ଗାଲାତିୟ 4:6 - New Testament in Pengo Parja Language

⁶ ଆରେ ଆସେଙ୍ଗ୍ ତା ହିମ୍‌ଣା ଆତି କାଜିଙ୍ଗ୍, ଈଶ୍ୱର ତା ହିମ୍‌ଣାନି ଆତ୍ମାତିଙ୍ଗ୍ ମା ଗରବ୍ ବିତ୍ରେ ପକ୍ତାତାନ୍‌ନା। ହେ ଆତ୍ମା ଆବା ପିତା ଇଞ୍ଜି କୁକ୍‍ତେଙ୍ଗ୍ ମାଙ୍ଗେଙ୍ଗ୍ ସାହାସ୍ ହିଦ୍‌ନାତା।

ସତ୍‌ ବଚନ୍‌ ପୁନି ନିୟମ୍‌

⁶ ଏପେଙ୍ଗ୍‌ ଜେ ଇସ୍ୱର୍‌ତି ମାଜ଼ି, ଇଦାଂ ପାର୍ମାଣ୍‌ କିନି କାଜିଂ, ଇସ୍ୱର୍‌ ତା ମାଜ଼ିତି ପୁଇପୁୟା ଜିବୁନ୍‌ତିଂ ମା ୱାସ୍କିତିଂ ପକ୍‌ତାତାନ୍ନା । “ହେ ପୁଇପୁୟା ଜିବୁନ୍‌ ଗାଜା କାଟ୍‌ତାଂ ଇନାତା, ଆବା ଏ ନା ଆବା !”

ଗାଲାତିୟ 4:6 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:13

ଏପେଙ୍ଗ୍ ବାନ୍ଯା ମାନାୟ୍ ଆଜି ମାଚିସ୍ ପା ଜାର୍-ଜାର୍ ହିମ୍‌ଣାକାଙ୍ଗ୍ ହାର୍-ହାର୍ ଜିନିଷ୍ ହିନାଦେରା। ଲାଗିଙ୍ଗ୍ ସରଗ୍‌ତାକେ ମାନି ମି ଆବା ଈଶ୍ୱରତିଙ୍ଗ୍ ଇନେର୍ ପା ଏନ୍‌ନାର୍, ହେୱାନିଙ୍ଗ୍ ଆଦିକ୍ ଜବର୍ କିଜି ପବିତ୍ର ଆତ୍ମା ହିନାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:2

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ପାର୍ତାନା କିନିହିଙ୍ଗ୍ ଇଲେକେ ୱେଚାଟ୍, ‘ଏ ମା ସରଗ୍‌ନି ଆବା, ନି ତର୍‌ ଈଶ୍ୱରଆତ୍ମା ଇଞ୍ଜି ମାନିକିନାପ୍। ଈଶ୍ୱର ସାସନ୍ କିନି ରାଜି ୱାୟେତ୍। ହେଲେକେ ସରଗ୍‌ତାକେ, ହେଲେକେ ପୁର୍ତିତାକେ ମି ଇଚା ପୁରା ଆଏତ୍।

ଜହନ୍‌ 14:16

ଆନେଙ୍ଗ୍ ଆବା ଈଶ୍ୱରତିଙ୍ଗ୍ ପାର୍ତାନା କିଜି ଏନ୍‍ନାଙ୍ଗ୍, ଆରେ ହେୱାନ୍ ମିଙ୍ଗେଙ୍ଗ୍ ଆରେ ରକାନ୍ କାମାୟ୍‌ତିଙ୍ଗ୍ ସାଇଜ କିଦ୍‌ଦେଙ୍ଗ୍ ପକ୍ତାନାନ୍। ଆରେ ହେୱାନ୍ କାମାୟ୍ କିନାକାନିଙ୍ଗ୍ ମି ଲାଗାୟ୍ ୱିଜୁଦିନ୍ ମାନ୍‌ଗେଦେଙ୍ଗ୍ ୱେଚ୍‌ନାନ୍।

ଜହନ୍‌ 15:26

ଆନେଙ୍ଗ୍ ନା ଆବା ଈଶ୍ୱରତାକେଣ୍ଡାଙ୍ଗ୍ ମି ଲାଗାୟ୍ ହେ ସାଇଜ କିଦ୍‌ନାକାନିଙ୍ଗ୍ ପକ୍ତାନାଙ୍ଗ୍। ହେ ସାଇଜ କିଦ୍‌ନାକାନ୍ ଈଶ୍ୱରଆତ୍ମା ମାନ୍‌ଗାନାନ୍। ହେୱାନ୍ ଆବା ଈଶ୍ୱରତାଙ୍ଗ୍ ୱାନାନ୍। ହେପାଦ୍ନା ହେୱାନ୍ ନା ବିଷୟରେ ୱିଜୁ ସତ୍ କାତା ୱେଚ୍‌ଚାନାନ୍।

