ଗାଲାତିୟ 4:25 - New Testament in Pengo Parja Language

²⁵ ହାଗାର ଆରବ ଦେସ୍‌ନି ସିନୟ ମାଡ଼ିତିଙ୍ଗ୍ ବୁଜାଇ କିନାତ୍, ଆରେ ଯିରୁଶାଲାମ ସହର୍ ତା ଲେକେ। ଇନେସ୍‌କି ତା ହିମ୍‌ଣାଙ୍ଗ୍ ନିୟମ୍ ସାସ୍ତର୍‌ନି ଦାସ୍ ଆଜି ମାନାରା।

ସତ୍‌ ବଚନ୍‌ ପୁନି ନିୟମ୍‌

²⁵ ହାଗାରା, ଲାକେ ଇ ବେରଣ୍ ଆରବ୍‌ତ ସିନୟ୍‌ ମାଡ଼ିତିଂ ଆଣ୍‍ଗାନାତ୍, ଆରେ, ହେଦାଂ ନଙ୍ଗ୍‌ନି ଜିରୁସାଲମ୍‌ ସମାନ୍‌ ଲାକେ, ଇନାକିଦେଂକି ଇ ଜାର୍‌ ହିମ୍‌ଣାଂ ହୁଦାଂ ଆଡ଼ିଏନ୍ତ ମାଚାନ୍ନା ।

ଗାଲାତିୟ 4:25 Iomraidhean Croise

ମାତିଉ 23:37

“ଏ ଯିରୁଶାଲାମ ସହର୍‌ନି ମାନାୟ୍ କାଦେର୍ ଏପେଙ୍ଗ୍ ଇ ଭବିଷ୍ଯତବକ୍ତାରିଙ୍ଗ୍ ଅସ୍ତାଦେର୍‌ନା। ଈଶ୍ୱର ଇମ୍‌ଣି ଭବିଷ୍ଯତବକ୍ତାରିଙ୍ଗ୍ ପକ୍‌ଚି ମାଚାନ୍, ଏପେଙ୍ଗ୍ ହେୱାରିଙ୍ଗ୍ କାଲ୍‌କୁ ହୁଦାଙ୍ଗ୍ ଟ୍ରାକ୍‌ଚି ପାଗ୍‌ତାଦେର୍‌ନା। ଆନେଙ୍ଗ୍ ମିଙ୍ଗେଙ୍ଗ୍ ବେସି ସାଇଜ କିଦେଙ୍ଗ୍ ଇଚାକିଜି ମାଚାଙ୍ଗ୍। ଇନେସ୍‌କି ର କୁଜୁ ତା ହିମ୍‌ଣାକାଙ୍ଗ୍ ଜାର୍ ମାରାଙ୍ଗ୍ ତାରେନ୍ ରୁଣ୍ଡାଇ କିନାତ୍, ହେଲେକେ ମିଙ୍ଗେଙ୍ଗ୍ ୱିଜୁ ହିମ୍‌ଣାକାଙ୍ଗ୍ ଇନେକିଦେଙ୍ଗ୍ ଆନେଙ୍ଗ୍ ବେସିହଟ୍ ମାନ୍ କିଜି ମାଚାଙ୍ଗ୍। ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ହେଦାଙ୍ଗ୍ କିଦେଙ୍ଗ୍ ହିଦ୍‌ୱାତାଦେର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 13:34

ଏ ଯିରୁଶାଲାମ ସହର୍‌ନି ମାନାୟ୍ କାଦେର୍! ଏପେଙ୍ଗ୍ ଇ ଭବିଷ୍ଯତବକ୍ତାରିଙ୍ଗ୍ ଅସ୍ତାଦେର୍‌ନା। ଈଶ୍ୱର ଇମ୍‌ଣି ଭବିଷ୍ଯତବକ୍ତାରିଙ୍ଗ୍ ପକ୍‌ଚି ମାଚାନ୍, ଏପେଙ୍ଗ୍ ହେୱାରିଙ୍ଗ୍ କାଲ୍‌କୁ ହୁଦାଙ୍ଗ୍ ଟ୍ରାକ୍‌ଚି ପାଗ୍‌ତାଦେର୍‌ନା। ଆନେଙ୍ଗ୍ ମିଙ୍ଗେଙ୍ଗ୍ ବେସି ସାଇଜ କିଦେଙ୍ଗ୍ ଇଚାକିଜି ମାଚାଙ୍ଗ୍। ଇନେସ୍‌କି ର କୁଜୁ ତା ହିମ୍‌ଣାକାଙ୍ଗ୍ ଜାର୍ ମାରାଙ୍ଗ୍ ତାରେନ୍ ରୁଣ୍ଡାଇ କିନାତ୍, ହେଲେକେ ମିଙ୍ଗେଙ୍ଗ୍ ୱିଜୁ ହିମ୍‌ଣାକାଙ୍ଗ୍ ଇନେକିଦେଙ୍ଗ୍ ଆନେଙ୍ଗ୍ ବେସିହଟ୍ ମାନ୍ କିଜି ମାଚାଙ୍ଗ୍। ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ହେଦାଙ୍ଗ୍ କିଦେଙ୍ଗ୍ ହିଦ୍‌ୱାତାଦେର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 19:44

