ଗାଲାତିୟ 4:19 - New Testament in Pengo Parja Language

¹⁹ ଏ ନା ଲାଡ୍‌ନି କାଡ଼୍‌ଦେର୍, ର କଗ୍‌ଲେ ହିମ୍‌ଣା ଜନମ୍ କିନିହିଙ୍ଗ୍ ଇନେସ୍ କଷ୍ଟ ପାୟାଆନାତ୍, ହେଲେକେ ଆନେଙ୍ଗ୍ ମି କାଜିଙ୍ଗ୍ ଆରେରଗ କଷ୍ଟ ପାୟାଆନାଙ୍ଗା। ଏପେଙ୍ଗ୍ ପୁରାପୁରି ଖ୍ରୀଷ୍ଟ ଲେକେ ଆୱି ପାତେକ୍, ଆନେଙ୍ଗ୍ ହେ କଷ୍ଟ ପାୟାଆଜି ମାନ୍‌ଙ୍ଗାନାଙ୍ଗ୍।

ସତ୍‌ ବଚନ୍‌ ପୁନି ନିୟମ୍‌

¹⁹ ଏ ନା କାଡ଼୍‌ଦେର୍‌, ଏଚେକ୍‌ ପାତେକ୍‌ ମି ତାକେ କ୍ରିସ୍ଟ ଲାକେ ଆୱାତାଦେର୍ଣ୍ଣା, ହେ ପାତେକ୍‌ ମି କାଜିଂ ଆରେ ରଗ କୁଚ୍‍ଚିତ ବିପ୍ତି ଆନାତା ।

ଗାଲାତିୟ 4:19 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:44

ଯୀଶୁ ବେସି ଦୁଃକ୍‌ତାକେ ମାନ୍‌ଞ୍ଜି ପା ଆରେ ବେଗି-ବେଗି ପାର୍ତାନା କିଦେଙ୍ଗ୍ ଲାଗାତାନ୍। ତା ମୁମ୍‌ଦାଙ୍ଗ୍ ରୁମି, ନେତେର୍ ଟୁପା ଲେକେ ହସି ନେଲା ଆର୍‍ତାତ୍।

ରୋମିୟ 13:14

ମାତର୍ ମାପୃ ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ କଣ୍ଟ୍ରୁଲ୍ କିଦେନ୍, ଆରେ ମି କରାପ୍ କାମାୟ୍ କିନି ଚିନ୍ତାୱିଜୁ ପୁରା କିନି କାଜିଙ୍ଗ୍ ବାବିକିମାଟ୍।

ରୋମିୟ 8:29

ଇନେସ୍‌କି ଈଶ୍ୱର ତା ମାନାୟାରିଙ୍ଗ୍ ଆଗେନେ ପୁଚାନ୍‌ନା, ଆରେ ହେୱାନ୍ ତା ମେହି ଲେକେ ଆନି କାଜିଙ୍ଗ୍ ହେୱାରିଙ୍ଗ୍ ବାଚି କିତାନ୍‌ନା, ଲାଗିଙ୍ଗ୍ ତା ମେହି ୱିଜାର୍ ଟଣ୍ଡାହିର୍ ଆରେ ତଣ୍‌ଦିହିକ୍ ବିତ୍ରେତାଙ୍ଗ୍ ପାର୍ତୁମ୍ ଆନାନ୍।