ଜହନ୍‌ 16:7

ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, “ଆନେଙ୍ଗ୍ ଇବେତାଙ୍ଗ୍ ହାନାକା ମି କାଜିଙ୍ଗ୍ ହାର୍। ଇନେସ୍‌କି ଆନେଙ୍ଗ୍ ହାଚି ପାଚେ ଆନେଙ୍ଗ୍ ହେ ସାଇଜ କିଦ୍‌ନାକାନିଙ୍ଗ୍ ପକ୍ତାନାଙ୍ଗ୍। ମାତର୍ ଆନେଙ୍ଗ୍ ଯଦି ହାଲୁଙ୍ଗ୍, ଲାଗିଙ୍ଗ୍ ସାଇଜ କିଦ୍‌ନାକାନ୍ ୱାଉନ୍।

ଜହନ୍‌ 3:34

ଇନେସ୍‌କି ଈଶ୍ୱର ଇନେରିଙ୍ଗ୍ ପକ୍ତାନ୍‌ନା। ଈଶ୍ୱର ଇନାକା ୱେଚ୍‌ଚି ମାନାନ୍, ହେୱାନ୍ ହେଦାଙ୍ଗ୍ ୱେଚ୍‌ନାନ୍। ଈଶ୍ୱରଆତ୍ମା ପୁରାପୁରି ହିନାନ୍।

ଜହନ୍‌ 7:39

ଇମ୍‌ଣାକାର୍ ଯୀଶୁତାକେ ପାର୍ତି କିଜି ମାଚାର୍, ଆରେ ହେୱାର୍ ଈଶ୍ୱରଆତ୍ମା ପାୟାଆନାକା ମାଚାତ୍। ହେୱାରିଙ୍ଗ୍ ଚଚ୍‌ଚି ଯୀଶୁ ଇ କାତା ୱେଚ୍‌ଚାନ୍। ଇନେସ୍‌କି ଈଶ୍ୱର ଯୀଶୁଙ୍ଗ୍ ଅଜଡ଼୍ କିୱାଦାଙ୍ଗ୍ ମାଚିଲେ, ହେୱାର୍ ଈଶ୍ୱରଆତ୍ମା ପାୟାଆୱାଦାଙ୍ଗ୍ ମାଚାର୍।

ପକ୍ୟାତାକା 16:7

ହେୱାର୍ ମୁସିଆ ଜିଲ୍ଲାନି ହାନ୍ଦିତାକେ ଇକାତାର୍। ଆରେ ହେୱାର୍ ବେଥୁନିଆ ଜିଲ୍ଲାତାକେ ହାଞ୍ଜେଙ୍ଗ୍ ଉପାୟ୍ କିତାର୍। ମାତର୍ ଯୀଶୁ ଆତ୍ମା ହେୱାରିଙ୍ଗ୍ ହେବେ ହାଞ୍ଜେଙ୍ଗ୍ ମୁନା କିତାତ୍।

ରୋମିୟ 5:5

ଏଚେପାଦ୍ନା ଆସେଙ୍ଗ୍ ଈଶ୍ୱରତିଙ୍ଗ୍ ଆହା କିନାସ୍ ମାଙ୍ଗେଙ୍ଗ୍ ଇମ୍‌ଣି ମାନାୟ୍ ପା ଲାଜ୍ କିଦ୍‌ଦେଙ୍ଗ୍ ଆଡ଼୍‌ଦୁନ୍, ଇନେସ୍‌କି ଈଶ୍ୱର ମାଙ୍ଗେଙ୍ଗ୍ ପବିତ୍ର ଆତ୍ମା ହିତ୍‌ତାନ୍‌ନା ଆରେ ହେୱାନ୍ ତା ଲାଡ୍‌ତିଙ୍ଗ୍ ମା ଗରବ୍ ବିତ୍ରେ ହିତ୍‌ତାନ୍‌ନା।

ରୋମିୟ 8:9

ମାତର୍ ମିଙ୍ଗେଙ୍ଗ୍ ପାପ୍ କାମାୟ୍ କିନି ଇଚା କଣ୍ଟ୍ରୁଲ୍ କିଦୁତା, ଇନେସ୍‌କି ଯଦି ମି ବିତ୍ରେ ମାନି ଈଶ୍ୱରତି ପବିତ୍ର ଆତ୍ମା କଣ୍ଟ୍ରୁଲ୍ କିନାତା। ଆରେ ଏପେଙ୍ଗ୍ ମାନ୍ତ ଇଟାଟ୍ ଯେ, ଇମ୍‌ଣି ମାନାୟାର୍ ବିତ୍ରେ ଖ୍ରୀଷ୍ଟ ଆତ୍ମା ମାନୁତା, ହେୱାର୍ ସତ୍ ଖ୍ରୀଷ୍ଟାନ୍ ଆକାୟ୍।

