ଗାଲାତିୟ 4:26 - New Testament in Pengo Parja Language

²⁶ ମାତର୍ ଦୁଇ ନମ୍ବର୍ କଗ୍‌ଲେ ଆନାତା ସାରା, ହେଦେଲ୍ ସରଗ୍‌ନି ଯିରୁଶାଲାମ ସହର୍‌ନି କଗ୍‌ଲେ ଲେକେ। ହେଦେଲ୍ ସ୍ୱାଦିନ୍ ପାୟାଆତି କଗ୍‌ଲେ, ଆରେ ହେଦେଲ୍ ମାଞ୍ଜ୍‌ୟା।

ସତ୍‌ ବଚନ୍‌ ପୁନି ନିୟମ୍‌

²⁶ ମାତର୍‌ ସାର୍ଗେତାଂ ଜିରୁସାଲମ୍‌ କୁଲାସ୍‌, ଆରି ହେଦେଲ୍‌ ମା ତାଡ଼ି ।

ଗାଲାତିୟ 4:26 Iomraidhean Croise

ଜହନ୍‌ 8:36

ଯଦି ହେ ହିମ୍‌ଣା ମିଙ୍ଗେଙ୍ଗ୍ ମୁକ୍ତି ହିଦ୍ନାନାନ୍‌, ଲାଗିଙ୍ଗ୍ ଏପେଙ୍ଗ୍ ହାତ୍‌ପା ମୁକ୍ତି ପାୟାଆନାଦେର୍।

ରୋମିୟ 6:14

ଲାଗିଙ୍ଗ୍ ପାପ୍ ମି ଜିବୁନ୍‌ତିଙ୍ଗ୍ ସାସନ୍ କିଦୁତ୍, ଇନେସ୍‌କି ଏପେଙ୍ଗ୍ ଦରମ୍ ସାସ୍ତର୍‌ନି ନିୟମ୍ ତାରେନ୍ ହିଲୁଦେର୍, ହେଦାଙ୍ଗ୍ ପାପ୍ କାମାୟ୍ କିୟି କିଦ୍‌ନାତ୍। ମାତର୍ ଆପେଙ୍ଗ୍ ଈଶ୍ୱର ଦୟାତାଙ୍ଗ୍ ମାନାପ୍।

ରୋମିୟ 6:18

ଈଶ୍ୱର ମିଙ୍ଗେଙ୍ଗ୍ ପାପ୍‌ନି ଶାକ୍ତିତାଙ୍ଗ୍ ମୁକ୍ତି କିତ୍‌ତାନ୍‌ନା, ଏପେଙ୍ଗ୍ ପାପ୍‌ନି ଚାକର୍ ଆୱାଦାଙ୍ଗ୍ ଟିକ୍ କାମାୟ୍ କିନି କାଜିଙ୍ଗ୍ ଦରମ୍‌ନି ଚାକର୍ ଆତାଦେର୍‌ନା।

ଗାଲାତିୟ 4:22

ପବିତ୍ର ସାସ୍ତର୍‌ତାକେ ଲେକାଆତାତ୍‌ନା, ଅବ୍ରାହାମତିଙ୍ଗ୍ ରିକାର୍ ମେହିର୍ ମାଚାର୍, ରକାନ୍ ଦାସିତାଙ୍ଗ୍ ଆରେ ରକାନ୍ ସ୍ୱାଦିନ୍ ପାୟାଆତି କଗ୍‌ଲେତାଙ୍ଗ୍ ଜନମ୍ ଆଜି ମାଚାନ୍।

ଗାଲାତିୟ 4:25

ହାଗାର ଆରବ ଦେସ୍‌ନି ସିନୟ ମାଡ଼ିତିଙ୍ଗ୍ ବୁଜାଇ କିନାତ୍, ଆରେ ଯିରୁଶାଲାମ ସହର୍ ତା ଲେକେ। ଇନେସ୍‌କି ତା ହିମ୍‌ଣାଙ୍ଗ୍ ନିୟମ୍ ସାସ୍ତର୍‌ନି ଦାସ୍ ଆଜି ମାନାରା।