୨ କରନ୍ତିୟ 12:14

ଇଦାଙ୍ଗ୍ ହୁଦାଙ୍ଗ୍ ତିନ୍‌ହଟ୍ ଆନାତ୍ ମିତାକେ ୱାନାଙ୍ଗା, ଆରେ ଆନେଙ୍ଗ୍ ମିଙ୍ଗେଙ୍ଗ୍ କଷ୍ଟ ହିଦ୍‌ଦେଙ୍ଗ୍ ଇଚା କିଉଙ୍ଗା। ଆନେଙ୍ଗ୍ ମିବେତାଙ୍ଗ୍ ଆରେ ସାଇଜ ପାୟା ଆଦେଙ୍ଗ୍ ଇଚା କିଉଙ୍ଗା, ମାତର୍ ମିଙ୍ଗେଙ୍ଗ୍ ଜାର୍ ଲକ୍ କିଦ୍‌ଦେଙ୍ଗ୍ ୱାନାଙ୍ଗା। ଇନେସ୍‌କି ହିମ୍‌ଣାଙ୍ଗ୍ ଆୟା ଆବାର୍‌ କାଜିଙ୍ଗ୍ କାଦି ରୁଣ୍ଡାୟ୍ କିଉର୍, ମାତର୍ ଆୟା ଆବାର୍‌ ହିମ୍‌ଣାଙ୍ଗ୍ କାଜିଙ୍ଗ୍ କାଦି ରୁଣ୍ଡାୟ୍ କିନାର୍।

ଏପିସିୟ 4:13

ଆସେଙ୍ଗ୍ ଈଶ୍ୱର ମେହି ବିଷୟରେ ପୁନ୍‌ଞ୍ଜି ପାର୍ତିତାକେ ରବେ ଆନି ପାତେକ୍, ଆରେ ଆସେଙ୍ଗ୍ ପୁରାପୁରି ଖ୍ରୀଷ୍ଟ ଲେକେ ଆଜି ପାର୍ତିତାକେ ଗାଜା ମାନାୟ୍ ଲେକେ ଟିକ୍‌ଆଜି ମାନି ପାତେକ୍।

ଏପିସିୟ 4:24

ଈଶ୍ୱର ମିଙ୍ଗେଙ୍ଗ୍ ତା ବ୍ଯବହାର୍ ଲେକେ ପୁନି ବ୍ଯବହାର୍ ହିତ୍‌ତାନ୍‌ନା। ଲାଗିଙ୍ଗ୍ ସତ୍‌ରେ ଦରମ୍ ଆରେ ପବିତ୍ର ଆଜି ପୁନି ବ୍ଯବହାର୍‌ତାଙ୍ଗ୍ ଜିବୁନ୍ କାଟିକିୟାଟ୍।

ପିଲିପିୟ 1:8

ଯୀଶୁ ଖ୍ରୀଷ୍ଟନି ଲାଡ୍‌ତାଙ୍ଗ୍ ମିଙ୍ଗେଙ୍ଗ୍ ମାହା ଆଦ୍‌ଦେଙ୍ଗ୍ ବେସି ଇଚା କିଦ୍‌ନାଙ୍ଗା ଇ ବିଷୟରେ ଈଶ୍ୱର ନେ ସାକି ଆନାନ୍।

ପିଲିପିୟ 2:17

ଆନେଙ୍ଗ୍ ଏଚେପାଦ୍ନା ମିଙ୍ଗେଙ୍ଗ୍ ହାର୍ଦିକାବୁର୍ ଶୁଣାୟ୍ କିଦ୍‌ନାଙ୍ଗ୍ ହେପାଦ୍ନା ଏପେଙ୍ଗ୍ ମାପୃ ଯୀଶୁଙ୍ଗ୍ ପାର୍ତି କିତାଦେର୍, ଆରେ ତା ପୁଜା କିଦେଙ୍ଗ୍ ଏପେଙ୍ଗ୍ ଜାର୍‌ତିଙ୍ଗ୍ ହିୟାଆତାଦେର୍। ଲାଗିଙ୍ଗ୍ ନାଙ୍ଗେଙ୍ଗ୍ ଯଦି ହାର୍ଦିକାବୁର୍ ଶୁଣାୟ୍ କିଦ୍‌ନାନା ଇଞ୍ଜି ମାର୍ନେ ଅସ୍ତାନାର୍, ଆନେଙ୍ଗ୍ ୱାରି ଆନାଙ୍ଗ୍ ଆରେ ମିହୁଦାଙ୍ଗ୍ ୱାରି କିନାଙ୍ଗ୍।