୧ କରନ୍ତିୟ 15:45

ସାସ୍ତର୍‌ତାକେ ଇଲେକେ ଲେକାଆତାତ୍‌ନା, “ପାର୍ତୁମ୍ ମାନାୟ୍ ଆଦମ ଜିବୁନ୍ ମାନାକାନ୍ ଆତାନ୍, ମାତର୍ ସେସ୍ ଆଦମ ଖ୍ରୀଷ୍ଟ ଜିବୁନ୍ ହିଦ୍‌ନି ଆତ୍ମା ଆତାନ୍‌ନା।”

୨ କରନ୍ତିୟ 1:22

ହେୱାନ୍ ମାଙ୍ଗେଙ୍ଗ୍ ବାଚି କିତ୍‌ତାନ୍‌ନା, ଆରେ ହେୱାନ୍ ତା ପବିତ୍ର ଆତ୍ମା ମା ଗରବ୍‌ତାକେ ଗେରେଣ୍ଟିଲେକେ ଦାନ୍ ହିତ୍‌ତାନ୍‌ନା।

୨ କରନ୍ତିୟ 3:17

ନଙ୍ଗୟ୍ ମାପୃ ନେ ଆତ୍ମା, ଆରେ ହେ ମାପୃ ଆତ୍ମା ମାଙ୍ଗେଙ୍ଗ୍ ପାନି ପାର୍ମାଣ୍‌ତାଙ୍ଗ୍ ମୁକ୍ତି ହିଦ୍‌ନାନ୍।

ଏପିସିୟ 1:13

ଏପେଙ୍ଗ୍ ପା ସତ୍ କାତା, କି ଉଦାର୍ କିଦ୍‌ନି ହାର୍ଦିକାବୁର୍ ୱେନ୍‌ଞ୍ଜି ପାର୍ତିକିନି କାଜିଙ୍ଗ୍ ଖ୍ରୀଷ୍ଟତାକେ ରବେ ଆତାଦେର୍‌ନା। ଆରେ ଈଶ୍ୱର ମିଙ୍ଗେଙ୍ଗ୍ ସିଲ୍ କିତ୍‌ତାନ୍‌ନା, ଇ ସିଲ୍ ଆନାତା ପବିତ୍ର ଆତ୍ମା ଇନାକା ହେୱାନ୍ ହିଦ୍‌ନି କାଜିଙ୍ଗ୍ ପାର୍ମାଣ୍ କିଜି ମାଚାନ୍।

ଏପିସିୟ 2:18

ଲାଗିଙ୍ଗ୍ ଖ୍ରୀଷ୍ଟ କାଜିଙ୍ଗ୍, ଆସେଙ୍ଗ୍ ତା ପବିତ୍ର ଆତ୍ମାତାଙ୍ଗ୍ ଆବା ଈଶ୍ୱର ଲାଗାୟ୍ ହାନି କାଜିଙ୍ଗ୍ ହାଜି ଗାଟା ଆତାପ୍‌ନା।

ଏପିସିୟ 4:30

ଈଶ୍ୱର ମିଙ୍ଗେଙ୍ଗ୍ ସିଲ୍ କିତ୍‌ତାନ୍‌ନା। ଇ ସିଲ୍ ଆନାତା ପବିତ୍ର ଆତ୍ମା ଇନାକା ହେୱାନ୍ ହିଦ୍‌ଦେଙ୍ଗ୍ ପାର୍ମାଣ୍ କିତାନ୍‌ନା। ଇ ପବିତ୍ର ଆତ୍ମା ର ଡିପଜିଟ୍ ଲେକେ ଗେରେଷ୍ଟି ହିଦ୍‌ନାତ୍ ଯେ ଈଶ୍ୱର ମାଙ୍ଗେଙ୍ଗ୍ ତା ଜାର୍ ମାନାୟ୍ କିଦେଙ୍ଗ୍ ମୁକ୍ତି କିତ୍‌ତାନ୍‌ନା, ଲାଗିଙ୍ଗ୍ ହେୱାନିଙ୍ଗ୍ ଦୁକ୍ ହିମାଟ୍।

ଏପିସିୟ 6:18

ୱିଜୁଦିନ୍ ପବିତ୍ର ଆତ୍ମା ସାଇଜତାଙ୍ଗ୍ ଈଶ୍ୱରତାକେ ପାର୍ତାନା ଆରେ ଗୁୱାରି କିୟାଟ୍। ଆରେ ୱିଜୁ ସାଦୁ ମାନାୟାର୍ କାଜିଙ୍ଗ୍ କାସି ମାନ୍‌ଞ୍ଜି ପାର୍ତାନା କିୟାଟ୍।

