ଗାଲାତିୟ 4:5 - New Testament in Pengo Parja Language

⁵ ମୋଶା ଲେକିକିତି ନିୟମ୍ ସାସ୍ତର୍ ତାରେନ୍ ଆସେଙ୍ଗ୍ ଦାସ୍ ଲେକେ ମାଚାସ୍, ଆରେ ମାଙ୍ଗେଙ୍ଗ୍ ଇନେସ୍ ହେୱାନ୍ ମୁକ୍ତି କିଦ୍‌ନାନ୍ ଆରେ ମାଙ୍ଗେଙ୍ଗ୍ ତା ଜାର୍ ହିମ୍‌ଣା କିଜି ଅସାହାଞ୍ଜ୍‌ନାନ୍, ଇଦାଙ୍ଗ୍ କାଜିଙ୍ଗ୍ ଈଶ୍ୱର ଯୀଶୁଙ୍ଗ୍ ପକ୍ତାତାନ୍।

ସତ୍‌ ବଚନ୍‌ ପୁନି ନିୟମ୍‌

⁵ ଇନେସ୍‌ ହେୱାନ୍‌ ଲଡ଼ାନି ମଲ୍‌ ହିଜ଼ି ହେ ବିଦିନି ଗାଚ୍‌ୟାତିତାଂ ବିନ୍‌ ଲଗାଂ ମୁକ୍‌ଡ଼ାୟ୍‌ କିନାକା ଆରି ହେୱାରିଂ ଇସ୍ୱର୍‌ତି ମାଜ଼ି ଆନି ଉପାୟ୍‌ ହିନାକା ତା ଜିବୁନ୍‌ତନି ଉଦେସ୍‌ ମାଚାତ୍‌ ।

ଗାଲାତିୟ 4:5 Iomraidhean Croise

ମାତିଉ 20:28

ହେଲେକେ ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ପା ହେବା ପାୟା ଆଦେଙ୍ଗ୍ ୱାୱାତାନ୍‌ନା। ମାତର୍ ୱିଜାକାର୍ କାଜିଙ୍ଗ୍ ହାଃଜି ମୁକ୍ତି ହିଦେଙ୍ଗ୍ ୱାତାନ୍‌ନା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:68

“ଇସ୍ରାଏଲନି ଈଶ୍ୱରତିଙ୍ଗ୍ ଜୟ୍-ଜୟ୍ ଆୟେତ୍, ଇନେସ୍‌କି ହେୱାନ୍ ତା ମାନାୟାରିଙ୍ଗ୍ ହୁଡ଼୍‌ଦେଙ୍ଗ୍ ଆରେ ରକ୍ଷା କିଦେଙ୍ଗ୍ ୱାତାନ୍‌ନା।

ଜହନ୍‌ 1:12

ଇମ୍‌ଣାକାର୍ ହେୱାନିଙ୍ଗ୍ ଆସ୍ତାର୍, ଆରେ ତାବେ ପାର୍ତି କିତାର୍, ହେୱାନ୍ ହେୱାରିଙ୍ଗ୍ ଈଶ୍ୱର ମେହି ଆଦେଙ୍ଗ୍ ଆଦିକାର୍ ହିତାନ୍।

ପକ୍ୟାତାକା 20:28

ଏପେଙ୍ଗ୍ ଆରେ ପାର୍ତି କିନାକାଦେର୍ ଜାଗ୍ରତ୍ ଆଜି ମାନାଟ୍। ଇନେସ୍‌କି ପବିତ୍ର ଆତ୍ମା ଇ ମାନାୟାର୍ ବିତ୍ରେ ବିଶପ୍‌ କିଜି ଦାଇତ୍‌ପ ହିତ୍‌ତାନ୍‌ନା। ଆରେ ଈଶ୍ୱର ତା ମେହି ଯୀଶୁ ନେତେର୍‌ତାଙ୍ଗ୍ ଇମ୍‌ଣି ମଣ୍ଡ୍‌ଲିତିଙ୍ଗ୍ କଡ଼୍‌ତାନ୍‌ନା, ହେ ମଣ୍ଡ୍‌ଲିନି ଗଡ଼ିୟା ଆଜି ମାନାଟ୍।