ପିଲିପିୟ 2:5

ଯୀଶୁ ଖ୍ରୀଷ୍ଟଙ୍ଗ୍ ଇନେସ୍ ମାନ୍ ମାଚାତ୍, ହେଲେକେ ମି ମାନ୍ ପା ଆୟେତ୍।

କଲସିୟ 1:27

ଖ୍ରୀଷ୍ଟତି ଗୌରବନି ଦନ୍ ବିନ୍‌ଜାତିନି ମାନାୟାରିଙ୍ଗ୍ ପା ମାନାତ୍ ଇଞ୍ଜି ଈଶ୍ୱର ତା ମାନାୟାରିଙ୍ଗ୍ ପୁନିକିଦେଙ୍ଗ୍ ଇଚା କିତାନ୍। ଖ୍ରୀଷ୍ଟ ମି ବିତ୍ରେ ବାହା କିନାନ୍ ହେଦାଙ୍ଗ୍ ଆନାତା ଡ଼ୁଗ୍‌ତି ବିଷୟ। ତା ଗୌରବ ପାୟାଆନି କାଜିଙ୍ଗ୍ ଇଦାଙ୍ଗ୍ ମାଙ୍ଗେଙ୍ଗ୍ ଆହା ହିଦ୍‌ନାତ୍।

କଲସିୟ 2:1

ଏ କଲସୀୟ ମଣ୍ଡ୍‌ଲି ଆରେ ଲାଅଦିକୀଆ ମଣ୍ଡ୍‌ଲିନି ପାର୍ତିକିନି ମାନାୟ୍ କାଦେର୍, ଆରେ ଇମ୍‌ଣି ମାନାୟାରିଙ୍ଗ୍ ଆନେଙ୍ଗ୍ ହୁଡ଼ୁଙ୍ଗେ, ମି କାଜିଙ୍ଗ୍ ଆନେଙ୍ଗ୍ ଏଚେକ୍ କଷ୍ଟ କିତାଙ୍ଗ୍‌ନା ହେଦାଙ୍ଗ୍ ଏପେଙ୍ଗ୍ ପୁନାଟ୍ ଇଞ୍ଜି ଇଚା କିନାଙ୍ଗା।

କଲସିୟ 3:10

ଆରେ ଏପେଙ୍ଗ୍ ପୁନି ଗୁଣ୍‌ତିଙ୍ଗ୍ ଆସ୍ତାଦେର୍‌ନା। ଉବ୍‌ଜାଣ୍ କିତି ଈଶ୍ୱର ବିଷୟରେ ଏପେଙ୍ଗ୍ ଇନେସ୍ ପୁରା ଜ୍ଞାନ୍ ପାୟାଆନାଦେର୍, ହେଦାଙ୍ଗ୍ କାଜିଙ୍ଗ୍ ହେୱାନ୍ ପୁନି ଗୁଣ୍‌ତିଙ୍ଗ୍ ତା ଲେକେନେ ଚଞ୍ଜ୍‌ଞ୍ଜେଙ୍ଗ୍‌ ରହ୍‌ନାନା।

କଲସିୟ 4:12

ଏପାଫ୍ରା ମିଙ୍ଗେଙ୍ଗ୍ ଜୱାର୍ କିଦ୍‌ନାନା, ହେୱାନ୍ ମି ସହର୍‌ନି ମାନାୟ୍। ହେୱାନ୍ ରକାନ୍ ଯୀଶୁ ଖ୍ରୀଷ୍ଟଙ୍ଗ୍ ହେବା କିନାକାନ୍। ଏପେଙ୍ଗ୍ ଇନେସ୍ ଈଶ୍ୱରତାକେ ଟିକ୍‌ଆଜି ମାଞ୍ଜେଙ୍ଗ୍ ଆଡ୍‌ନାଦେର୍, ଆରେ ଈଶ୍ୱର ଇଚା ଏପେଙ୍ଗ୍ ପୁରାପୁରି ପୁଞ୍ଜେଙ୍ଗ୍ ଆଡ୍‌ନାର୍, ହେଦାଙ୍ଗ୍ କାଜିଙ୍ଗ୍ ହେୱାନ୍ ମି କାଜିଙ୍ଗ୍ ୱିଜୁଦିନ୍ ମାନ୍‌ଦିୟାନ୍ କିଜି ପାର୍ତାନା କିନାନା।