ପିଲିପିୟ 1:19

ଇନେସ୍‌କି ଆନେଙ୍ଗ୍ ପୁଚାଙ୍ଗ୍‌ନା ଯେ, ମି ପାର୍ତାନା ଆରେ ଯୀଶୁ ଖ୍ରୀଷ୍ଟ ପବିତ୍ର ଆତ୍ମା ସାଇଜତାଙ୍ଗ୍ ଇ ୱିଜୁ ନାଙ୍ଗେଙ୍ଗ୍ ଉଦାର୍ ପାୟା ଆଦେଙ୍ଗ୍ ସାଇଜ କିଦ୍‌ନାତ୍।

୧ ଥେସଲନୀକିୟ 4:8

ଲାଗିଙ୍ଗ୍ ଇମ୍‌ଣି ମାନାୟ୍, ଇ ହିକ୍ଷାତିଙ୍ଗ୍ ଆହୁନ୍, ହେୱାନ୍ ମାନାୟାର୍ ହିକ୍ଷାତିଙ୍ଗ୍ ଆହ୍‌ନାନା, ଲାଗିଙ୍ଗ୍ ହେୱାନ୍ ପବିତ୍ର ଆତ୍ମା ହିଦ୍‌ନି ଈଶ୍ୱରତିଙ୍ଗ୍ ଆହୁନ୍।

୧ ପିତର 1:11

ଆରେ ହେୱାର୍ ବିତ୍ରେ ଖ୍ରୀଷ୍ଟତି ଆତ୍ମା ମାନ୍‌ଞ୍ଜି ହେୱାରିଙ୍ଗ୍ ୱେଚ୍‌ଚି ମାଚାତ୍। ଖ୍ରୀଷ୍ଟ ଇନେସ୍ ଦୁକ୍‌କଷ୍ଟ ଆରେ ସନ୍‌ମାନ୍ ପାୟା ଆନାନ୍, ଲାଗିଙ୍ଗ୍ ହେୱାର୍ ଖ୍ରୀଷ୍ଟ ଇନେର୍ ଆନାର୍ ଆରେ ଇନାୱେଡ଼ାଙ୍ଗ୍ ଇ ଗଟ୍‌ନା ଗଟାଆନାତ୍ ଇଞ୍ଜି ପୁଞ୍ଜେଙ୍ଗ୍ ଉପାୟ୍ କିତାର୍।

ଜିହୁଦା 1:20

ମାତର୍ ଏ ନା ଲାଡ୍‌ନି ସାଙ୍ଗ କାଦେର୍, ମି ପବିତ୍ର ପାର୍ତିନି ପାଣ୍ଡୁସେନ୍ ଜପି ମି ଜିବୁନ୍‌ତିଙ୍ଗ୍ ରସ୍ତି ମାନାଟ୍। ଆରେ ଏପେଙ୍ଗ୍ ପବିତ୍ର ଆତ୍ମା ସାଇଜତାଙ୍ଗ୍ ପାର୍ତାନା କିୟାଟ୍।

ହତ୍‌ତି 19:10

ତାପାଚେ ଆନେଙ୍ଗ୍ ହେ ଦୁତ୍ କାଲ୍‌ପାନାତାକେ ମୁଣ୍ଡିଆ ଇଡ଼୍‌ଜି ପୁଜା କିତାଙ୍ଗ୍, ମାତର୍ ହେୱାନ୍ ନାଙ୍ଗେଙ୍ଗ୍ ୱେଚ୍‌ଚାତାତ୍, “ଆକାୟ୍ ନାଙ୍ଗେଙ୍ଗ୍ ମୁଣ୍ଡିଆ ଇଡ଼୍‌ଦାମା। ଇନେସ୍‌କି ଆନେଙ୍ଗ୍ ପା ନିଲେକେ ଆରେ ଜେକନି ଟଣ୍ଡାର୍‌ଲେକେ ଈଶ୍ୱର ଦାସ୍ ଇମ୍‌ଣି ମାନାୟାର୍ ଯୀଶୁଙ୍ଗ୍ ପାର୍ତିକିନାରା ଇଞ୍ଜି ପୁନାରା ଲାଗିଙ୍ଗ୍ ଏନେଙ୍ଗ୍ ଈଶ୍ୱରତିଙ୍ଗ୍ ପୁଜାକିୟା। ଇନେସ୍‌କି ପବିତ୍ର ଆତ୍ମା ହେ ମାନାୟ୍ ଇନେର୍ ମାନାୟାରିଙ୍ଗ୍ ଯୀଶୁ ଖ୍ରୀଷ୍ଟ ସତ୍ ବିଷୟ ଶୁଣାୟ୍ କିଦେଙ୍ଗ୍ ସାଇଜ କିନାତା।”