ରୋମିୟ 10:4

ଲାଗିଙ୍ଗ୍ ଖ୍ରୀଷ୍ଟ ଦରମ୍ ସାସ୍ତର୍‌ତାକେ ଲେକାଆତି ନିୟମ୍ ୱିଜୁତିଙ୍ଗ୍ ପୁରା କିତାନ୍‌ନା, ଲାଗିଙ୍ଗ୍ କେତେକ୍ ମାନାୟ୍ ତାଙ୍ଗେଙ୍ଗ୍ ପାର୍ତିକିନାର୍, ଈଶ୍ୱର ହେୱାରିଙ୍ଗ୍ ଦରମ୍ ମାନାୟ୍ କିନାନ୍‌।

ରୋମିୟ 8:14

ଇନେସ୍‌କି କେତେକ୍ ମାନାୟ୍ ପବିତ୍ର ଆତ୍ମା ସାଇଜତାଙ୍ଗ୍ ଜିବୁନ୍ କାଟିକିନାରା, ହେୱାର୍ ୱିଜାର୍ ଈଶ୍ୱର ମେହିର୍।

ରୋମିୟ 8:15

ଲାଗିଙ୍ଗ୍ ଏପେଙ୍ଗ୍ ଚାକର୍ ଆଜି ଈଶ୍ୱରତିଙ୍ଗ୍ ପାଣ୍ଡ୍ରାଆନି ଆତ୍ମା ପାୟା ଆୱାତାଦେର୍‌ନା, ମାତର୍ ପବିତ୍ର ଆତ୍ମା ମାଙ୍ଗେଙ୍ଗ୍ ଈଶ୍ୱର ମେହିର୍ କିଜି ତା କୁଟୁମ୍‌ତାକେ ମାହାୟ୍ କିତ୍‌ତାତ୍‌ନା। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ଈଶ୍ୱରତିଙ୍ଗ୍, “ଆବା-ଆବା ଇଞ୍ଜି ହିର୍‌ବାନାସା।”

ରୋମିୟ 8:19

ଇନେସ୍‌କି ଈଶ୍ୱର ଉବ୍‌ଜାଇ କିତି ୱିଜୁ ଜିନିଷ୍ କାତାତ୍‌ନା ଯେ, ଈଶ୍ୱର ଇନାୱେଡ଼ାଙ୍ଗ୍ ତା ସତ୍ ହିମ୍‌ଣାକାଙ୍ଗ୍ ଚଚ୍‌ଚାନାନ୍।

ରୋମିୟ 8:23

ଆରେ ଇ ପୁର୍ତି ୱାରା ହେଲେକେ କଷ୍ଟ ପାୟା ଆଉତା, ମାତର୍ ମାଙ୍ଗେଙ୍ଗ୍ ଈଶ୍ୱର ତା ପବିତ୍ର ଆତ୍ମା ପାର୍ମାଣ୍‌କିତି ଚିନ୍‌ଲେକେ ହିତ୍‌ତାନ୍‌ନା। ଆରେ ମା ଗାଗାଡ଼୍ ବିତ୍ରେ ଦୁଃକ୍ କଷ୍ଟ ପାୟାଆନାସା, ଆରେ ଆସେଙ୍ଗ୍ ପା ହେ ଦିନ୍‌ତିଙ୍ଗ୍ ମୁକ୍ତି ପାୟା ଆଦେଙ୍ଗ୍ ବେସି ଆହା କିଜି କାତାସ୍‌ନା। ଈଶ୍ୱର ଏଚେପାଦ୍ନା ମାଙ୍ଗେଙ୍ଗ୍ ତା ହିମ୍‌ଣା ଆଦେଙ୍ଗ୍ ପୁରା ଅଦିକାର୍ ହିଦ୍‌ନାନ୍। ଆରେ ଇମ୍‌ଣି ପୁନି ଗାଗାଡ଼୍ ହିଦ୍‌ନାଙ୍ଗ୍ ଇଞ୍ଜି ପାର୍ମାଣ୍ କିଜି ମାଚାନ୍ ହେଦାଙ୍ଗ୍ ପୁରା କିନାନ୍।

