ଗାଲାତିୟ 4:24 - New Testament in Pengo Parja Language

²⁴ ଇ ୱିଜୁ କାତାନି ଅର୍ତ ମାନାତ୍, ଇ ରିଣ୍ଡେକ୍ କଗ୍‍ଲେକ୍ ଈଶ୍ୱରତି ରିଣ୍ଡାଙ୍ଗ୍ ନିୟମ୍ ଲେକେ। ପାର୍ତୁମ୍ ନିୟମ୍ ପାର୍ତୁମ୍ କଗ୍‌ଲେ ହାଗାର ଲେକେ। ଈଶ୍ୱର ଇ ନିୟମ୍ ସିନୟ ମାଡ଼ିତାକେ ହିଜିମାଚାନ୍, ଆରେ ଇ ନିୟମ୍‌ତିଙ୍ଗ୍ ମାନିକିନି ମାନାୟାର୍ ଦାସ୍ ଲେକେ ମାଚାର୍।

ସତ୍‌ ବଚନ୍‌ ପୁନି ନିୟମ୍‌

²⁴ ଇ ୱିଜ଼ୁ କାତାନି ର କାତା ପୁନାକା ମାନାତ୍‌, ଇନାକିଦେଂକି ଇ କଗ୍‌ଲେକ୍‌ ରି ନିୟମ୍‌ନି ଲାକେ; ର ନିୟମ୍‌ ସିନୟ୍‌ ମାଡ଼ିତାଂ ଉବ୍‌ଜାଣ୍‌, ହେଦାଂ ଆଡ଼ିଏନ୍‌ କାଜିଂ ହିମ୍‌ଣାଂ ଗାଟାଆନାକାଦେଲ୍, ହାଗାରା ହେବେନି ରଞ୍ଜେଲ୍‌ ।

ଗାଲାତିୟ 4:24 Iomraidhean Croise

ମାତିଉ 13:35

ଇନେସ୍‌କି ଭବିଷ୍ଯତବକ୍ତା କାଜିଙ୍ଗ୍ ୱେଚ୍‌ଚି କାତା ପୁରାଆନାତ୍। ଆପେଙ୍ଗ୍ ଜାର୍ ୱେଇ ଜେସି ହାର୍‌ଦାଙ୍ଗ୍ କାତା ୱେଚ୍‌ନିଲେକେ କିଜି ବେଣ୍ କିନାସ୍। ଆରେ ପୁର୍ତି ଉବ୍‌ଜାଆତି ଦିନ୍‌ତାଙ୍ଗ୍ ପୁନ୍‌ୱିତି କାତା ପା ୱିଜୁ ୱେଚ୍‌ନାସ୍।

ରୋମିୟ 8:15

ଲାଗିଙ୍ଗ୍ ଏପେଙ୍ଗ୍ ଚାକର୍ ଆଜି ଈଶ୍ୱରତିଙ୍ଗ୍ ପାଣ୍ଡ୍ରାଆନି ଆତ୍ମା ପାୟା ଆୱାତାଦେର୍‌ନା, ମାତର୍ ପବିତ୍ର ଆତ୍ମା ମାଙ୍ଗେଙ୍ଗ୍ ଈଶ୍ୱର ମେହିର୍ କିଜି ତା କୁଟୁମ୍‌ତାକେ ମାହାୟ୍ କିତ୍‌ତାତ୍‌ନା। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ଈଶ୍ୱରତିଙ୍ଗ୍, “ଆବା-ଆବା ଇଞ୍ଜି ହିର୍‌ବାନାସା।”

୧ କରନ୍ତିୟ 10:11

ଇମ୍‌ଣି ମାନାୟାର୍ ଇ ପୁର୍ତି ସେସ୍ ଆନିହିଙ୍ଗ୍ ଜିବୁନ୍ ମାନାର୍। ଇ ୱିଜୁ ବିଷୟ ମାଙ୍ଗେଙ୍ଗ୍ ହିକାୟ୍ କିଦ୍‌ନି କାଜିଙ୍ଗ୍ ଗଟାଆତାତ୍‌ନା, ଆରେ ମାଙ୍ଗେଙ୍ଗ୍ ଜାଗ୍ରତ୍ ଆନି କାଜିଙ୍ଗ୍ ଲେକାଆତାତ୍‌ନା।

୧ କରନ୍ତିୟ 10:4

ଆରେ ଈଶ୍ୱର ହେୱାରିଙ୍ଗ୍ ସରଗ୍‌ନି ଚେଚ୍‌ରାତାଙ୍ଗ୍ ଏଜୁଙ୍ଗ୍ ହପ୍‌ଚି ଉଣ୍ଡେଙ୍ଗ୍ ହିଜିମାଚାନ୍। ଇମ୍‌ଣି ଚେଚ୍‌ରାତାଙ୍ଗ୍ ହେୱାରିଙ୍ଗ୍ ଈଶ୍ୱର ଉଣ୍ଡେଙ୍ଗ୍ ଏଜୁଙ୍ଗ୍ ହିଜିମାଚାନ୍, ହେ ଚେଚ୍‌ରା ଯୀଶୁ ଖ୍ରୀଷ୍ଟ ମାଚାନ୍ ଆରେ ହେୱାନ୍ ହେୱାର୍ ହୁଦାଙ୍ଗ୍ ହାଲ୍‌ଜି ମାଚାନ୍।