୧ ଥେସଲନୀକିୟ 2:7

ମାତର୍ ର ଆୟା ତା ମେହିଙ୍ଗ୍ ଜାତୁନ୍ କିନାତ୍, ତା ଲେକେ ଆପେଙ୍ଗ୍ ମିଙ୍ଗେଙ୍ଗ୍ ଜାତୁନ୍ କିତ୍‌ତାପ୍‌ନା,

୧ ତିମତି 1:2

ଆନେଙ୍ଗ୍ ଇ ଚିଟି ତିମତି ଲାଗାୟ୍ ଲେକିକିନାଙ୍ଗା। ଏନେଙ୍ଗ୍ ଖ୍ରୀଷ୍ଟତାକେ ପାର୍ତିକିନି କାଜିଙ୍ଗ୍ ଏନେଙ୍ଗ୍ ନା କାଜିଙ୍ଗ୍ ରକାଇ ହିମ୍‌ଣା ଲେକେ। ଆବା ଈଶ୍ୱର ଆରେ ମା ମାପୃ ଯୀଶୁ ଖ୍ରୀଷ୍ଟ ନିଙ୍ଗେଙ୍ଗ୍ ଆଶ୍ରିବାଦ୍, ଦୟା ଆରେ ଶାନ୍ତି ହିଦେନ୍।

ତୀତସ 1:4

ମା ଆବା ଈଶ୍ୱର ଆରେ ଉଦାର୍ କିଦ୍‌ନି ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ ଦୟା ଆରେ ଶାନ୍ତି ହିଦେନ୍।

ଫିଲୀମୋନ 1:10

ଆନେଙ୍ଗ୍ ନିଙ୍ଗେଙ୍ଗ୍ ଅନିସିମ କାଜିଙ୍ଗ୍ ଗୁୱାରି କିଦ୍‌ନାଙ୍ଗା, ହେୱାନ୍ ରକାନ୍ ନା ହିମ୍‌ଣା ଲେକେ। ଆନେଙ୍ଗ୍ ଜଇଲ୍ ଇଞ୍ଜ ବନ୍ଦି ଆଜି ମାଚିହିଙ୍ଗ୍ ପା ହେୱାନ୍ ଖ୍ରୀଷ୍ଟଙ୍ଗ୍ ପାର୍ତିକିନି କାଜିଙ୍ଗ୍ ନା ହିମ୍‌ଣା ଆତାନ୍‌ନା।

ଫିଲୀମୋନ 1:19

ଆନେଙ୍ଗ୍ ପାଉଲ ନିଜେ ଲେକିକିଜି ଆନେଙ୍ଗ୍ ନିଙ୍ଗେଙ୍ଗ୍ ହିଦ୍‌ନାଙ୍ଗ୍, ଆନେଙ୍ଗ୍ ହେଦାଙ୍ଗ୍ ହୁଜାଆଦ୍‌ନାଙ୍ଗ୍। ଏନେଙ୍ଗ୍ ପୁଚାଇନା ଯେ ଆନେଙ୍ଗ୍ ଯଦି ନିଙ୍ଗେଙ୍ଗ୍ ଖ୍ରୀଷ୍ଟ ବିଷୟରେ ୱେଚ୍‌ଚାୱାଦାଙ୍ଗ୍ ମାନ୍‌ଞ୍ଚିସ୍ ଈଶ୍ୱର ନିଙ୍ଗେଙ୍ଗ୍ ରକ୍ଷା କିଦ୍‌ୱାତାନ୍‌ମା, ଇଦାଙ୍ଗ୍ କାଜିଙ୍ଗ୍ ଏନେଙ୍ଗ୍ ନାବେ ବେସି ବାକି ଆତାଇନା।