ରୋମିୟ 9:4

ହେୱାର୍ ଇସ୍ରାଏଲନି ମାନାୟାର୍, ଈଶ୍ୱର ହେୱାରିଙ୍ଗ୍ ନେ ତା ମେହିର୍ ଆନି କାଜିଙ୍ଗ୍ ବାଚିକିଜି ମାଚାନ୍। ଈଶ୍ୱର ତା ଗୌରବ ହେୱାରିଙ୍ଗ୍ ହିଜିମାଚାନ୍। ହେୱାନ୍ ହେୱାର୍ ହୁଦାଙ୍ଗ୍ ପାର୍ମାଣ୍ କିଜି ମାଚାନ୍, ଆରେ ହେୱାନ୍ ତା ଦରମ୍ ସାସ୍ତର୍‌ତିଙ୍ଗ୍ ହିତାନ୍। ହେୱାର୍ ତାଙ୍ଗେଙ୍ଗ୍ ପୁଜାକିନି ସୁଯଗ୍ ପାୟାଆତାର୍ ଆରେ ହେୱାରିଙ୍ଗ୍ କାବା ଆନି ପାର୍ମାଣ୍ ୱିଜୁ ଈଶ୍ୱର କିତାନ୍।

ଗାଲାତିୟ 3:13

ମାତର୍ ଖ୍ରୀଷ୍ଟ ମାଙ୍ଗେଙ୍ଗ୍ ନିୟମ୍ ସାସ୍ତର୍‌ନି ଅବିଶାପ୍‌ତାଙ୍ଗ୍ ମୁକ୍ତି କିତ୍‌ତାନ୍‌ନା। ହେ ଅବିଶାପ୍‌ତିଙ୍ଗ୍ ମା ପାପ୍ କାଜିଙ୍ଗ୍ ଖ୍ରୀଷ୍ଟ ନିଜେ ତା ଜପି ଅତାନ୍ ଆରେ କୃଶକାଟ୍‌ତାକେ ଜଲାଆଜି ହାଃତାନ୍‌ନା। ଇନେସ୍‌କି ସାସ୍ତର୍‌ତାକେ ଲେକା ମାନାତ୍, “ଇମ୍‌ଣାକାନ୍ ମାର୍‌ତି କୁଟ୍ରୁତାକେ ଜଲା ଆନାନ୍ ହେୱାନ୍ ରକାନ୍ ଅବିଶାପ୍‌ନି ମାନାୟ୍।”

ଗାଲାତିୟ 3:26

ଲାଗିଙ୍ଗ୍ ଯୀଶୁ ଖ୍ରୀଷ୍ଟତାକେ ପାର୍ତିକିତି କାଜିଙ୍ଗ୍ ଆସେଙ୍ଗ୍ ଈଶ୍ୱର ହିମ୍‌ଣା ଆତାସ୍‌ନା।

ଗାଲାତିୟ 4:21

ଏପେଙ୍ଗ୍ ମୋଶା ଲେକିକିତି ନିୟମ୍ ସାସ୍ତର୍ ତାରେନ୍ ମାଞ୍ଜେଙ୍ଗ୍ ଇଚା କିନାଦେରା ଯେ, ନାଙ୍ଗେଙ୍ଗ୍ ୱେଚ୍‌ଚାଟ୍ ତ, ମୋଶା ଲେକିକିତି ନିୟମ୍ ସାସ୍ତର୍ ହାତ୍‌ପା ଇନାକା ୱେଚ୍‌ନାତା?