ଗାଲାତିୟ 5:1

ଖ୍ରୀଷ୍ଟ ମାଙ୍ଗେଙ୍ଗ୍ ମୋଶା ନିୟମ୍ ସାସ୍ତର୍‌ତାଙ୍ଗ୍ ସ୍ୱାଦିନ୍ କିତ୍‌ତାନ୍‌ନା। ଲାଗିଙ୍ଗ୍ ଏପେଙ୍ଗ୍ ନଙ୍ଗୟ୍ ଆରେ ନିୟମ୍ ସାସ୍ତର୍‌ନି ଦାସ୍ ଆଜି ମାଞ୍ଜେଙ୍ଗ୍ ଉପାୟ୍ କିୱାଦାଙ୍ଗ୍, ସ୍ୱାଦିନ୍ ଆଜି ମାନାଟ୍।

ପିଲିପିୟ 3:20

ମାତର୍ ଆପେଙ୍ଗ୍ ସରଗ୍ ଦେସ୍‌ତ ବାହାକିନି ମାନାୟ୍। ଆରେ ଆପେଙ୍ଗ୍ ସରଗ୍‌ତାଙ୍ଗ୍ ପୁର୍ତିତାକେ ୱାନି ମା ମାପୃ ଯୀଶୁ ଖ୍ରୀଷ୍ଟ ଉଦାର୍ କିଦ୍‌ନାକାନିଙ୍ଗ୍ ଆପେଙ୍ଗ୍ କାକୁଲ୍‌ତି ଆଜି କାତାପ୍‌ନା।

ଏବ୍ରି 12:22

ମାତର୍ ଏପେଙ୍ଗ୍ ସିୟୋନ ମାଡ଼ି ଆରେ ସରଗ୍‌ତାକେ ମାନି ଯିରୁଶାଲାମ ସହର୍‌ତାକେ ୱାତାଦେର୍‌ନା। ହେଦାଙ୍ଗ୍ ଜିବୁନ୍ ମାନି ଈଶ୍ୱର ସହର୍ ଆରେ ହେବେ ହାଜାର୍-ହାଜାର୍ ଦୁତ୍‌କୁ ୱାରିନି ପାର୍ବୁ ମାନିକିନିକ୍।

୧ ପିତର 2:16

ଏପେଙ୍ଗ୍ ନଙ୍ଗୟ୍ ଜାର୍ ଇଚାତାଙ୍ଗ୍ ୱିଜୁ ଜିନିଷ୍ କିଦେଙ୍ଗ୍ ଆଡ୍‌ନାଦେର୍, ଆରେ ଇନେର୍ ମିଙ୍ଗେଙ୍ଗ୍ ବନ୍ଦ୍ କିଦ୍‌ଦେଙ୍ଗ୍ ଆଡ଼୍‌ଦୁର୍, ଇନେସ୍‌କି ମା ମାପୃ ଯୀଶୁ ଖ୍ରୀଷ୍ଟ ୱିଜୁ ପର୍‌କାର୍ କିଦେଙ୍ଗ୍ ହିତ୍‌ତାନ୍‌ନା। ମାତର୍ ଟିକ୍ କାମାୟ୍ କିଜି ଈଶ୍ୱର ସତ୍ ଦାସ୍ ଇଞ୍ଜି ପୁନିକିନି ଦର୍‌କାର୍। ହେଦାଙ୍ଗ୍ କାଜିଙ୍ଗ୍ ମାପୃ ହିତ୍‌ତି ସ୍ୱାଦିନତିଙ୍ଗ୍ କରାପ୍ କାମାୟ୍ କିଦେଙ୍ଗ୍ ବ୍ୟବହାର୍ କିନାକା ହାର୍ ଆକାୟ୍।