ଏବ୍ରି 5:7

ଯୀଶୁ ଖ୍ରୀଷ୍ଟ ପୁର୍ତିତାକେ ମାନିହିଙ୍ଗ୍, ଇମ୍‌ଣି ଈଶ୍ୱର ହେୱାନିଙ୍ଗ୍ ହାଃତିତାଙ୍ଗ୍ ଉଦାର୍ କିଦେଙ୍ଗ୍ ଆଡ୍‌ନାନ୍, ତା ଲାଗାୟ୍ ହେୱାନ୍ ଗାଜା କାଟ୍‌ତାଙ୍ଗ୍ ଆଡ଼ାକୁକା ଆଜି ପାର୍ତାନା ଆରେ ଗୁୱାରି କିତାନ୍। ଈଶ୍ୱରତିଙ୍ଗ୍ ହେୱାନ୍ ବେସି ସନ୍‌ମାନ୍ ଆରେ ଜାର୍‌ତିଙ୍ଗ୍ ହିରୁ ଆନି କାଜିଙ୍ଗ୍, ଈଶ୍ୱର ହେୱାନ୍ କିତି ପାର୍ତାନାତିଙ୍ଗ୍ ୱେଚାନ୍।

ଜାକ୍‌ବ 1:18

ତାସ୍‌ନି ପାର୍ତୁମ୍ ପାଡ଼୍‌ଲେକେ ହେୱାନ୍ ରସ୍ତି ୱିଜୁ ଜିନିଷ୍‌ତାଙ୍ଗ୍ ମାଙ୍ଗେଙ୍ଗ୍ ପାର୍ତୁମ୍ ମାନାୟ୍ କିଦ୍‌ନି କାଜିଙ୍ଗ୍, ଆସେଙ୍ଗ୍ ତା ସତ୍ ହାର୍ଦିକାବୁର୍‌ତିଙ୍ଗ୍ ପାର୍ତି କିତିସ୍, ହେୱାନ୍ ମାଙ୍ଗେଙ୍ଗ୍ ପୁନି ଜିବୁନ୍ ହିଦ୍‌ନି କାଜିଙ୍ଗ୍ ଇଚା କିତାନ୍‌ନା।

୧ ଯୋହନ 2:1

ଏ କାଡ଼୍‌ଦେର୍, ଏପେଙ୍ଗ୍ ଇନେସ୍‌କି ପାପ୍ କିଉଦେର୍, ଇଦାଙ୍ଗ୍ ଆନେଙ୍ଗ୍ ମି କାଜିଙ୍ଗ୍ ଲେକିକିନାଙ୍ଗା। ମାତର୍ ଏପେଙ୍ଗ୍ ଯଦି ପାପ୍ କିନାଦେର୍, ଆବା ଈଶ୍ୱର ଆଗେ ମାପଣ୍ଡାଙ୍ଗ୍ ଆଜି ୱେଚ୍‌ନାକାନ୍ ର ମାନାୟ୍ ମାନାନ୍, ହେୱାନ୍ ଦରମ୍ ଯୀଶୁ ଖ୍ରୀଷ୍ଟ।

୧ ଯୋହନ 2:12

ଏ କାଡ଼୍‌ଦେର୍, ଆନେଙ୍ଗ୍ ମି କାଜିଙ୍ଗ୍ ଲେକିକିନାଙ୍ଗା ଯେ, ଯୀଶୁ ଖ୍ରୀଷ୍ଟ କାଜିଙ୍ଗ୍ ମି ପାପ୍ କେମା ଆତାତ୍‌ନା।

୧ ଯୋହନ 5:21

ଏ କାଡ଼୍‌ଦେର୍, ମି ଗରବ୍ ବିତ୍ରେ ଈଶ୍ୱରତିଙ୍ଗ୍ ପିସ୍ତି, ଆରେ ମୁର୍ତି ପୁଜା କିନିତାଙ୍ଗ୍ ଦେହା ମାନାଟ୍।

୩ ଯୋହନ 1:4

ଏ ନା ମାଜିର୍ କାଦେର୍, ଏପେଙ୍ଗ୍ ଈଶ୍ୱର ହିକାୟ୍ କିତ୍‌ତି ସତ୍ କାମାୟ୍ କିନାଦେରା, ହେଦାଙ୍ଗ୍ ୱେନ୍‌ଞ୍ଜି ଆନେଙ୍ଗ୍ ବେସି ୱାରିୟା ଆତାଙ୍ଗ୍।