ଗାଲାତିୟ 4:7

ଲାଗିଙ୍ଗ୍ ଏପେଙ୍ଗ୍ ଆରେ ନିୟମ୍ ସାସ୍ତର୍‌ନି ଦାସ୍ ଆକାୟ୍, ମାତର୍ ଈଶ୍ୱରନି ଜାର୍ ହିମ୍‌ଣା କାଦେର୍। ଆରେ ଏପେଙ୍ଗ୍ ଈଶ୍ୱର ମେହି ଆତି କାଜିଙ୍ଗ୍, ଈଶ୍ୱର ତା ହିମ୍‌ଣାରିଙ୍ଗ୍ ହିନି ଆଦିକାର୍ ମିଙ୍ଗେଙ୍ଗ୍ ହିତ୍‌ତାନ୍‌ନା।

ଏପିସିୟ 1:5

ଈଶ୍ୱର ମାଙ୍ଗେଙ୍ଗ୍ ଲାଡ୍ କିତ୍‌ତାନ୍। ଲାଗିଙ୍ଗ୍ ହେୱାନ୍ ଯୀଶୁ ଖ୍ରୀଷ୍ଟତାଙ୍ଗ୍ ମାଙ୍ଗେଙ୍ଗ୍ ତା ଜାର୍ ମାଜି କିନି କାଜିଙ୍ଗ୍ ଆଗେତାଙ୍ଗ୍ ନେ ଜଜ୍‌ନା କିଜି ମାଚାନ୍। ଇଦାଙ୍ଗ୍ ଈଶ୍ୱର ତା ଇଚା ଆରେ ୱାରିତାଙ୍ଗ୍ କିତାନ୍‌ନା।

ଏପିସିୟ 1:7

ଈଶ୍ୱର ବେସି ଦୟାତାଙ୍ଗ୍ ଆସେଙ୍ଗ୍ ହେ ଯୀଶୁ ଖ୍ରୀଷ୍ଟନି ନେତେର୍ କାଜିଙ୍ଗ୍ ମୁକ୍ତି ପାୟାଆତାସ୍, ଇଦାଙ୍ଗ୍‌ନି ଅର୍‌ତ ଈଶ୍ୱର ମା ପାପ୍ ୱିଜୁତିଙ୍ଗ୍ କେମା କିତ୍‌ତାନ୍‌ନା।

ଏପିସିୟ 5:2

ଖ୍ରୀଷ୍ଟ ଇନେସ୍ ମିଙ୍ଗେଙ୍ଗ୍ ଲାଡ୍ କିତ୍‌ତାନ୍, ହେଲେକେ ଏପେଙ୍ଗ୍ ଜେକନିକାରିଙ୍ଗ୍ ଲାଡ୍ କିୟାଟ୍। ହେୱାନ୍ ମିଙ୍ଗେଙ୍ଗ୍ ଲାଡ୍ କିତିଲେ, ମି ପାପ୍‌ତିଙ୍ଗ୍ ଦେହା କିଦେଙ୍ଗ୍ ହେୱାନ୍ ନିଜେ ଜାର୍ ଜିବୁନ୍‌ତିଙ୍ଗ୍ ପୁଜା କିତିଲେକେ ବଲିଦାନ୍ କିୟିଆତାନ୍। ଈଶ୍ୱର ତା ବଲିଦାନ୍‌ତାଙ୍ଗ୍ ୱାରି ଆତାନ୍, ଇନେସ୍‌କି ହେୱାନ୍ ବଲିଦାନ୍ ବାସ୍ନା ଚିକାଣ୍ ଲେକେ ମାଚାତ୍।

ତୀତସ 2:14

ଆସେଙ୍ଗ୍ ଇନେସ୍ ତା ମାନାୟ୍ ଆଜି ୱିଜୁ ହାର୍ଦି କାମାୟ୍ କିନି କାଜିଙ୍ଗ୍ ଆରେ ଅଦରମ୍‌ ଜିବୁନ୍‌ତାଙ୍ଗ୍ ମୁକ୍ତି କିଦ୍‌ଦେଙ୍ଗ୍ ଆରେ ୱିଜୁ କରାପ୍ ବ୍ୟବହାର୍‌ତାଙ୍ଗ୍ ହପ୍ତେଦେଙ୍ଗ୍ ଯୀଶୁ ଖ୍ରୀଷ୍ଟ ଜାର୍ ଜିବୁନ୍‌ତିଙ୍ଗ୍ ହିତାନ୍‌ନା।