ହତ୍‌ତି 12:1

ଏଚେପାଦ୍ନା ହେଦାଙ୍ଗ୍ ୱିସ୍ତାତ୍, ବାଦାଡ଼୍‌ତାକେ ର ଚାନିଆଆନି ଚିନ୍ ଚନ୍‌ଞ୍ଚାତ୍। ହେଦାଙ୍ଗ୍ ଇଲେକେ ର କଗ୍‌ଲେ ଲେଞ୍ଜ୍ ଜପି ନିଲ୍‌ଚି ମାଚାତ୍ ଆରେ ୱେଡ଼ାଲେକେ ଚଞ୍ଜ୍‌ନି ହେନ୍ଦ୍ରା ଉସ୍‍ପି ମାଚାତ୍, ହେଦେଲ୍ ତା କାପ୍‌ଡ଼ାତ ର ମୁକୁଟ୍ ତୁସ୍‌ଦି ମାଚାତ୍ ହେ ମୁକୁଟ୍‌ତାକେ ବାରଗଟା ହୁକାଙ୍ଗ୍ ମାଚିକ୍।

ହତ୍‌ତି 17:5

ଆରେ ତା ନିଦାଣ୍‌ତାକେ ଚାନିଆଆନି ତର୍‌ ଲେକାଆଜି ମାଚାତ୍, ହେ ତର୍‌ ଇଲେକେ ଲେକାଆଜି ମାଚାତ୍, “ଆନେଙ୍ଗ୍ ଗାଜା ବାବିଲନ୍‌ ସହର୍, ଦାରି କାମାୟ୍ କିନାକାରିଙ୍ଗ୍ ଆରେ ପୁର୍ତିନି ଗିଣ୍ କାମାୟ୍ କିନି ମାନାୟାର୍ ତେହିତଙ୍ଗ୍।”

ହତ୍‌ତି 21:2

ଆରେ, ର ବିବାଆନି ହଲ୍‌ନି କଗ୍‌ଲେ ତା ଡକ୍ରାହିଙ୍ଗ୍ ଗିଟାଆଦେଙ୍ଗ୍ ରେଡି ଆଜିମାନାତ୍, ହେଲେକେ ଈଶ୍ୱର ମାନି ସରଗ୍‌ତାଙ୍ଗ୍ ପବିତ୍ର ସହର୍ ଇମ୍‌ଣାକା କି ପୁନି ଯିରୁଶାଲାମ ଜୁଜି ୱାନାକା ଆନେଙ୍ଗ୍ ହୁଡ଼୍‌ତାଙ୍ଗ୍।

ହତ୍‌ତି 3:12

ଇମ୍‌ଣି ମାନାୟାର୍ ଶୟତାନ ଶାକ୍ତିତିଙ୍ଗ୍ ଆରାୟ୍ କିଜି ଜିତାଆଜି ମାନାର୍, ହେୱାର୍ ଈଶ୍ୱର ମନ୍ଦିର୍‌ତାକେ କମ୍‌ମୁଣ୍ଡା ଲେକେ ଆଜି ୱିଜୁଦିନ୍ କାଜିଙ୍ଗ୍ ମାନାର୍, ଇନେର୍ ହେବା ଆନେଙ୍ଗ୍ କିନାଙ୍ଗା। ଆରେ ଆନେଙ୍ଗ୍ ହେୱାର୍ ଗାଗାଡ଼୍‌ତାକେ ନା ଈଶ୍ୱର ତର୍‌ ଲେକିକିନାଙ୍ଗ୍ ଆରେ ହେୱାର୍ ନା ଈଶ୍ୱର ସହର୍‌ନି ମାନାୟ୍ ଆନାର୍, ହେଦେଲିଙ୍ଗ୍ ନେ ଇନାର୍ ପୁନି ଯିରୁଶାଲାମ। ହେ ପୁନି ସହର୍, ନା ଈଶ୍ୱର ମାନି ସରଗ୍‌ତାଙ୍ଗ୍ ୱାନାତ୍। ଆନେଙ୍ଗ୍ ପା ତା ଗାଗାଡ଼୍‌ତାକେ ନା ପୁନି ତର୍‌ ଲେକିକିନାଙ୍ଗ୍।