ଗାଲାତିୟ 4:25

ହାଗାର ଆରବ ଦେସ୍‌ନି ସିନୟ ମାଡ଼ିତିଙ୍ଗ୍ ବୁଜାଇ କିନାତ୍, ଆରେ ଯିରୁଶାଲାମ ସହର୍ ତା ଲେକେ। ଇନେସ୍‌କି ତା ହିମ୍‌ଣାଙ୍ଗ୍ ନିୟମ୍ ସାସ୍ତର୍‌ନି ଦାସ୍ ଆଜି ମାନାରା।

ଗାଲାତିୟ 4:3

ହେଲେକେ ଖ୍ରୀଷ୍ଟ ୱାଜି ମାଙ୍ଗେଙ୍ଗ୍ ଉଦାର୍ କିଦ୍‌ନି ପାତେକ୍, ଆସେଙ୍ଗ୍ ହିରୁ ହିମ୍‌ଣା ମାଚାସ୍। ଆରେ ଆସେଙ୍ଗ୍ ଇ ଜଗତ୍‌ନି ନିତି ନିୟମ୍‌ନି ଦାସ୍ ଆଜି ମାଚାସ୍।

ଗାଲାତିୟ 5:1

ଖ୍ରୀଷ୍ଟ ମାଙ୍ଗେଙ୍ଗ୍ ମୋଶା ନିୟମ୍ ସାସ୍ତର୍‌ତାଙ୍ଗ୍ ସ୍ୱାଦିନ୍ କିତ୍‌ତାନ୍‌ନା। ଲାଗିଙ୍ଗ୍ ଏପେଙ୍ଗ୍ ନଙ୍ଗୟ୍ ଆରେ ନିୟମ୍ ସାସ୍ତର୍‌ନି ଦାସ୍ ଆଜି ମାଞ୍ଜେଙ୍ଗ୍ ଉପାୟ୍ କିୱାଦାଙ୍ଗ୍, ସ୍ୱାଦିନ୍ ଆଜି ମାନାଟ୍।

ଏବ୍ରି 11:19

ଇନେସ୍‌କି ଅବ୍ରାହାମତିଙ୍ଗ୍ ପାର୍ତି ମାଚାତ୍ ଯେ ଇସାକ ହାଃତିସ୍ ପା ଈଶ୍ୱର ହେୱାନିଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ କିଜି ନିକ୍‌ନି ଶାକ୍ତି ମାନାତ୍। ହେଲେକେ ଅବ୍ରାହାମ ତା ମାଜିଙ୍ଗ୍ ହାଃନିତାଙ୍ଗ୍ ଜିବୁନ୍‌ ପାୟାଆତାନ୍‌।

ଏବ୍ରି 12:24

ଏପେଙ୍ଗ୍ ଯୀଶୁ ଲାଗାୟ୍ ୱାତାଦେର୍‌ନା, ହେୱାନ୍ ଈଶ୍ୱର ଆରେ ମାନାୟ୍‌ବିତ୍ରେ ମାନି ପୁନି ପାର୍ମାଣ୍‌ନି ମାଦିଆଜି କାମାୟ୍ କିନାକାନ୍। ବାଦ୍‌ଲା ଅନି କାଜିଙ୍ଗ୍ କୁକ୍‌ନି ହେବଲନି ନେତେର୍ ବାଦୁଲ୍ କେମା ହିନି କାତା ୱେଚ୍‌ନି ଖ୍ରୀଷ୍ଟତି ତିର୍‌ତି ନେତେର୍ ଲାଗାୟ୍ ଏପେଙ୍ଗ୍ ୱାତାଦେର୍‌ନା।

ଏବ୍ରି 13:20

ଇମ୍‌ଣି ଶାନ୍ତି ହିଦ୍‌ନି ଈଶ୍ୱର ମା ମାପୃ ଯୀଶୁଙ୍ଗ୍ ହାଃତାକାର୍ ବିତ୍ରେତାଙ୍ଗ୍ ନିକ୍‌ଚି ତାତାନ୍‌ନା, ହେୱାନ୍ ତା ଇଚା ପୁରା କିଦେଙ୍ଗ୍ ମିଙ୍ଗେଙ୍ଗ୍ ରେଡି କିଦେନ୍। ଯୀଶୁ ଖ୍ରୀଷ୍ଟତି ଶାକ୍ତିତାଙ୍ଗ୍ ଈଶ୍ୱରତିଙ୍ଗ୍ ୱାରି କିତିଲେକେ ଜିବୁନ୍ ହେୱାନ୍ ମିତାକେ ରେଡି କିଦେନ୍। ୱିଜୁଦିନ୍ ମାନି ପାର୍ମାଣ୍‌ତିଙ୍ଗ୍ ଯୀଶୁ ଖ୍ରୀଷ୍ଟ ତା ନେତେର୍‌ତାଙ୍ଗ୍ ସାଇନ୍ କିଜି, ମେଣ୍ଢାକାଙ୍ଗ୍ ହାରାଇକିନି ମୁଡ଼୍‌ଦାକାନ୍ ଆତାନ୍‌ନା। ଯୁଗ୍-ଯୁଗ୍ ହେୱାନ୍‌ତି ଗୌରବ ଆୟେତ୍, ଆମେନ୍।

ଏବ୍ରି 7:22

ଈଶ୍ୱରକିତି ଇ ଶପତ୍ କାଜିଙ୍ଗ୍, ଇ ବେସି ହାର୍ଦି ନିୟମ୍ ଲାବ୍‌ନି ବିଷୟ ଇଞ୍ଜି ଯୀଶୁ ନେ ଗେରେଣ୍ଟି ହିଦ୍‌ନାନ୍।