ଏବ୍ରି 1:3

ହେ ହିମ୍‌ଣା ଈଶ୍ୱର ଗୌରବତାଙ୍ଗ୍ ଚଚ୍‌ଚାନାନ୍ ଆରେ ହେୱାନ୍ ୱିଜୁ ବିଷୟରେ ଈଶ୍ୱରଲେକେ ଚଞ୍ଜ୍‌ନାନ୍‌। ହେୱାନ୍ ଜାର୍ ଶାକ୍ତିମାନି କାତାତାଙ୍ଗ୍ ପୁର୍ତିନି ୱିଜୁ ବିଷୟ ଆସ୍ତାନ୍‌ନା। ଆରେ ହେୱାନ୍ ମାନାୟାର୍ ପାପ୍‌ତିଙ୍ଗ୍ ନୁସ୍‌ତି ପାଚେ ସରଗ୍‌ତାକେ ଈଶ୍ୱରତି ଗୌରବ ପାୟାଆନି ତିନାବାଗାୟ୍‌ନି ବାହାତାକେ କୁଚ୍‌ଚାନ୍‌ନା।

ଏବ୍ରି 9:12

ହେୱାନ୍ ମେଣ୍ଢା କି ଅଡା ନେତେର୍ ଆସ୍ତି ସରଗ୍‌ତାକେ ମାନି କୁଡ଼ିଆନି ବେସି ପବିତ୍ର ବାହାତାକେ ହାଲ୍‌ୱାତାନ୍‌ନା, ମାତର୍ ହେୱାନ୍ ତା ଜାର୍ ନେତେର୍ ଆସ୍ତି ୱିଜୁଦିନ୍ କାଜିଙ୍ଗ୍ ରଗ ହାଚାନ୍‌ନା। ଇଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ୱିଜ୍‌ୱି ମୁକ୍ତି ପାୟାଆତାସ୍‌ନା।

ଏବ୍ରି 9:15

ଈଶ୍ୱର ଇମ୍‌ଣାକାରିଙ୍ଗ୍ କୁକ୍‌ଚି ୱିଜ୍‌ୱି ଆଶ୍ରିବାଦ୍ ହିନି କାଜିଙ୍ଗ୍ ପାର୍ମାଣ୍ କିତାନ୍‌ନା, ହେୱାର୍ ଇନେସ୍ ହେଦାଙ୍ଗ୍ ଆହ୍‌ନାର୍, ଇଦାଙ୍ଗ୍ କାଜିଙ୍ଗ୍ ଈଶ୍ୱର ଆରେ ମାନାୟାର୍ ହୁଦାଙ୍ଗ୍ ଖ୍ରୀଷ୍ଟ ମାଦିଆଜି ର ପୁନି ନିୟମ୍ କିତାନ୍‌ନା। ଇଦାଙ୍ଗ୍ ପୁରା ଆଦେଙ୍ଗ୍ ଆଡ୍‌ନାତ୍, ଇନେସ୍‌କି ହେୱାର୍ ପାର୍ତୁମ୍ ନିୟମ୍‌ନି ତାରେନ୍ ମାନ୍‌ଞ୍ଜି କିଜିମାଚି ପାପ୍‌ନି ଦଣ୍ଡ୍‌ତାଙ୍ଗ୍, ଖ୍ରୀଷ୍ଟ ହେୱାରିଙ୍ଗ୍ ମୁକ୍ତିକିନି କାଜିଙ୍ଗ୍ ହାଃତାନ୍‌ନା।