ମି ଶତ୍ରୁର୍‌ ମିଙ୍ଗେଙ୍ଗ୍ ପୁରା ନଷ୍ଟ କିଦ୍‌ନାର୍। ମି ସହର୍‌ତାକେ ମାନି ୱିଜାକାରିଙ୍ଗ୍ ମାର୍ନେ ଅହ୍‌ନାର୍। ଆରେ ମି ଇଲ୍‌ଗାଣ୍‌ତିଙ୍ଗ୍ ବାଡ଼୍‌ହାଇ କିଜି ନଷ୍ଟ କିନାର୍। ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ରକ୍ଷା କିଦ୍‌ଦେଙ୍ଗ୍ ୱାଜିମାଚି ସମୟତିଙ୍ଗ୍ ପୁନ୍‌ୱାତାଦେର୍‌।”

ପକ୍ୟାତାକା 1:11

ଦୁତ୍‌କୁ ହେୱାରିଙ୍ଗ୍ ୱେଚ୍‌ଚିକ୍, “ହେ ଗାଲିଲୀ ଜିଲ୍ଲାନି ମାନାୟ୍ କାଦେର୍, ଇନା କିଦେଙ୍ଗ୍ ନଙ୍ଗୟ୍ ପାତେକ୍ ଏପେଙ୍ଗ୍ ବାଦାଡ଼୍ ନିପଣ୍ ହୁଡ଼୍‌ଜି ନିଲ୍‌ତାଦେର୍‌ନା? ଇ ଯୀଶୁ ଇନେରିଙ୍ଗ୍ ଈଶ୍ୱର ସରଗ୍‌ଜପି ଅତାନ୍‌ନା, ଆରେ ଏପେଙ୍ଗ୍ ଇନେସ୍ କିଜି ହାନାକା ହୁଡ଼୍‌ତାଦେର୍‌ନା ହେଲେକେ ନେ ଆରେରଗ ପୁର୍ତିତାକେ ୱାନାକା ହୁଡ଼୍‌ନାଦେର୍।”

ଗାଲାତିୟ 1:17

ନା ଆଗେ ବାଚି କିୟିଆଜି ମାନି ବାଚିକିତି ଚେଲାର୍ ଲାଗାୟ୍ ଯିରୁଶାଲାମ ସହର୍‌ତାକେ ପା ହାଲ୍‌ୱାତାଙ୍ଗ୍‌ନା। ମାତର୍ ଆନେଙ୍ଗ୍ ଆରବ ଦେସ୍‌ତାକେ ହସି ହାଚାଙ୍ଗ୍, ତାପାଚେ ଆନେଙ୍ଗ୍ ଦମେସକ ସହର୍‌ତାକେ ଲେଉଟା ଆଜି ୱାତାଙ୍ଗ୍।

ଗାଲାତିୟ 4:24

ଇ ୱିଜୁ କାତାନି ଅର୍ତ ମାନାତ୍, ଇ ରିଣ୍ଡେକ୍ କଗ୍‍ଲେକ୍ ଈଶ୍ୱରତି ରିଣ୍ଡାଙ୍ଗ୍ ନିୟମ୍ ଲେକେ। ପାର୍ତୁମ୍ ନିୟମ୍ ପାର୍ତୁମ୍ କଗ୍‌ଲେ ହାଗାର ଲେକେ। ଈଶ୍ୱର ଇ ନିୟମ୍ ସିନୟ ମାଡ଼ିତାକେ ହିଜିମାଚାନ୍, ଆରେ ଇ ନିୟମ୍‌ତିଙ୍ଗ୍ ମାନିକିନି ମାନାୟାର୍ ଦାସ୍ ଲେକେ ମାଚାର୍।

ଗାଲାତିୟ 4:26

ମାତର୍ ଦୁଇ ନମ୍ବର୍ କଗ୍‌ଲେ ଆନାତା ସାରା, ହେଦେଲ୍ ସରଗ୍‌ନି ଯିରୁଶାଲାମ ସହର୍‌ନି କଗ୍‌ଲେ ଲେକେ। ହେଦେଲ୍ ସ୍ୱାଦିନ୍ ପାୟାଆତି କଗ୍‌ଲେ, ଆରେ ହେଦେଲ୍ ମାଞ୍ଜ୍‌ୟା।

ଏବ୍ରି 12:18

ସିନୟ ମାଡ଼ିତାକେ ଈଶ୍ୱର ଇସ୍ରାଏଲନି ମାନାୟାରିଙ୍ଗ୍ ତା ନିୟମ୍ ହିନି ଲେକେ, ଏପେଙ୍ଗ୍ ହୁଡ଼୍‌ନି ମାଡ଼ି ଆରେ କାଚାଆନି ନାଣି ଲାଗାୟ୍, ମାଜ୍‌ଗା ବାଦାଡ଼୍, ମାଜ୍‌ଗା, ଗୁର୍‌ନି ବାତ୍ଯା ଲାଗାୟ୍ ୱାୱାତାଦେର୍‌ନା।