍ ହେପାଦ୍ନା ଇନାକା ଗଟାଆଜି ମାଚାତ୍। ଆରେ ଏପେଙ୍ଗ୍ ମୁର୍ତି ପୁଜା କିନାକା ପିସ୍ତି, ସତ୍ ଆରେ ଯିବୁନ୍ ମାନି ଈଶ୍ୱରତିଙ୍ଗ୍ ପୁଜା କିତାଦେର୍,

୧ ଥେସଲନୀକିୟ 4:5

ୱିଜାକାଦେର୍ ନିଜେ-ନିଜେତିଙ୍ଗ୍ ପବିତ୍ର କିୟାଟ୍। ଲାଗିଙ୍ଗ୍ ମାନାୟାର୍ ମିଙ୍ଗେଙ୍ଗ୍ ସନ୍‌ମାନ୍ ହିଦ୍‌ନାର୍, ଇଲେକେ ହାର୍ କାମାୟ୍ କିଜି ମାନାଟ୍।

୨ ଥେସଲନୀକିୟ 1:8

ଇମ୍‌ଣି ମାନାୟାର୍ ଈଶ୍ୱରତିଙ୍ଗ୍ ପୁନ୍‌ୱାତାର୍‌ନା, ଆରେ ମା ମାପୃ ଯୀଶୁତି ହାର୍ଦିକାବୁର୍ ମାନି କିୱାତାର୍‌ନା, ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍।

୧ ପିତର 4:3

ଏପେଙ୍ଗ୍ ଆଗେ ବିନ୍‌ଜାତିନି ମାନାୟାର୍‌ଲେକେ ୱାରି କିଜି ମାଚାଦେର୍। ହେୱାର୍ ୱାରି କାମାୟ୍ କିଜି ମାଚାର୍, ହେୱାରିଙ୍ଗ୍ ଦାରି କାମାୟ୍ କିନି ଇଚା ମାଚାତ୍, ହେୱାର୍ ବଜି କିଜି ମାଚାର୍, କାଲିଙ୍ଗ୍ ଉଣ୍‌ଜି ମାଚାର୍, ପଶୁଙ୍ଗ୍‌ଲେକେ ବ୍ୟବହାର୍ କିଜି ମାଚାର୍ ଆରେ ମୁର୍ତି ପୁଜା କିନାରା। ଇମ୍‌ଣାକା କି ଈଶ୍ୱର ଗିଣ୍ କିନାନା।

୧ ଯୋହନ 3:1

ମା ଆବା ଈଶ୍ୱର ମାଙ୍ଗେଙ୍ଗ୍ ବେସି ଲାଡ୍ କିଦ୍‌ନାନ୍ ଯେ, ଆସେଙ୍ଗ୍ ମେହିକାସ୍ ଆଦେଙ୍ଗ୍ ଆଡ୍‌ନାସ୍, ଆରେ ଆସେଙ୍ଗ୍ ହାତ୍‌ପା ତା ମେହିକାସ୍। ହେଦାଙ୍ଗ୍ କାଜିଙ୍ଗ୍ ଇ ପୁର୍ତିନି ମାନାୟାର୍ ମାଙ୍ଗେଙ୍ଗ୍ ଚିନ୍ କିଦୁର୍, ଇନେସ୍‌କି ହେୱାର୍ ଈଶ୍ୱରତିଙ୍ଗ୍ ପା ଚିନ୍ କିୱାଦାଙ୍ଗ୍ ମାଚାର୍।