୧ ପିତର 3:18

ଆନେଙ୍ଗ୍ ଇଲେକେ ୱେଚ୍‌ଚାନାଙ୍ଗା, ଇନେସ୍‌କି ଖ୍ରୀଷ୍ଟ ପା ମା ୱିଜାକାର୍ ପାପ୍ କାଜିଙ୍ଗ୍ ଦୁଃକ୍ କଷ୍ଟ ପାୟାଆଜି ରଗ ହାଃଜି ମାଚାନ୍। ହେୱାନ୍ ରକାନ୍ ଦରମ୍ ମାନାୟ୍ ମାଚାନ୍, ମାଙ୍ଗେଙ୍ଗ୍ ଈଶ୍ୱର ଲକ୍ କିଦ୍‌ଦେଙ୍ଗ୍ ହେୱାନ୍ ମା ପାପ୍ କାଜିଙ୍ଗ୍ ହାଃଜି ମାଚାନ୍, ଲାଗିଙ୍ଗ୍ ଆସେଙ୍ଗ୍ ତା ହୁଦାଙ୍ଗ୍ ଜାର୍ ଲକ୍ ଆୟା ଆନାତ୍‌। ହେୱାର୍ ତାଙ୍ଗେଙ୍ଗ୍ ମାର୍ନେ ଅସ୍ତାର୍, ମାତର୍ ପବିତ୍ର ଆତ୍ମାନି ଶାକ୍ତିତାଙ୍ଗ୍ ଆରେରଗ ଜିବୁନ୍ ଆତାନ୍।

ହତ୍‌ତି 14:3

ହେ ୧, ୪୪,୦୦୦ ମାନାୟାର୍, ଈଶ୍ୱର ସିଂହାସନ୍, ଚାରିଗଟା ଜିବୁନ୍ ମାନି ପଶୁ ଆରେ ୨୪ ଜାଣ୍ ପ୍ରାଚିନାର୍ ମୁମ୍‌ଦ ନିଲ୍‌ଚି ମାଚାର୍। ହେୱାର୍ ନେ ହେ ମାନାୟାର୍ ଇମ୍‌ଣାକାରିଙ୍ଗ୍ ଈଶ୍ୱର ପୁର୍ତିନି ମାନାୟାର୍‌ତାଙ୍ଗ୍ ଉଦାର୍ କିତାନ୍‌ନା। ହେୱାର୍ ରଞ୍ଜି ପୁନି କେର୍‌କଣ୍ କେର୍‌ଜି ମାଚାର୍ ହେ କେର୍‌କଣ୍‌ତିଙ୍ଗ୍ ଇନେର୍ ପା ହିକାଆଦେଙ୍ଗ୍ ଆଡୁର୍।

ହତ୍‌ତି 5:9

ଆରେ ହେୱାର୍ ଇଲେକେ କିଜି ର ପୁନି କେର୍‌କଣ୍ କେର୍‌ତାର, “ନିଦି ନେ ଇ ସାସ୍ତର୍ ଆସ୍ତେଙ୍ଗ୍ ଯଗ୍ୟ ମାନାତ୍ ଆରେ ତା ସିଲ୍ ଡ୍ରିକ୍‌ଚି ରିକ୍‌ତେଙ୍ଗ୍ ଆଡ୍‌ନାନ୍। ଇନେସ୍‌କି ଏନେଙ୍ଗ୍ ମାନାୟାର୍ କାଜିଙ୍ଗ୍ ହାଃଜି ମାଚାୟ୍, ଆରେ ମାନାୟାରିଙ୍ଗ୍ ଉଦାର୍ କିଦେଙ୍ଗ୍ କୃଶକାଟ୍‌ତାକେ ନି ନେତେର୍ ବଡ଼ାୟ୍ କିଜି ମାଚାୟ୍। ଲାଗିଙ୍ଗ୍ ହେୱାର୍ ଈଶ୍ୱର ଲକ୍ ଆତାର୍‌ନା, ଇ ମାନାୟାର୍ ୱିଜୁ ଜାତିର୍‌ତାଙ୍ଗ୍, ୱିଜୁ ବାଷାତାଙ୍ଗ୍, ୱିଜୁ ବାହାତାଙ୍ଗ୍ ଆରେ ୱିଜୁ ଦେସ୍‌ତାଙ୍ଗ୍ ୱାତାର୍‌ନା।